MAIATZAREN 2-KO PLENOAREN LABURPENA

EAJ-PNV-tik: Izaskun Sagarna, Felipe Agirrezabala, Egoitz Arana, Bitoriano Larrazabal eta Rut Martinez.

BILDUtik: Jose Luis Artetxe, Pedro Lejarza eta Zedarri Jauregi.

Zeanuriko udaletxeko batzar-aretoan, 2012ko maiatzaren 2an, goian aipatutako kideak batu ziran.

Eskolako obrak

Plenoa hasi aurretik eskolan egingo diran obrarako aurkeztu diran sobreak zabaltzea eskatutu zan,epea apirilaren 30ean amaitu zan eta Bilduk salatu eban horren barririk ez ebala aukin.

Obraren hasierako prezioa 79.304,86€ izan dira. Hiru aurkeztu dira:

 Hauzo Lan: 56.214,50€ + %18 BEZ (10.118,61€) = 66.333,11€

 Goioaga Eraikuntzak:54.736.12€ + %18 BEZ (9.852,30€)= 64.588,42€

 Beintxa: 53.315,03€ + %18 BEZ (9.596,70€)= 62.911,73€

Obra Beintxak egingo dau eskolako obrea.

Gai honegaz batera alkateak aipatu eban maiatzaren 9an amaituko zala Areatza-Zeanuri espaloi obrarako sobreak aurkeztuteko epea. Bilduk barriro hasierako kexa adierazi eban, ez dauala udaletxeko kontuen informazinorik jasoten.

Aurreko bilera-agiriaren onarpena.

Otsailaren 14ko akta onartu zan. Halan eta be,  gogoratu eban  Bilduk oraindik ez dauzala eskatutako txostenak jaso: ekonomiko finantzieroa eta epe laburreko amortazinoari buruzkoa.

Martxoaren 30eko akta ez zan onartu, zuzenketa batzuk eskatu zirelako.

Iniciativas Ambientalesek Zubizabalgo kanpinari buruz aurkeztutako proposamenaren azterketa.

 Iniciativas Ambientales-ek Udalagaz daukan alokairu kontratua bertan behera iztea eskatu eban, kontuan hartuta beste proiektu bat martxan dauala, Selva Aventure deitzen dana.

Alkateak esan eban proiektu barri horrek ondino ez daukala Turismo Sailaren oniritzia. Dekreto borradorak,  abuztu inguruan indarrean egongo danak, bi puntu aipatuten dauz proiektu honek betetzen ez dauzanak:

            

. bungalow-ak argi indarra eta ura eduki behar dauriela

           

 . kanpina hesituta egon behar dala.

Proiektu honen arduraduna Gorbeialden bitartez dabil hartu- emonetan Turismo Sailagaz, eta bere ustetan  borondate ona ikusten dala dino.

Proiektu barri horregaz zer pasatuko dan jakin arte,  EAJ-PNVk proposatu eban Iniciativas Ambientalesek Zeanuriko Udalagaz sinatuta daukan kontratuak indarrean jarraitutea eta errenta ordainduten jarraitutea.

Ahoz batez onartu zan.

 Juan Carlos Arbidek eskatuta Otseingo bidea dala eta ikerketa espedientea hasteko proposamenaren onarpena.

 Juan Carlos Arbidek  Otseingo bidea ez dala publikoa aipatu eban eta eta kalifikauta ondo agertutea eskatu eban.

Bilduk barriro be eskatu eban bide publikoen inbentarioa egitea, ikusita gero eta sarriago arazoak dauzala gai honen inguruan eta inbentario hori egiteko “suelo de sistemas generales”aztertu beharko zala. EAJ-PNVk uste dau hori ez dala beharrezkoa egitea, arazoak agertu ahala aztertuko dirala.

Otseingo bidea dala eta, ikerketa espedientea hastea onartu zan EAJ-PNVko aldeko botoakaz. Bilduk ezezko botoa emon eban, azalduz nahiz eta ados egon arazo horregaz, urtenbide orokorra emon behar dala eta ez banakako konponbideak.

 2012ko Ibilgailuen gaineko zerga kobratzeko erroldaren onarpena.

 Ekaina/uztailan hasiko da kobratzen. Igazkoari %3ko igoera aplikatuko jako.

 Wimax zerbitzuagaitik prezioaren onarpena.

Altzuan, Lanbreaben, Undurragan, … azkeneko asteetan arazoak izan ebezan zerbitzu honegaz. Arazoa konponduten danean zerbitzu hau kobretan hasiko da, hilean 10€ (hau bezerokaz adostuta). Urtean txanda bitan ordainduko da .

Udalbatzak Herri-Kontuen Euskal Epaitegian kontu ikuskaritza txostena eskatzeko eskaria egitea onartzea (BILDU).

 Aurkeztu zan agiria galdu egin zan. Eskaria barriro aurkeztutea onartu zan.

 Udalbatzak Undurragako presan dagoan bidea beti zabalik edukitzeko Ur Partzuergoari eskaria egitea onartzea (BILDU).

 Eduardo Elgezabalegaz, kudeaketa arduradunagaz, batzar bat eskatuko da, gai honetaz berba egiteko eta herriko ibilbide hau berreskuratuten ahaleginduteko.

Honegaz batera, ugerlekua berreskuratutea be proposatu zan eta onartu egin zan.

Dekretuen kontu emotea.

 Alkateak 2011ko likidazinoa negatiboa dala azaldu eban, -462.211€, Honen arrazoia kreditu kontua dala esanez. Ana Mari-k txosten bat egin dau baina Remanente de Tesorería zuzendu egin  behar dau.

Likidazino negatiboa zuzenduteko hiru aukera dagoz:

            . gastuak murriztutea.

            . kreditu bat eskatutea.

.hurrengo aurrekontuak superhabitagaz onartutea.

Izaskunek esna eban datorren abenduan amortizatuko dala eskatutako 177.000€ko azken  kreditoa.

Pedrok esan eban hiru kontzeptu hartu behar dirala kontuan:

            . 2011ko likidazinoa, hau da, -462.211€

            . Resultado presupuestario, -127.657€

            .Egonkortasun helburua, Estabilidad Presupuestaria.

 Erregu eta itaunak.

-        Lan boltsa

Peoi eta aisialdirako begiralea  aukeratuteko lan poltsa zabalduko da.

-        Aguazilen ordu extrak

Izaskunek azaldu eban 93 ordu dirala sartu beharrekoak eta hortik aurrerakoak ordu extrak dirala. Gobernu Batzordeak ebatzi  eban ordu horreetatik erdiak gozatu eta beste erdiak kobratu egingo ebazala.

Guztira 177 ordu extra aurkeztu dauz.

Ordu extra honeek gitxituteko aukera batzuk aipatuten dira:

Aguazile plenoetan ez egotea, jaietan ordu gitxiago sartzea, beste langile bat lanaldi erdian kontratatzea…

             

Gai hau aztertuko da.

-        Pleno egunak aldatutea

EAJ-PNVk  proposatuten eban pleno egunak barikuetara aldatutea, kontuan hartuta Rutek arazoak eukiten dauzala batzutan bertan egoteko.

Bilduk erantzun eban udaletxera sartu ziranean lehenengo plenoan esan jakiela pleno egunak martitzenetan izango zirala eta orain eguna aldatuz gero arazoak beste batzuk eukiko dauriezala.

Gaia mahai gainean garatu zan.

-        Pintadak

Izaskunek esan eban Durangotik atenzioa geitu ebela pintadak zirela eta. Ikusirik honeek kentzea kostu bat daukala,gau hau konponduteko eskatu eban.

Bilduk erantzun eban ez dauala pintadarik egin,ez leporatzeko Bilduri erantzukizun hori berea ez danean. Umeak/Gaztetxoak egin dauriezanak zer?

                    -       Santa Lutzi

Izaskunek hurrungo plenora Iskanderrek egindako txostena ekarriko dala esan eban: espedientea zabalduko da desjabetzerako.

-        “potzu baltzak”

Garbiketa Udaletxeak edo Consorcioak egiten dau. Consorcioak hobi septikoak garbituten dauz, horretarako balditzak honexek dira: ur konsumo minimo bat egotea eta saneamendurik ez dala egongo ( sin sistema de actuación) toki horretan. Kasu honeetan  saneamendu kontzeptua %20 bat bajatuko da.

Gerora begira potzu baltzak daukiezan etxeak hobi septikoa egin beharko dabe. Horretarako diru laguntzak dagoz udaletxean.

Momentuz Udaletxea arduratuko da potzu baltzak garbituteaz.

-        Lan hitzarmena

Honeri buruz ez dago barririk.

-        Jubilatuen tabernako sukalde barria

Udaletxeak 1.800€ gastatu dauz gitxi gorabehera. Mª Luisak, borondatez, 600€ ordaindu dauz.

Sukalde zaharra barria ekarri dauanak eroan eban.