EUSKAL PRESOEN ESKUBIDEEN ALDE

Une historikoa bizi dugu Euskal Herrian. ETA erakundeak borroka armatua behin betiko uzteko konpromisoarekin, ziklo politiko berri bati hasiera emateko oinarria sendotu da. Azken hamarkadetan bizi izan dugun konfrontazio armatua behin betiko ixteko aukera eta eztabaida demokratikoan oinarritutako eskenatokiaren ateak ari dira irekitzen.

            Gernikako Akordioan hitzartutakoari jarraiki, eta Aieten Nazioarteko Komunitateak zabaldutako mandatuaren norabidean, ETAren erabakiak, gatazka politikoa, bake bidera eramateko aukera baten aurrean jarri gaitu. Normalizazio politikora bidean eman beharreko urratsetan, besteak beste, euskal preso politikoen eskubideen errespetua bermatu beharko da. Gernikako akordioaren hitzetan, ezinbestekoa da, “ Euskal preso politikoen aurka aplikatzen den espetxe-politika etetea, konfrontaziorako estrategia gisa erabili da-eta. Era berean, honako neurri hauek hartzea, amnistiarako bidean lehen urrats moduan, gatazka politikoak eragindako preso eta iheslari bat bera ere egon ez dadin:  Preso guztiak Euskal Herrira ekartzea, dispertsioarekin amaituz, Gaixotasun larriak dituzten presoak aske uztea, Epaituak izateko zain dauden preso prebentiboei behin-behineko askatasuna ematea, Legeak ezarritakoak beteak dituzten zigortutako preso guztiei, baldintzapeko askatasuna ematea, Legeak jasotzen dituen espetxe-onurak aplikatzea, murrizketarik eta arbitrariotasunik gabe eta azkenik, Zigorra betetzeko muga berrogei urtetan ezartzen duen legedia indargabetzea”.

            Euskal gizarteak urte asko daramatza, preso politikoen eskubideen bermeak eskatzen. Urteak, presoen aurkako neurriek senideengan dituzten ondorio larriak salatzen. Urteak, estatu espainiar zein frantsesari, beren legea betetzeko eskatzen.

            Munduan eman diren prozesu politiko desberdinetan bezala, Euskal Herrian ere preso politikoen errealitateari konponbidea eman behar zaio. Era berean, konponbide politikoaren baitan, presoek ere parte izan behar dutelarik. Ziklo bat behin betikoz itxi eta etorkizunean aske egingo gaituen ziklo berria indarrez irekitzeko.

            Azken asteetako hitz eta ekintzei begira jarriz, Madril eta Parisetik ez da egoera berriaren tamainako urratsik eman. Presoen dispertsioak bere horretan jarraitzen du. Senitartekoek milaka kilometro egiten jarraitzen dute. Hamarnaka euskal presok, Parot Doktrinaren ondorioz, hil arteko zigorra betetzen jarraitzen dute. Gaixotasun larriekin dauden hainbat presok baldintza kaxkarretan jarraitzen dute. Egoera hau errotik aldatzea eta atzerapenik gabeko urratsak ematea ezinbestekoa deritzogu.

            Hori guztia kontuan hartuko, honako adierazpen hau aurkezten dugu, Zeanuriko Udaleko Osoko Bilkura honetara, eztabaidatua eta onartua izan dadin:

1.- Udal honek, bizi dugun aukera historiko honen aurrean, Euskal Preso Politikoen eskubideen errespetua eskatzen du. Hala nola, besteak beste, dispertsioaren amaiera eta preso guztien Euskal Herriratzea,  gaixotasun larriak dituzten presoen askatzea eta zigorra beteta dutenen askatzea.

2.- Udal honek datorren urtarrilaren 7an  Euskal Preso Politikoen eskubideen alde burutuko den Manifestaldiarekin bat egiten du.

3.- Norabide horretan eta mobilizazio horren harira,  abenduaren 16ean udal honetako hautetsiek baraua egin eta  eguerdiko 12tan kontzentrazioa burutuko dugu. 

4.- Gure udalerriko eragile guztiei deialdia luzatzen diegu urtarrilak 7ko mobilizazioarekin bat egin  eta beronen eskutan dagoena egin dezaten bere ekimen kultural, sozial edo kirolaren alorrekoen ordutegiak berau indartze aldera kokatu ditzaten.

5.- Herritarrei deialdi zabal eta anitza luzatu nahi diegu ezberdintasun politiko guztien gainetik giza eskubideen alde urratsa eman eta herri honek inoiz ezagutu duen mobilizaziorik handiena denon artean osatu dezagun.

Euskal Herrian, 2011ko azaroan

EUSKERAREN NAZIOARTEKO EGUNA

                  Udal Batzari aurkeztutako mozioa

Pertsonak, hizkuntzak eta kultura guztiak berdinak dira duintasunean. Guztiak behar dute berdintasunezko estatusa eta parekotasunezko egoera, mendetasunik gabe bizitzeko. Horretarako, hizkuntza bakoitzari dagozkion nagusitasuna eta iraunkortasuna bermatu behar zaizkio bere lurralde osoan.

Euskaraz bizi den Euskal Herria gauza ona da denontzat. Ez du arriskuan jartzen euskaldunaren erdara(k). Ezta gaztelania eta frantsesaren garapen osoa ere euren lurralde historikoetan. Espainiak eta Frantziak ordea, gaztelania eta frantsesa inposatzen dituzte Euskararen Herrian eta trabak jartzen, euskaraz bizitzeko. Traba politikoak, juridikoak, ideologikoak, kulturalak eta soziolinguistikoak.

Euskal Herrian ireki den aro politiko berri honetan, hizkuntz gatazka konpontzea, lehentasunezkoa da. Hitz egin behar da hizkuntz asimilazioaz. Euskal Herrian gertatzen den gaztelania eta frantsesaren hedatze sozial izugarriaz. Bereizi behar dira, zein den hizkuntza horien zati onuragarria, - euskal herritarrentzat, euskaldunentzat eta Euskal Herriarentzat-, eta zein zati asimilagarria. Euskal Herriak du hitza eta erabakia.

Herritarrok gara euskara erabiltzeko eta Euskal Herri euskalduna berrosatzeko eragile, babesle eta berme. Horrenbestez, ezinbestekoa da herri gogoa indartzea. Euskararen alde egotetik “euskaraz bizi nahi dut”era pentsamendu aldatzea eta erdaraz egitetik  “euskaraz egitera” portaera jiratzea eta eguneroko ohitura bihurtzea.

         Beharrezkoa da gaurdanik, gure udalerri honetan, euskarazko elebitasuna praktikan jartzea eta norabide horretan Udal honek ondorengo konpromisoak hartu eta deialdiak luzatu nahi ditu:

1.- Udal honek bere esku dagoen guztia egingo du bere zerbitzu publikoak eskaintzen dituztenen langileen euskalduntzea bultzatu eta bermatzeko.

2.- Udal honek bere esku dagoen guztia egingo du bere zerbitzu publikoak eskaintzen dituztenen langileen lehen hitza beti euskaraz izan dadin.

3.- Udal honek bere esku dagoen guztia egingo du bere barne funtzionamendua euskaraz izan dadin.

4.- Udal honek udalerri honetako euskal komunitateak dituen hizkuntza eskubide indibidual eta kolektiboak bermatze aldera, gure herrian eta atal zein arlo ezberdinetan, euskaraz bizitzeko eskubidea helburu duen plangintza integrala garatzeko konpromisoa hartzen du.

2011-12-03AN, EUSKARAREN NAZIOARTEKO EGUNEAN.

EMAKUMEEN INDARKERIAREN AURKAKO NAZIOARTEKO EGUNA

AZAROAREN 25eko MOZIOA

 

Beste urte batez, Emakumeenganako Indarkeriaren aurkako Nazioarteko Eguna dela-eta, Zeanuriko Udalak biolentzia matxistaren aurka lanean jarraitzeko konpromisoa hartzen du, gure Udalerrian ere irauten duen gaitza baita.

2011a hasi zenetik 7 emakume erail dituzte Euskal Herrian eta milaka dira komunikabideen bitartez jasotzen ditugun kasuen berri . Eraso sexisten inguruko gertakariak eta salaketak egunero entzun ohi ditugun elementuak dira. Herriko jaietan edota jai eremuetan emakumeon askatasuna baldintzatu eta eraso sexisten areagotzea ematen da. Lan eremuan ematen diren sexu jazarpenen datuak kezkatzekoak dira. Gazteriaren artean sexuen arteko botere harremanak eta balore patriarkalak iraunarazteaz gain, mutil askok nesken kontrako indarkeria ere baliatzen dute…

Beraz, Euskal Herriko indarkeri sexistaren diagnosia osatu ahal izateko datu zehatzik ez badugu ere; aipaturiko datuak oinarri hartuta, emakumeon kontrako indarkeria gure herriko arazo sozio-politiko nagusia dela ondorioztatu dezakegu.

Instituzioen aldetik, emakumeon aurkako indarkeriari aurre hartzeko martxan dauden lege, protokolo, ordena eta akordio inter-instituzionalak,  partzialak dira eta benetako konpromiso politikotan oinarritutako adierazpena plazaratzea beharrezkoa da.

Horren guztiaren jakitun, Udal honek

·   Indarkeria aurre egiteko politika integralari dagokionez, mota desberdinetako neurriak hartu beharko ditugu kontutan, besteak beste heziketan oinarritutako prebentzio neurriak, eraso baten ondorengo neurri asistentzialak edota erantzun soziala artikulatzeari begirakoak.

·  KONPROMISOA HARTZEN DU, bere eskumenen esparruan eta indarreko legeria aplikatuz, emakumeenganako indarkeriaren aurkako udal politika aktibo, osoa eta koordinatua garatzeko, hitzetik ekintzetara pasatuz.

GONBITEA EGITEN DIE herritar guztiei,  azaroaren 25ean, Emakumeenganako Indarkeriaren aurkako Nazioarteko Eguna dela-eta, Herrian edo eskualdean burutu daitezkeen  mobilizazioekin bat egiteko.

AZAROAREN 8KO PLENOAREN LABURPENA.

PNV-tik: Izaskun Sagarna, Felipe Agirrezabala, Egoitz Arana, Bitoriano Larrazabal, Rut Martinez.

BILDUtik: Anuska Emaldi, Jose Luis Artetxe, Pedro Lejarza eta Zedarri Jauregi.

Zeanuriko udaletxeko batzar-aretoan, 2011ko azaroaren 8an, goian aipatutako kideak bildu ziren.

Zeanuriko Udalaren Bardintasun Planaren konpromezuaren onarpena.

BILDUren iritziz Ondo dau Bardintasun Plana egitea, baia konpromezua benetakoa izan behar dau, ez papelean polito gelditan dan zeozer bakarrik. Udal honek aukera izan dauenean Bardintasuna aurrera eroateko ez dau halan egin: udan bi hilabeterako langile bat hartu behar izan zanean lan poltsako hurrenkera ez zan errespetatu, zerrendako  bost emakume ez zirelako kontuan eukin.

Diru laguntza 11.250€koa izan da.

Tesoreria mailegu baten kontratazioaren onarpena.

Zeanuriko Udalak likidezia arazoak dituela eta, 174.631,00€-ko Epe laburrerako kreditu bat eskatu gura du.EAJ-PNV-K aldeko botoa emoten deutso, Bildu, ostera,  abstenitu egin da. Abstentzinoa, kontu hartzaileak aurkeztutako eta plenoan emandako informazioan oinarrituten da.	El Ayuntamiento de Zeanuri ha decidido pedir un préstamo de tesorería para hacer frente a sus problemas de liquidez. EAJ-PNV ha votado a favor, en cambio, Bildu se ha abstenido. La abstención se basa en el informe de la Interventora.
Izan be, txosten horretan diruzaintzako beharrizan iragankorrei aurre egiteko diruzaintza mailegu bat eskatu gura dala adierazten da, baina ez da zehaztuten zeintzuk diren beharrizan horreek, ezta hori amortizatzeko  erabiliko diren errekurtsoak. Bestalde txostenean, adierazten dan zorpetze tasa edo zama finantzieroa txarto aterata dagoela konturatu gara. Beraz, Kontu-hartzaileak aurkeztutako txostenak gauzak argitu beharrean zalantza gehiago sortzen ditu. Horregaitik, ekaineko likidazioagaz egungo egoera zein dan jakiterik ez daukagu.	Ese informe no especifica cuál es el objetivo del préstamo, ni tampoco qué recursos se van a utilizar para su amortización. El único argumento dado es que sería para hacer frente a problemas transitorios de tesorería. Por otra parte, la carga financiera o la tasa de endeudamiento que se especifica en el informe no es la correcta. Por ello, el informe emitido por la interventora no sólo no aclara nuestras dudas,  sino que hace que éstas aumenten. Asimismo,  la liquidación de junio no ayuda a saber cuál es la situación real actual.
Gainera plenoan egiten doguzan galderakaz, ez deuskue ezer argitzen, emon dabezan zifrakaz kontuak ez dabe bat egiten eta momentuz eskatutakoaren % 80 baino ez dala berreskuratuko esaten deuskue. Bestalde, Udaletxeak kreditu kontu bi ditu, eta biak agortuta dagoz, momentu honetako egoera     (-218838.20€) izanik.	Tampoco hemos recibido argumentos satisfactorios a las preguntas que hemos realizado en el pleno. Con las cifras dadas  no cuadran las cuentas, y comentan que de momento sólo se va a recuperar el 80% de la deuda. Por otra parte, el Ayuntamiento dispone de dos líneas de crédito que ya están agotadas, y la situación de este momento sería 218.838,20€ en negativo.

2011ko baso aprobetxamenduaren esleipena.

Lehenengo lotea Maderas Etxebarria 36.100€.

Bigarren lotea Maderas Etxebarria 12,90€/est.

Hirugarren lotea Central Forestal 6,32€/est.

Laugarren lotea Central Forestal 3,32€/est.

Bosgarren lotea Maderas Kepa Atutxa 20,06€/e.m.-0,6€/e.a.

Santa Lutzi ermitako bidearen egoeraren azterketa.

 Santa Lutzi egunean bertara mezara joan zirenak arazoakaz topa zirenetik laster urtea datorrela esan eban Izaskunek. Obispadutik salaketa heldu jakon Udaletxeari.

Erzilla jaunak diño bidea berea dala eta hau ikusita “espediente de investigación” zabaldu zen, baina ez da argitu bide publikoa dan ala ez, Udalak mantenimendu lanak egin dauzan arren.

Udaletxeak argi dauko “servidumbre de paso” dala, baina bera ez dago legitimatuta “servidumbrea” eskatuteko, ermitearen jabea ez dalako.

Herritar baten iritziz Udaletxeak ez dau ahalegin nahikorik egin erabilera publikoa daukon terreno bat publikoa izateko.

Emon beharreko pausoak:

-          Obispedura jo eta honeri esan  bide horren “servidumbrea” eskatuteko.

-          Erzilla jaunagaz batzartu eta ahalegindu adostasun batera helduten.

-          “Servidumbre” ez bada lortuten  azken pausue expropiazioa izango zan.

Pausu honeek ontzat emon ziren.

Egoera honen aurrean udaletxeak ahalegin nahikoa egin dau? Zalantzan geldituten da.

Bide publikoen inbentarioa egitea legeak esaten dau.

 Lurraren ondare publikoak. Obligazioak. “Legeak lurraren ondare publikoak osatu, mantendu eta kudeatzera behartzen ditu udal guztiak.”

Harrera zerbitzua leku egokiago batera eroateko proposamenaren onarpena.

Gaur egun dekogun harrera zerbitzuak ez dauz betetan sarbide arauak, ezta langileen egoera on bat be ez. Lehentasunak adierazi egin behar direla uste dogu eta gai hau horreetako bat da.

2006an proiektu bat eginda dago, udaletxeko lokal bat horretarako erabiltzeko. Presupuestoa 146.917,12€.

Aho batez onartu zan.

San Isidro kalea egoitza kalea bihurtzeko dagokion seinalea ipintzearen proposamena.

Oinezkoari lehentasuna emon behar jakola pentsetan dogu. Horretarako egoitza-kalea seinalea jarriz hurrengoa lortuko dogu.

-          20km/h abiadura gehienez kotxeentzat.

-          Oinezkoak bidean lehentasuna eukitea.

-          Seinalizatutako lekuetan bakarrik aparkatzea.

Aho batez onartu zan.

Langileen lan hitzarmen barria negoziatzeko Negoziazio Mahaiaren eraketa.

Langileen arrazoiak negoziazio mahaia zabalduteko.

2011ko urtarriletik hasita hitzarmen barik gagoz, honek babes bako egoera batera eroan gaitu beharginei.

Zeanuriko Udaleko langileon lan baldintzak negoziatzeko mahaia zabaldu daizuela eskatsen deutsuegu.

EAJ-PNVren erantzuna: Udalak EUDELek esaten dauena egingo dau. EUDELegaz berba egin dabe eta uste dabe abendurako zeozer egiten hasiko direla.

Areatza eta Zeanuri arteko espaloiko obrak egiteko Foru Aldundiagaz Lankidetza-Hitzarmenaren onarpena.

EAJ-PNVren aldeko botoa eta BILDUren abstenziñoa egon ziran. BILDUk  arrazoitu eban proiektuaren alde dagoela baina ikusita udala zelako egoera ekonomikoan dagoen, ez dau bidezkoa ikusten gastu gehiago bere gain hartutea.

Alkatetza Dekretuen kontu emotea.

Botikako guardiak.

Zeanuri izan zan bakarra alegazinoa ipini ebana. Orain beste herri batzukaz batera “Recurso de alzada” aurkeztuko dau.

Lan poltsa barria eratuko da eta horretarako araudia hasiko gara egiten.

Lan poltsa dala eta, Ana Marik esanekoa izan zan lan poltsaren oinarriak ipintea alkatearen eskubidea dala.

Erregu eta galderak.

Gas Garin

Jakinda azken asteetan butano zerbitzua dala eta, herritar asko arduratuta dagoala, bildu zeanurik arazo hau bideratuteko ahalegina egin dau pausu honeek emonez:

Repsolegaz kontaktoan ipinita jakin dogu “comercial UME” aurrerantzean ez dala zerbitzu horren ardureduna, enpresa barria “Gas Garin” dala.

Honeekaz kontaktoan ipini gara eta emon deuskuen erantzune izan  da zerbitzua eukiteko modurik ziurrena  telefono honeetara geitu 943882576/943882900 eta bonbonak eskatutea dala.

Honen aurrean bildu zeanurik informazino hau udal moduan herriari zabaldutea eskatuten dau.

Nukleo ruralak 25 ala 30 etxebizitza?

Azkenengo plenoan, arau ordezkoen puntuan eztabaida sortu zan nukleo ruraletan 25 ala 30 etxe onartuten diren jakiteko. Hau da, dokumentuan 30a 25egaitik aldatu behar dan ala ez.

Bilduk planteatu eban ez dagoela zertan aldatu goian esandakoa baina aplikatu beharrekoa 25 dala. EAJ-PNV-koak  ezetz esan eben. Gai hau argi iztea gustauko jakun.

LEY VASCA DE SUELO Y URBANISMO 2/2006
  
Artículo 29. Régimen específico de los núcleos rurales.


5. El planeamiento no podrá generar en suelo no urbanizable de núcleo rural un incremento respecto a la superficie construida ni el número de viviendas podrá ser superior al 50% de lo ya existente. Así mismo, el número total de caseríos existentes y previstos no podrá superar las veinticinco unidades. A los solos efectos de lo dispuesto en este apartado, no tendrá la consideración de incremento de viviendas la división horizontal del caserío preexistente para dar lugar a dos o más viviendas, con sujeción a los requisitos y limitaciones establecidos por la ordenación urbanística.

DECRETO DE MEDIDAS URGENTES 105 2008
 

Artículo 5.– Clasificación de suelo de núcleo rural por aplicación de normativa anterior.

1.– Los suelos no urbanizables de núcleo rural y que hubieran completado su desarrollo conforme a las previsiones de la Ley 5/1998, podrán seguir siendo considerados al amparo de esta misma clasificación siempre que los mismos no sean objeto de nuevos desarrollos, en cuyo caso deberán ser objeto de reclasificación como suelo urbano o urbanizable según corresponda con la Ley 2/2006, de Suelo y Urbanismo, de acuerdo con el modelo de ordenación definido en el planeamiento territorial.

2.– Los suelos no urbanizables de núcleo rural que no hubieran completado su desarrollo conforme a las previsiones de la Ley 5/1998, sólo podrán completar su desarrollo al amparo de esta misma clasificación de suelo con sujeción a lo dispuesto en el artículo 29 de la Ley 2/2006, de Suelo y Urbanismo.

BILDUko zinegotziak Iskanderregaz batzartu ziren eta  arrazoia emon eutsien, baina BILDUkoan  sorpresea arau ordezkoetatik esaldi osoa kendu egin ebela izan zan.

EAJ-PNV-k erantzun eban esanez ez zekiela ezer gai horren inguruan baina informatuko zirela,  ez zirelako konturatu parrafo hori agertuten ez zanik.

BILDUKO HAUTETSIEN/UDAL GOBERNUEN ADIERAZPEN INSTITUZIONALA

Euskal Herria garai historiko berri baten atarian sartu berri da. Azken bi urteetan Euskal Herrian eman diren aldaketa politiko eta sozialerako prozesuaren ondorioz ireki den egoera berriak, pasa den asteko Nazioarteko Konferentzian islatu zen atzerriko adituen inplikazioak eta ETAk ostegunean zabaldu zuen erabakiak ilusioa eta itxaropena ekarri dio Euskal Herri osoari. Hamarkada luzeetako borroka armatuaren aroa amaitu da. Herri gisa garai historiko berria abiatzera goaz.

         Aipaturiko Nazioarteko konferentziak ebatzitako bost puntuen bitartez, Euskal Herrian gatazkaren behin betikoa eta integrala izango den konponbide baterako ibilbide orria zehaztua dugu. ETAk hartutako erabakiak konfrontazio armatua behin betikoz amaitzea dakar eta konfrontazio horrek sortu dituen ondorioei buruzko elkarrizketari ekiteko garaia iritsi da.

         Urte luzeetako gatazkak sufrimendu handia eragin du. Oraindik ere gatazkaren ondorio ugari bere horretan diraute. Lehen bai lehen horiei heltzea eta gure herrian normalizazioa, errekonziliazioa eta giza eskubide guztien errespetuan oinarritutako bakea eskuratzea atzera ezinezko lana da.

Nazioarteko Konferentziak esandakoari jarraituz, gatazkak sortutako ondorioen gainditzea beharrezkoa izango da. Gizarte osoak berea sentituko duen behin betiko bakea lortzeko beharrezkoak diren oinarriak jartzeko Euskal Herriko eragile askoren babesa duen Gernikako Akordioak exijitzen dituen neurri guztiak betetzea beharrezkoa da.

ETAren erabakiak Euskal Herriko eta munduko eragile asko eta askoren balorazio baikorra eragin du. Euskal Herrian eta nazioarteko komunitatean sortu den egoera baliatu eta gatazkaren ondorioei helduko dien elkarrizketari ekiteko deia luzatu nahi diegu Estatu frantziarreko zein espainiako gobernuei. Arduraz jokatu dezatela, dagokien neurrian aritu daitezela, inoiz egon ez den aukera historikoa denbora galdu gabe baliatu dezatela.

         Edonola ere, ETAren erabakiak ez du gure herrian dagoen gatazka politikoa desagerraraziko. Euskal Herria, herri bezala aitortua izatea eta bere etorkizuna libreki erabaki ahal izatea soilik bermatu dezake behin betiko konponbide politikoaren gainditzea.

         Gure Herrian nazio identitate edota ikusmolde ezberdinetako herritarrak bizi dira. Horiek ordezkatzen dituzten alderdi ezberdinak ere badira gurean. Denok gara Euskal herritarrak, denoi dagokigu irekitako prozesuan parte hartzea, denok dugu eskubidea eta bete beharra gure seme alabei bestelako etorkizuna eskaintzeko, proiektu politiko guztiei ateak irekitzeko. Beraz, iritsi da ordua ere elkarrizketa politikoari ekiteko, eragile eta alderdi politikoei dagokien negoziazio politikoa abiatzeko.

         Abiatu beharreko elkarrizketak bazterketa, beto eta mugarik gabekoa behar du izan. Indar politiko guztiak berdintasunezko baldintzetan aritzeko aukera eta eskubidea bermatuko behar da. Guztion arteko konponbidea behar dugulako, guztion parte hartzea ahalbideratu beharra dago.

Eta elkarrizketa politikoa baldintzarik gabekoa beharko luke. Edo hobe esanda, baldintza bakarra izango duena: Euskal eragileek gatazka politikoaren oinarrian dauden arazo politikoei bilatu beharko dioten aterabide politikoa denok defendatu eta errespetatu araziko dugula.

Edonola ere, azken hitza herritarren esku utzi beharra dugu, horixe baita eta ez besterik demokrazian oinarritutako bakea eraikitzea. Erdietsi behar dugun akordioaren  inguruan, herritarrei galdetzea, askatasunari, demokraziari eta gatazkaren behin betiko konponbide politikoari egin diezaiekegun ekarpenik handiena da. Udalak herritarrengatik hurbilen dauden instituzioak izaki oso ondo dakigu zein garrantzitsua den herritarrekin aritzea, euren babesa eta sostengua eskuratzea.

         Azken bi urteetan garatzen hasi den prozesu politikoak aro historikoa ireki duen bezalaxe, ardura historikoa dugu eragileok aukera hau arduraz baliatu eta bururaino eramateko. Alderdi politikoek bezalaxe, instituzioek, kasu honetan udalek, gure esku dagoen guztian egin beharko dugu irekitako aukera historikoa behar bezala baliatzeko. Udal honetan eta aipatu norabidean lan egiteko konpromisoa hartu nahi dugu beraz.

         Amaitzeko deialdi zabal bat luzatu nahi diegu herritarrei, irekitako prozesua bultzatu, babestu eta sostengatu dezaten. Bakea, demokrazia eta askatasunera eramango gaituen itsasontziak herritarren parte hartze eta bultzada beharrezkoa ditu portu onera iristeko. Bultzatu dezagun beraz denok aterabide demokratikoaren norabidean!

Euskal Herrian 2011 urrian.

KIROLA

Atzo, urriak 14, egin zan kirolarenn inguruko batzarra kultur-etxean eta 15 pertsona inguru hurbildu ziran bertara.

Herrian eskeintzen diran kiroletan parte hartzeako eta herrian ekintza desbardinak egiteko helburuagaz egin zan batzarra.

Besteak beste, proposamen indartsuena gabonetan egitea  pentsatu dan auzo arteko desafioa da. Gai hau, datorren eguaztenean, hilak 19, deituta dagoen gabonetako aste kulturaleko batzarrera eroateko asmoa dago.

Asmoa herri guztiak parte hartzea da, eta egun osoko ekitaldi bat egitea gabonetako aste kultauralaren barruan, posible bada.

Horretarako puntu batzuk finkatu ziran batzarrean:

Egin beharrekoak:

Trontzea
Aizkorea
Txokorrak batu
Txingek
Sakue
Yunkea

Finkatuta dagozan auzoak eta arduradunak:

Asterria: Jon Intxaurbe
Uribe: Irati Astondoa
Otzerimendi: Arkaitz Arana
Undurraga: Julen Goioaga
Plazea:

Aurrerago joango gara informazino gehiago zehaztuten. Halan da be, proposamenik badago edota auzoren batek parte hartu gure badau idatzi gure e-mailera: bildu.zeanuri@hotmail.com

IRAILAREN 27KO PLENOAREN LABURPENA

PNV-tik: Izaskun Sagarna, Felipe Agirrezabala, Egoitz Arana, Bitoriano Larazabal, Rut Martinez.
 BILDU-tik: Anuska Emaldi, Jose Luis Artetxe, Pedro Lejarza eta Zedarri Jauregi.

1.      Arau ordezkoen aldaketa puntualaren hasierako onarpena.

BILDU-k ez dekoz argi arau hauen inguruko kontu batzuk:
-Nok emoten deutso agindua Iskander Atutxari memori hau egiteko?
-Norentzat egiten dau behar Iskanderrek, Pagolarrantzat ala udaletxeantzat?
-Ze plenotan erabaki da aldaketa hauek egitea?
-Zegaitik egin dira aldaketa batzuk eta ez besteak?

Memorian agertuten dan arrazoia hauxe da:

La modificación de NN.SS, pretende modificar ciertos artículos de las NN.SS, que por su confusa interpretación y su incongruencia en algunos casos con la parte grafica de las NN.SS, han venido generando ciertos problemas al Ayuntamiento.

Baina, uztailaren 19ko plenoko aktan hauxe ipinten dau esan ebala alkateak:

“Halan eta guztiz be, arauak kontenplatzen  dauen perfila ez da egokia etxe polit batzuk egiteko Torrean, eta helburu horregaz hartu da arauak aldatuteko erabakia.

-Memoriak, gainera,  hainbat akats ditu. BILDU-ri  ez jako onargarria irudituten lau bider aldatu behar izatea ipinitakoa, memoriak kostu bat dekola jakinda.

-“Programa de participación ciudadana” dalakoa be ez da inondik inora kontenpletan hasierako memorien eta BILDU-k eskatu egin eban memorian egon beharreko puntua dalako. Abokatuagaz berba eginda, BILDU-ri emon eutsan arrazoia eta hiru aukera emoten dauz “programa de participación ciudadana” apliketako.   
Abokatuaren eritziz,, nahikoa da anexo moduan sartutea eta egiten diren aldaketak ez direnez oso inportanteak, dokumentoari hasierako onarpen bat emon eta gero, dokumento hori herriatarrari erakustea.
 
Bide hori jarraituta egin zan plenoan hasierako onarpena eta, orain, hile bateko epea dago edozeineri informazino osoa emoteko eta alegazinoak aurkezteko.

Hasieratik, PNV-ren asmoa arau ordezkoen aldaketa puntualak plenoan onartutea zan, eta ostean, herriari horretaz galdetutea hilabeteko epean. Baina BILDU-k hori ez dau logikoa ikusten, izan be, informazino hori lehenengo herrian zabaldu behar da, herritarrak bere proposamenak emoteko aukera eukiteko eta ze arau ordezko aldatuko dan azalduz. Gero, herritarraren proposamenak batu eta gero, plenoan eztabaidatu beharko da eta horren arabera, onartutzat emon ala ez.

Aldaketen inguruan be BILDU-k ez dauz gauza batzuk ondo ikusten edo ulertuten.

-          Suelo no urbanizable, computo del aprovechamiento, se incluirá toda la superficie ocupada, incluso la enterrada. Beraz, sotanoak onartu egiten dira “suelo no urbanizablen” neurri hauekaz: 

 Ocupación mínima 150m2 max edificabilidad 300m2.

         Hau, PNV-k aldatu dauenaren arabera da. Hau kontuann hartuta, etxea solairu bakarrekoa bakarrik egin ahal dala dino arau honek. BILDU-k ez dau ondo ikusten.

  

-          Muroan neurriek be ez doguz egokiak ikusten.

        

-          Muroan distantziak zehaztu barik dagoz.

        

-          Arau ordezkoetan ipinita dagoena:

         

       Articulo 3.3.3.-Los núcleos Rurales, Definición y regulación.

Así mismo, el número total de las viviendas existentes y previstas no podrá sobrepasar las treinta unidades.

Hau da Zeanuriko legeetan esaten dana eta aldaketetan ez dago derigortasunik 30 etxetik 25etxera murriztuteko.
PNV-k etxean murrizketa egin ez badau be, BILDU-k ezarri beharreko kopurua 25 etxekoa dala esaten dau, hobeto dalako aldaketetan kopurua hasieratik aldatutea, gero txarto ulerturik ez egoteko.

Legeak diñona hauxe da:
 LEY VASCA DE SUELO Y URBANISMO 2/2006

ARTÍCULO 29: Régimen específico de los núcleos rurales.
5. El planteamiento no podrá generar en suelo no urbanizable de núcleo rural un incremento respecto a la superficie construida ni el número de viviendas podrá ser superior al 50 % de lo ya existente. Así mismo, el número total de caseríos existentes y previstos no podrá superar las veinticinco unidades. A los solos efectos de lo dispuesto en este apartado, no tendrá la consideración de incremento de viviendas la división horizontal del caserío preexistente para dar lugar a dos o más viviendas, con sujeción a los requisitos y limitaciones establecidos por la ordenación urbanística.

DECRETO DE MEDIDAS URGENTES 105 2008
Artículo 5.-

Clasificación de suelo de núcleo rural por aplicación de normativa anterior.
1.- Los suelos no urbanizables de núcleo rural y que hubieran completado su desarrollo conforme a las previsiones de la Ley 5/1998, podrán seguir siendo considerados al amparo de esta misma clasificación siempre que los mismos no sean objeto de nuevos desarrollos, en cuyo caso deberán ser objeto de reclasificación como suelo urbano o urbanizable según corresponda con la Ley 2/2006, de Suelo y Urbanismo, de acuerdo con el modelo de ordenación definido en el planteamiento territorial.
2.- Los suelos no urbanizables de núcleo rural que no hubieran completado su desarrollo conforme a las previsiones de la Ley 5/1998, sólo podrán completar su desarrollo al amparo de esta misma clasificación de suelo con sujeción a lo dispuesto en el artículo 29 de la ley 2/2006, de Suelo y Urbabismo.

PNV-k dinona da aldaketa hauetan nukelo ruralak ikututen ez badira, ez dagoela zertan aldatu, eta hori holan da, ez dagoelako derigortasunik aldatuteko, baina lege hau herriko legean ganetik dago eta araudian 30 etxebizitza itxi arren, aplikatu beharrekoa 2006ko legeak dinona da. Azken hau da BILDU plenoan arrazoituten ahalegindu zana. 

- Garaje anexo a vivienda no se permite: BILDU-ren proposamena 30x45 metro karratuko garajea egitea da eta laugarren hormea zabalik 50 metro karratu.

-Txoritokiek onartuta dagoz beste gauze askoren artean baina ez da zehaztuten neurririk.

Arau Ordezkoen aldaketa puntualak, torreko etxeak araudi barruan sartuteko aitzakia baino ez dala uste dau BILDU-k.
Bestalde, memoria erderaz bakarrik idatzita egoteagaitik kexatu zan.

2.      2011ko baso aprobetxamenduen pleguen onarpena:

Danak onartu eben.

3.      Amiantoari buruzko mozinoa:

Danak onartu eben.

4.      Erregu eta galderak:

BILDU-k hainbat puntu proposatu zituen plenora eroateko, baina alkatearen ezetza jaso eban, inongo arrazoirik emon barik. Gai hauek eztabaidatuteko batzordeak sortu daitekezala proposatu eban alkateak. 

 Gogoratu BILDU- k lehenengo plenoan batzordeak sortutea proposatu ebala gai ezberdinekaz, danon artean behar  egiteko, eta PNV-k ezetz esan eutsola.

Hauek izan ziren proposatutako puntuak:

-          Harrera zerbitzua beheko solairura eroatea.

-          Sna Isidro kalean ezinduentzat dagoen aparkalekua leku egokiago batera aldatutea, adibidez, bidearen beste aldera, orain dagoen lekuan postea dagoelako.

-          San Isidro kalea egoitza-kalea bihurtutea jagokon seinalea ipiniz.

Udaletxetik informazino falta.

BILDU ez da gauza askogaz enteretan. Kartelan bidez edo kanpotik entzunda bakarrik daki gauza askon barri.
Adibidez, gimnasiako irakaslearen lan baldintzak: ze ordutegi aukingo dauen, ze soldata, ze kontratu egingo jakon…gaztetxoen lokalaren erabilera ze egoeratan dagoen…

-Gimnasiako irakaslearen ganean, Rutek azaldu eban ahoz egin zala balorazinoa zelan egingo zan, eta idatziz ez zan ezer egin. Azkenean bi bakarrik aurkeztu direnez ez da arazorik egon baina BILDU-k uste dau gauza horrekaz kontu gehiago aukin behar dala, hau da, irakaslean lan baldintzak, soldata,...hasieratik zein izango dan zehaztuta, eta BILDU hasieratik jakitun egotea kontu guztiekaz.

-Gaztetxoen txokoa, ze egoeratan?

BILDU-K gaztetxoan inguruko ohar asko jaso dauz herrian egindako apurketakaitik. Horregaitik, gaztetxoakaz zeozer egin behar dalakoan dago, euren portaera aldatuteko eta herrian zeozer egiteko aukera eukiteko be.
Gotzone Arrizabalaga, Mankomunidadeko arduradunagaz egin eban berba BILDU-k eta prest egongo zan Zeanurira etorri eta gaztetxoakaz berba egiteko, berandu izan baino lehenago urtenbide bat emoteko arazoari.
Rut-ek, PNV-ko zinegotziak, ondo ikusi eban BILDU-ren proposamena eta eskerrak emon eutsezan BILDU-ri Gotzoneren izena emotearren.
.
ELAren izenean eta langileen ordazkari moduan(Arkaitz Arana), lan-baldintzak arautu behar dituen Lan Hitzarmen barria eztabaidatuteko negoziazio mahaia eratuteko eskaria. BILDU-k proposatutakoa.

BILDU-k gai hau plenora eroateko asmoa dauka baina alkateak gaineratu eban Eudelek esaten dauena egingo dala eta Eudelek eskari honeri ezezkoa emon deutso.
Hau ikusita, BILDU-k gai hau plenora eroateko ahalegina egingo dau eta BILDU-ko zinegotzi guztien aldeko botoa aukingo dau.

Eskolan ipini diren moduloen garbiketa.

Rutek erantzun eban irailean ez direla garbitu, oraindik erabilererarik emon ez jakielakoan. Urrian garbituten hasteko esango deutsie Bego garbitzaileari.

"ZEANURI BIZI" ALKARTEA

ORDEZKO ARAUEI BURUZKO PROPOSAMENAK

Udalean eztabaidatzen diren Ordezko Arauen aldaketa puntualak direla eta, hauek dira Zeanuri Bizi Elkarteak aurreratzen dituen proposamen batzuk, beti be elkartearen irizpideen ikuspegitik:

Lurzoru urbanoko aldaketak:

1.      Torreko Etxebizitza Tasatuak: Herriaren ezaugarriak kontuan hartuta egokiago ikusten da arauetan ezarrita dagoen etxe kopurua, 14 etxebizitza, aldaketarako testuan proposatzen diren 32 etxebizitza baino. Zerbait aldatzekotan aztertu beharko litzateke Zeanuriko plaza inguruan lurzoru egokiagorik dagoen etxebizitza horiek eraikitzeko. Torretik Undurragarantza dagoen zelaigunea egokiago ikusten du Elkarteak ekipamendu publikoetarako, kirola praktikatzeko gune moduan, igerileku edo abar egiteko, beti be Torrea eraikina bera zainduta erreferentzia historiko eta monumental moduan.

Lurzoru ez urbanizagarria:

Hainbat aldaketa proposatzen dira Udalaren testuan lurzoru ez urbanizagarrian eta ia denak dira murriztaileak. Elkartearen ustez joera murriztaile hau ez dago indarrean den Zoruaren Legean oinarrituta. Txostenean ez da agertzen nork edota zergatik edo zertan oinarritzen den joera murriztaile hori.

Elkartearen iritziz zoru ez urbanizagarriak balio handia du Zeanurin, bertan delako Gorbeiako Parke Naturala eta Gorbeia mendia, berak osatzen duelako Zeanurik duen balio paisajistiko zoragarria, eta bertan  direlako Zeanuriri nortasun berezia ematen dioten eta ondarea diren auzoak, kofradiak, eta baserriak.

Arau urbanistikoek gaur egun zutunik dauden eraikinetan eta eraiki daitezkeen eraikin berriak erregulatzen dituzten neurrian eragin izugarria dute, epe luzera zein laburrera, auzo eta baserri horien nortasuna eta itxura eta, ondorioz edo emaitza moduan, gaurtik urte batzuetara gure begien aurrean izango dugun paisaian.

Labur esanda, Zeanuriko herriak duen ondarean eragiten dute Ordezko Arauak.

Guzti hau kontuan hartuta, eta hala nahi duten Zeanuriko herritarrak bertan lan eta bizi ahal izatea bideratu nahian, egiten ditu Zeanuri Bizi Elkarteak ondoko proposamenak:

1.      Baserri guneetan gaur egun eraikigarriak diren lurretan orain arte zutik dirauten tamaina eta estiloko etxeak eraiki ahal izatea. Gaur egungo bizi estiloa kontuan hartuta eraikin hauek handiegiak izan daitezkeenez etxebizitza moduan erabilgarriak izateko, eraikin bakoitza gutxienez 100m2ko tamaina duten etxebizitzatan banatzea baimenduko da.

2.    Zutunik dagozan baserriak hainbat etxebizitzatan banatu ahal izango dira bakoitzari gutxienez 100m2ko zabalera bermatuz.

3.      Dagozan eraikinetan, nahiz berrietan, ez dute konputatuko sotoak. Zoru aldapatsuetan soto moduan hartuko dira hiru horma, edo alde, lurpean izanez gero laugarrena agerian geratzen bada ere. Zelaietan 1,20metroko altuera agerian izan dezakete sotoak inguru guztian.

4.      Etxe edo eraikin nagusiaren ondoan, etxeari erantsita edo tartea utziz, osagarri izan daitezkeen erabileretarako, adibidez autoak gordetzeko, eraiki daitezkeen etxolak ez dute eraikin moduan konputatuko 150,00m2 baino txikiagoak diren bitartean.

5.      Monumentu izendatuta dauden eraikin eta baserriak etxebizitza moduan berriztatzea ez da baimenduko. Eraikin edo baserri horien jabeak eskubidea izango du tamaina berdineko eraikin berria eraikitzeko, eta bertan izango du etxebizitza egiteko eskubidea. Eraikin berria egiten denean etxe zaharrak galdu egingo bertan bizitzeko eskubidea, baina etxe zahar horiek bere egitura eta itxura dauden moduan mantentzeko betebeharra izango dute jabeek, eta helburu horretarako diru laguntza publikoa izango dute.

6.      Jarduera bateri lotuta eraiki ahal diren txabolak 150,00m2 izango dute gehienez.

7.      Bai zutunik dagozan eraikinetan, bai eraiki daitezkeen barrietan, inguruarentazko kaltegarria ez den edozein jarduera baimendu ahalko da. Adibide moduan orain murriztagarria dan nekazal turismoko (agroturismoko) jardueraz gain, landetxe nahiz aterpetxe nahiz hotel jarduerak burutu ahal izango dira.

8.      Lur sailen banaketa. Gaur egun baimentzen diren hesiez gain tradiziozkoak diren munneen (muinoen) antzeko banaketak hobetsiko dira: Lur sailen banaketan ez da onartuko muro bertikalik, baizik eta %50eko gehienezko aldapadun muneak beti be gai begetalez estaliak.

Zeanuriko herriaren garapenerako zehaztu beharreko beste gai batzuk.

1.      Jarduera industrialerako egokiak diren lurrak izendatu Zoruaren Legeak agintzen duena betez.

2.      Zubiateko jauregiak Zeanuriko herrian duen zentraltasuna kontuan hartuz eraikin horren eta inguruko lurren erabilera zehaztu eta jabeekin hartuemonetan jarri erosketa bat, edo eraikinaren zati bat eta parkearen erabilera konpartitua, posible diren begiratuz.

3.      Gorbeiako Parkera irisgarritasuna hobetu Zeanuriko plaza eta bertan diren ostalaritza jarduerak indartzea ardatz moduan hartuz. San Justo, Lanbreabe eta Atxuriko bideak zaindu. Segurtasuna bermatzeko beharrezko diren tokietan hesiak edota barandailak jarriz eta lupetza egiten den lekuetan zorua harrituz.

4.      Saldropoko Hezegunea aisialdirako esparru moduan bultzatu. Bidezidorren seinaleztapena osatu. Uguzpeko ur jauzia intereseko gune moduan izendatu eta bertarako bideko seinaleak jarri. Ur jauziaren ingurua zaindu. Eguzkiolako gaina eta kobazuloa interesgune moduan izendatu eta seinaleztatu.

5.      Jondegortako ingurua interesgune moduan izendatu eta bertako aparkalekuak handitu.

6.      Auzoetan ermita inguruen erabilera publikoa bermatu, eta egoki diren urbanizazio, jolas leku eta altzari publikoz hornitu.

Proposamen guzti hauek eztabaidagai lez aurkezten ditu Zeanuri Bizi Elkarteak, beti be herritarren bizi baliabide, bizi kalitate eta ongizatearen aldekoak direlakoan.

                                                                                                                                          ZEANURI BIZI

Zeanuri 2011-09-24

EUSKERA ETA KULTURA.

Irailaren 21ean arrastiko 19:00etan egin zan batzar zabala euskera eta kultura arloan herri mailan zer egin leiteken ikusteko eta gai honen inguruko jentearen proposamenak batzeako.

Honeik dira batzarrean, herritarran artean landu zirean puntuak: 

•         Euskerako klaseak. Pertsona batek herrian bertan euskera ikisteko interesa agertu dau. Honen aurrean arazo bat planteetan da. Lehenago be emon izan da aukera hori baina taldean barruan maila desberdineko jentea egoteak ez dau taldeak behar dan moduan funtzionatzen ixten. Kasu honetan urtenbidea Igorreko AEKra joatea izin leiteke bertan errezagoa izingo dalako norbere beharrizanen araberako taldea topetea. Honegaz lotuta, euskaldunak direnantzako be zeozer antolatutea proposatu da euskerea landuteko. Ez da zertan ikastaro bat izin behar.

•         Herriko denda eta tabernetakoakaz alkarlanean euskerea bultzatu.Beste herri batzutan egin dan moduan Zeanurin be produkto desbardinen izenak zein eguneroko bizimoduan erabilten diren alkarrizketak batzean dabezan kartelak egin.

•         Bertsolaritza. Zeanuriko eskolan 5 eta 6. mailako umeak bertsolaritzako klasea daukie. Hortik aparte zeozer antolatutea posible izingo zan? Lehiari garrantzi gitxiego emonez eta lehenagoko kantu zaharrak etab. landuez.

•        Jantza ikastaroa. Arratiko jotea ikisteko ikastaroa antolatutea. Ikastaroa urte guztikoa izin beharrean denpora tarte laburragoan, jenteari luze egin ez iteko. Horretarako ikastaroa emoteko prest dauanen bat topau behar da eta era berean ikastarora apuntetan direnen partetik konpromisoa egotea beharrezkoa dala ikusten da.

•         Txistularien kontzertuak berreskuratutea. Zeanuri betidanik txistulari asko egon dan herria izin arren, gero eta gitxiago dira eta ez dago erreleborik. Lehenago txistularien kontzertuak egoten zirean errege egunean, Andra Mari egunean… Gaur egun ohitura hori galdu egin da baina kontzertu horrek berreskuratutea ideia ona izin ahal da herriko txistularien taldea bultzatuteko.

•        Liburutegien funtzionamendue aldatutea. Musika eskolea eta ludotekea ondoan egonda askotan umeak olgetako lekue bihurtuten da. Ganera, espazio faltea dau. Liburutegiko beharginaren zeregine beste bat izin beharko zan, liburutegie bera dinamizauez. Zeanuri baino herri txikiegoetan liburutegiak ondo funtzionetan badau Zeanurin zegaitik ez?Bedian esaterako idazleak be eroaten dabez hitzaldiak emoteko.

•         Aste kulturalan inguruko hausnarketea egitea. Azken urteotan beti gai antzekoak ekarten dire eta inderra galduez joan da. Dirurik ez badago, igual egun gitxiego baina herritarrengan interes gehio pizten dauan zeozer ekartea aukera bat izin leiteke.

•         Herri kirolak. Kanpoko kirolariek ekarten dirutzea gastau arren azken aldien herritarran artean egin diren posturek ikusten jente gehio batu da plazan. Zeanurin herri kirolari asko dagoz eta gure baino gitxiegotan emoten jakie aukerea herrien bertan. Herri kirolak bultzatuteko erakustaldiek antolatutea proposatuten da.

•        Zeramika tailerra. Azpiegiturak egonda zegaitik ez dira aprobetxetan?

Batzarrean egon ez arren batenbatek beste ideiaren bat badeko Idatzi bildu.zeanuri@hotmail.com helbidera zein kultur etxe azpien dagoan buzoira.