ABENDUAREN 4-KO PLENOAREN LABURPENA

EAJ-PNVtik: Izaskun Sagarna, Felipe Agirrezabala, Bitoriano Larrazabal eta Rut Martinez.

BILDUtik: Anuska Emaldi, Pedro Lejarza,Zedarri Jauregi eta Jokin Berrio.

Zeanuriko udaletxeko batzar-aretoan, 2012ko abenduaren 4an, goian aipatutako kideak batu ziran.

Aurreko bilera-agiriaren onarpena.

Urri-lehenengoaren 25eko akta onartu zan.

Urri-bigarrenaren 30eko aktari BILDUk zuzenketa batzuk egin eutsazan.

Selavaventura enpreseagaz sinatu beharreko konbenioaren proposamena.

Aurreko astean egin zan batzar baten, alderdi biek egineko ekarpenak ontzat emon ziran eta danon adostasunagaz sinatu beharreko konbenioa onartu zan.

Santa Lutziko bidearen desjabetzearen alegazinoen azterketea.

Maria Socorro Montes Fernandez eta D. Francisco Javier Ercilla Alegriak aurkeztutako alegazinoak aztertu eta gero desestimatu egin ziran.

Akta sinatu eta eguna finkatu falta da bidea zabaltako.

BILDUk adierazo eban Altzusteko auzotarreri orain dala urte bete gai honen inguruko informazinoa emon jakiela, eta alkateak bertan esan eban auzotarrak informauta eukiko ebazala, baina BILDUk ikusi dau oinarte behintzat auzotarrak informau barik dagozala. Alkateak erantzun eban egingo dala batzarra auzotarreri informazinoa emoteko.

Behin betiko desjabetzara joko dau udalak guztion adostasunagaz.

Otseingo bidearen ikerketa espedientearen amaierea.

Barriro be mahai gainean geratuko da gai hau, auzotar batek ez daualako etxoten dabizen dokumentazinoa ekarri.

BILDUk adierazo eban ia Altzusteko beste bidea zabalduta dagoan eta alkateak erantzun eban esan jakola zabaltako baina oraindik ez dauala zabaldu. Ondoan dagoan bideagaitik be galdetu eban BILDUk, eta eskatu eban bide honen azterketea egiteko espedientea zabaltako, eta ,Otseingo bideagaz egin dan moduan, auzotarren artean galdetegia  pasetako. Alkateak erantzun eban idatziz aurkeztuteko. Halan egingo da.

2013ko tasen azterketea eta onarpena.

IPCaren igoera proposatu eban alkateak.

Danon adostasunagaz onartu zan.

Etxegabetzeen egoera larriaren aurrean BILDUren mozinoa.

EAJ-PNVk, BILDUk aurkeztu deban mozinoari zuzenketa bi egitea eskatu eban. (Kutxabank aitatutea bereziki, eta etxebizitza arloan subirantza politikoa eskatzea). BILDUk ez eban onartu puntu bi horreek kentzea. EAJ-PNVk ordezko bat aurkeztu eban baina idazkarian esanetan  mozino hori ezin zan pleno horretan bozkatu, beraz hurrengo plenorako mahai gainean itxi zan.

Mozinoa bozkatu egin zan BILDUren aldeko 4 botogaz eta EAJ-PNVren kontrako 4 botogaz.

Eskola-jantokien dekretu barri baten aldeko agiria (Bildu).

Danon adostasunagaz onartu zan.

Erregu eta itaunak.

Frontoiko segurtasunaren inguruan galdetan eban BILDUk. Azkenean permisoa lortu da Pirritx eta Porrotx ikuskizunerako 700 pertsona sartzeako, baina alde bietako ateak zabalik egon beharko dira ikuskizun osoan eta sarrerak libre egon beharko dira.

Ikastaroen irakasleak erantzukizun zibila aurkeztu dabe eta ikasleari ordaintzen jakiezan hamar euroak gobernu batzordetik pasauko dira? Rutek erantzun eban ez dakiela. Prestakuntza fisikoko irakasleak onartu eban Bagabiltzatik egitea kontratua? Rutek erantzun eban ezetz, azkenean beste irakaslean moduen ikasleak eskura ordainduko deutsiela.

Gabonetako argien inguruan ze aurrekontu eskatu dira eta zenbet argi ipiniko da? Alkateak esan eban bertako argiak bakarrik ipiniko dirala eta aurrekontua herriko bateri  bakarrik eskatu jakola.

Udaletxeko diru kontuen inguruan

2011ko “kontu orokorra” aurkeztuta dago eta noiz pasau da plenotik? Idazkariak erantzun eban holangorik ez dala egiten.

BILDUk galdetu eban zegaitik kargatu diran 2012ko aurrekontuetan 2011ko hainbat faktura eta 2010ko batzuk, 2012an ordaintzen gabizenak  (gaur egun daukagun informazinoaren arabera 150.000€ inguru kargatu dira jadanik 2012ko aurrekontuan). Idazkariak azaldu eban aurtengo aurrekontuetan dabizela kargetan aurrekoetan dirurik egon ez zalako. BILDUk esan eban idatziz eskatuko dauzala dokumentu guzti honeek. Eta aipatu eban legeak esaten dauan moduan, txosten bat egin behar dala arrazoituz zergaitik gabizen aurreko urteetako fakturak 2012ko aurrekontuan kargetan, eta plenotik pasau behar dala plenoan onartuteko. BILDUk guzti honen erantzukizuna EAJ-PNVrengan ixten dau.

2013ko aurrekontuak noiz aurkeztuko dauz EAJ-PNVk? Alkatean esanetan begira dabiz.

Kaleetako garbikuzia dala eta BILDUk galdetu eban ia Kortes zergaitik ez dan oraindino hasi (esleipenean aukeratua izan dana). Alegazinoen epea abenduaren 23an amaituten da eta horreri itxaroten dabiz.

AURREKONTU PARTE-HARTZAILEAK (PLAZEA)

Aurtengo auzorik auzoko  AURREKONTU PARTE-HARTZAILE errondari amaiera emoteko, azaroak 28, “Mediku etxe”-an Plazea eta inguruko herritarrei aurrekontuen inguruko azalpenak emoteko eguna da.

Lehenengo eta behin, eskertu zan eguraldi ezin txarragoari aurre egin eta bertaratutea.

Beste batzarretako egitarauari jarraituz, hasieran udalaren egoera ekonomikoari buruzko azalpenak emon ziren. Ostean, 2012rako aurreikusi ziren diru sarrera eta gastuen  inguruko informazioaren tartea izan zan. Eta azkenengoz, bertaratuek euren kezkak edo/eta  eskakizunak azaltzeko aukera izan eben. Hauen artean gehien aipatu zirenak:

1. Musika eskola: hausnarketa sakona egin behar dala: zer da heziketa  musikala, ze eskola eredu gura dau herriak,  kudeaketa dala eta, Arratiako musika eskolan parte hartzea, … .

2. Argi indarra:  Iberdrolagaz negoziatzea herriko argiaren prezioa. Plaza eta ingurumarien farola larregi dauzela, birik bat nahiko dala. Ostera, auzune askotan kontrakoa pasetan da.

3. Saneamendue: zein kriterioagaz erabakiten da obrak egitea?. Ez da bidezko ikusten 2012. urtean oraindik etxe batzuk errekara zuzenean botatea putzu septikorik ez daukielako. Herriko saneamenduaren planifikazino orokorra epe luzera begira egin beharko zala, eta ez zatikako plangintza bat.

4. Kredituek:  zenbatekoak dire daukaguzanak?

5. Konponketa eta mantenimendua: auzolana berrindartutea proposatuten da.

 AURREKONTU PARTE-HARTZAILEAK (ALTZUSTE)

Azaroan 24an egin zan aurrekontu parte-hartzaileen azken aurreko batzarra Altzusten. Jente nahikoa batu zan bertan, beste auzo batzukaz alderatu ezkero.

Ordenari jarraituz, BILDUko zinegotziek udalaren egoera ekonomikoa azaldu eben, diru-sarrerak eta gastuak nondik datozen aipatuz, eta ostean, auzotarren galderak erantzuteko eta euren proposamen edota eskaerak entzuteko txandea etorri zan.

-        

    1. Auzotar batek galdetu eban ia EXTRA kobrauko dan, eta dagoan krisiagaz udaleko langileak otzarak hartzea lotsagarria irudituten jakola, horrek 1.500 euroko balioa daukalako.

-        

  2. Udalak Peoientzako Land Roverra erosi dau. 8.000euroko gastua euki dau, baina ze partidatik hartu da diru hori? Auzotarreri ez jakiezan kalkuloak ondo urtetan,ez egoalako nondik hartu diru kopuru hori.

-        

  3. Diru-laguntzea emoteko deialdi publikorik ez dala egiten salatu eben, eta horren ondorioz, herritarrak ez dirala enteretan diru-laguntza horreekaz.

-       

   4. Arkitektoak egunean 1.500 euro irabazten dauzala kalkulatu eben. Lotsagarria iruditu jakien egiten dauazan orduakaitik eta egiten dauan beharragaitik hainbeste kobratzea.

-        

    5. Aguazilaren kotxeak prezio handiko rentinga daukala ta, zeozer egitea eskatu eben.

-        Adibide moduan aipatu eben Igertualdeko etxeetan bi urte igogailua martxan dagoala eta ez dabela ezer jaso ondino, kriterioak ipini barik dagozalako. Zenbat denpora behar da kriterio horreek ipinteko?

Honegaz batera esan gure zan udalak funtzionamendu txarra daukala, eta horregaitik be, udalak gastuak eta gastuak egin dituala jakin barik zenbateko sarrerak dituan eta holan etorri dala krisia udalera.

-        Hori dala ta, auzolana bultzatu beharko zala porposatu zan. Jentea herrian antolatu eta herrian lagundu, bideak garbituz…azken baten modeloa aldatu behar dalako.

-  6.  Herrian argi gehiegi dagoala be aipatu eben, baina auzoetan gitxiegi. Gaur egun Iberdrolagaz kontratua egin behar ez dan argi alternatiboa ipini daitekeala esan eben. Hasieran gastu handia izan arren, luzera amortizau egiten dala azaldu eben.

Honek izan ziran herrira begira ikusi ebezanak. Gero, euren auzoan zentratu ziran.

-         -Auzoetan bideak garbitutea eta bideak berreskuratutea eskatu eben. San Migel ermiteko aurreko terrenoa garbitu eta mahaia eta banku bi ipintea ondo etorriko zan, leku hori publiko eginez.

-        -Honegaz batera auzoan dagozan iturriak be konpondu beharko litakezala eskatu eban auzotar batek, Ellaurikoa, Agarrekoa, Beretxikortakoa, Ezkineko iturrie…eta zerrenda bat eginez, aurrekontuan ipini konponduten joateko, baita bertara doazen bideak garbitu eta zaindu be.

-        -Altzusten dagozan kolunpioak jabetza pribatuan ipinita dagozala esan eben eta hori zelan egin dan jakin gura izan eben.

-        -Santa Lutziko ermiteari buruz propaganda elektorala egiten etorri ziran alkatea ta, esanez informauko jakiela horren inguruan. Hauteskundeak pasau ziran eta ondino ez dira etorri ezer esaten. Hauteskunde kanpaina hutsa baino ez zala izan salatu eban auzotar batek.

-        -Altzusteko txokoa barriztau zanean, proiektoan ipinita egoan lehiateak ipiniko zirala frontoian, baina ez ziran ipini. Lehiateak ipinteko eskaerea egitea pentsauta dagoala esan eben, frontoia leku itxi moduan ipinteko.

-       - Auzotarrek argitu gura eben ia auzoko jaiak zelan antolatuten diran. Izan be, udalak esan eutsien berak dirua emoten dauala, baina beste guztiagaz auzoa arduratuten dala, hau da, auzoko jaiek ez daukiela udalagaz zerikusirik. Baina ez zan holan izan, udalak ordainduten dauan seguroan auzoko jaiak sartzean diralako. Horregaitik, auzotarrek barriro galdetu eben honen inguruan, argi gelditutea itxi gure ebelako hurrungorako.

AURREKONTU PARTE-HARTZAILEAK (UNDURRAGA)

Azaroan 22an Undurragan egin zan aurrekontu parte-hartzailean batzarra. Aurreko auzoetan lez, Undurragakoak herrian dirua zetan gastetan dan eta diru-sarrerak zeintzuk diran jakiteko. Ez ziran auzotar asko hurratu baie egon zirenak asko parte hartu eben batzar osoan zehar. Honexek egin ziran aitamenak:

-“Preseak ezer ez dau pagetan? Zetako da ba? Zeozer in behar dala pentsetan dot.  Bertatik pilo bat diru atera beharko zalakoan nau. Kamiñotik joan beharrean zegaiti ezin lei handik ibili? Sano polite da. Aprobetxau leitekean itzelezko lekua  da paseetako, kirola eiteko… ”

-“Torreko etxeak eingo dira? Espazio hori horretarako erabiltea ez dot bape ondo ikusten”.

-“Amortizetan da frontoia? Gauzek huts egiten dabe. Planteamentu batzuk behar dira. Realistak izin behar gara. Partidu profesionaletatik ateraten ez bada, beste zeozer in beharko da. Gero adibidez futbitori olgetea gure izin ezkero ‘ezin de ze lurre…’, ba zeozelan abilitau beharko da. Gauze bat da Zeanirako egokitute egotea esku pelotan eiteko, beste bat dauen itzelezko frontoia”.

-“Frontoiko tabernea hartu dauenak euskeraz ez jakitea ez dot bape ondo ikusten”.

-“Frontoiko argiegaz ezin  leike hainbeste gastau, aldatu in beharko da”.

-“Behin piñuek botata bertan ze espezie ipinteko asmoa dau? Txoko honetan bertan Zeaniko argazki bat dau orain dala 50 urtekoa, hauxe da berreskuratu behar dogune. Zeozer pentsau beharko da, norantza joan gure dogun. Lehen sektoreari zertutea eta regeneretan dana bertako espezieakaz izitea. Izin be, herri honetan piñuekiko dauan kulturea handia da”.

-“Zeani zegaitik ez dago Arratieko Musika Eskolan? Igirri igirrikoa da herrikoa beherantza joan dala. Beste alde batetik, nik hemen ez dauen instrumentu bat joten ikisi gure badot zer? Oso kudeaketa txarra dago”.

-“Aguazilen kotxeko renting-en kontua burla bat da; edo merkeago bat hartu edo dekona erosteak zentzun gehio deko.

-“Argien datuegaz (98.000.000 euro) harritute gauz”.

-“Lokalan alkilerra barre egiteko da. Norberak bat aukin eta beste batena errentan hartzeak ezteko ez hankarik ez bururik. Zer egingo da beronegaz?”.

-“Kanpotik ikusita, herri honetako biztanleria zaharra da. Eta persona horrik baserrietan ahiztute dagoz. Batzuk badekiez biajeak eztakit nora edo badakit nora baie beste askori jaramonik be ez jakie egiten”.

-“Arkitektoan kontue ez da normala. Zegeiti ez da urtetan adibidez lan eskeintza bat, plan bat aurkeztu eta merkeago izateko, 20.000 euro adibidez”.

-“Jaietan hainbeste gastetea ez da aitutekoa.

-“Suspergintza barik ez da hobeto izingo deialdi bet zabaldu eta herriko jentea hartutea?”.

-“Mankomunidadeari emoten jakon dirua ondo dago, baina gero zer emoten dau?”.

-“Kantxeruen kontuen, zegeiti ez da lanpoltsara ateraten?

Komentario guzti honin artean, Undurragako auzokoak argi daukiena da dauen panoramea guztiz lotsagarrie dala. ‘Partxeak’ ipini eta ipini dabizelakoan dagoz, plan bat bera esanda aukin barik. Batu behar direnak goizaldeko 3retara arte berbaz egon behar badaurie be egon beharko dirala esan dabe, gauzek gaike hartu eta zelan konpondu pentsetako eta behingoz konpontan hasteko. Herrie gero eta gehio mogiduten dabilela be aitatu daurie, herritarrak erreta dauzelako.

AURREKONTU PARTE-HARTZAILEAK (ALTZUA)

Azaroaren 21ean Altzuatarren txandea izan zan. Auzotarrak ez ezik, EAJ-PNVko zinegotziak eta alkatea be gonbidatuta egon dira batzarretara eta batzarretan parte-hartzera.

Batzarraren ordenari jarraituz, diru-kontuak zelan dagozan eta udalaren gastuak eta diru-sarrerak nondik norakoak diran azaldu ebezan BILDUko zinegotziek.

Ostean, auzotarren proposamenak, iritziak edo eskaerak entzuteko aukerea egon zan. Honexek dira auzotarrek aitatu ebezanak:

-Diru-kontuak ikusita aitatu zan arkitektoaren soldata handiegia dala egiten dauzan orduetarako.

-Etxea barriztetearen ganean be egin zan berba. Auzotar batek aitatuten eban etxe barria egitearren ordaindu egin behar dala eta etxea guztiz barriztetearren ezetz, eta hori ez dala logikoa.

Ohituta egon arren obra txikietan udaletxeari ezer ordaintzeaz, zeozer ordaindu beharko zala esan eben.

Altzua auzoan dagozan gabeziak be aitatu ebezan:

-Wimax-agaz eguraldi txarra dagoanean arazoak eukiten dabezala esan eben.

-Kristelentzako, papelantzako eta plastikoantzako eukiontzirik ez eukiteagaz kexatu ziran, eurek be beste guztien moduan ordainduten dabelako.

-Lapatzako bidea sano txarto dagoala eta, konponduteko edo zeozer egiteko eskatu eben.

AURREKONTU PARTE-HARTZAILEAK (IPIÑABURU)

Azaroaren 20an Ipiñaburun egin zan batzarra, Ipiñako txokoan, aurrekontuak modu parte hartzailean egiteko. Ez zan jende askorik batu baina giro onean batzarrari hasierea emon jakon.
Bilduko zinegotziak lau auzotarren laguntzeagaz herriko aurrekontu ekonomiko eta auzoko eskakizun eta kexan ganean berbaz hasi ziran.

Herritarrak herriko egoerea ikusi eta entzun ostean berbea hartu eben:

- Udaletxeko renting-aren prezioa ikustean sano garestia dala esan eben. Harritu be egin zirean.

- Arkitektoaren soldata dala eta be, zer esana auki eben, ez dala normala esaten eben behin eta barriro, diru gehiegi dalako.

- Udaletxeko lokalaren gaia be ulertezina edota sinestesintzat be bota eben.

Proposamenak edo eskaerak be izan ebezan Ipiñaburuko auzotarrak:

1.     Argi gitxi dagoala esan eben Ipiñaburu ingurutik, eta farola gehiago ipini beharko zirala esan eben.

2.     Auzotar batzuk euren etxerantzako aldatza oso txarto eta laban dagoala esan eben, kamioien desgasteagatik, eta aldatzaren konponketea eskatu eben.

AURREKONTU PARTE-HARTZAILEAK (Uribe eta Otzemendi)

Aurrekontuak modu parte-hartzailean egiteko bigarren batzarra Uribeko txokoan egin zan, azaroaren 19an,  Uribe eta Otzemendiko auzotarrentzako, eta bertara BILDUko zinegotziez gain hamaika auzotar bildu ziran. Herriko egoera ekonomikoari eta 2012ko aurrekontueri buruzko azalpenak emon ziran. Honen ostean, herritarrek euren proposamenak egin ebezan:

-        Elektraindarra. Plaza inguruan eta Zulaibarren argi gehiegi dago. Aurrekontuko partida honetan dirua aurreratuteko, plaza inguruan hiru argitik bat kentzea proposatuten da. Uriben ostera argi gutxi dagoela dinoe auzotarrek.

-        Udaletxeko ibilgailuen renting-a. Urtean 28.000 euro pagetan dirala kontuan hartuta, ia erostea hobeto urtetan ez dan planteetan da.

-        Suspergintza. Urtean 25.000€ pagetan jakoz ludotekea kudeatuteko.Ludotekako langilea zuzenean kontratatzea hobeto ez litaken izingo planteetan da.

-        Satsak. Mankomunidadeak emoten dauan zerbitzua gero eta txarragoa dala dinoe auzotarrek, gaur egun lehenago baino gitxiagotan etorten diralako hondakinen bila. Gai honegaz lotuta Uriben kontenedoreak faltan botaten dirala dinoe (organikoana eta kristelena baino ez dauz). Beste kontenedoreak be ipinteko eskatuten da.

-        Informazio panelak. Ipini dala dinoe (Axpeko errotan) baina leku hori ez dala egokia komentetan da.

-        Putzu septikoak. Putzu septikoak garbitako laguntzak dagoz udaletxetik baina laguntza horreik emoteko erispidea zein dan ez ei dago argi. Batzuk garbitzeaz udaletxea arduratuten da beste batzuk ostera Partzuergoa. Ze erispideren arabera arduratuten da bata edo bestea?

-        Telefonoa. Uriben egin diran etxe barri batzuk ez daukie aukerarik etxean telefonorik ipinteko.

-        Telebista. Uriben ez dira telebista kate danak ikusten.

-        Bide baztarrak. Bide baztarrak urtean baten edo birriten garbitutea beharrezko ikusten da. Behar hori egiteko kontratau dan enpreseak bedarra ebagi arren, gero ez dauela batuten be aitituten da.

-        Kolunpioak. Auzunean gero eta ume gehio dauela eta Uriben honeik olgau ahal iziteko kolunpioak ipintea eskatuten da.

-        Bide publikoak. Gai honen inguruan Uriben be arazoak dagozala eta, hau konponduteko bide publikoan inbentarioa egiteko eskatuten da.

-        Bankue. Uribe zelain auzotarrak jarteko banku bet faltan botaten dala dinoe auzotarrek.

-        Uribe Zelain eurie egiten dan bakoitzean putzuak egiten dirala eta hori konponduteko eskatuten da.

AURREKONTU PARTE-HARTZAILEAK (Asterria)

Zeanuriko Bildu-k aurrekontu parte-hartzaileak antolatu dauz, auzorik auzo. Helburua honaka hau: herritarrak eurak ebaztea dirua zertan gastau. Lehenengo batzarra Asterria auzoko txokoan egin zan, azaroaren 15ean. Bilduko hautagaietatik aparte, auzotar multzo bat urreratu zan. Lau izan ziran landu ziran puntuak. Hasteko, asmo honen nondik norakoaren aurkezpen bat egin eben Bildukoek. Bigarren, egungo egoerea aitatu zan. Gero, 2012. urteko aurrekontuak azaldu ziran; eta azkenengoz, auzokoen proposamen, eritzi eta eskaeren txandea etorri zan. Honeixek izan ziren Asterria auzokoen aitamenak:

                

      1.     “Putzu septikoa pagetan nabil eta ez daukat”.

      2.     “Bide baztarrak urtean birritan garbitu mesedez”.

3. “Herrian farola gehiegi dagozelakoan nago, gure auzoan ostera ia bapez. Eskertuko litake adibidez Akauritik Landaburura  sikiera farola bat gotea.

4.     “Pentsetan dot kamino baztarren garbiketea urtean baten barik gitxiendik birritan egitea sano beharrezkoa dala. Izan be, egoerea ez da bape ona izaten”.

5.      “Joan diran 10-11 urteatan ez dot Musika Eskolatik diru  laguntzarik jasoten eta Zeanurikoak bai”.

6.     “Adibidez Gasteizeko gimnasiora banoa zer? Diru laguntzea daukat?”.

7.     “Gabon kuluraleko diruaren zati bat nora joan da? Ez dakit kopuru hori nora joan dan, gero gauza batzuk negetan jatzuzenean”.

URRI BIGARRENAREN 30-EKO PLENOAREN LABURPENA

EAJ-PNVtik: Izaskun Sagarna, Felipe Agirrezabala, Bitoriano Larrazabal, Rut Martinez eta Egoitz Arana.

BILDUtik: Anuska Emaldi, Pedro Lejarza,Zedarri Jauregi eta Jokin Berrio.

Zeanuriko udaletxeko batzar-aretoan, 2012ko urri bigarrenaren 30ean, goian aipatutako kideak batu ziran.

 Udaleko lokalen garbikuzirako aurkeztutakoen zerrenda.

IZEN ABIZENAK	PREZIOA	PUNTUAZIOA(6)	ESPERIENTZIA(2)	DISPONIBILIDADEA(1)	LAN-TRESNAK (1)	GUZTIRA
BEGOÑA PRIETO	1.605,50 €	6,00	2	1	1	10,00
IRATXE ARRIBAS	1.800,00 €	5,35	0,75	0	0,8	6,90
JOSUNE AZKUENAGA	1.695,00 €	5,68	0	1	0	6,68

        

  

Lurperatze, kaleen garbikuzia eta lorategien mantentzerako aurkeztutakoen zerrenda.

IZEN ABIZENAK	PREZIOA	PUNTUAZIOA(6)	ESPERIENTZIA(2)	DISPONIBILIDADEA(1)	LAN-TRESNAK (1)	GUZTIRA
JUAN ANTONIO CORTES	2.200,00 €	6,00	1	0	0,35	7,35
JON ORDEÑANA	4.000,00 €	3,30	2	1	0,85	7,15
JAVIER OLIBARES	3.280,00 €	4,02	0,75	1	0,4	6,17
TUTULU ERAIKETAK	2.999,98 €	4,40	0	1	0,65	6,05
HAUZOLAN ALTZUSTE	3.375,90 €	3,91	0	1	0,1	5,01

 Aurreko bilera-agiriaren onarpena.

Bagilan 26ko eta garagarrillaren 10eko aktak onartu ziran.

Urri-lehenengoan 25eko aktan BILDUk zuzenketa batzuk egin ebazan.

Jokin Berrio zinegotziaren kargu hartzea.

Erabilera publikoko baso baten erabilera aldatzeko Gorbeiazpi Abeltzainen Elkartearen eskaria.

BILDUk eskaria onartzeko baldintza batzuk ezarri ebazan: lur horreen kudeaketa udalaren ardura izatea eta konpromisoa hartzea lur hori, lur banku bihurtzeko. Bertako zuhaitzak landatutea: haretxa, gaztaina, intxaurra… landatutea.

EAJ-PNVk erantzun eban ez dala egokia landatuteko, burrutze dan zatien landatuko dirala arbolak.

Botazinoa egin zan: EAJ-PNVren aldeko bost boto eta BILDUren abstentzinoa izan zan emaitza.

Otseingo bidearen ikerketa espedientean egondako alegazinoen azterketea.

 Udalak auzotarreri egindako galderak aztertu ziran eta danak esaten dabe bide horretatik pasatzen zirala bai oinez eta bai kotxean. Bide horretan 1984an udalak obra egin ebanez, eurek publikotzat euki dabe bidea. Udalak auzotarrari dokumentazino gehiago aurkezteko eskatuko deutsie. Gaia mahai gainean geratu zan.

Bide honegaz egin den moduan, BILDUk eskatu dau prozesu bardina jarraitzea arazoa bardina daukien beste bideakaz. Adibidez, Altzustan itxita dagoen bideagaz. EAJ-PNVren erantzuna izan zan arkitektoaren txostenak ipinten dauala, itxita dagoan bidea ez dala agertan “sistema general” moduan. BILDUk erantzun eutsan bide horretara heltzeko bai pasatu behar dala “sistema general” moduan kalifikatuta dagoan zati batetik eta berau itxita dagoala. Alkateak esan eban esango jakola zabaltzeko.

BILDUk ezinbestekoa ikusten dau bide publikoen inbentarioa egitea, ikusirik herrien bide asko dagozala arazoak sortzen dabezanak. Alkateak gaineratu eban auzotarren kexak agertuten diran heinean aztertuko dirala.

 Igertualde eta Zulaibar inguruko saneamenduen proiektuaren orrien onarpena.

Ziurtatuta dago 100% dirulaguntza lortuko dogula. Danerako dirua ez bada heltzen Igertualde, Behekostatue, Olabarri eta Zutzute egingo dira fase honetan.

Guztien adostasunagaz onartu zan.

Urteera prezioa 236.660, 83€ BEZ-a barne.

Erregu eta itaunak.

 Alkateak informatu eban lan-boltsa sortzeko prozesua amaitu dala eta zerrendan aldaketarik ez dala egon.  Begitugaz egin dauala berba eta hurrengo urterako planteamendua egingo dala. Eskoletako arazoa dala eta aurrekontuak eskatu dirala bideobigilantzia ipinteko eta medikuetxeko sarreran be arazoak dagozala.

BILDUk  San Isidro kalean oinezkoen lehentasuna ipinten dauan seinaleari buruz galdetu eban eta erantzun jakon Txinatik datorrela eta 10 asteko epean barruan ipinita egongo dala. Elbarrituentzako aparkalekua dala eta, leku egokiago batera aldatuko dala esan eban.

·         Ruteri udalekuen gaineko rektifikazinoa eskatu eutsan BILDUk.

BILDUk kultura zinegotziari bagilaren 26ko plenoan emon eban informazinoa zuzentzeko eskatu eutsan,  udalekuetako begiraleak praktiketan egoazanak zirala esan ebalako. Enpresa baten eta herritar batzuen izenak tartean dagozala, eta horreek erabiltzea sortu dauan eta/edo sortu ahal dauan kaltea ezin dala kontuan hartu barik itxi.. Zuzendu eban esanez beharbada txarto azaldu zala eta praktika hitza ez ebala erabili behar.

·         Ikastaroak:  zegaitik ez da lan poltsarik zabaltzen? B kapitulutik ordaindutea legezkoa da?

Estiramenduak eta Yoga egiteko udalak lokala itxiko dau eta ikasleak irakasleari ordainduko deutsie zuzenean,  hilean 30€ estiramenduak eta 35€ yoga, eta udalak 10euroko dirulaguntzea emongo jako ikasle bakoitzari.

Prestakunta fisikoa eta pintura irakasleei Bagabiltzaren bitartez egingo jakie kontratua. Ikasteak lauhilabeteko 80 euro ordainduko dabe.

 ·        Bardintasun Plana: 3.000 bat euroko dirulaguntzea dago plan hau aurrera eroateko.

Azaroaren 25a: Emakumeen indarkeriaren aurkako nazioarteko eguna.   Mankomunidadean  udal eta emakume alkarte batzuk batzartu dira ekintza desbardinak antolatzeko: hitzaldiak, martxa bat oinez edo bizikletan... herrian be alkarte batzukaz batera (Mazala, Guraso Elkartea,…) formakuntza saio batzuk egongo dira azaroaren amaieran eta abenduaren hasieran Zulaibar eskolako ikasleentzat. Gabon aurretik herriko eskolan tailer bat egongo da “jostailu ez-sexistak” arloa jorratzeko.

 ·        2 urteko gela, dirulaguntzea.

Rutek erantzun eban oraindik ez dakiela diru kopuru zehatza, baina gitxi gora-behera 420 euro inguru izingo dala hilean, eta hiru hilabetean udalak ordainduko dauala.

BILDUk galdetu eban ia dirulaguntza bat dan, ze erispidegaz erabaki dan emotea eta ze partidatik ordainduko dan.

Rutek azaldu eban dirulaguntza hau aurreko urteetan emon dalako emon dala, eta  jarduera sozio kulturaletatik ordainduko dala. BILDUk argi itxi eban dirulaguntza bat bada ezin dala partida horretatik ordaindu, orduan Rutek erantzun eban ez dala dirulaguntza bat.

Azkenean ez zan argi geratu udalak zelan ordainduko dauan, ez ze partidatik aterako den diru hori.

 ·        Musika eskolea:

Rutek esan eban matrikulazinoa beherantz doala eta gurasoen aldetik kritikak dagozala funtzionamenduari buruz. Organizazino arazoak egon dirala, baina gatxa dala jakitea arazoa non dagoan: irakasleak, ikasleak, gurasoak...BILDUk gogorazo eutsan berak esan ebala azterketa bat egingo zala gastua murriztuteko, baina holango azterketarik ez dala egin.

Azaroan 14an batzar bat egingo da gurasoakaz.

·        Aitor Bengoetxea

Asier Etxebarriak aurkeztu dau dokumentazinoa? Orain zer egingo da?

Asierrek alegazino batzuk aurkeztu dauz eta Iskander arkitektoak esan eban alde batetik eta bestetik abokatuak egin dabela txosten bat txabola horreekaz zer egin azaltzeko.

Oraindik Gobernu Batzordetik pasetako dago.

·        2012ko likidazinoa

BILDUk bagilaren 31ra arteko likidazinoa eskatu eban urri-bigarrenan 8rako, eta emon jakon. Likidazinoa aztertu ondoren BILDUkoak konturatu dira partida batzuk erabilita dagozala aurreko urteko gastuak ordaintzeko, adibidez, gabonetako aste kulturala 11.000 euroko partidatik 6.058,93 euro likidauta dagozala. Beste partida batzuk urte erdian ia agortuta dagozala…

BILDUk salatu eban  udalak urte barruan onartzen dituan gauzak (aurrekontuetan onartu barik egon diranak), bai fakturak ordaintzen dituenean ez dauala begiratzen partida bakoitzean dagoan diru-kopurua. Udala oso egoera larrian dagoala ikusten dau BILDUk eta hau sahiesteko  EAJ-PNV ez dabil ezer egiten. Herria eta herritarrak urte askotarako hipotekatzen dabiz.

BILDUk argi dauka 2012ko urtea be negatiboan itxiko dala eta gainera aurreko urteetatik datorren remanente negatiboa ez dala hobetuko, baizik eta handitu egingo dala.