URRI BIGARRENAREN 30-EKO PLENOAREN LABURPENA

EAJ-PNVtik: Izaskun Sagarna, Felipe Agirrezabala, Bitoriano Larrazabal, Rut Martinez eta Egoitz Arana.

BILDUtik: Anuska Emaldi, Pedro Lejarza,Zedarri Jauregi eta Jokin Berrio.

Zeanuriko udaletxeko batzar-aretoan, 2012ko urri bigarrenaren 30ean, goian aipatutako kideak batu ziran.

 Udaleko lokalen garbikuzirako aurkeztutakoen zerrenda.

IZEN ABIZENAK	PREZIOA	PUNTUAZIOA(6)	ESPERIENTZIA(2)	DISPONIBILIDADEA(1)	LAN-TRESNAK (1)	GUZTIRA
BEGOÑA PRIETO	1.605,50 €	6,00	2	1	1	10,00
IRATXE ARRIBAS	1.800,00 €	5,35	0,75	0	0,8	6,90
JOSUNE AZKUENAGA	1.695,00 €	5,68	0	1	0	6,68

        

  

Lurperatze, kaleen garbikuzia eta lorategien mantentzerako aurkeztutakoen zerrenda.

IZEN ABIZENAK	PREZIOA	PUNTUAZIOA(6)	ESPERIENTZIA(2)	DISPONIBILIDADEA(1)	LAN-TRESNAK (1)	GUZTIRA
JUAN ANTONIO CORTES	2.200,00 €	6,00	1	0	0,35	7,35
JON ORDEÑANA	4.000,00 €	3,30	2	1	0,85	7,15
JAVIER OLIBARES	3.280,00 €	4,02	0,75	1	0,4	6,17
TUTULU ERAIKETAK	2.999,98 €	4,40	0	1	0,65	6,05
HAUZOLAN ALTZUSTE	3.375,90 €	3,91	0	1	0,1	5,01

 Aurreko bilera-agiriaren onarpena.

Bagilan 26ko eta garagarrillaren 10eko aktak onartu ziran.

Urri-lehenengoan 25eko aktan BILDUk zuzenketa batzuk egin ebazan.

Jokin Berrio zinegotziaren kargu hartzea.

Erabilera publikoko baso baten erabilera aldatzeko Gorbeiazpi Abeltzainen Elkartearen eskaria.

BILDUk eskaria onartzeko baldintza batzuk ezarri ebazan: lur horreen kudeaketa udalaren ardura izatea eta konpromisoa hartzea lur hori, lur banku bihurtzeko. Bertako zuhaitzak landatutea: haretxa, gaztaina, intxaurra… landatutea.

EAJ-PNVk erantzun eban ez dala egokia landatuteko, burrutze dan zatien landatuko dirala arbolak.

Botazinoa egin zan: EAJ-PNVren aldeko bost boto eta BILDUren abstentzinoa izan zan emaitza.

Otseingo bidearen ikerketa espedientean egondako alegazinoen azterketea.

 Udalak auzotarreri egindako galderak aztertu ziran eta danak esaten dabe bide horretatik pasatzen zirala bai oinez eta bai kotxean. Bide horretan 1984an udalak obra egin ebanez, eurek publikotzat euki dabe bidea. Udalak auzotarrari dokumentazino gehiago aurkezteko eskatuko deutsie. Gaia mahai gainean geratu zan.

Bide honegaz egin den moduan, BILDUk eskatu dau prozesu bardina jarraitzea arazoa bardina daukien beste bideakaz. Adibidez, Altzustan itxita dagoen bideagaz. EAJ-PNVren erantzuna izan zan arkitektoaren txostenak ipinten dauala, itxita dagoan bidea ez dala agertan “sistema general” moduan. BILDUk erantzun eutsan bide horretara heltzeko bai pasatu behar dala “sistema general” moduan kalifikatuta dagoan zati batetik eta berau itxita dagoala. Alkateak esan eban esango jakola zabaltzeko.

BILDUk ezinbestekoa ikusten dau bide publikoen inbentarioa egitea, ikusirik herrien bide asko dagozala arazoak sortzen dabezanak. Alkateak gaineratu eban auzotarren kexak agertuten diran heinean aztertuko dirala.

 Igertualde eta Zulaibar inguruko saneamenduen proiektuaren orrien onarpena.

Ziurtatuta dago 100% dirulaguntza lortuko dogula. Danerako dirua ez bada heltzen Igertualde, Behekostatue, Olabarri eta Zutzute egingo dira fase honetan.

Guztien adostasunagaz onartu zan.

Urteera prezioa 236.660, 83€ BEZ-a barne.

Erregu eta itaunak.

 Alkateak informatu eban lan-boltsa sortzeko prozesua amaitu dala eta zerrendan aldaketarik ez dala egon.  Begitugaz egin dauala berba eta hurrengo urterako planteamendua egingo dala. Eskoletako arazoa dala eta aurrekontuak eskatu dirala bideobigilantzia ipinteko eta medikuetxeko sarreran be arazoak dagozala.

BILDUk  San Isidro kalean oinezkoen lehentasuna ipinten dauan seinaleari buruz galdetu eban eta erantzun jakon Txinatik datorrela eta 10 asteko epean barruan ipinita egongo dala. Elbarrituentzako aparkalekua dala eta, leku egokiago batera aldatuko dala esan eban.

·         Ruteri udalekuen gaineko rektifikazinoa eskatu eutsan BILDUk.

BILDUk kultura zinegotziari bagilaren 26ko plenoan emon eban informazinoa zuzentzeko eskatu eutsan,  udalekuetako begiraleak praktiketan egoazanak zirala esan ebalako. Enpresa baten eta herritar batzuen izenak tartean dagozala, eta horreek erabiltzea sortu dauan eta/edo sortu ahal dauan kaltea ezin dala kontuan hartu barik itxi.. Zuzendu eban esanez beharbada txarto azaldu zala eta praktika hitza ez ebala erabili behar.

·         Ikastaroak:  zegaitik ez da lan poltsarik zabaltzen? B kapitulutik ordaindutea legezkoa da?

Estiramenduak eta Yoga egiteko udalak lokala itxiko dau eta ikasleak irakasleari ordainduko deutsie zuzenean,  hilean 30€ estiramenduak eta 35€ yoga, eta udalak 10euroko dirulaguntzea emongo jako ikasle bakoitzari.

Prestakunta fisikoa eta pintura irakasleei Bagabiltzaren bitartez egingo jakie kontratua. Ikasteak lauhilabeteko 80 euro ordainduko dabe.

 ·        Bardintasun Plana: 3.000 bat euroko dirulaguntzea dago plan hau aurrera eroateko.

Azaroaren 25a: Emakumeen indarkeriaren aurkako nazioarteko eguna.   Mankomunidadean  udal eta emakume alkarte batzuk batzartu dira ekintza desbardinak antolatzeko: hitzaldiak, martxa bat oinez edo bizikletan... herrian be alkarte batzukaz batera (Mazala, Guraso Elkartea,…) formakuntza saio batzuk egongo dira azaroaren amaieran eta abenduaren hasieran Zulaibar eskolako ikasleentzat. Gabon aurretik herriko eskolan tailer bat egongo da “jostailu ez-sexistak” arloa jorratzeko.

 ·        2 urteko gela, dirulaguntzea.

Rutek erantzun eban oraindik ez dakiela diru kopuru zehatza, baina gitxi gora-behera 420 euro inguru izingo dala hilean, eta hiru hilabetean udalak ordainduko dauala.

BILDUk galdetu eban ia dirulaguntza bat dan, ze erispidegaz erabaki dan emotea eta ze partidatik ordainduko dan.

Rutek azaldu eban dirulaguntza hau aurreko urteetan emon dalako emon dala, eta  jarduera sozio kulturaletatik ordainduko dala. BILDUk argi itxi eban dirulaguntza bat bada ezin dala partida horretatik ordaindu, orduan Rutek erantzun eban ez dala dirulaguntza bat.

Azkenean ez zan argi geratu udalak zelan ordainduko dauan, ez ze partidatik aterako den diru hori.

 ·        Musika eskolea:

Rutek esan eban matrikulazinoa beherantz doala eta gurasoen aldetik kritikak dagozala funtzionamenduari buruz. Organizazino arazoak egon dirala, baina gatxa dala jakitea arazoa non dagoan: irakasleak, ikasleak, gurasoak...BILDUk gogorazo eutsan berak esan ebala azterketa bat egingo zala gastua murriztuteko, baina holango azterketarik ez dala egin.

Azaroan 14an batzar bat egingo da gurasoakaz.

·        Aitor Bengoetxea

Asier Etxebarriak aurkeztu dau dokumentazinoa? Orain zer egingo da?

Asierrek alegazino batzuk aurkeztu dauz eta Iskander arkitektoak esan eban alde batetik eta bestetik abokatuak egin dabela txosten bat txabola horreekaz zer egin azaltzeko.

Oraindik Gobernu Batzordetik pasetako dago.

·        2012ko likidazinoa

BILDUk bagilaren 31ra arteko likidazinoa eskatu eban urri-bigarrenan 8rako, eta emon jakon. Likidazinoa aztertu ondoren BILDUkoak konturatu dira partida batzuk erabilita dagozala aurreko urteko gastuak ordaintzeko, adibidez, gabonetako aste kulturala 11.000 euroko partidatik 6.058,93 euro likidauta dagozala. Beste partida batzuk urte erdian ia agortuta dagozala…

BILDUk salatu eban  udalak urte barruan onartzen dituan gauzak (aurrekontuetan onartu barik egon diranak), bai fakturak ordaintzen dituenean ez dauala begiratzen partida bakoitzean dagoan diru-kopurua. Udala oso egoera larrian dagoala ikusten dau BILDUk eta hau sahiesteko  EAJ-PNV ez dabil ezer egiten. Herria eta herritarrak urte askotarako hipotekatzen dabiz.

BILDUk argi dauka 2012ko urtea be negatiboan itxiko dala eta gainera aurreko urteetatik datorren remanente negatiboa ez dala hobetuko, baizik eta handitu egingo dala.

URRI LEHENENGOAREN 25-EKO PLENOAREN LABURPENA

EAJ-PNVtik: Izaskun Sagarna, Felipe Agirrezabala, Bitoriano Larrazabal eta Egoitz Arana.

BILDUtik: Anuska Emaldi, Pedro Lejarza eta Zedarri Jauregi.

Zeanuriko udaletxeko batzar-aretoan, 2012ko urri lehenengoaren 25ean, goian aipatutako kideak batu ziran.

-Plenoa hasi aurretik BILDUk salatu eban garagarrilan 17an Txelisek dimisinoa aurkeztu ebala eta urri lehenengoan 18an Madrilera agindu barik egon zala ondino, eta plenoan ondino kargua hartu barik.

-Alkateak, Gorbeiazpi alkarteak aurkeztu dauan eskaria, BILDUk ia plenorako onartuko dauan galdetu eban, pleno informatibora ez ebelako eroan gai hau. BILDUk onartu egin eban.

Aurreko bilera-agiriaren onarpena.

Bagilaren 26ko plenoko aktan inguruan BILDUk zuzenketa batzuk egin ebazan.

Garagarrilaren 10eko ez-ohiko plenoko aktari buruz galdetu eban galdera ikurren esanahia jakiteko. Onartu egin zan.

Negoziazino Mahaia zabaltzeko Zeanuriko Udaleko langileen eskaria.

Alkateak azaldu eban 2011ko azaroan aurkeztu zan idatzia dakarrela mahai ganera, ikusirik urte bete pasatu  dala eta EUDELetik ez dabela ezer egin.

Danon baiezkoagaz Negoziazino Mahaia zabaltzea onartu zan.

Preso gaixoen eskubideen aldeko mozinoa. (BILDU)

EAJ-PNVren alternatiboa.

Mozino bien arteko idatzi adostu bat egitea ebatzi zan.

Erabilera Publikoko baso baten erabilera aldatzeko Gorbeiazpi Abeltzainen Elkartearen eskaria.

Se pide la autorización de cambio de uso del monte de utilidad pública 25. Parte de la parcela 90 polígono 6. Aproximado 4,5 Hectáreas.

Talado el año 2011.

Para su cambio de uso pastizal, con el objeto de una vez transformado en pastizal sacarlo a subasta para su adjudicación para ganaderos residentes en este municipio y con dedicación exclusiva. En unas tasas a valorar por la asociación.

EAJ-PNVk azalpenak emon ebazan gai honen inguruan: Europatik datozen dirulaguntzak hartzeako larrea behar da. Momentu honetan % 2-3 falta da, 16 hektarea inguru.

BILDUk horren inguruan galdetu eban, ez ekielako honeri buruz.

          -Non dago partzela hori? Altunganen.

          -Zenbat terreno dau larre moduan? 1050 hektarea.

          -Udalak badauka gehieneko bat landatubako terrenoa eukiteko? Ez.

          -Zenbat abeltzain dagoz dedikazino esklusiboa daukienak? Dozena bat inguru.

      -Udalak zegaz aterako dau dirua gehio, landatuta edo landatu barik? Landatu barik. Lehenengo bost urteetan prestetan itxi behar da eta hurrungo 10 urteetan 120-130€ minimo hektareako.

BILDUk ez dau gai hau argi ikusten eta hurrungo plenorako ixtea eskatu eban. Alkateak onartu eban.

Erregu eta itaunak.

BILDUk adierazi eban pleno honetarako, Udaleko lokalen garbikuzirako Baldintza Pleguen onarpena eta Lurperatze, kaleen garbikuzia eta lorategien mantentzerako Baldintza Pleguen onarpena, gai ordenean sartzeko eskaria egin ebala. Alkateak ezetza emon eban, plenoko gaiak ez dirala arrazoituz, baina batzar bat egingo dabela danon artean, adostutako baldintza plegu batzuk izan daitezan. Batzar hori martitzenean bertan egin zan plenoan aurretik eta danon adostasunagaz aterako dira aurrera Baldintza Pleguak.

Bilduk 2011-2012 ikasturteko errepaso bat egin eban, plenotik pasatu diran gai batzuk ze egoeratan dagozan jakiteko.

·       -Oinezkoen lehentasuna eta ezinduen aparkalekua San Isidro kalean. Azaroaren 8an onartuta. 

       EAJ-PNVk erantzun eban horretan dabizela.

· -Undurragako urtegiko barruko bidea (piszina) dala eta batzarra eskatuko zala esan zan(maiatzaren 2ko plenoa). By-passa  eta zerga kontua?

 Batzarra egiteko eskaria eginda dagoala erantzun eban EAJ-PNVk.

·      - Aguazilen ordu estrak murriztuteko neurriak zeintzuk izango dira? (maiatzaren 2ko plenoan).

 Neurri batzuk hartu dirala eta jaietan, adibidez, ordu gitxiago egin dauzala izan zan erantzuna.

·       -Zeanuri-areatza espaloia noz hasiko dira egiten? (ekainaren 26ko plenoa)

 Hasteko dirala erantzun eban EAJ-PNVk.

·   -Santa Lutziko bidearen desjabetzearen prozesua ze momentutan dago?eta, han goragoko bidea dala eta zer egin da?

 Alegazino epea zabalduta dago. EAJ-PNVk esan eban Inesegaz egon dirala, bera etorri zalako udaletxera preguntez BILDUren blogean leidu ebalako gai hau plenoan egon zala. Eskriturak aurkeztuko dauzala esan eban baina ondino ez dau ezer aurkeztu.

·      - Gazte plana zein da eta noz hasiko da martxan?

 Rut dabil gai honegaz eta plenoan ez zanez egon bera dagoanean erantzun beharko dau.

·       -Auzunetako panelak noz ipiniko dira?

 Ipiñaburun eta Undurragan falta direla erantzun zan.

·       -Auditoria barriro eskatu beharra.

 Egingo dala esan zan.

·      - Ikastaroak:  lan poltsarik zegaitik ez da zabaltzen?. B kapitulutik ordaindutea legezkoa da? Nor doa emoten?

 Rut dabil gai honegaz eta plenoan ez zanez egon bera dagoanean erantzun beharko dau.

·    -Eskoletan jaietan pasatu zana. Apurtutako kristela noz konponduko da? Umeentzako arriskutsua da.

 Ondino ez da konpondu, arazoa konpontzeko erreza ez dala-eta erantzun eban EAJ-PNVk.

·      -Bardintasun Planerako jasotako dirulaguntzea zetan gabiz gastetan eta zetan gastauko da?

 Dirulaguntza hori plana egiteko erabili zan. Ekintzen inguruan Rut dabilela gai honetan eta bera dagoanean erantzungo dauala izan zan erantzuna.

· -Emoneko aparteko dirulaguntzak: Gorbeia Suzien-eri  zenbet emon jako, ermiten 25.urteurrenean (250€ trikitilariek), 2urteko gela…

Gorbeia Suzieneri 2.500€.

 Ermiten ibilaldia 200€.

2 urteko gela abendurarte diruz lagunduko da baina oraindik ez dakiela zenbat izango dan, Rut dabil gai honegaz.

·       -Kontadorak ipini beharra ura pagau behar dalako. Zenbeteko aurrekontua?

 Ez dago aurrekontuetan.

·       -Undurrarantzako bidean arrisku handia bedarrak bideraino dagozalako. Aste honetan hasi dira ebagiten.

 Diputazinoak urtean baten ebagiten ditu.

·       -Zulaibar-Behasko: emoneko dirulaguntza berreskuratu dogu?

 Ondino ez.

·      - Monitoreen kontratuak.  Udalekueri emoneko dirulaguntza zenbatekoa izan da azkenean?

 Rut dabil gai honegaz eta bera dagoanean erantzun beharko dauala.

·       -Putzu baltzak. Ze egoeraten dau gai hau?. Herrieri esan beharko jako Partzuergoak zer egingo dauan ezta?

 Batzar bat deitu dau EAJ-PNVk eta erantzunari etxoten dabiz.

·   -Musika eskola: kontratuak noz arte dira? Rutek esanekoa ekainaren 26ko plenoan: “… badabilela gastua murrizteko azterketa bat egiten”, ”… ofiziala izanik, holan funtzionatzen dauan ala beste erabateko klaseak diran bertan emoten diranak”. Azterketa horren emaitzak zeintzuk izan dira, kontratuak aldatu dira? Bai/Ez? Zergaitik?, ofiziala da edo beste erabateko klaseak emoten dir? Holan bada ze neurri hartuko da?

 Rutek daroanez gai hau berak erantzun beharko dauala datorrenean.

·       -Mankomunidadeak egindako auditoria argi gastue dala-eta kontuan hartu da?

 Begitan dabizela izan zan erantzuna.

·     -  Begituri dirulaguntza noz emongo jako eta zenbat?

 Ondino ez dakie zenbet emon jakien.

      -Kantxeruen kontratua noz amaitzen da?

 Fedarazinoagaz dago konbenio bat baina ez dakie noz amaituko dan.

·     - Udalbiltza. (ekainak 26ko plenoan gonbidapena emon zan, erantzuna?)

 Euren erantzune ondino geldi egotekoa izan zan.

Ordenantza web gunean publikatzea

          Behar asko dala erantzun eban EAJ-PNVk,  dana digitalizau beharko zalako,  baina hasiko dirala egiten.

 Eskolako eta kultur etxeko giltzek.

          Kontrolauko dirala erantzun eben.

Dokumentazino eskaria (urriaren 8rako)

Berankortasun legea

BILDUk eskatu eban, legeak dinoan moduan, hiru hilabetero plenoan udalaren diru kontuak argitaratutea. Idazkariak erantzun eban ahaleginduko dala.

Ikusirik Zeanuriko udalak 2011/12/31n zor bizia 1.062.000koa eukala eta 1297 biztanle, biztanleko zor bizia 818,21€koa zan. Dokumentazino eskari hau egin deutso alkateari.

-Lehenengo sei hilabeteko likidazinoa.

          -2012ko urtean likidauko dan mailegua ze egoeratan dagoan.

          -Bagilaren 26ko plenoan eskatutako txostena, EAJ-PNVk aurkeztu zituan proposamenak diruzaintzako gerakin likido ezkorra murrizteko, batzen dauana.

Aitor Bengoetxea

BILDUk azaldu eban 2011ko abenduan Aitorrek idatzi bat aurkeztu ebala Asier Etxebarriak bere soloan daukazan txabolak dirala-ta, baimen barik eginda dagozala eta  ilegala dala hori. Gai honen inguruan Luis Mari Iturbek be salaketa bardina egin eban apirilan.

BILDU dokumentazinoa aztertuten egon zan eta ikusi dau txabola horrek baimen barik dagozala ipinten dauala arkitektoaren txostenean, eta Asierrek hilabeteko epea daukala eskatuten jakon dokumentazinoa aurkezteko. BILDUk galdetu eban ia dokumentazino hori aurkeztu eban, Asierrek bagilaren 4an hartu ebalako udaletxeko notifikazinoa eta hilebete aspaldian pasau dalako. Alkateak esan eban ez dauala ezer aurkeztu.

BILDUk galdetu eban ia ze neurri hartuko diran orain, baina alkateak ez eban ezer argirik erantzun.