EKAINAREN 26-KO PLENOAREN LABURPENA

EAJ-PNV-tik: Izaskun Sagarna, Felipe Agirrezabala, Bitoriano Larrazabal eta Rut Martinez.

BILDUtik: Anuska Emaldi, Jose Luis Artetxe eta Zedarri Jauregi.

Zeanuriko udaletxeko batzar-aretoan, 2012ko ekainaren 26an, goian aipatutako kideak batu ziran.

Aurreko bilera-agiriaren onarpena. Aprobación del acta anterior.

Maiatzaren 2ko eta maiatzaren 29ko aktak onartu ziren.

Diruzaintza soberakin ezkorra (-462.211,20€) zuzentzeko beharrezkoak diran neurriak hartzea. Medidas para subsanar el Remantente de Tesorería negativo.

Alkateak aurreko plenoko proposamen bardinak esan ebazan.

            - Saneamendurako diru-laguntzea  100%ean d ez bada lortzen ez dala egingo.

            - Olabarriko pinudietatik gitxi gora behera 60.000€ lortuko direla.

            - 2013ko aurrekontuak superabitagaz onartutea.

BILDUk power point bidez aurkezpen bat egin eban, EAJ-PNVk aurreko plenoan aurkeztutako proposamenakaz, izakin likidoa 5000€-an bakarrik gitxituten dala arrazoituteko.

Hurrungo taulan azalpenaren laburpena agertzen da. (Gai honen inguruko azalpen zehatzagoa hurrengo asteetan argitaratuko da)

		2011	ajusteak plenoan	emaitza plenoan
Deudores pendientes de pago		183348,24	0	183348,24
	presupuesto de ingresos corriente	93881,13	0	93881,13
	presupuesto de ingresos cerrados	72775,11	0	72775,11
	otras operaciones no presupuestarias	16692	0	16692
Acreedores pendientes de pago		659234,03	-5000	654234,03
	presupuesto de gastos corriente	73589	166796,97	240385,97
	presupuesto de gastos cerrados	131303,21	0	131303,21
	otras operaciones no presupuestarias	454341,82	-171796,97	282544,85
fondos liquidos de tesoreria		13674,21	0	13674,21
		-462211,58	5000	-457211,58

Guzti hau kontuan hartuta BILDUk bere proposamenak azaldu ebazan izakin likidoa gitxituteko.

Aurrekontuetako partida honeek berraztertzea:

Sarrerak:

- 13001 Ekonomi jardueren gaineko zerga (IAE).  Iberdrola eta  Ur Partzuegoaren by-passa.

- 28202 Eraikuntzei buruzko zerga. Obra guztiak kontuan hartzea.

- Etxea alogeran ipintea.

Gastuak:

-10000 1100 zinegotzien erretribuzioak 14.800€

Kontratu guztiak berraztertutea:

-13102 4300 Aldi baterako langileak 11.000€

-13102 4500 Aldi baterako langileak 6.000€

-13103  9300 Musika eskolako langileak 40.000€

-16001 1200  Gizarte segurantzaren kuotak 76.200€

-20100 1200 lokalen alogera 9.825€. BILDUk galdetu eban bertan egin dan obra nok ordaindu eban, kontratue noizarte dagoan indarrean eta behin kontratua amaitu ezkero ia lokalaren jabeagaz zeozer hitzartuta dagoan obraren kostua berreskuratzeko.

Alkateak erantzun eban obra udalak ordaindu ebala, kontratuta indarrean noz arte dagoan begiratuko dabela eta obraren kostuan inguruan ez dagoala ezer hitzartuta.

-22602 1100 Protokolo eta errepresentazio gastuak 7.000€

-22603 1200 Publizitate eta propaganda 12.000€ (Bizkaia irratia eta Gorbeialde irratia)

-22605  4500 Jaiak 55.000€

-22606 4500 Ekintza sozio kulturalak 20.000€

-22101 elektra indarrak. Argiak birik bat kendu, argi efizienteak ipini…

-48101 4500 Etekinik gabeko instituzioak 47.000€

-22707 Ikerketa eta lan teknikoak 40.000€ (Arkitektoaren kontratoa)

-22707 Txosten teknikoak 20.000€

Aurrekontuetako eraikuntzei buruzko zerga partidan (60.000€), aurreko urteetako tendentzia ikusirik eta torreko etxeak aurten ez dirala egingo aurreikusirik, BILDUk egindako azalpenean partida hori 40.000€-an gitxituten da. Idazkariak esan eban 25.000€ likidauta dagozala eta beste 25.000€ urte amaierarako likidauko dirala uste dauala. Era berean onartu eban torreko etxeak aurten ez diranez egingo urigintza aprobetxamendua 50.000€ko sarrerako partida ez dala lortuko BILDUri arrazoia emonez.

2012ko baso enkantearen oinarrien onarpena.

Diputazinoak egindako txostenaren arabera ustiaketa enkanteak 37.341€-an (+ %10ko BEZa) urtengo dau, eta bertara udaletxeak zerrendatuta daukazan baso-enpresak gonbidatuko ditu. BILDUren ustez beste tasazino batzuk be eskatu beharko ziran, konparatzeko eta prezio onena hartzeko.

Baso ustiaketak direla eta, BILDUk galdetu eban ia Diputazinoagaz zenbat urterako daukagun sinatuta kontratua eta zenbat hektarea dagozan kontratu horretan lotuta. EAJ-PNVk ez eban jakin, begiratu egingo dabe.

Diruzaintza ezkorra zuzentzeko EAJ-PNVk proposatutako neurrien artean Olabarriko pinudi biren ustiaketa kontuan hartzen da. Guztira 1.160,3m³ dira eta  urteera prezioa 36€ m³ko aurreikusten da. Honeri %10ko BEZa gehitu behar jako. Beraz,  aurreikusitako  60.000€tik, gitxi gorabehera, 45.937,19€ lortuko ziran.

Udal finantzaketari buruz BILDUren mozinoa.

Udal gehienen egoera ekonomiko larria kontuan hartuta, BILDUk etorkizunari begirako mahai bat sortutea eskatu eban, Udalkutxaren funtsaren irizpide eta izaeraren inguruko adostasunak bilatzeko, eta udalentzako finantziazio bide gehiago izateko aukera ematea, Jarduera Ekonimikoen gaineko Zergan edo Ondasun Higiezinen gaineko Zergan aldaketak eginez udalek diru kopuru handiagoa jasotzeko.

EAJ-PNVek kontrako botoa emon eban.

Bateragune auziari jagokon mozinoa.

EAJ-PNVri proposatu jakon aurkeztutako mozinoakaz adostutako bat egitea baina EAJ-PNVek ez eban proposamena onartu.

BILDUk aurkeztutako mozioa be ez zan onartu.

EAJ-PNVk aurkeztutako mozinoari BILDUk egindako ekarpena onartu zan: Euskadi hitzaren ordez Euskal Herria agertutea. Holan eginda mozioa ago batez onartu zan.

Zeanuri Areatza espaloiko obran adjudikazinoa.

Arkitektoak aldeko txostena egin eban.

BILDUk esan eban txostenean  “aseguran estar dispuestos a ejecutar la obra” ipini beharrean “garantizan  la ejecución de la obra” ipini beharko zala. Galdetu eban be  obra ez bada behar dan moduan egiten, noren erantzukizuna izango zan, aldeko txostena egin dauanana ala obra hartu dauan enpresana. Idazkarian esanetan txostena ez da binkulantea.

LGTBQ kolektiboaren nazioarteko eguna: askatasun sexualaren aldeko eguna.

BILDUk aurkeztu eban  mozino hau ago batez onartu zan.

Erregu eta itaunak. Ruegos y preguntas

Udalbiltza

BILDUk gonbidapena luzatu deutsie EAJ-PNVko  zinegotzieri udalbiltzan atxikitzeko. EAJ-PNVn esanetan, ondino ezin dabe erantzunik emon.

Udalekuak

Rut Martinezek, EAJ-PNVko zinegotziak, parkamena eskatu eban Gobernu Batzordean udaleku proiektuaren aurrekonturik ez aurkeztuteagatik eta hurrungo Gobernu Batzordean aurkeztuko dituela esan eban.  BILDUk erantzun eutsan aurrekontua proiektua gauzatu baino lehenago aurkeztu beharko zala, alderantziz egiteak ez daukalako zentzurik.

Aukeratu dauan enpresa  Orue Eskola da. Ume bakoitzaren asteroko prezioa 68€koa da, horreetatik ume bakotxak 35€ ordainduko ditu. Enpresak aurkeztutako aurrekontua uztailaren 2tik-13ra bitarteko udalekuetarako 2.861,47€koa da.

BILDUk galdetu eban zeintzuk izan diran irizpideak enpresa hau aukeratzeko. Rutek erantzun eban esanez,enpresa hau herritar batzuena dala eta beste enpresek 2-5 urteko umeakaz lan egiteko proiekturik ez dabela aurkeztu. BILDUk gogorarazo eutsan aurreko plenoan esan ebala enpresari derigortu egingo jakola begiraleak herritarrak izatea, eta aukeratutako enpresari ez jakola balditza hori betearazo. Emondako arrazoia izan zan  egiten dabizen moduan egin behar dala, ostean ezin dala zerbitzu hori emon. Gainera, aipatu eban be, lanean dagozan guztiak herrikoak izan ez arren, enpresako zuzendaria, Eneritz Iza, eta koordinatzailea, Miren Ozerinjauregi direla eta umeekaz zuzenean lanean dagozanak praktiketan dagozanak direla. Honeri erantzunez, BILDUk esan eutsan izenak ez dabela ardura, ardura dauana dala aurreko plenoan emoneko berbea ez betetea, eta gainera, legearen arabera, praktiketan dagozanak ezin dirala titular barik egon.

Proiektu hau “Ekintza Sozio-kulturalak” partidatik  ordainduko dala erantzun eban Rutek.

Berankortasun legea

BILDUk eskatu eban, legeak dinoan moduan, hiru hilabetero plenoan udalaren diru kontuak argitaratutea. Idazkariak erantzun eban ahaleginduko dala.

Zubie

BILDUk zubiari buruz galdetu eban barriro. Alkateak erantzun eutsan Azkar kamioi batek apurtu ebala eta segurua egingo dala kargu ordainduteagaz.

Putzu septikoak eta putzu baltzak

BILDUk gai honen inguruko azalpenak eskatu ebazan, herritar batzuen kexak entzun dituelako. Alkateak esan eban “jarduera eremu” dan lekuan udaletxea arduratuten dala putzu baltzak edo septikoak garbituteagaz, eta  “jarduera eremu” ez dan lekuko putzu septikoakaz Partzuergoa arduratzen dala. Honen aurrean BILDUk galdetu eban ia egia dan aurrerantzean Partzuergoa ez dala arduretuko horretaz arduratuko. Erantzun jakon zeozer entzun dabela baina ofizialki ez dagoala ezer eginda.

Lapurretak

Lapurretak direla eta neurriak hartzea eskatu eban BILDUk. Alkateak esan eban patrullak ugaritu dirala herritik.

Begitu

BILDUk gogorarazo eban aurrekontuak onartu ziranean alkateak esan ebala Begituren linea editorialak joera egokia izan ezkero ekainan berraztertuko zala dirulaguntza emotea ala ez. Alkateak esan eban Begituri eskatuko jakola proposamen bat egitea azkenengo sei hilabeterako.