2019ko urriaren 17ko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2019ko urriaren 17an, 19:00etan, goian aiptutako zinegotzi-gaiak biltzen dira urriaren 15ko deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. AURREKO BILERAKO AKTAREN ONARPENA.

Uztailaren 18ko akta onartzen da.

2. 2020RAKO TASA ETA PREZIO PUBLIKOEN ERREBISIOAREN ONARPENA , HOLAN BADAGOKIO.

Alkateak hartzen dau berbea adierazteko, tasak eta prezio publikoen errebisioa urtero egiten dela eta aurten, irailetik irailerako IPK izango litekela kontuan, eta % 0,5 dala.

Beraz, eurek egiten daben proposamena %0,5 eko igoera aplikatzea, 0 edo 5 era borobildute.

Gaia eztabaidatu eta bozkatu ondoren, guztien adostasunagaz (9 boto alde, 5 EAJ-PNV, 4 EH Bildu) hurrengoko ebazpena hartzen da:

Lehena: 2019 ekiltaldian aplikatuak izateko Udal tributuen ordenantza fiskalen aldaketari behin behineko onarpena egitea.

Bigarrena: Toki Ogasunak arautze dituen abenduaren 16ko 9/2005 Arau Foralaren 16. Atala eta Toki Oinarriak arautzen dituen apirilaren 2ko 7/1985 Legeraren 49,70-2 eta 111 iragarki hau Bizkaiko Aldizkari Ofizialean argitaratzen dan hurrengo egunetik zenbatutako 30 eguneko epean zehar, interesdunak egokitzat erizten dabezan erreklamazioak aurkeztu ahal izango dabez.

Aipatutako onarpena behin-betikoa izango da erreklamaziorik aurkeztu ezean.

3. HIRILURREN GEHIKUNTZAREN GAINEKO ZERGA ARAUTZEN DAUEN ORDENANTZAREN ALDAKETAREN ONARPENA, HALAN BADAGOKIO.

Alkateak hartzen dau berbea azaltzeko zelan zerga hau likidatzerakoan, batzutan kuotak oso txikiak izaten direla , batzutan notifikazio gastuak baino txikiagoak. Hori ikusita, eta baita ere likidazioa bera egiteak be lan asko suposatzen dauela, 100,00 €ko gitxiengo kuota bat proposatzen dela. 2003ko Ordenantzeak gitxiengo kuota hori aurrikusten ebala, baina 2017koak kendu egin zala, balore katastralak igotzerakoan uste zalako ez zela beharrezkoa izango. Salbuetsita dagozanen artean, desahucio baten ondoren etxea trasmititzen daurienak dagozala.

Arkaitz Estiballesek adierazten dau printzipioz, udalak zerbitzuak ematen dituenean batzuk defizitarioak direla, eta hau horrelako kasu bat izango litekela. Alkateri galdetzen deutso ia aldaketa horregaz ze helburu daukan. Alkateak erantzuten deutso errekaudazioa hobetuko litekela.

Gaia eztabaidatu eta bozkatu ondoren, guztien adostasunagaz (9 boto alde, 5 EAJ-PNV, 4 EH Bildu) hurrengoko ebazpena hartzen da:

Lehena: Hirilurren Balioaren Gehikuntzaren Gaineko Zerga arautzen dauen Ordenantzaren 10. Atala aldatzea, adieraziz “Gitxiengo kuota 100,00€ takoa izango da.”.

Bigarrena:Toki Oinarriak arautzen dituen apirilaren 2ko 7/1985 Legeraren 49 atalaren arabera iragarki hau Bizkaiko Aldizkari Ofizialean argitaratzen dan hurrengo egunetik zenbatutako 30 eguneko epean zehar, interesdunak egokitzat erizten dabezan erreklamazioak aurkeztu ahal izango dabez.

Aipatutako onarpena behin-betikoa izango da erreklamaziorik aurkeztu ezean.

4. PLAZAKO ESPAZIO PUBLIKOA ESTALTZEAREN OBRA AMAIERAREN ZIURTAGIRIAREN ONARPENA.

Alkateak hartzen dau berbea adierazteko obra hau Ekineri esleitu jakola 175.917,00+BEZ eurotan, eta arkitektoak obra amaiera ziurtagiria 186.144,90€tan + BEZ sinatu dabela. Diferentzia “ pavimento cancha frontón” partidatik datorrela gehien bat , ze proiektuan zelaia konpontzea etorrela eta barria egitea erabakia zala. Beste partida txikitxo bat frontise garbitzen gastau dala, azido bategaz garbitu delako. Azken likidazio hau salbuespenakaz sinatu dela, ze momentuz amaitzeko falta dala logoa jartzea, babesa jartzea posteari , frontisean sarea zarratuego jartzea eta osteko tabloiari teilatutxoa jartzea.

Horretaz gain ituginik dagoen ala ez frogatzeko “ prueba de estanqueidad” ere egin behar dala. Preziotik kanpo dagoela argiek jartzea.

Arkaitz Estiballesek hartzen dau berbea adierazteko enpresak adjudikazio prezioan barne egin behar ebala lurzoru aldaketea, hori aurrikusi egin behar ebala.

Alkateak adierazten dau udalak berak eskatu ebala zelaie aldatzea, enpresea prest egoala zelaia proiektuen egoan moduen izteko.

Arkaitz Estiballesek gaineratzen dau segurtasun arloan be gabezi asko ikusi direla.

Alkateak dio gaine gainean egon direla gai horregaz, baten baino gehiagotan deitu jakola bai segurtasuna arloa eroan dauen enpresari, bai obra ejekutetan egon dan enpresari.

Segurtasun arloa eroan dauen enpresak txostenen bidez adierazi dauela eurek egon direnean neurriak hartzen izan direla. Hortik aurrera, eta desgrazi pertsonala, kanpoan itzite, udalak ez daukala inongo erantzukizunik.

Gaia eztabaidatu eta bozkatu ondoren, 5 aldeko botoakaz ( EAJ-PNV) eta 4 kontrako

botoakaz (EH Bildu) hurrengoko ebazpena hartzen da:

Lehena: Plazako espazio publikoa estaltzearen obra amaieraren ziurtagiriaren onartzea.

Bigarrena: Interesatuei horren berri ematea.

5. UDALBATZAK EGITEKO EGUTEGIAREN ONARPENA.

Alkateak adierazten dau, aurreko plenoan , komentau baeban be 4 urterako egutegia aurkeztuko ebala, eraginkorragoa ikusten dauela urte osorako egutegi bat, lan eta familia baldintzak aldatu ahal direlako. Jarraitzen dau azalduz zelan apirilean Aste Santua denez, atzeratu egin direla bai batzordea eta bai udalbatza.Ospatuko litekezela beharrizana balego. Bestela zuzenean maiatzekoa ospatuko litekela. Printzipioz eguenean izango direla, 19:00 etan baina aurreko plenoan abisatuta barikuetara be pasau ahal direla.

EH Bilduko zinegotziek eskatzen dabe, San Jose jaia dala eta batzordea 18an egitea eta plenoa 26 an.

Beraz, guztien adostasunagaz, hurrengoko egutegia onartzen da.

                    URRIA                AZAROA                ABENDUA

6. ERREGU ETA GALDERAK.

Alkateak hartzen dau berbea adierazteko Kataluniako proces-a dala eta egondako sententziagaz desadostasuna erakutsiz EAJ-PNVk mozio bat aurkeztu dauela eta EH Bilduk beste bat.Mozio bi horiek hurrengo udalbatzan eztabaidatuo direla dio. Jarraitzen dau esanez, Bizkaian Batzar Nagusiak ez direla heldu akordio batera , Gipuzkoakoak baietz, Eusko Legebiltzarrak ez dauela ezer adierazi ezta Eudelek bez. Hori dela eta, nahiz eta aukera egon urgentziz puntua tratatzeko, erabaki dauela hurrengo plenora eroatea. Aukera berdina egin dauela EH Bilduk be.

Arkaitz Estiballesek dio guzti honek azalpen bat daukala, gaia Alkateagaz tratatu ebalako aurretik, Gipuzkoako Batzar Nagusietako proposamen adostua aurkezteko asmoagaz, talde biak onartua izateko asmoagaz. Holan egin ezkero, eurek ez ebela moziorik aurkeztuko, baina eguerdian Alkatek adierazi deutsola EAJ_PNVk berea aurkeztuko ebala, horregaitik aurkeztu dauela EH Bilduk ere. 

Alkateak adierazten dau Gobernu Batzordean aipatu ebela ez ebala mozioa ezagutzen, eta Gipuzkoako Batzar Nagusietako webean begiratu arren, bertan ez dela agertzen onartutako mozioa.

Arkaitz Estiballesek adierazten da bere ustez, horrelako egoeratan partidu politikoen irizpideen gainetik, Zeanuriko udalean dagozan talde biak mozio bateratu bat onartzeko gai izan behar litekez. EH Bildu prest egongo dela horretarako, are gehiago, mozio adostu bat ez balitz aurkeztuko, eurena erretiratu egingo leukiela dio.

Alkateak adierazten deutso, hasiera baten Gipuzkoakoa adostutekoaren alde egoala, baina egun hauetan beste gauza batzuk be suertatu direla honen inguruan, eta horregaitik nahiago dauela datorren udalbatzan tratatu aipatutako mozioak.

Berriro hartzen dau berbea Alkateak, adieraziz zer gertatu den Zeanuriko udalean estelada jartzearen inguruan. Jarraitzen dau esanez, astelehen gauena, hilak 14, ikusi ebala udaletxeko Bilduko lokaletik estelada zintzilik. Hurrengo goizean Javier Campo, EH Bilduko zinegotziari deitu eta azaldu eutsola udal eraikinetan horrelakorik ezin dela jarri, eta kentzeako. Ikurrinagaz batera jarriko zala Kataluniako bandera, lortzen zen momentuan. Javier Camporen erantzuna izan zela, arratsaldean kenduko zela. Gobernun Batzordean, Arkaitz Estiballes zinegotziagaz berriro atera zala gaia, eta Estiballes jaunak esan eutsola Javier Campo zinegotziak ulertu ebala 10 eguneko epean egon ahal zala estelada. Alkateak argitu eutsola zelan zan, eta gauera orduko kendu zala. Eguaztenean eskatutako bandera etorri beharrekotan, independentista etorri zala. Goizean berriro be Bilduko lokalean estelada zintzilikatu dala, eta udalak mastilean ikurriñagaz batera jarri dauenean señera, EH Bilduri berea kentzeako agindu eman deutsola.

Arkaitz Estiballesek azpimarratu nahi dau, Alkateak ez eutsola aipatu, udalak eskatuta eukala bandera eta etortzerakoan jarriko ebala. Alkateak diño Javier Campori informazio hori emon eutsola.

Puntu honetan Mikel Ibarrak azaltzen dau berak ekarri ebala Bilbotik bandera , baina ez ebala konprobatu eskatutakoa zan . Beraz, atzerapenean badaukala erantzunkizun zati bat.

Arkaitz Estiballesek dio eurek berriro jarri ebela iñork ez eutsielako azaldu zergaitik atzerapen hori eta engainatuta sentitu zirelako.

Alkateak erantzuten deutso ez egoala zertan azalpenik eman behar be, ze EH Bilduk ez dauela baimenik be eskatu.

Beste gai bateri lotute, azaltzen dau Alkateak asteburuan gaztetxokoa zabalduko dala, Suspergintza izan dela aukeratutako enpresa eta Bihotz Parra langilea. Egutegia eta ordutegia ere aipatzen ditu.

Naia Urrutxuak galdetzen dau ia ordutegi hori adostua den erabiltzaileakaz. Baiezkoa erantzuten deutso Alkateak, aurreko kurtsoaren amaieran batzartu zirela gazteakaz.

Galdetzen dau Arkaitz Estiballesek ia deialdi zabalik egin zan. Alkateak adierazten deutso ezetz, bertara joan zirela. Aurten oindino ez dela egin batzarra, baina egingo dela. Dana dala, ordutegie aldatu ahal dala.

Arkaitz Estiballesek aipatu nahi dau luminosoan ez dela jarrite Udalbatzako deialdie.

Jarraitzen dau Alkateak aurreko Plenoan egindako galderak erantzuten. Kanposantuko barandilek jartzeko beste aurrekontu bat eskatu dala, eta desfibriladorak direla eta bata Undurragan jarriko dela , Txatoneko tabernea egoten zan inguruen eta beste Parrokien Elizondoko aldetik.

Arkaitz Estiballesek adierazten dau kanposantuko barandilea guztiz beharrezkoa dala, batez be Elizondokoan, ze nahiko aldapa handia daukala. Jarraitzen dau adieraziz bere ustez daukan aldatzak , ez dituela irisgarritasun baldintzak betetzen. Galdetzen dau ia zearkitektok ikuskatu dauen obra hori.

Erantzuten jako ez dela arkitekoaren oneritziagaz egin, ze bertara heltzeko aldatzak be ez dituela irisgarritasun baldintzak betetzen. Ez dela besaulkientzat, ibiltzeko zailtasunak daukiezenentzat baino.

Nahia Urrutxuak galdetzen dau ia jaien kontuak prest dagozan. Alkateak erantzuten deutso momentuz ezetz, aste honetan be fakturaren bat heldu dala.

Mikel Sagarnak galdetzen dau ia arkitektoak begitu dauen haurreskolako arrakala.

Alkateak erantzuten deutso, eguaztenean hainbat konsulta atendidu behar izan zituela eta gero kanpora urten ebala fin de obra batzuk ikusten, eta ez ebala astirik izan. Hurrengo datorrenean begiratuko dauela.

Arkaitz Estiballesek galdetzen dau ia zenbat denbora egoten dan. Alkateak erantzuten deutso 3,5 ordu gitxigorabehera. Hortik aparte txostenak, konsulta telefonikoak eta bere beharrizana dagoenean egutegitik kanpo etortzeko edo batzarren batera joateko.

Arkaitz Estiballesek adierazten dau igual dedikazio gehiago beharko dauela.

Jarraitzen dau Arkaitz Estiballesek, herritar batzuek ikusita aspaldian udalak hainbat dirulaguntza onartu dituela, piszinetarako, kiroldegirako,... galdetu dabela ia beste zeozer aukeratu ezkero dirulaguntzaren bat egongo liteken.

Alkateak erantzuten deutso eskaintzak limite batzuk daukiezala, eta salbuespenak bai honetan eta bai Musika Eskolan (emoten ez den instrumentu bat ikasi nahi izan ezkero) ez direla aztertu.

Berriro hartzen dau berbea Arkaitz Estiballesek eta galdetzen dau ia planteatzen den dirulaguntzen ordenantza eta espazio publikoaren erabilera arautzen dituen ordenantzak berrikustea.

Alkateak erantzuten deutso momentuz ez dala aztertu.

Gaiagaz jarraituz Arkaitz Estiballesek adierazten deutsie aurreko legegintzaldian egon ez diren zinegotzie Arartekoak txosten bat egin ebala “talde kulturalei eta elkarteei dirulaguntza emateko onartu zan Ordenantzari buruz, iradokizun batzuk eginez, Zeanuriko udalak ez dituenak betetzen.

Beste alde batetik, espazio publikoaren erabilera arautzen dauen ordenantzari buruz adierazten dau argitu beharko dala zer den 2. Txoznak lehenengoari eman behar deutson dirukopuru hori.

Alkateak adierazten dau aztertuko dela eta udalari badagokio diru ekarpen hori kontrolatzea halan egingo dela.

Arkaitz Estiballesek adierazten dau Ordenantza hau kasu konkretu baterako egin zela, hau da jaietarako non udalak lehenengo txosna jartzen dauen, jai batzordearen bitartez eta bigarren batek diru ekarpena egin behar deutso udalari. Baina Gorbeia Suzienen kasua ez dela antzekoa, ze hemen parte biak pribatuak dira.

Alkateak adierazten dau Ordenantzak argi adierazten dauela txoznak ekintza finantzatzen lagundu behar dabela.

Arkaitz Estiballesek dio euren galdera dela ia diru ekarpen hori tasa, prezio publiko ... edo zer dan.

Alkateak berresten deutso aztertuko dala.

Nahia Urrutxuak , EH Bilduko zinegotziak galdetzen dau ia 2020 aurrekontuetarako aurrikusten den jubilatuen bidaia finantzatzea.

Alkateak erantzuten deutso momentuz ez direla hasi aurrekontuak prestatzen.

Arkaitz Estiballesek hartzen dau berriro berbea eta galdetzen dau ia ze puntutan dagoen Altzustan hasi zen ikerketa espedientea eta ia alegaziorik egon den.

Alkateak erantzuten deutso Josu Amurizak auzokoen testigantza batzuk ekarri dituela.

Horretaz aparte testigoakaz bilerak egiten ari dela; Josu Amurizagaz batzartu dela eta Garbiñe Mayorregaz bilduko dela. Udalak, daukan dokumentazioa katastroa dala, bai 1957koa bai gaur egunekoa eta bietan partzela guzti hori publiko legez agertzen dela.

Arkaitz Estiballesek adierazten dau Katastroan akatsak be suertatzen direla. Momentu honetan Mikel Sagarnak hartzen dau berbea eta galdetzen dau ia zelan dagoen txokoen zezioa, Uribe, Altzusta eta Altzuakoena.

Idazkariak aipatzen dau begiratu egin beharko litekela. Altzuakoaren kasuan txokoa kofradiko lurrean eginda dagoela eta juridikoki gaia konpontzear dagoela.

Nahia Urrutxuak galdetzen dau zelan dagoen “bideen konponketaren” partida, eta ia ze lehentasunaren arabera konponduko diren. 

Alkateak azaltzen dau kasu batzuetan ez direla bide osoak, bide zatiek baino, baina aurtengo aurrekontuan, nahiz eta partidara dirua sartzeko hainbat modifikazio egin, ez dagoela dirurik.

Arkaitz Estiballesek galdetzen dau ia baso enkantea hutsik geratu den. 

Adierazten jako Forestal Frias aurkeztu dala . Galdetzen dau ia basoa bota ostean ze espezie landatuko

dan, eta erantzuten jako entresaka bat dala.

Nahia Urrutxuak eskatzen dau plenoan grabaketa bialtzea. Idazkariak diño saiatu dala e- mailez baina ezin dela. Beste era batera “wetransfer” bidez egingo dala.

Nahia Urrutxuak eskatzen dau aurrekontuaren modifikazioen aldaketen kopia, 6 tik 12ra.

Idazkariak adierazten dau bialdu zituela baina ez badira heldu berriro bialduko dituela.

Eta beste gairik ez dagoenez, bilerari amaiera ematen jako 20:00 orduetan.

2019ko irailaren 19ko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2019ko irailaren 19an, 18:00etan, goian aipatutako zinegotzi-gaiak biltzen dira irailaren 17ko deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. AURREKO BILERAKO AKTAREN ONARPENA

2019ko ekainanaren 19ko akta onartzen da. Uztailaren 18koa mahai gainean geratzen da.

2. 2019KO AURREKONTUAREN 12. ALDAKETAREN AZTERKETA ETA ONARPENA, HALAN BADAGOKIO.

Alkateak hurrengoko modifikazioa planteatzen dau:

Kredituen trasferentzie:

4410 22300: Garraioak: (auzuneetarako , Landatzitik eskari berri bat) +1.000,00

4500 22707: Txosten teknikoak: +12.000,00 (Arau Ordezkoen aldaketa puntuala, Albakoako muroaren proiektua, Albakoako muroaren geoteknikoa, eskolako obrarako geoteknikoa, Arau Ordezkoen ingurumen inpaktoaren azterketa).

1530 21001: Konponketa, mantenimendua: Bideak ( Beharrizanak Uriben, Asterrien eta Ipiñaburun): +8.500 €

3350 22707: Euskerako Plana: -4.000,00€

2300 48005: Hirugarren adinekoen bidaia: -1.500,00€

3330 62209: Ludoteka Gaztetxokoaren berantolaketa:- 6.000,00€

3321 62208: Liburutegiaren berantolaketa:- 10.000,00€

Kentzen diren partiden azalpena emoten dau Alkateak:

Euskera Plana: Berez plana ez dela egingo baina Foru Aldundiak Zeanuriko udalerria aukeratu dauela “Arnasa gara ” proiektua aurrera eroateko eta euskeraren arloan hainbat gauzea egingo direla urte amaierararte.

Arkaitz Estiballesek galdetzen deutso Idazkariari ia udala ez dagoen behartute euskera plan bat izaten. Erantzuten deutso Zeanuriko udalak euskera plana bera eta erabilera plan eginda dituela, beraz, derrigortasun maila beteta dagoela. Erabilera planaren ardatza ekintzak egitea eta bultzatzea dala.

Arkaitz Estiballesek galdetzen deutso Alkateari ia “Arnasguneako” ekintzak erabilera planaren arabera egingo diren.

Alkateak erantzuten deutso baietz, eta landuko diren aspektuen artean euskalkiak dagozala.

Hirugarren adinekoen bidaia: Alkateak azaltzen dau bidaia eginda eta ordainduta dagoela, eta partidan dagoen konsignazioa kendu egingo litekela.

Ludoteka-gaztxekoaren berantolaketa: Aurten ez dela garatuko.

Liburutegiaren berantolaketa: Aurten ez dela garatuko.

Jarraitzen dau Alkateak aurrekontuaren modifikazioa azaltzen:

Kredituak gaitzea:

3380 22606: Jaiak: +13.200,00

Gehiagoko dirusarrerak :

28200: Eraikuntza, instalazio eta obra zerga: 8.800,00€

32109: Telefonika, euskaltel (suelo, vuelo...): 4.400,00€

Arkaitz Estiballesek galdetzen dau ia zergaitik ez den mugatzen Jai Batzordea dagoen aurrekontura., ze 13.000,00€tako desbiazioa egon dela.

Alkateak erantzuten deutso ez dela jakiten zehatz gastua zenbaterainokoa egongo den. Egia dela 13.000,00€takoa aldea be ez litekela egon behar, baina aurten Andra Mari jaiek 3 egunetan bakarrik ospatu direla , hau da gehiago murriztea oso zaila dela, beraz 2020ko aurrekontuan partida hau hobeto hornitu beharko dela.

Jarraitzen dau Arkaitz Estiballesek galdetzen ia zergaitik hartzen diren kontuan partida batzuetan egondako gehiegizko dirusarrerak, beste batzuetan ez denean lortu aurrekontuan ezarrita dagoena. Adierazten jako errekaudazioa zergetan ondo doala (IBI, Jardueren gaineko zerga, udalkutxa...).

Gaia bozkatu egiten da eta 5 aldeko botoakaz (EAJ-PNV) eta 4 kontrako botoakaz ( EH

Bildu), hurrengoko ebazpena hartzen da:

Lehena: 2019ko aurrekontuaren 12. Aldaketari hasierako onarpena ematea.

Bigarrena. Bizkaiko Lurralde Historikoko Toki Erakundeen Aurrekontuari buruzko abenduaren 2ko10/2003 Foru Arauaren 15.1 artikuluaren arabera, jendeaurreratu egiten da, erreklamazioak eta iradokizunak aurkezteko, Bizkaiko Aldizkari Ofizialean argitaratu eta 15 egunetako epean.

3. GIMNASIA IKASTAROETAKO TASEN ONARPENA, HALAN BADAGOKIO.

Alkateak hartzen dau berbea adierazteko jarraian agertzen diren tasak onartuko direla, gimnasia arloan. Tasa hauek, zerbitzuaren kostuaren %75 ari egingo deutsiela aurre eta %25 udalak asumitzea.

Arkaitz Estiballesek adierazten dau eurek beti adierazi dabela, tasen zenbatekoa familiaren dirusarreren araberakoa izan behar leukela. Dana dala onartuko leukiela piszinetarako dirulaguntzak onartu zirenenean, EHBilduk egindako iradokizuna hemen be aplikatu balitz hau da, RGI a kobratzen dabenak edo langabezian dagozanak prezio merkeagoak badabez.

Alkateak erantzuten deutso baietz, kontuan izango dala, hasiera hasieratik proposamena zentzu horretan egin delako.

UDAL KIROL

EKINTZAK TASAK

* Familia unitateak Dirusarrerak Bermatzeko Errenta kobratzen dauenean edo kide guztiak langabezian dauzenean.

Beraz, gaia aztertu eta gero, hurrengoko ebazpena hartzen da, 9 aldeko botoakaz,(5 EAJ-PNV/ 4 EH Bildu).

Lehena: Udal Kirol Ekintzak eta Txikungen tasak aplikatzeko tasen ordenantza fiskalen aldaketari hasierako onarpena ematea.

Bigarrena: Toki Ogasunak arautze dituen abenduaren 16ko 9/2005 Arau Foralaren 16. Atala eta Toki Oinarriak arautzen dituen apirilaren 2ko 7/1985 Legeraren 49,70-2 eta 111 iragarki hau Bizkaiko Aldizkari Ofizialean argitaratzen dan hurrengo egunetik zenbatutako 30 eguneko epean zehar, interesdunak egokitzat erizten dabezan erreklamazioak aurkeztu ahal izango dabez.

Aipatutako onarpena behin-betikoa izango da erreklamaziorik aurkeztu ezean.

4. UDALETXEKO ALGUAZILAREN ESKARIAREN AZTERKETA, EUSKAL AUTONOMI ERKIDEGOKO POLIZIARI BURUZKO LEGEAREN ARABERA.

Alkateak hartzen dau berbea adierazteko Euskal Autonomi Erkidegoko Poliziari buruzko Legeak aldaketa bat jaso dauela eta aldaketa horrek alguaziletan eragina dauakala, alguazilak toki polizi legez konsideratu behar direlako urte bateko epean. Horretaz gain jubilatzeko adina 60 urtera jaitsiko liteke. Guzti hau kontuan izanda, udaletxeko alguazilak eskaria luzatu dauela udalean.

Jarraitzen dau Alkateak adieraziz, nahiz eta ikusi udal honetako alguazilak betetzen dituela toki polizien funtzioak, erabakiak formalki nola hartu aztertzen dabiltzala antzeko udaletan galdetuz eta baita ere Eudelen . Eudelek momentuz ez dauela gaia landu eta itxarotea gomendatu dabe.

Beraz, puntua mahai gainean iztea proposatzen dabe.

Arkaitz Estiballesek adierazten dau EH Bildu prest egon dala puntua onartzeko , aurrekoetan emon ez direnak oraingoan betetzen direlako (interesatuaren eskaria, lege aldaketa), baina Alkatearen proposamena be ulertzen dabela eta mahai gainean iztearen alde agertzen dira. Halan eta be egongo direla mozioak, bai pentsiodunenak, bai etxeko andreenak, eta danakaz bardin jokatzea eskatzen dau.

Alkateak erantzuten deutso, bere ustez ez direla konparatzeko moduko egoerak, ze beste kolektibo horiek ez direla udal langileak.

5. ALKATETZA DEKRETUEN KONTU EMOTEA.

Alkateak 2019ko aurrekontuari alkatetza dekretuz egindako aldaketen berri ematen dau:

116. Alkatetza Dekretua: 6. Modifikazioa onartuz.

Gimnasiako kuotakaz jasotako gehiagozko dirusarrera finalista , gimnasiako ikastaroetan gastua handitzeko erabili da. 3.347,00€

134.Alkatetza Dekretua: 7. Modifikazioa onartuz.

Foru Aldundiak , Astondoko lurjauzia konpontzeko emandako dirulaguntza finalista, bideen konponketa eta mantenimentuko gastua handitzeko erabili da.7.849,33€

135. Alkatetza Dekretua: 8. Modifikazioa onartuz.

Bai Foru Aldunditik eta bai Jaurlaritzatik jasotako gehiagozko dirulaguntzak finalistakaz Iharduera Soziokulturaletako partida handitzen da: 6.029,75€

136. Alkatetza Dekretua: 9. Modifikazioa onartuz.

Pelotako finaletako bazkarian kobratu zan dirukopuruagaz, iharduera soziokulturaletako partida handitu zan, bazkaria partida horretatik ordaindu zelako.: 1.940,00€.(Irteera 2.400€koa izan zan pelotariek, entrenadoreak eta juntakoak gonbidatu zirelako bazkaltzen):

137. Alkatetza Dekretua: 10. Modifikazioa onartuz.

Albakoako eraikuntzako gastuak direla eta , ejekutiban kobratutako dirukopuagaz,

konponketa eta mantenimendua, hirigintzan jarritakoa gastua handitzen da. 19.966,09€.

138. Alkatetza Dekretua: 11. Modifikazioa onartuz.

Kasu honetan trasferentzia bidez diru barik egon diren bi partida, hornitu dira:

Gorbeia Suzieneri 7.000,00€ emateko 1.170 € falta izan dira, 2016ko duatloia aplikatu delako partidara. Begituren kasuan, 2018ko dirulaguntza ordaintzeko 770,00 falta izan dira, hortik Begituko iragarkiren bat ordaindu delako.

EH Bilduko zinegotziak adierazten dabe, uztailako udalbatzan 5. Modifikazioa onartu zala eta bat batean gaurkoan 12. Onartu dela. Bitartean ez dabela inongo informaziorik izan.

Idazkariak adierazten deutsie, beti lez, alkatetza dekretuz onartutakoak hurrengoko plenoan informatzen direla. Oraingoan asko izan direla uda be tartean izan dalako, baina hurrengoetararako egin ahala informatuko dala.

ERREGU ETA GALDERAK

Alkateak hartzen dau berbea adierazteko finkatu nahi dauela udalbatzen ordutegia. Plenoan maiztasuna eta eguna zehaztu zirenean EAJ-PNVren proposamena barikuetan jartzea izan zala. EH Bilduk ostera, argudiatuz, horren asteburuen eragina eukala ostegunak proposatu zituela, arratsaldeko zazpiretan.Berak, honen aurrean hirugarren alternatiba bat bota ebala, ostegunetan 18:00 etan edo ezin balitz, barikuen 17:00 etan, baina biek mantenduz. Ikusita irailean laneko ordutegiak finkatuta dagozala zinegotzientzat, bere proposamena ostegunetan 19:00 etan eta ostiraletan 17:00 edo17:30etan egitea da.

Nahia Urrutxuak galdetzen dau ia barikuetara sarri pasauko dan. Alkateak adierazten dau aldaketak egoeretara moldatzeko izaten direla, baina ekarriko dauela egutegi bat urte osorako eta eguenetik barikura pasatuko balitz aurreko hileko plenoan abisatuko dala. Beraz Udalbatzak eguenetan 19:00etan edo barikuetan 17:00 etan izango dira.

Arkaitz Estiballesek adierazten dau eskolako bide gorrie gero eta txarrago dagoela. Eurek dakienetik bide hori udalarena dala. Horretara Mikel Ibarrak adierazten dau urbanizazio hori amaitzeko tramite bat falta dala. Era berean adierazten dau Alkateak, hori begiratu egin behar dela esanez.

Jarraitzen dau Arkaitz Estiballesek adieraziz herritar batek haurreskolako kanpoko horman arrakalak ikusi dituela. Arkitektoak ikuskatzea ondo egongo litekela dio, nahiz eta eskolako obrak laster hasiko direla jakin. Halan egingo dela dio Alkateak.

Beste gai bateri lotuta adierazten dau Arkaitz Estiballesek kanposantu ondoan gaztainondo bi bota direla, nork eta noren baimenaz jakin nahi dau. Beste kasu batzuetan be pasau direla holangoak. Alkateak erantzuten deutso, begituko dauela.

Nahia Urrutxuak hartzen dau berbea jakiteko ia zinegotzi bakoitzak ze arlo eroango dauen. Alkateak dio adierazi ebala bere egunean delegaziorik ez dela egongo.

Estiballes jaunak galdetzen dau ia ez den jarriko kanposantuko ranpan barandilla bat. Alkateak diño aurrekontuak eskatute dauzela.

Mikel Sagarnak galdetzen dau ia jaietako sarrerak eta irteerak euki ahal dabezen. Alkateak erantzuten deutso baietz, zarratzen danean emango deutsiezala.

Jarraitzen dau Mikel Sagarna galdetuz, espazio publikoaren estaltzea dala eta ia dirulaguntzarik jaso dan. Baietz erantzuten deutso Alkateak, 46.000 € inguru Foru Aldunditik eta Leader programaren bitartez be eskatuko dala. Galdetzen Mikel Sagarna zinegotziak ia jarritako epean, irailaren 30ean amaituko den. Baiezekoa erantzuten deutso Alkateak.

Jarraitzen dau Arkaitz Estiballesek galdetuz ia frontoiko obra ikuskatu dauen seguridadeko enpresak bere lana ondo egin dauen, ze langileak askotan ikusi direla EPIak erabili barik. Azaltzen jako zelan seguridadea daroan enpresak aurkezten dituen txostenetan erabiltzen dabezela EPIak.Hortik aurrera egiten dena ezin dauela kontrolatu.Udalak. Udalak beti abisatu dituela langileak arriskuan lan egiten ikusi dituenean. 

Jarraitzen dau galdetuz Mikel Sagarnak ia jartzeko falta den desfibriladora non jarriko dan. Alkateak erantzuten deutso bi dagozala erosita eta auzuneetara hurbiltzeko asmoagaz bata parrokian jarriko litekela, Elizondo eta Asterrieri zerbitzua emango leuskiona eta Undurraga, Ipiñaburu eta Altzuari zerbitzua emateko beste bat, agian , Txaton taberna inguruan. Mikel Sagarnak galdetzen dau ia pentsau dan ikastaroen bat emateko. Alkateak diño ikastaro bi egin direla, baina gehiago antolatuko direla.

Arkaitz Estiballesek galdetzen dau ia San Miguel ermitaren inguruan dagoen barririk. Ezezkoa erantzuten deutso Alkatea.

Beste gai bateri lotute Arkaitz Estiballesek jaietan jarritako txoznari buruzko informazioa eskatzen dau. Adierazten dau ez dauela ikusi inongo dokumentaziorik jai batzordeak jarritako txozneari buruz. Aurreko urteetan be eskatu dela eta ez dela aurkeztu. Alkateak erantzuten deutso jai batzordeko txosnea dala eta partaide inportanteena udala dala, eta udalak bere buruari ez deutsola zertan eskatu behar dokumentaziorik. Jaien seguroan barruen dagoela txoznaren seguroa, Iberdrolaren engantxearena be jaien barruen sartuko litekela.

Honen arira galdetzen dau Arkaitz Estiballesek ia Gorbeia Suzien dala eta jarriko dan txoznarik, edo zenbar jarriko diren. Alkateak erantzuten deutso bi jarriko direla, bat, betikoa eta beste bat etorriko dala bokadiloak emateko. Arkaitz Estiballesek adierazten dau txosna horrek espazio publikoa erabilteagatik ordaindu egin beharko dauela, dagokiona. Arkaitz Estiballesek dio ia zelan dan posible txozna horrek kanpotik etorritakoak 5 €/ egunero ordaindu behar izatea udalari eta bertako batek 700,00€. Alkateak dio jaietan txosna bat ibili dela ez dauena 5 € be ordaindu. Arkaitz Estiballesek dio berak ez dauela txoznarik ikusi jaietan.

Berriro ihardesten dau Arkaitz Estiballesek lurzoru publikoa erabiltearren tasa ordaindu beharko dauela eta bigarren txosna jartzearren bete beharrekoak eskatu beharko jakozala. Alkateak dio aztertuko dala, baina bigarren txozna aportatu beharrekoa ez dela 700,00€ 200€ baino eta diru hori udalari ez deutsola entregatu behar Gorbeia Suzieneri baino.

Nahia Urrutxuak galdetzen dau ia Plazea 9an dagoen etxebizitza dala eta noz jarriko dan martxan . Gurutze Etxebarriak erantzuten deutso proiektua amaitzear dagoela eta hortik aurrera obrak irauten dauena.

Galdetzen dau Arkaitz Estiballesek ia Juan Angoitiaren egonaldia Mankomuniateak asumitu dauen. Gurutze Etxebarria zinegotziak erantzuten deutso momentuz Mankomuniatea eratu be ez dela egin.

Éta beste gairik ez dagonez bilerari amaiera ematen jako 19:00 orduetan.

2019ko uztailaren 18ko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza

Zeanuriko udaletxeko batzar-aretoan, 2019ko uztailaren 18an, 18:00etan, goian aiptutako zinegotzi-gaiak biltzen dira ekainaren 17ko deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. AURREKO BILERAKO AKTAREN ONARPENA

2019ekainaren 17ko akta mahai gainean geratzen da.

2.ALTZUSTA 59 ZENBAKIDUN ETXEBIZITZAREN AURREAN DAGOEN TERRENOAREN JAUBETZA ARGITZEKO IKERKETA ESPEDIENTEAREN HASIERAREN ONARPENA, HALAN BADAGOKIO.

Alkateak hartzen dau berbea azaltzeko zinegotziei Josu Amuriza Goikotxea jaunak idazti bat aurkeztu ebala udalean hurrengoak adieraziz.

- Altzusta 59ean, ( rustikako katastroko 5. Poligonoa, 448 partzela) bere etxe aurreko terrenoa Katastroan bide legez erreflejatuta agertzen dala eta bere eskrituretan Juan Goyagaz egiten dauela muga, gaur egun Garbiñe Mayor eta Juan Jimenezegaz.

-propietarioen erregistroko notetan ez dela agertzen inongo zordanbiderik eta eurek bakarrik erabili dabela terreno hori, aurreko propietarioak, Pedro Luis Goikoetxeak , gaur egungo Josu Amurizari donatu deutsonak.

-udalari eskatzen deutsola Katastroan aldaketa egitea.

Bestalde Altzusta 63ko Garbiñe Mayor eta Juan Jimenezek adierazten dabe eurek terreno hori bide legez erabili dabela.

Jarraitzen dau Alkateak adieraziz, gauzak horrela eta Udalak ez dakienez terreno horren titulartasuna norena den,ikerketa espediente bateri hasierea emotea proposatzen dauela.

Nahia Urrutxua, Bilduko zinegotziak galdetzen dau ia Josu Amurizari bide publikoen inbentarioa eman jakon.

Alkateak erantzuten deutso bide horien inbentariorik ez dagoela, bakarrik asfaltoa dagoenetan.

La Secretaria municipal procedió a emitir informe sobre la legislación aplicable y el procedimiento a seguir. en calidad de Técnico Municipal, una vez examinados los antecedentes y documentación obrante sobre la titularidad del bien controvertido, resolvió informar favorablemente sobre la aprobación del expediente dando cumplimiento al trámite de estudio previo recogido en el artículo 48 del Real Decreto 1372/1986, de 13 de junio, por el que se aprueba el Reglamento de Bienes de las Entidades Locales.

Gaia eztabaidatu eta gero, guztien aldeko botoagaz hurrengoko erabakia hartzen da:

Lehena: Ondasunen ikerketa espedienteari hasiera ematea e , Altzusta 59 etxebizitzaren aurrez aurre dagoen terrenoaren (rustikako katastroko 5 poligonoko 448 partzela) titulartasun publikoa konprobatu ahal izateko.

Bigarrena: Udal Batzarraren Akordio hau, Bizkaiako Iragarki Ofizialean publikatu, eta era berean, Udaleko iragarki taulan, 15 eguneko epeaz publikoki ezartzea, ikertuko den ondasunaren ezaugarrien adierazpenakaz

Hirugarrena.- Halaber, interesdunei, hilabete bateko epea ematen , Udaleko iragarki taulako publikazioa kendu eta hurrengo egunetik hasita, egoki deritzoten alegazio eta dokumentuak aurkeztu ditzaten.

Era berean, ikerketa espedientearengatik kaltetuak direnei, pertsonalki notifikatuko jakie akordio hau. Kasu honetan, Udalak ezaguturik ikerketa espediente honetako kaltetua Iturriburu orubeko jabea dela, hau da, Francisco Bengoa Ibargutxi jauna, Udal Batzarreko Akordio hau, notifikatuko zaio.

Akordioa hartu eta gero Alkateak berbea ematen deutsie interesatuei, eta interesatuek, Josu Amurizak eta Leire Aldasorok hiru adierazpen egiten dabez:

- bide horiek Kofradiarenak direla, eta horregaitik ez dagozala inbentarioan.

-hainbat dokumentazio aurkeztu dabela, euren artean auzotarren sinadurak.

-euren idaztia 2018ko martxoan aurkeztua dala eta ahal denik eta azkarren ebaztea.

Arkaitz Estiballes, EH Bilduko zinegotziak , adierazten dau azken legegintzaldiko EHBilduren eskarietako bat bide publikoen inbentarioa egitea izan dala.

3. 2019KO AURREKONTUAREN 5.ALDAKETAREN ONARPENA, HORRELA BADAGOKIO

Alkateak hurrengoko modifikazioa proposatzen da:

1530 21000: Hirigintza: + 30.000,00€. Partida honetan jarrita egon den konsignazioa ez da nahikoa, kontuan izan hemendik ordaintzen direla brigadako langileen bajak, oporrak, egun libreak betetzeko kontratatzen den enpresa, Igertualdeko mejorak, pinturen garbiketa, Albakoako muroa jaustearen garbiketa.

9200 22000: Bulegoko materiala: +2.000,00€ Aurrekisutakoaz gain bake epaitegirako impresora erosi da eta domeinua (Zeanuri.eus) errenobatu.

3410 22704: Gimnasioko ikastastaroak: +3.977,30€ Aurreko urtean baino ikastaro gehiago egin dira, horrek gastua igo egin dau.Dirusarrera gehiago be egon da (3.347€), eta kantitate berean igoko da partida (dirusarrera finailista denez, Alkatetza Dekretuz egingo da).

3410 48007: Kiroletarako dirulaguntz: ):-3.977,30€ Ez da banatuko dirulaguntza legez, hurrengo ikasturteari begira tasen onarpen bat egitea proposatuko dala.

4590 62211 Uribeko Plaza: -32.000,00€: Aurten ez dagoela denborarik obra aurrera eroateko eta partida osoa ez dela erabiliko.

Mikel Sagarna EH Bilduko zinegotziak hartzen dau berbea adierazteko 1530 21000 partida izena ez dela hirigintza, baizik eta konponketa eta mantenimendua, obrak.Jarraitzen dau adieraziz bajak ezin direla aurrikusi baina oporrak eta egunlibreak ez leukiela aparteko gasturik suposatu behar.

Alkateak erantzuten deutso baietz, ze langile batek oporrak hartzea suposatzen dauela besteari norbaitek lagundu behar deutsola. Askotan brigadea indartu egin behar izan dala.

Honen harire Alkateak adierazten dau momento honetan ofiziala bajan dagoela, eta lanpoltsan ez dauela iñor lan egiteko. Beste herri batzuetako lanpoltsak erabiltzen dabilela udala, baina momentuz ez dauela iñor eta hori dela eta, kanpoko enpresa batek indartu behar izan dauela brigada.

Arkaitz Estiballesek dio kanpoko enpresa horrek ez dituela medio materialak jartzen, udalarenak baino (adibidez Land Roverra). Alkateak erantzuten deutso, langilearen ordua bakarrik ordaintzen dala, besterik ez, medio materialak udalak berak dituelako.

Jarraitzen dau Mikel Sagarnak adieraziz, 9200 22000: Bulegoko materiala dala eta domeinua oso garestia dala eta norma forala kontuan izan impresora inbertsio legez hartu beharko litekela.

Bere argudioa ontzat emanez zuzendu egingo da.

Jarraitzen dau Mikel Sagarnak esanez, zergaitik ez zen kontuan izan bere momentuan ikastaro gehiago egongo zirela eta horrein gastua.

Alkatea erantzuten deutso, urtarrilako matrikulazioan beste ikastaro bat sortu zala. Ez dago ados Arkaitz Estiballes argudio horregaz, adieraziz aurrekontuak otsailean egin zirela.

Bestalde Mikel Sagarnak aipatzen dau zergaitik kentzen dan konsignazioa 3410 48007: Kiroletarako dirulaguntza partidatik ze oraindik urtea amaitzeko falta dala.

Alkateak erantzuten deutso, dirulaguntza hau ikastaroetarako zala bereziki. Beste dirulaguntza bat dagoela polikiroldegietarako.

Amaitzeko adirazten dau Mikel Sagarnak, Uribeko plazoletea ia diru barik gelditzen dan.

Alkateak erantzuten deutso proiektua egiteko dirua geratzen dala.

Beraz, EH Bilduko egindako iradokizunak kontuan izanda hurrengoko modifikazioa proposatzen da.

Kredituen trasferentzia :

153021000: Hirigintza, obrak: +30.000,00€

920022000: Bulegoko materiala: +1.000,00€

920062000: Ekipo inform. ordenadorak: +1.000,00€

341022704: Gimnasiako ikastaroak:+ 3.977,30€

341048007 Kiroletako dirulaguntza: -3.977,30€

459062211 Uribeko Plaza: -32.000,00€

Beraz, 5 aldeko botoakaz, (EAJ-PNV) eta 4kontrako botoakaz (EH Bildu) hurrengoko ebazpena hartzen da:

Lehena: 2019ko aurrekontuaren 5. Aldaketari hasierako onarpena ematea.

Bigarrena. Bizkaiko Lurralde Historikoko Toki Erakundeen Aurrekontuari buruzko abenduaren 2ko10/2003 Foru Arauaren 15.1 artikuluaren arabera, jendeaurreratu egiten da, erreklamazioak eta iradokizunak aurkezteko, Bizkaiko Aldizkari Ofizialean argitaratu eta 15 egunetako epean.

4. ERMITEN DIRULAGUNTZAREN BANAKETAREN ONARPENA, HORRELA BADAGOKIO

Alkateak hartzen dau berbea adierazteko , 2018an San Adrian ermitaren dirulaguntza eskaria dagoela. San Adrian konpontzen dabizen auzotarrak 15.258€tako aurrekontua aurkeztu dabela., teilatua eta arrakalak konpontzeko.

Jarraitzen dau adieraziz aurrekontuan ondarerako (ermitek, iturriek, errotak...) 10.000€ dagozala jarrita. Beraz, San Adrianeri 7.500,00€ ko dirulaguntza ematea proposatzen dau, urtea amaitu baino lehen beste eskariren bat egon ahal dalako.

Arkaitz Estiballesek bere aldetik adierazten dau, EH Bildu prest dagoela ondarearen konponketa diruzlaguntzeko baina ermitaren titulartasuna argitu beharko litekela eta zenbatekoa ordenantza baten bidez arautu.Ordenantzan irizpide batzuk ezarri ahal direla, adibidez balore arkitektonikoa.

Alkateak dio Katastroan Gotzaitegiaren izenean dagoela, baina ez dauela uste titulartasuna Gotzaitegiarena izango denik. Bestalde ez dauela uste Ordenantzaren beharrizanik dagoenik, ze 2018 urtean, eta 2019lehenengo zatian eskari bakarra egon dala.

Arkaitz Estiballesek dio hori improbisatzea dala. Ez dago ados Alkatea.

Guzti hau entzun eta gero, bozkatu egiten da, eta 5 aldeko botoakaz (EAJ-PNV) eta 4 kontrakoakaz (EH Bildu), hurrengoko erabakia hartzen da. Ezezkoaren arrazoia Ordenantza ez egotea dala argitzen dabe EH Bildu zinegotziak.

Lehena:2019an ermitan konponketak egiteko San Adrian ermitari 7.500,00€ ematea.

Bigarrena: Interesatuari horren berri ematea.

5- ARRATIAKO UDALEN MANKOMUNITATEKO GOBERNU BATZARREAN ZEANURIKO UDALAREN ORDEZKARIAREN IZENDAPENA

Alkateak dio aurreko Udalbatzan Mankomunitateko udalbatzako kideak izendatu zirela, baina dirudienez Gobernu Batzarrekoak be izendatu behar direla.

Alkateak Gurutze Etxebarria proposatzen dau EAJ_PNV ren aldetik, eta EH Bilduk Javi Campo proposatzen dau.

Bozketara joanda, Gurutze Etxebarriak 5 aldeko boto jasotzen dauz (EAJ-PNVkoak ) eta Javi Campok 4 aldeko boto jasotzen dauz (EH Bildukoak).

Beraz,

IKUSIRIK EAJ-PNVko Gurutze Etxebarria Zuluaga eta EHBilduko Jabi Campo Goikurian izendatu zirela Zeanuriko udalaren Arratiako Udalen Mankomunitateko udalbatzako kide,

IKUSIRIK Gurutze Etxebarria Zuluaga proposatzen dauela Alkateak Gobernu Batzarreko kide legez,

IKUSIRIK bozketaren emaitza, 5 aldeko boto (EAJ-PNV) eta 4 kontrako (EH Bildu), hurrengoko erabakia hartzen da:

LEHENA :Gurutze Etxebarria Zuluaga izendatzea Arratiako Udalen Mankomunitateko Gobernu Batzarreko kide legez.

BIGARRENA: Arratiako Udalen Mankomunitateari honen berri ematea.

ERREGU ETA GALDERAK

Alkateak hartzen dau berbea adierazteko zelan, Uribeko San Miguel kokatuta dagoen terrenoa Olivarestarrena dela eta erantzukizun zibilek direla eta jaubeak saldu egin nahi dauela, eta udalari opatu eutsola.Udalak eskatu dauela balorazioa eta tasadore batek 3000,00 inguruan tasatu ebala, baina jaubeak 5.000€ eskatzen dituela. Alkateak adierazten dau eurek ondo ikusten dabela erostea.

Arkaitz Estiballesek, Bilduko zinegotziak, adierazten dau proposamena ona dala baina tasazio horregaz ezin dela 5.000,00€tan erosi. Halan eta be aztertuko dabela.

Jarraitzen dau Alkateak aipatuz, Zeanuri-Areatza udalerrien arteko mugarri bat jauzita dagoela eta geratuko direla Areatzako udalekoakaz zehazteko non jarri berriro.

Beste gai bateri lotuta dio, asteburuen Landaluzeko zubie garbitute agertu dala. Zubi hau erromatarren garaikoa ei da. Ikusita bere alboko hormak bajuek direla, eta bertatik pasatzea arriskutsua danez, zarratu egin dala.

Amaitzeko adierazten dau Alkateak asteburuan, Zumarragan herri arteko eskupelota finala jokatuko dala. Zeanuri finalera heldu danez, autobusa jarri dela.

Horren inguruan Arkaitz Estiballesek dio danakaz bardin jokatu beharko litekela, adibidez palako neskak be finaletara heldu direla eta irabazi, Irati Astondoak be azkeneko frogan ekitaldi ona burutu dauela...

Alkateak erantzuten deutso, palako kasuan, aurrikusita egon zala autobusa jartzea baina taldeak berak ez ebala merezi esan ebala.

Halan eta be Andra Marietako pregoia palako neskak eta eskupelotako mutilek emango dabela, desberdintasun barik.

Mikel Sagarnak galdetzen dau ia zenbateko erremanentea dagoen. Erantzuten jako 22.987,71€.

Arkaitz Estiballesek eskatzen dau udalbatzako deialdiak luminosoan jartzea. Erantzuten jako bai luminosoan, eta bai web orrian jasota dagozala.

Arkaitz Estiballesek galdetzen dau ia zelan dagoen Ezpeletaren gaia. Alkateak erantzuten deutso baldintza guztiak betetzen ebazala konprobatu zenean, itzi jakola ganadue botatzen.

Jarraitzen dau Estiballes jaunak adieraziz, badakiela bide bazterrak garbitzeko enpresak uko egin dauela eta ia ze baldintzetan eman jako bigarrenari. Alkateak erantzuten deutso Mugarri forestalesari esleitu jakola, bigarren prezio onena izan dalako. Estiballes jaunak egindako bigarren galderari erantzunez adierazten dau plano baten zehaztuta dagozala bideak.

Amaitzeko adierazten dau Estiballes jaunak ia noiz erantzungo jakien Laratzue elkartekoei txosnagunea zein den, txozna non jarri ahal daben.

Alkateak erantzuten deutso, astelehenean asko jota erantzungo jakiela.

Eta beste gairik ez dagoenez, bilereari 19:00 etan amaiera ematen jako.

2019ko ekainaren 19ko ez ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES AORMAETXEA, MIKEL SAGARNA AGIRREZABALA.

Idazkaria: Amaia Intxaurza Bernaola

Zeanuriko udaletxeko batzar-aretoan, 2019ko ekainaren 19an, 19:00etan, goian aipatutako zinegotzi-gaiak biltzen dira ekainaren 17ko deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita, jarduneko idazkariak bilereari hasiera emoten deutso.

1. UDALBATZARREN OHIKO SEZIOEN MAIZTASUNEN EBAZPENA. 

Toki alorreko legediak ezartzen dauanaren arabera, 5000 biztale baino txikiagoak diren herrietan Ohiko Osoko Bilerak hiruhilabeterik behin egin behar dira gitxienez. 

Eider Ajuriagerra alkateak, maiztasunari dagokionez, aurreko ohiturari jarraituz, bilerak hilean behin egitea proposatzen dau. 

Eguna, hilaren 3. barikua izango litzateke, 16:30etan. 

EHBilduko Mikel Sagarnak eta Arkaitz Estiballesek ezadostasuna agertzen dabe proposamen honegaz. Lehenak zailtasunak dituela ordu horretarako heltzeko eta  bigarrenak, plenoak berandu amaitzerakoan, asteburua hipotekatuta geratzen dalako bere iritziz. Talde honek astebarruan egitea proposatzen dau, 19:00 inguruan. 

Alkateak bigarren proposamen bat aurkezten dau: hilaren 3. eguena, 18:00etan, baina barikuetakoa be mantenduta. 

Gaia eztabaidatu ondoren, hurrengo adosten da: 

Ohiko Osoko Bilerak hilaren 3. egunetan egingo dira, 18:00etan. Baina, posible izango ez balitz eguenean egitea, barikuetan egingo litzatekez, 17:00 edo 17:30etan. 

2. BATZORDE INFORMATIBOEN SORMENA ETA OSAKETA. 

Batzorde informatiboak Ohiko Osoko Bileren aurretik egiten dira, bertan jorratuko diren gaiak aztertzeko. Honen ahalmena, beraz, aholku eta ikerketakoak izango da eta Udalbatzarreko kidek guztiek osotzen dabe. 

Egunak finkatzeko alkatearen proposamena: hilaren 2. eguenetan, 19:00etan. 

Proposamena aho batez onartzen da. 

Ondoren, Kontuen Batzorde Berezia osotzea proposatzen da, 5 kiderekin: 2 EAJ-PNVtik, 2 EHBildutik eta alkateak. 

EAJ-PNV-k hurrengoak proposatzen ditu:Alkatea, Mikel Ibarra eta Gurutze Etxebarria. EHBilduk-ren hautagaiak: Nahia Urrutxue eta Mikel Sagarna. 

Beraz, Udalbatzarrak aho batez, zera erbakitzen dau: 

Ohiko Pleno aurreko batzorde inormatiboak osotzea, Udalbatzarreko kide guztiekin. Sesioak eguenetan egingo dira, 19:00etan. 

Kontuen Batzorde Berezia sortzen da, hurrengoko konposizioarekin: 

Alkatea (Eider Ajuriagerra Arana), Mikel Ibarra Martinez, Gurutze Etxebarria Zuluaga, Nahia Urrutxua Arriortua eta Mikel Sagarna Agirrezabala. 

3. GOBERNU BATZORDEARN SORMENA ETA OSAKETAREN EBAZPENA. 

Alkateak Udal Gobernu Batzordea sortzea proposatzen dau gaiak aztertu eta ezagutarazteko, baina ebazpenak hatzeko ahalmen barik. Alkatearen eskumeneko gaiak honek ebatziko ditu Alkatetza Dekretuen bitartez. 

Proposatzen dan konposaketa: Alkatea, EAJ-PNV udal taldetik kide bi, Gurutze Etxebarria eta Irati Zuazua eta EHBildu udal aldetik kide bat, Arkaitz Estiballes. 

Proposamena aho batez onartzen da. 

4. ERAKUNDE KOLEGIATUETAN PARTE HARTUKO DABEN ORDEZKARIEN IZENDAPENAK: ARRATIAKO UDALEN MANKOMUNITATEA, UR PARTZUERGOA, GORBEIALDE, EUDEL ETA ARRATIAKO MUSIKA ESKOLA. 

Jarraian Zeanuriko udalak ordezkaritza dauan erakunde kolegiatuen kideen izendapena mahai gainean jartzen da.

- Arratiako Udalen Mankomunitatea: 

Kasu honetan udal talde bakoitzetik kide bat izendatu behar da. EAJ-PNV taldeak Gurutze Etxebarria Zuluaga proposatzen dau. EHBildu-k Jabi Campo Goikuria. 

Aho batez onartzen da. 

- Bilbao Bizkaia Ur Partzuergoa: 

Erakunde honetarako ordezkari bat izendatu behar da. 

EAJ-PNV taldeak Eider Ajuriagerra Arana eta, honen ordezko, Mikel Ibarra Martinez porposatzen dau. 

EHBilduk Mikel Sagarna Agirrezabala eta, honen ordezko, Nahia Urrutxua proposatzen dau. 

Bozkatzerakoan, EAJ-ren hautagaiak 5 boto jasotzen ditu, EHBildunak 4 boto. Beraz, Zeanuriko Udaleko ordezkaria Bilbao Bizkaia Ur Partzuergoan Eider Ajuriagerra Arana zango da, eta honen ordezkoa Mikel Ibarra Martinez. 

- Gorbeialde: 

Elkarte honen juntarako ere, kide bakarra izendatu behar da: 

EAJ-PNV taldeak Eider Ajuriagerra Arana proposatzen dau. 

EHBilduk ez dabe kandidaturarik aurkezten. 

Beraz, Zeanuriko udaleko ordezkaria Gorbeialden Eider Ajuriagerra izango da. 

- Eudel: 

Eudel, Euskadiko Udalen elkartea izanik, alkateez osotuta dago. Beraz, Zeanuriko udaleko ordezkaria alkatea izango da. 

- Arratiako Musika Eskola: 

Estatutoen erabera, Zeanuriko udalak ordezkari bat izan behar dau. 

EAJ-PNV-ren proposamena: Nagore Madariaga izango da eta honen ordezkoa Eider Ajuriagerra. 

EHBilduren proposamena: Nahia Urrutxua eta honen ordezkoa Arkaitz Estiballes. 

Proposamen biak bozkatzen dira. EAJ-renak 5 boto ditu, EHBildurena 4 boto. Beraz, Nagore Madariaga Paredes izango da Zeanuriko udalaren ordezkaria Arratiako Musika Eskolan. 

Arkaitz Estiballesek Errota Fundazioaren ordezkaritzagatik galdetzen dau. Erantzuten dau alkateak ez dala izendapenik eskatu. Eskaria aurkeztuten danean egingo dala. 

5. ALKATEAREN EBATZIEN BARRI EMOTEA: ALKATE-ORDEEN IZEDAPENA, ALKATEAREN DELEGAZIOAK ETA KONTRATAZIO MAHAIAREN OSAKETA. 

Alkateak alkate-ordeen izendapenak ezagutzera emoten ditu: 

- 1go alkate-ordea: Mikel Ibarra Martinez izango da. 

- 2. Alkate-ordea: Gurutze Etxebarria Zuluaga. 

Alkate-ordeek alkatea ordezkatuko dabe, izendatutako ordenaren arabera, kargua hutsik dagoenean, kanpoan dagoenean edo gaixotasun kasuetan. 

Alkateak komunikatzen dau ez dauala delegaziorik egingo. 

Kontratazio Mahaiaren osaketa dala eta, Alkateak adierazten dau , Sektore Publikoko 9/2017 Legeak ezartzen dauela bigarren xedapen gehigarrian. Mahaiaren burua Alkatea izango dala eta , idazkariak eta gainerako funtzionariak osotuko dabela. 

EHBilduren eskaria kontuan hartuz, entzule lez talde bakoitzeko kide bat bertatatzea onartzen dala , baina, aukera bi emonda kasu bakoitzean. Beraz, EAJ-PNVtik Mikel Ibarra edo Gurutze Etxebarria bertaratu ahal izango dira bileratan entzule lez; EH Bildutik Jabi Campo edo Arkaitz Estiballes. 

Bilera amaitu aurretik hurrengoko Ohiko Osoko Bilerarako data finkatzen da: uztailaren 18an egingo da, eguena, 18:00etan. Batzorde informatiboa uztailaren 11an izango da, 19:00etan. 

Eta beste gairik ez dagoenez, bilera amaitutzat emoten da 19:30etan.

Lan-poltsa sortzeko deialdia Zeanuriko Udalean: Lan anitzetarako ofiziala.

Zeanuriko Udalak lan anitzetarako ofiziala (brigadarako) lan-poltsa sortzeko deialdia atera dau. Hemen laburpena: