URTAILAREN 29KO PLENOAREN LABURPENA

EAJ-PNVtik: Izaskun Sagarna, Felipe Agirrezabala, Bitoriano Larrazabal eta Rut Martinez.

BILDUtik: Anuska Emaldi, Pedro Lejarza eta Jokin Berrio.

Zeanuriko udaletxeko batzar-aretoan, 2013ko urtailaren 29an, goian aipatutako kideak batu ziran.

Aurreko bilera-agiriaren onarpena.

Urri-bigarrenaren 30eko akta onartu egin zan eta...

abenduaren 4ko aktari BILDUk zuzenketa batzuk egin eutsazan.

Azerako ziurtagiriaren onarpena.             

BILDUk adierazo eban arkitektoari bere soldatatik aparte (3.585,79€) azerearen bigarren fasearen “Obra gidaritza”gaitik 16.335€ ordainduko deutsala Zeanuriko Udalak. Honen harira BILDUri lotsagarria iruditzen jako arkitektoari ordainduten gastetan diran diru kopuruak, eta bere ustez Zeanuri dan moduko herria izanda nahikoa da aparejadore bat udaletxeko langile moduan eukiteagaz. Diru asko aurreratuko zan eta diru hori beste  gauza batzutan gastatzeko balioko ebala irudituten jako BILDUri

Danon adostasunagaz azerearen ziurtagiria onartu egin zan.

Igertualdeko eta beste gune isolatu batzuen saneamentuko ziurtagiriaren onarpena.

Danon adostasunagaz onartu egin zan.

Otseingo bidearen ikerketa espedientearen ebazpena.

Alkateak azaldu eban 1984. urtean bide honetan udalak obrak egin zituala bidea zabalduz, beraz, udalak publikotzat hartuko dauala terrenoaren  titulartasunean sartu barik.

BILDUk ondo ikusten dau holan izatea eta Santa Lutzi gaineko bidearen ikerketa espedienteari hasierea emotea idatziz eskatu dauala gaineratu eban, aurreko plenoan esan  eban moduan.

Honegaz lotuta, BILDUk behin eta barriro dino bideen inbentario bat egiten hasi beharko zala Udala, ikusita, gainera, baserrien inbentarioan 33.270€ inguru gastauko doguzala.

Alkateak erantzun eban esanez baserrien inbentarioa egiten derrigortu egin dabezala arau ordezkoen aldaketa puntualak onartzeko.

EAJ-PNVk etxe desjabetzeen aurka aurkeztutako mozinoaren azterketea.

Danon adostasunagaz onartu egin zan.

2013ko baso aprobetxamentuen baldintza pleguen onarpena.

Alkateak esan eban negoziazino prozedura bidez egingo dala. Hamaika hektarea inguru.

BILDUk galdetu eban ia nozarte izango dogun hitzarmena diputazinoagaz arlo honetan. Alkateak erantzuten eban ez dabela begitu baina uste dauala betiko izingo dala akordio hori.

Danon adostasunagaz onartu egin zan.

Bilduk “Frankismoaren Krimenen Aurkako Kereilaren Euskal Plataformak” aurkeztutako mozinoaren azterketea.

BILDUren aldeko 3 boto eta EAJ-PNVren kontrako 4, euren adierazpenean oinarrituta izan zan botazinoa.

Fracking ez! mozinoa.

BILDUren aldeko 3 boto eta EAJ_PNVren abstentzinoa euren adierazpenean oinarrituta izan zan botazinoa.

Presoen eskubideen aldeko mozinoa.

Danon adostasunagaz onartu egin zan.

2013 urteko Osoko Bilkurak egiteko egunak zehaztea.

BILDUk proposatutako egun eta orduak:

BILDUren proposamena: arratsaldeko 19:00retan.

                        Urtarrilak 29              Uztailak 30

                        Otsailak 26                 Irailak 24

                        Martxoak 26               Urriak 29

                        Apirilak 30                 Azaroak 26

                        Maiatzak 28               Abenduak 17

                        Ekainak 25

Alkateak adierazi eban ezin dala konprometidu egun zehatzetara. Hileko azken martitzenetan adostuta dagoala eta hori betetzen ahaleginduko dirala.

BILDUk uste dau ekintzeri formalidadea emoten hasi behar dirala eta egokiago ikusten dau egutegi bat zehaztuta eukitea, beti be aldaketa puntualak onartzeko prest egonda.

 Botazinoa egin zan eta BILDUren aldeko 3 boto eta EAJ-PNVren kontrako 4 boto izan zan botazinoa.

Erregu eta itaunak.

-Alkateak esan eban oinezkoen lehentsasuna adierazten daben seinaleak (San Isidro kalean) astelehen edo martitzenean jarriko dirala.

-Alkatetza dekretuz ebatzi da Ugerka-Olabarriko azera konpontzea, azerarako egon zan diru laguntza aprobetxatuz. Morgak egingo dau 58.270€tan.

Udaletxeko diru kontuak (El Correo)

2013ko urtarrilaren 13an, El Correon, Zeanuriko Udalaren egoera ekonomikoa dala eta agertutako informazinoaren harira (1,06 milioi euroko zor bizia, 819€ biztanleko),  hurrengo hau adierazi gura dogu: azken urtean alkatetzatik behin eta berriz entzun  dogu Zeanuriko Udala egoera ekonomiko hain txarrean ez dagoala, Bilduk kontrakoa adierazi arren. Holan bada eta El Correok emondako informazinoa okerra bada, alkateari eskatzen deutsagu egunkari honek zuzenketea argitaratutea.

Honen harira alkateak erantzun eban Udalak daukan zorra bankuena dala eta bera ez doala El Correori zuzenketarik eskatuten, eurek informazino hori ez dabelako emon. BILDUk uste dau informazino hori okerra bada zuzenketea  eskatu beharko ebala. Halan da be BILDUk eskaera hau idatziz egin dabenez, alkateak be erantzuna idatziz emon daiela eskatu eban BILDUk.

Musika eskolea

Gurasoak kexea aurkeztu dabe udaletxean musika eskolaren funtzionamendu txarragaitik. Horregaitik,  BILDUk galdetu eban ia ze asmo dagoan. Kulturako zinegotziak erantzun eban batzartu dirala eurekaz eta batzar orokorra egingo dala otsailaren 15ean arratsaldeko 19:30etan, eta bertan inkesta bat bananduko da herritarrak bete ahal izateko.

BILDUk adierazo eban ondo ikusten dauala batzar hori egitea baina batzar horretara informazinoa prestauta eroan beharko leitekeala, emoten dan eskeintza, kostua, Arratiako Musika eskolagaz alde onak eta txarrak…argituz.

Kultura zinegotziak erantzun eban badabizela horretan.

Undurragako by-pass, presako pasoa, partzuergoagaz batzarra.

BILDUk azkenengo plenoetako galdera bardinak egin ebazan, ez daukalako gai askoren informazinorik, adibidez, ia noz batzartuko garan partzuergoko arduradunagaz, eta alkateak erantzun eban esanez partzuergotik batzarra egitearen ezetza jaso dabela. BILDUk arduraduna nor dan galdetu eban eta beragaz  kontaktoan ipinten ahaleginduko dala esan eban.