Alkate dekretuz egin dan Torreko zelaiaren erreparzelazinoaren aurrean Bilduk aurkeztu dituan alegazinoak

1.     Torreko landan egiteko diran etxebizitzak "de protección local" moduan agertzen dira Arkigestek egindako txostenean. Hala izanda, zera proposatzen dogu:

Etxebizitza barrien beharra egongo balitz, udalak bultzatutea berak herri erdi gunean duen terrenoan eta ez terreno pribatu batean. Dena den, ekonomia arloan bizi dugun momentua ez da egokiena etxebizitza barri gehiago eraikiteko.  Kontuan hartzekoa ikusten dogu herrian bertan hainbat etxebizitza hutsik dauzela, eraikin gehiago egin beharrean  dauzenak birgaitutea aproposagoa ikusten dogu.

2.     Torreko landan etxebizitzak egiteak hipotekatuko leuke etorkizun batean kiroletarako azpiegitura bat sortzea.  Landa hori da  leku bakarra herri erdi gunetik hurbil dagoena eta zelaia dana.

3.     Udalak berak herri erdi gunean duen terrenoa, nahiz eta gaur egunean kalifikatuta egon ez eraiki ahal izateko, helburu horretarako aproposagoa ikusten dugu eguzkibegiagoa dalako.

4.     Arkigestek aurkeztutako txostenean  eraikuntza proiektu bakarra agertzen da. Proposatzen duguna da promotorak beste aukera batzuk aurkeztutea be bai. Eta horren arabera herriarentzat hoberena dana aukeratzea.

5.     Nahiz eta arau ordezkoetan horrela zehaztu gabe egon, eraikuntza berriak arkitektura eta itxura aldetik inguruarekin bat etortea.

 6.     Torreko etxeari inguruan berde gunerik uzten jako?. Herri erdien dagoen torretxe bakarra izanda zaindu beharrekoa ikusten dugu.

7.     Egoki ikusiko genuke herri kontsulta bat gai honen inguruan, jakiteko Zeaniztarrok  non, zer eta zelan nahi dugun gure herria zabaltzea edo/eta garatzea.