URTAILAREN 28KO PLENOAREN LABURPENA

EAJ-PNVtik: Izaskun Sagarna, Felipe Agirrezabala, Bitoriano Larrazabal, Rut Martinez eta Egoitz Arana.

BILDUtik: Anuska Emaldi, Pedro Lejarza, Zedarri Jauregi eta Jokin Berrio.

Zeanuriko udaletxeko batzar-aretoan, 2014ko urtailaren 28an, goian aipatutako kideak batu ziran.

AURREKO BILERA-AGIRIAREN ONARPENA

2013ko urriaren 1eko plenoko aktari barriro be BILDuzeanurik aurreko plenoan egin jakozan zuzenketa batzuk egin barik dagozala esan eban, beraz akta ez zan onartu.

2013ko urriaren 29ko plenoko aktari barriro be BILDUzeanurik aurreko plenoan egin jakozan zuzenketa batzuk egin barik dagozala esan eban, beraz akta ez zan onartu.

2013ko azaroaren 26ko plenoko aktari BILDUzeanurik zuzenketak egin eutsazan.

KANPANA-AXPEONDO-URIBE BIDEEN OBREN ADJUDIKAZINOA

Danon adostasunagaz onartu egin zan.

ORUE-ASTERRIA BIDEEN OBREN ADJUDIKAZINOA

Danon adostasunagaz onartu egin zan.

SALDRAPOKO ERABILERA PUBLIKOKO PARTZELEN “CUBIERTA” ALDAKETAREN ONARPENA

Danon adostasunagaz onartu egin zan. BILDUk adierazi eban aurrerantzean begituten joan beharko garela lur bankuen inguruen be ia lurren batzuk ipini ahal izando diran.

KONTRATU PUBLIKOETAN, KLAUSULA SOZIALAK MOZINOA (EHBildu)

Pleno aurretik mozinoa EAJ-PNVgaz adostu zan, beraz mozino adostua danon aldeko botoakaz onartu zan.

ERREGU ETA ITAUNAK

BILDUzeanuriren galderak:

-Turismoa: esku orri bat egitea proposatu eban herria ezagutu gurean datorrenak erraz euki daien inguruan zer dagoan jakiteko eta ikusteko. Proposatu eban Gorbeialderi eskatutea lan hau egiteko, kontuan harturik ordainduten dogun kuotea.

-Barriro be eskatu zan presako bidea zabalik egoteko, eta ahal dan guztia egiten dabizela hori lortuteko erantzun eben.

-Selvaventuran inguruan galdetu zan ia martxan dagoan,eta ezetza erantzun eban alkateak, martien hasteko dirala antza.

-Plazea 9ko pisuaren salmenta: 2013 urtean ez danez saldu etxea, ia baldintza barririk zabalik dagoan jakin gura eban BILDUzeanurik eta indarrean dagoan epeari amaiera data ipintea eskatu eban. Idazkariak arrazoitu eban begitu egin behar dala barriro be martxan ipinteko eta ia posible dan prezio bardinegaz ataratea.

-Gaztetxokoa: BILDUzeanuri gorabehera batzuk egon dirala enterau da kanpotik. Kultura zinegotziak erantzun eban esanez kexa bat egon zala garbitzailearen aldetik, normalean oso lohi egoten dala eta gabonetan gauzak apurtu egin dirala. Bilera bat egin da dinamizatzailea eta Gaztetxokoa erabilten daurienakaz, eta errespetoa eskatu jakie. Gabon inguruen be jente asko ibili da antza Zeanitik kanpokoak diranak. Hormetan zuloak dagoz, aulkiak kanpoan aurkitu dira... Hemetik aurrera kanpoko jenterik ez da onartuko, izan be zeozer pasatu ezkero udaletxeana da erantzukizune.

-San Isidro azoka: BILDUzeanuri barriro mahaigaineratu eban Makeagaz harremanak sakontzea eta honen harira barriro aitatu eban aurreko pleno batean esanekoa: San Isidroko ferian Makeako abadeari omenaldi moduan Mitxel Lekuona gazta saria antolatzea. Alkateak erantzun eban pentsauta daukala Mitxel ezagutu ebenekaz batzartutea, batzar zabala deituko dauala eta bertan ebatziko dala zer egin.

-Alkarteari dirulaguntzak (baldintzak edo dokumentazino eskaria): kultura zinegotziak esan eban alkarteari dirulaguntzak lortuteko dokumentua betetea eskatu jakiela, BILDUzeanurik, barriz, dokumentu hori eta baldintzak be eskatuten dauz, baina Kultura zinegotziak erantzun eban baldintzarik ez dala egin, berak inoz ez dauala esan hori egingo danik. BILDUzeanurik barriro be esan eban azkenengo urte bietan diru laguntzak emoteko sasoian beti aipatu dauala arau batzuk ipini behar dirala, dirua zeren arabera banandu jakiteko, eta euren eretxiz kultura zinegotziaren erantzuna izan zan aurten horrela egingo zdala. Kultura zinegotziak dino berak horrelakorik ez dauala inoz esan, Zeanuri moduko herri baten gainera holangorik ez da behar. Honen aurrean BILDUzeanurik bere desadostasuna azaldu eban, adieraziz alkarteri dokumentu bat eskatu ezkero udalak araudi bat prestatu beharko leukela, diru laguntzak objetiboak izan daitezan, eta orain EAJ-PNVk egin nahi dauana guztiz subjetiboa dala ikusten dau, holan jokatuteak ateak zabalik izten dauzalako dirua bere interesetara banatzeko.

-Fracking ez! kartela eskatzen da behintzat paneletan ipinita egon daitela, momentu honetan inon ez dagoalako jarrita.

-Edurretako baldintzak: oindino esleitu barik dagoz. Mugarra bakarrik aukeztu zan, baina bere baldintzak onartezinak ziran. Ekin-ek dino herriko auzune altuak izan ezik prest dagoala bideak garbitako. Onena enpresa bakar batek makinari guztia eukitea da: traktora, arrastradora, gatza botatekoa, …

-Zugatx eguna: Zehaztuteko dago noz egingo dan. Diputazinoak igez be ez eban zuhaitzik emon, eta hobekuntza fondotik lortuko dira. Egoki ikusten da eskoleagaz batera egitea, eta proposatu zan martien San Jose inguruen egitea. BILDUzeanurik baSo aHaztuak dokumentala egin ebenen izenean dino honeek prest dagozala daukiezan 6 landaketetatik bat hemen egitea. Alkateak ez eban ontzat hartu.