MAIATZAK 13KO OHIKO PLENOA

1.- Aurreko plenoen akten onarpena.

• Urtarrilaren 21ekoa, martxoaren 4koa (ez ohikoa) eta martxoaren 16koa onartuten dira.
• Otsailaren 19koari, martxoaren 4ko ohikoari, apirilaren 22ko (ohiko eta ez ohikoai) aktari EAJk eta EH Bilduk zuzenketak egiten deutseez.

2.- Zeanuriko Udaleko kultura eta kirol arloen dirulaguntzen emakida arautzen dauan udal ordenantzearen hasikerako onarpena.

            Alkateak azalduten dau behin baino gehiotan esan dala legeak behartuten dauala ordenantza hau eukitera. EAJk derrigortasun hori zalantzan ipinten dauala baina halanda be ordenantzea aurkeztuten dauala dino. Ordenantza honen helburua dala “kultur, kirol, aisi… ekintzak bultzatu eta hedatzeko dirulaguntzak arautzea …, herritarren artean kultura eta kirola indartu, elkarbizitza sustatu eta gizarte batu bat lortzeko”.

Dirulaguntzea talde guztiai emongo jakela, baina arlo batean talde bat baino gehiago egon ezkero, bateri bakarrik emongo jakola. Dirulaguntza honeen %80a ekintza arruntetarako izango dala eta beste %20a aparteko ekintzetarako, azaldu eben. Eskaera batek ez dauala bestea oztopatuko, biak eskatu ahal izango dirala, edo bata bakarrik esan eben eta laguntza hartzean danean Udalaren logoa agertu beharko dala, jenteak jakin dagian Udala tartean dagoala.

EH Bilduk adierazoten dau poztuten dala urteokaz egindako eskaerea gauzatuteagaz baina prozesuagaz ez dago ados. Proposatuten da gaia mahai gainean gelditutea eta alkarteakaz batera adostutea ordenantzea; horretarako, kultur batzordea foro egokia izango litekela dino. EAJk ez dau onartuten.

EH Bilduk mahaigaineratuten dau aurkeztu dan ordenantzea Lemoakoaren kopia dala baina haren muina kenduta. EAJren proposamenean erispideak ez dagozala argi, ez dalako zehaztuten zer eukiko dan kontuan. Ordenantza batek bardintasuna bermatu beharko leukela, danontzako bardina izin beharko leitekela eta baremo zehatz bat egotea ezinbestekoa izango leitekela.

EH Bilduk esan eban ez dauala aituten 7. artikuluan aitatuten danaren arrazoia: “Kultura edo kirol arlo bakoitzean, talde bat bakarrik finantzatuko da, aintzintasun handiena daukana”. Alkateak gaineratu eban ez daukola zentzunik herrian arlo baten talde bat baino gehiago egoteak.

6. artikuluan: “Ebazteko beharrezkotzat jotzen diren txosten guztiak eskatu” ipinten dauala eta, EH Bilduk jakin gura dau ze erispidegaz egingo dan azterketea.

6. artikuluan agertuten da be, Dirulaguntzen Emakidako Batzordea kide hauez osotuta egongo dala: alkatea edo arloko zinegotzia, udal talde politikoetako ordezkari bana, kultura teknikaria eta idazkaria (Udalekoa edo berak eskuordezten duen pertsona). EH Bilduk proposatuten dau alkarte bakotxeko ordezkari bat egotea. EAJ-k ez dau proposamena ontzat emoten.

Amaituteko, EH Bilduk aitatuten dau ordenantzan erabilten dan hizkuntza sexistea dala eta zuzendu egin behar dala.

Ordenantza honeri hasierako onarpena emoten jako PNVren aldeko bost botogaz. EH Bilduk kontra botetan dau.

3.- Igogailuak ipinteko diru-laguntzak arautzeko ordenantzearen hasikerako onarpena.

Alkateak azalduten dau partida hau errekuperatu dala EH Bilduk aurrekontuari egindako zuzenketearen ondorioz. Laguntza mota bi dagozala: igogailua ipinteko 3.000€koa eta 1.000€ (topea) eskailerak ekiditeko mekanismoak ipinteko. Azalduten da diru-laguntza hau eskatuten daben guztiai kantidade bardina emongo jakiela, etxe bakarra zein komunidade bat izan. Aurreko urteetan eskatu diranak banatuko dirala. Diru partida amaituten danean eskaerak hurrengo urteko aurrekontuan kontuan eukiko dirala.

EH Bilduk honetan be baremo bat egotea faltan botaten dau. Eskatuten dau menpekotasun kasuak lehentasuna izatea. Alkateak dino halan egingo dala.

Danon adostasunagaz onartuten da.

4.- Zeberioko Udalak bertako abeltzain batek Zeanuriko larreetan ganadua erabilteko proposamenaren azterketea.

Alkateak dino Zeberioko Udalak Arrabako atera arte eskubidea daukala baina handik gora ezetz. Konbenio bat dagoala udal bien artean, zenbat buru eta zenbat denporarako kontuan hartzean dauana.

EH Bilduk ez dau ulertuten Udalak egitea eskaera hau eta ez abeltzainak berak.

EAJk ezezkoa emonten deutsa eskaera honeri. EH Bildu abstenidu egiten da.

5.- EH Bilduko fracking-aren inguruan herri borondatea defendatzeko aurkezten dauan mozinoaren azterketea eta onarpena, halan bajagoko.

Alkateak EAJren izenean mozino alternatibo bat aurkeztuten dau plenoan. EH Bilduk dino ez dauala aukerarik euki testua aztertuteko eta proposatuten dau gaia mahai gainean gelditutea. Halan egiten da.

6.- Katastroaren Berrikuspena eta Ondasun Higiezinen gaineko Zergaren Foru Arauaren proiektuari aldaketak eskatuz EH Bilduk aurkeztutako mozinoaren azterketea eta onarpena, halan bajagoko.

Alkateak dino gai honen eztabaidea beste bide batetik doala eta eurak ezezkoa emoten deutsiela mozino honeri.

EH Bilduk dino hau dala momentua ekarpenak egiteko, Diputazinoari eskatuteko neurriak hartzeako udal katastroari buruz esan beharrekoa loteslea izateko; baita be etxebizitza hutsai errekarguak ipinteko eta egoera ekonomiko okerrean dagozanai bonifikazinoak ezartzeko, eta errenta eta familia unitatearen arabera bonifikazino progresiboak ipinteko aukerea jartzea.

Mozinoa ez da onartuten: EAJk 5 boto ezezkoak. EH Bilduk 3 baiezkoak.

7.- Erregu eta galderak

Alkateak dino 15 egun barru katastroa dala eta  plenoa egongo dala. Gaineratuten dau leku publikoak erabilteko ordenantza bat egiten dabizala.

EH Bilduk eskatuten dau:

·                    Luis Mari Iturberi deslindearen inguruan hartutako ebatzia emon jako. Horretarako aktearen kopia agindu jako. Baina akta hori ondino ez dago onartuta. Gainera, zuzenketa egin behar jako. Zuzendu beharrekoa da, eta Luis Mari Iturberi jakinarazo.

·         Plenoen deialdiak luminosoan, tabloietan… publiketea. Ontzat emoten da.

·         Plenoko aktak publiko egitea. Ontzat emoten da.

·         Abenduaren 2ko, 10/2003 Foru Arauko 64. artikuluan oinarrituta galdetuten dau ia diru kontuan barri hiru hilabetero emon behar dan.  Idazkariak baietz erantzuten dau. EH Bilduk eskatuten dau holan egitea.

·         BBK: hainbat herritarrek adierazo deutsiela euren desadostasuna BBKk bulegoa astean egun batzuetan zarratuteagaz, eta eskatuten dau instituzino moduan horren aurrean kejea adierazotea eta lehengo egoerara bueltetako ahalegina egitea. Alkateak dino idatziko jakiela eskatuz egunero zabaldutea nahiz eta ordutegia murriztu, eta esanez ateak zabalduko jakiezala beste entidade batzueri kajeruak ipinteko.

·         BBK: galdetuten da baimenik eskatu dauan egin dauen obrarako. Idazkariek ezetz erantzuten dau. Eskatu behar eban edo ez galderari, idazkariak baietz erantzuten deutsa. EH Bilduk holan egiteko eskatuten dau orduan.

·         Eraikuntza publikoan (Kultur Etxea, frontoia…) erabilerea ez dala modu objetiboan kudeatuten. Kultura zinegotziak erantzuten dau danakaz bardin jokatuten dala. EH Bilduk adibide batzuk aitatuten dauz, non hori ez dan holan izan.

·         Plazako barroteak zer dala eta ipini diran. Alkateak azalduten dau, egia dala komunidadeagaz berbarik egin barik ipini dirala baina baloiaren arriskua ekiditeko izan dala. Proba moduan ipini dala azalduten dau.

·         Arkitekto zerbitzuaren kontratua boletinean noz publikauko dan galdetuten da. Erantzuten da, hamabost egun barru.

·         Brigadako langile barria: zer dala eta? Lan boltsatik hartu da? Zenbat denporarako? Alkateak azalduten dau jaiak dirala eta hartu dala, eta lan boltsatik hartu dala.

·         Gimnasia ikastaroak: esan zan Udalak ez dauzala ordainduten irakasle honeek; zer dala eta fakturak Udalaren izenean gimnasia orduak dirala eta? Batetik, erantzuten jako irakasle barri bat hartu behar izan dala aurrekoak itxi daualako; bestetik, hiru baja egon diranez Udala egin dala horren erantzule.

·         EH Bilduk esan gura dau El Correo-n, apirilaren 23an Zeanuriko aurrekontua dala eta, agertu zana ez dala egia. Aurrekontuaren onarpena ez zan berandu egin herritar batek alegazinoak ipiniteagaitik (egunkarian ipinten dauan moduan), proiektua berandu aurkeztu zalako eta bete beharrekoak (tabloian argitaratutea, adibidez) ez ziralako bete baino. EH Bilduk azalduten dau herritar baten alegazinoa dala eta, apirilaren 15etik (lehenengo pleno deialdia), apirilaren 22ra atzeratu zala. Alkateak honeri dinotso, El Correon holan agertuten bada ez dala zuzena. EH Bilduk gaineratuten dau El Correori esaneko proiektuen kantidadeak ez dirala zuzenak, eskolako patioa kubridutea 78.000€ barik 80.000€ dirala eta “la zona de baño” 58.000€ barik 60.000€ko partidea dala. EH Bilduk eskatuten dau El Correok dinona egia ez bada, zuzenketea eskatuteko.