IRAILAREN 16KO OHIKO PLENOA

2016ko irailaren 16ko Ohiko Udalbatzara bertaratuak:

Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Gotzon Idirin Atutxa, Irati Urien Ortuzar, Arkaitz Estiballes Ormaetxea.   

1.- Aurreko plenoen akten  onarpena.

- 2016ko martxoaren 4ko akta eta ekainaren 10ekoa onartuten dira.

- 2016ko uztailaren 15ekoa: EH Bilduk idazkariari akta osoa berrikustea eskatuten deutso.

2.-Udalbatzak, 2016ko abuztuaren 2an hartutako erabakiaren deuseztatzea: Zeanuriko Lurzoru Publikoa erabiltzeko Ordenantza: erabilera orokorra, txosnak eta antzekoen kasu berezia eta lokalen erabilera” agiria dala eta, aurkeztutako alegazioen azterketa eta, behin-betiko onarpena, halan badagokio.

Alkateak azaldu eban abuztuaren 2ko plenoan hartutako erabagia deuseztatuko dala, pleno horretan forma akats bat egon zalako, idazkaririk izendatu barik egon zalako.

EH Bilduk eskatuten dau abuztuaren 2ko plenoa nulo de pleno derecho deklaretea, idazkari barik egin zalako, eta horren jakitun zirala deitu ebenak.

Alkateak ez dau onartuten plenoa deuseztatutea, jakin arte horretarako arrazoirik dagoan edo ez.

EH Bilduk mahaigaineratuten dau idazkariari eta idazkarien kolegioari eskatuta  deukotziela txosten juridikoa plenoa dala eta. Eskatuten dau plenoa bera deuseztatutea eta gaineratuten dau erabagia be zuzenean deuseztatuko zala holan. Jarraituten dau esanez gai hau plenora ekarri dala EH Bilduk egineko eskaeraren ondorioz, hau da, abuztuaren 2ko plenoa zein bertan hartu zan erabagia deuseztatutea, lurzoru publikoa erabiltzeko ordenantzearen onarpena. EH Bilduk galdetuten dau  eskaera hori egin ezean puntu hau plenora ekarriko ete zan, holan izan ezean, horrek izen bat daukala, prebarikazinoa.

Plenoa deuseztatutea ez da onartuten.

2016ko abuztuaren 2an hartutako erabagia deuseztatutearen alde 5 boto EAJk, eta 4 botogaz EH Bildu abstenidu egiten da.

3.- Zeanuriko Lurzoru Publikoa erabiltzeko Ordenantza: erabilera orokorra, txosnak eta antzekoen kasu berezia eta lokalen erabilera” agiria dala eta, aurkeztutako alegazioen azterketa eta, behin-betiko onarpena, halan badagokio.

Segundo Ibarrak bere alegazinoa barriro be azalduten dau, abuztuaren 2ko plenoan egin eban moduan.

EH Bilduk diño ez dauela alegazioa barriro azalduko hainbat bider azaldu dauela alegaziñoa eta barriro ez dauela egingo. Eskatuten dau berak aurkeztu dauan alegazinoari erantzuna emotea. Alkateak diño bere ustez erantzuna be emonda dauela eta zuzenean joango dala botaziñora.

Aurkeztutako alegazinoak ez dira onartuten EAJren kontrako 5 botoakaitik. EH Bilduk baiezkoa emoten deutsie 4 botogaz.

4. Zeanuriko Udalaren jabetzapeko basoetako belardien ustiaketa arautzen dauen Ordenantzaren aldaketaren hasierako onarpena, halan badagokio.

Alkateak azalduten dau udalbatzak markau behar leukazala kriterioak ze ganadu egon behar dabenen inguruen, fijau kanpoko ganadua ekarri ahal izatea be bai, eta udalak ze baldintzetan markauko leuken. Ganaderuak euren udaletxeetan pagauko leukiela eta Zeanuriko Udalak udaletxeai kobrauko leiokiela; apuntea urtero pasetea ontzat edo txartzat emoteko (apuntea probisonala izango zala). Hau da, udalakaz konbenioak egiteko aukerea eukitea eta zensoa udalbatzak onartutea.

Gai honen inguruen argitu behar batzuk agertuten dira eta, danon adostasunagaz, gaia mahai-gainean geldituten da.

5. Areatzako Piszinak erabiltzeko dirulaguntzak arautzeko Ordenantzaren behin betiko onarpena.

EH Bilduk dino hasierako onarpena emon jakon plenoan lez, ideagaz bat egiten dauala baina formakaz ezetz. Galdetu dau zenbateko partida izango dan. Alkateak erantzuten dau 1.400€koa dala. EH Bilduk galdetuten dau aurrekontuari modifikazinorik egin behar jakon partida hau onartuteko. Idazkariek azalduten dau 4. modifikazinoa dala, alkatetza dekretuz eginekoa.

EH Bilduk dino herritarren bat hurbildu jakola esanez dirulaguntza eskatuteko epea opor sasoian izan danez berau eskatu orduan ezezkoa emon jakola esanez epez kanpo dabilela. Alkateak dino jakin ezkero holangoren bat egon danik, jakinarazoteko udaletxetik pasetea eta ordainduko jakola. Horretara EH Bilduk dino aurrekontuari egineko modifikazinoa barriro modifikau beharko dala.

EH Bilduk uste dau aisialdi osorako proposamena egin beharko zala: musika, hizkuntzak, jantza, pintura… eta ez arlo batzuetarako bakarrik.

Ordenantzea onartu egiten da EAJren aldeko 5 botoakaz. EH Bilduk ezezko 2 boto emoten deutsoz eta abstenzino bat. Laugarren zinegotzia kanpora urten da dei bat atendiduteko.

6. Administrazio elektronikoa arautzen duen ordenantzaren onarpena.

Alkateak azalduten dau dominioa aldatuteko ordenantzea dala. EH Bilduk ontzat emoten dau baina eskatuten dau idatzizko komunikazinoa be mantenidutea, kontuan hartuta herritar askok teknologiakaz harremanik ez deukola. Halan egingo dala dino alkateak.

Danon adostasunagaz ordenantza hau onartuten da.

7. Segundo Ibarrak jarritako errekurtsoaren azterketa.

Idazkariak, Gobernu Batzordean eta Informatiboan esan eban lez, diño herritar honek “contencioso”-ra eroan beharko leukela gai hau, bere ustez, errekursorik aurkeztuteko aukerarik ez deukolako, “disposiciones de carácter general”-eri ezin jakiela errekursorik ipini.

Segundo Ibarrak dino aurkeztu eban alegaziñoari ez jakonez erantzunik emon, beste herritar batzuek aurkeztutakoari bez, informaziño eskubidea ez jakola errespetatu eta horrek suposatuten dauela indefensiño egoeran egotea, ez jakolako azaldu zeintzuk diren emon  emon leikezan pausuak.

EH Bilduk eskatuten dau aurkeztutako alegazino guztieri  erantzuna idatziz emotea.

Errekursoa ez da onartuten EAJren ezezko 5 botoakaitik. EH Bildu abstenidu egiten da.

8 Deklarazio instituzionala: Jose Sagarna Uriarteren fusilamendu salaketaren prozesuan Gernikako epaitegian izango dan deklarazioa dala eta.

Danon adostasunagaz onartuten da.

9 Udal logoa barriztetea.

EAJk azalduten dau herriko talde bateri eskatu deutsola herriko logo barria egitea. Talde horrek eredu batzuk erakutsi ostean, EAJk jakinarazoten dau eurek zein aukeratuko leukien.

EH Bilduk jakin gura dau zer dala eta aldatu gure dan, zenbet kostauko dan… Logoa aldatu beharra egon ezkero, proposatuten dau herriari zabaldutea ideak aurkeztuteko aukerea eta ez talde bateri bakarrik. Aurkeztuten diran guztien artean, gaur egungoa barne, herria izan daitela aukeratuten dauana. Hasieran EAJk proposamen hau ez dau ontzat emoten, denboran luzetu egingo zalako. Atzenean deialdi zabala egitea ebazten da.

Erregu eta galderak.

1.  EH Bilduk eskatuten dau:

- Pleno egune aldatutea Irati Urienek barikuetan ezinezko daukolako bertaratutea. Alkateak dino begituko dala noz egin.

- Ordainketaren batez besteko aldia eta hiruhilabeteko batez besteko txosten ekonomikoa.

2. EH Bilduk galdetuten dau:

- Zer dala eta egun batzutan brigadako langile bat bakarrrik egon dan, zegaitik ez dan lan poltsa erabili, ia segurtasun neurriak bermatu diren, …. . Alkateak erantzuten dau lan poltsa ez dala erabili horren beharrizanik ez dabelako ikusi, euren eretxiz segurtasuna bermatute egon dala.

- Arkitekto zerbitzuaren kontratua noz gauzatuko dan. Ia arkitektoen kolegioak ipini dauan errekursoa onartuko dan. Erantzuten jako abogaduen eskuetan itxiko dala onartutea edo ez.

- Ikastorak emongo dabezan irakasleak ze kontratu eukiko daben eta ikastaroa aurrera eroateko ikasle kopurua zenbatekoa izan behar dan. Erantzuna da kontratu administratiboa izango dala. Kopurua irakasleak berak jarriko dauala, 6-8 ingurukoa. Izena emoten dauanak konpromiso orria firmau beharko dauala  igazkoa pasau ez daiten, izena emon eta gero joateari itxi.

- Zergaitik aplikau jakon lurzorua erabiltearen ordenantzea Endika Azurmendiri (Batzokia). Lurzoru publikoa erabilten daben guztiai eskatu jakie ordaindutea? Halan ez bada diskriminazinoa dala. Erantzuten jako ez dauala pagau, eta gaineratuten da argi barik be egon zala.