URRIAREN 14KO OHIKO PLENOA

1. Aurreko plenoen akten onarpena.

- Uztailaren 15ekoa onartuten da.

- Irailaren 16koari zuzenketak egiten jakoz.

2. Zeanuriko Udalaren jabetzapeko basoetako belardien ustiaketea arautzen dauan Ordenantzearen aldaketearen hasierako onarpena, halan bajagoko.

Aurreko plenoan azaldu zan moduan aldaketak honeek izango dira:

-Urtero pastuak ordaintzen dabezan ganaduaren zerrendea udalbatzak aztertu eta onartzea, ikusteko ze ganadu mota eta kopuru dagoan.

-Udalak Gorbeiako parkean lurra daben udalakaz konbenio bat egiteko aukerea izatea, bere ekimenez, edo eskari baten ondorioz . Konbenioak epe jakin batzuetarako izango litekez.

-4 atalean ahuntzak pastetako eskubidea daben ganadu legez jartzea.

-1999ko urtarrilean onartutako aldaketea sartzea, lehen aldiz Zeanurin pastatzeko ze ezaugarri izan behar diran batzen dauana.

-Salbuespen legez, Gorbeiako Parke Naturalean lurrik ez daben udalerriekaz be konbenioak egiteko aukerea izatea, beti be ardientzat eta proiektu bat aztertu ondoren.

-Tasak: barriak onartu beharko litekez.

EH Bilduk dino argi gelditu behar dala Ordenantzearen 14. atalean (Jarraipen Batzordea) Udala be Batzordeko kide dala. Ontzat emoten da.

Danon adostasunagaz ordenantzearen aldaketak onartuten dira.

3. Kultura eta kiroleko dirulaguntzak banatzeko batzordearen eraketea.

Alkateak adierazoten dau Ordenantzan idatzita dauan moduan, batzordea honeek osotuko dabela: alkatea, talde politiko bakotxetik ordezkari bat, idazkaria eta kultura teknikaria.

EH Bildu ez da eraketeagaz konforme agertuten. Bere egunean proposatu eban lez batzorde horretan alkarte ofizial bakotxeko kide bana bertan egon beharko litekela dino; eta hori holan ez dan bitartean, ez dauala batzorde horretan parterik hartuko.

Alkateak dino EAJren ordezkaria batzorde horretan Eneritz Iza izango dala.

Batzordearen eraketea onartuten da EAJren aldeko bost botogaz. EH Bilduk ezezko lau boto emoten deutsoz.

4. Ur Partzuergoak Ur Sarea dala eta, aurkeztutako birjartze planaren onarpena.

Alkateak azalduten dau Ur Sareak eskatuten dauala berak aberien ardurea hartzeako tuberiak barriztau behar dirala, birjartze plan bat onartu behar dala eta horrek gitxi gora behera 700.000 euroko kostua eukiko dauala (EH Bilduk gehitu behar dau kostua 740.414,71 euro BEZ gabe dala), eta hamar urteko epean gauzatu beharrekoa dala. Jarraituten dau esanez dirulaguntzak jasoteko beharrezkoa dala birjartze plan hau onartutea.

EH Bilduk adierazoten dau urteokaz auzotar askoren kezka eta beharrizana dan saneamientuari lehentasuna emon behar jakola eta gitxienez saneamientuen plangintza zehatz bat aurkeztu arte, birjartze planagaz egin dan moduan, ez dauala birjartze plana onartuten.

Botazinora joanda, birjartze plana onartu egiten da EAJren aldeko bost botogaz. EH Bilduk ezezkoa emoten deutso plan honeri, lau botogaz.

5. Ermitei dagokien dirulaguntzearen banaketea.

Alkateak esaten dau momentuz dagoan diruagaz egin beharko dirala egin beharreko konponketak, 3000 euro San Lontzo ermitarako izango dirala eta 17.000 euro San Juanerako; Piedadea eta Santa Ageda datorren urteko aurrekontuetan kontenplauko dirala.

EH Bilduk galdetuten dau herrian dagozan ermitak ia norenak diran, ez dala bardin kofradiakoa izan, udal-jabegokoa edo obispeduarenak izan. Zenso bat egin beharko litakela esanez jarraitzen dau EH Bilduk, eleizarenak zeintzuk diren jakiteko eta behin hau jakinda, eleizarenak direnari eleizeari berari eskatutea konponduteko. Gaineratuten dau konsekuenteak izanda ezin dauala dirulaguntza banaketa hau onartu, Aurrekontuak onartu ez ebazalako.

Botazinora joanda, dirulaguntza banaketa onartu egiten da EAJren aldeko bost botogaz. EH Bilduk ezezko lau boto emoten ditu.

6. Logo barriaren onarpena.

Alkatea hasten da esanez aurreko plenoan aurkeztu ebazan proposamenetatik aparte beste bi aurkeztu dirala, bietako bat lehenengo faboritoaren oso antzeko dala eta lehenengoagaz, aurreko plenoan gustau jakienagaz, geldituten dirala.

EH Bilduk adierazoten dau deialdiari ez jakola publizidaderik egin, proposamenak aurkeztuteko epea laburra izan dala, ez dala baldintzarik zehaztu eta aukeraketea ez dala herritarra izin. Jarraituten dau esanez ez dauala logoa barriztetean beharrizanik ikusten; beharrizan hori balego, prozesua patxadaz egin behar dala. Dana dala, aurkeztu diranak orain artekoan antzekoak dirala be badino EH Bilduk. Horretatik aparte, logoa aldatutea eta sellua ez, ez dauala zentzuzkoa ikusten, ia non dauan orduan logoa kanbietako beharrizina.

EAJk onartu egiten dau logo barria, aldeko bost botogaz. EH Bilduk ezezkoa emoten deutso, hiru botogaz.

7. 2016ko Aurrekontuaren 5. modifikazinoaren azterketea eta onarpena.

Alkateak azalduten dau modifikazino honen arrazoia udaletxe barria egitea dala, eta horretarako San Isidro 12an dagozan lonja bi erostea pentsau dabela.

EH Bilduk dino bai modifikazino hau eta bai aurrekoak egiteko erremanenteko dirua erabili dala, laugarren modifikazinoan izan ezik, eta kopuruak honeek izan dirala:

                -1. modifikazinoa: 2.000 euro

                -2. modifikazinoa: 97.373 euro

                -3. modifikazinoa: 121.800 euro

                -5. modifikazinoa: 146.987,42 euro

Gaineratuten dau EH Bilduk atzen urteetan aurrekontuak superabitagaz onartu dirala Udalaren egoera ekonomikoa oso larria izan zalako, eta hori dala eta plan de ajuste bat onartu behar izan zala. Gaineratuten dau, erremanentetik atera eta atera egin ezkero ez dala egongo aukerarik inbersinorik egiteko. Amaituteko, EH Bilduk jakin gura dau ia idazkariaren kontuak eta EH Bilduk berak egindakoak zergaitik ez datozen bat; izan be, idazkariak erremanentean 173.950,48 geldituten dirala dinon bitartean, EH Bilduk 74.577,48 euro geldituten dirala dino, idazkariak azalduten dau ez dauala kontutan hartu bigarren modifikazinoa aurrera eroateko erremanentetik hartu behar izan diran 97.373 euroak. Idazkariak akats hori onartu egiten dau.

EH Bilduk proposatuten dau Udalak daukan lonja egokitutea, kontutan hartuta horretarako proiektu bat eginda dagoala orain dala urte batzuk. Beste aukera bat be proposatuten dau, Udalak salgai daukan pisua egokitutea.

EAJk onartu egiten dau 5. modifikazinoa aldeko bost botogaz. EH Bilduk ez dau onartuten, ezezko hiru boto emoten ditu.

8. San Isidro 12an dagozan lonjen erosketea.

Alkateak bi lonja horreek erostearen asmoaren barri emoten dau eta dino prezio zehatza eta tasasinoko informazinoa daukienean azalpen guztiak emongo dauzala.

9. 2015eko Kontu Orokorraren onarpena.

EH Bilduk 2015eko Kontu Orokorrari aurkeztutako alegazino batzuk onartu ziren. Beste alde batetik, idazkariak egindako txostenean aurkeztutako alegazinoari erantzuna emonez EH Bilduk horreetako bi argitu gura dauz:

- 2. alegazioa: Adieraziz inmobilizazioaren amortizazioa ez dela isladatzen balantzean.

Idazkariaren erantzuna: “Udalaren egoera ekonomikoaren barri aurrekontuaren likidazinotik dator, hain zuzen be diru zaintzatik. Beraz, amortizazinoak egiteak ez dau informazino gehiago emoten”.

EH Bilduk honen aurrean dino kontu orokorra ez dala aurrekontuaren likidazinoa bakarrik; kontu orokorrari jagokonean beste aspektu batzuk be kontuan hartu behar dirala eta, balantzeari jagokonean datuak ez dirala zuzenak, ibilgetu edo inmobilizatuari jagokonean hain zuzen be. Gaineratuten dau EH Bilduk, herri kontuak euskal epaitegiak urtero ateraten dauan txostenean Zeanuriko Udalak akats hori egiten dauela adierazten dauala, badago hori konpontzeko asmorik?

- 3. alegazinoa: Publikazinoak izenekoa transferentzia negatibo batez konsignazino barik itxi zala eta Udalkutxako dirusarreragaz kantidade hori konpensau.

Idazkariak erantzuten dau: “Alegazino honi buruz gauza bi esan beharra dago: Foru Aldundiak bakarrik likidatzen ditu boletinean argitaratzean sortzen diran gastuak, ez besterik”. “2015ean ez zan egon holako gasturik, beraz ez da urratu printzipio hori”.

Honeri EH Bilduk erantzuten deutso: Bizkaiko aldizkari ofizialean Zeanuriko Udalak 2015. urtean 17 argitalpen egin ebazala eta ia doakoak izan diran. Gaineratuten dau EH Bilduk, aurreko urteetan partida hori egon dala eta gastua be bai.

Idazkariak erantzuten deutso begitu dauala ia kobrau dan ala ez eta ez dala kobrau. EH Bilduk dino hori argitu beharreko gaia dala. Idazkariak halan egingo dauala adierazoten dau.

Botazinoan onartu egiten da 2015eko Kontu Orokorra, aldeko 5 boto (EAJ) eta kontrako 3 botogaz (EH Bildu).

10. Erregu eta galderak.

Alkateak dino:

-Colegio de Arquitectos-ek ipini eban errekursoa udalak ateratako plieguari, zati bat onartu egin dogu eta plieguak aldatu egingo dira.

-Argi gehiago behar dala eta enpresa batzuk inbitau dira euren proposamenak aurkeztu daitezan. Momentuz inok ez dau aurkeztu proposamenik.

-Gururtzu Gorriagaz konbenio bat egitea pentsau da hirugarren adinekoak dinamizetako ikastaro batzun bitartez: gimnasia, estimulazino kognitiboa… gabonak arte egingo da konbenioa eta teknikari lanak be beteko dauz. 

EH Bilduk dino:

- Aurrekontuen 4. modifikazinoa alkatetza dekretuz egin zan eta ez zan legea bete hurrungo plenoan ez zan horren barri emon eta.

- Idazkariek komentau eban aurreko plenoan, EH Bilduren eskarian plenoa bera deuseztatuterik ez zala eskatu. EH Bilduk eskatu eban. Eta ondino, eskatu eban txostena pleno hori dala eta, ez jako emon. Beste alde batetik, esan jakon aztertuko ebela pleno horregaz ia zer pasetan dan, aztertu da? Alkateak erantzuten dau ondino ez dabela aztertu.

- Brigadako langile baten kasuan segurtasun neurriak ez ziren bete, nahiz eta alkateak aurreko plenoan kontrakoa esan. EH Bilduk azalduten dau langile honek txosten mediku bat aurkeztuta daukola, non bakarrik beharrik egin ezin dauala dinona. Alkateak erantzuten dau neurriak bete dirala, eta bakarrik ezin badau behar egin igual pentsetan hasi beharko litakela bere egoereari beste urtenbide bat emotea. 

- Ekaineko plenoan EH Bilduk San Isidroetako eta Kultur Batzordearen aurrekontuak eskatu ebazan. Ez dau horren barririk aukin. Oingoan eskatuten dau Andra Marietako eta egin diran jai guztietakoak be bai.

- Zulaibarreko futbol zelaia/k. Zenbatekoa da orain arteko gastua? Gastu gehiago aurreikusten da? Zenbatekoa? Alkateak erantzuten dau futbolera olgetea merke urtetan dala baina infrakestrukturea bera, oso karua dala: soloen alkilerra, bedarra erein, ateak ipini, bankilloak, frontoia erabilgarri izan daiten ituginek konpondu behar dirala…

- Zeintzuk diren Udalak sinatute deukozan epe baterako kontratuak eta noz artekoak diren. Erantzuten jako emongo jakola horren barri.

- Heldu da Emakunden dirulaguntzarik? Erantzuten jako dirulaguntza ez dala lortu, bigarren gelditu garela. Bigarren faseari jarraipena emon jakola eta urte hasieran hirugarrenari hasiera emongo jakola.

- Kristelena. Pribatuen arteko arazo bat zegaitik ordaindu dau Udalak? Herritarran dirua txarto erabiltea da hori. EAJko zinegotziak hartuten dau berbea esanez Dantzari Egunean bolandera batek bere etxeko kristela apurtu ebala eta inor ez danez agertu horren erantzule udala egin dala horren kargu.

EH Bilduk dino ez dala hortik joan, baina jakinda berak esan dauan moduan nor izan zan berari eskatu beharko jakola ordaindutea. Jarraituten dau argituz bera herriko beste kristal batzun ganean dabilela berbaz. Alkateak erantzuten dau ekintza hori egin ebenak berarengana etorri zirala kontetan eta 80 euro ipini ostean falta zana Udalak ordaindutea erabagi ebala.

-Boulderra. 2013an proposamen bat egin zan bardina eskatuten eta ez jakon erantzun. Oraingoa zelan ebatzi da egitea eta zein da gastua? Ipini dan lekuko jabeak jakitun dagoz? Pasoko lekua da, kontutan hartu da? Erantzuten jako Atoan Joko Alaik proposatu ebala eta Kultur Batzordeak onartu ebala. Gastua 250 eurokoa dala. Domekan Boulder Eguna egin ostean soltauko dirala eta argituteko dauala ondino hormea herriarena edo pribaua dan.

-Aurrekontu parte-hartzaileak. Egiteko asmorik bai? Pentsetan dogu herritarrak eskubidea dukiela jakiteko udalak zetan eta zelan gastetan dauen… Alkateak baietz modu erantzuten dau.