AZAROAREN 17KO OHIKO PLENOA

Plenoko gaiak jorratuten hasi aurretik alkateak dino abuztuaren 2ko plenoa deuseztatuta geldituten dala, beraz, pleno horretako akta ez da onartu behar.

1. Aurreko Plenoen akten onarpena.

- Irailaren 16ko akta onartuten da.

- Urriaren 14koari zuzenketak egiten jakoz.

Alkateak dino logo barriko torreko marrak loditu egin behar dirala.

2. Toki eta Bide Publikoen Publizitateari buruzko Ordenantzaren aldaketaren behin betiko onarpena.

Alkateak dino alegazinorik ez danez egon ordenantzearen aldaketea onartuteko botazinoa egingo dala.

EH Bilduk dino paneletan  herriko publizidadea eta beste batzuk ipini orduan pilatu egiten dirala eta eskatuten dau panel gehiago ipintea.

Ordenantzearen aldaketak aldeko 4 boto deukoz, EAJrenak eta 4 boto kontra, EH Bildurenak. Alkatearen kalidade botoagaz ordenantzearen aldaketea onartzen da.

3. Udal Jaubetza Publikoaren erabilera Pribatibo edo Aprobetxamendu bereziagatik ordaindu beharreko tasak arautzen dituen ordenantzaren behin betiko onarpena.

EH Bilduk mahaigaineratuten dau 1997an onartutako ordenantzea indarrean dagoala baina ez dala aplikau, jakin gura dau onartu dan ordenantzea  noztik hasita aplikauko dan. Alkateak erantzuten dau datorren urtean sartuko dala indarrean eta halan izan daiten boletinean plubliketako egunagaz olgauko dabela.

Ordenantzearen aldaketak aldeko 4 boto deukoz, EAJrenak eta 4 boto kontra, EH Bildurenak. Alkatearen kalidade botoagaz ordenantzearen aldaketea onartzen da.

4. Zeanuriko Udalak Arratiako Musika Eskolan sartzeko proposamenaren azterketa, eta onarpena, halan badagokio.

Alkateak azalduten dau aztertu dabela Arratiako Musika Eskolara buelteteak daukazan alde onak edo ez onak. Barriro onartuak izateko plenoak baiezkoa emon behar dauala eta halan bada datorren ikasturtean sartuko gintekezala. Aurten herrian egon diran hiru bat eskaerari ezin izan jakela erantzun eta hori dala eta, nahiz eta modu ofizialean izan ez, eskatuko dabela klase horreek Arratiako Muiska Eskolan hartzea. Azalduten dau be bai Arratiako Musika Eskolako kideak garenean klase gehienak hemen bertan emongo dirala, baina batzuk herritik kanpo izango dirala, Areatzan hain zuzen be. Alderik handiena tasetan egongo dala. Arratiako Musika Eskolan erabilten dan metodoa eta hemekoa desbardinak dirala, batean trikia notakaz irakasten dala, hemen zenbakiakaz. Transizino denboran adaptazino prozesua egiten ahaleginduko dala. EH Bilduk galdetuten dau: - kuoten igoera zenbatekoa izango dan.  Alkateak erantzuten dau Zeanurin 46,19€ ordaintzen dala, gero 59.43€ ordainduko dala.

- Orain dauzen irakasleak ze egoeratan geldituko litakezan galderari alkateak erantzuten deutso batzuk beharko dirala baina Arratiako Musika Eskolak ebatziko dauala. Matrikulazinoa egin arte ezin dala jakin. Prebisinoa eskatuko jakela.

- Zeanuriko Musika Eskolak ofizialtasunik daukan galderari baietz erantzuten jako, Arratiako Musika eskolak daukana.

- Egoera ekonomiko ez onean dagozan familiari eta klaseak herritik kanpo eukiko dabezan ikasleai ia laguntzarik emongo jaken. Erantzuten jako gaia aztertuko dala.

- Musika Eskolako parte diran koruen eta dantza taldearen egoera zein izango dan. Kultura zinegotziak erantzuten dau korua ez dagoala musika eskola barruan eta dantza taldeak jarraipena eukiko dauala. EH Bilduk zehaztuten dau gauze bat dala koruak ebaztea aparte funtzionetea baina indarrean dagoan ordenantzan azaltzen dala biak direla musika eskolako parte.

- Gurasoari informazino guzti hau emon jaken. Baietz erantzuten da eta aurrerago be Arratiako Musika eskolako zuzendaria etorriko dala azalpenak emoten.

- Udalak ipini beharreko diru kopuruak alderik eukiko dauan. Antzekoa izango dala dino alkateak. Fijoa %10a izaten dala, biztanlegoaren arabera.

Danon adostasunagaz onartuten da Arratiako Musika Eskolan sartzeko proposamena.

5. Zeanuriko Udala eta Bizkaiko Foru Aldundiaren artean, “espaloia eta aparkalekua betearazteko obrak egitea Igertualde auzoan, BI-4523 Foru Errepidean” konbenioaren azterketa eta onarpena, halan badagokio.

Alkateak azalduten dau Igertualdetik San Isidrorainoko obrea izango dala, zati hori udalarena izango dala, kontenedorak dagozan lekuan aparkalekua joango dala, “lomo de asno”-ak ipini beharko dirala. Plenoak obrea ez badau onartuten kontenedorak kendu beharko dirala.

EH Bilduk dino Diputazinoak agindu dauan hitzarmenean ipinten dauala “obra horiek egitea egokitzat jotzen da izan ere bide segurtasuna hobetuko dutelako”. Hori badino, berak hobetu beharko leukela bidearen segurtasuna.

- Jakin gure dau obraren aurrekontua zenbetekoa dan eta diru partidarik konsignauta dagoan obra hau egiteko edo 2017en egingo dan. Alkateak erantzuten dau aurrekontuan 80.000€ko partida dagoala obra hau egiteko eta Diputazinoak gehien-gehienez 146.109,28€ko ekarpena egingo dauala.

- Tramo horren zezinoa egin aurretik jakin beharko litekela obrea egin ahal izango dan edo ez.

- Espaloia egiteko beharrizane dagoala, baina aparkalekuaren beharra ez dauala hain argi, bertan beste bat dagoanean eta berau handituteko estudio bat eginda dagoenean. Herriko lehentasuna saneamentua izan beharko zala baina bertan behera itxita dagoala. Alkateak onartuten dau saneamentua egin beharrekoa dala eta gai hori atzeratuta dagoala.

Botazinora joan aurretik EH Bilduk azalduten dau konbenioa onartuko dauala espaloia egin eta gero aparkalekua egiteko Diputazinoak emoten dauan diru laguntza nahikoa ez bada, hau ez egitea onartuten bada. Alkateak dino obraren urteera prezioa dirulaguntzaren kopurua izango dala eta normalean aurkeztuten diran enpresak hortik behera pujetan dabela.

Danon adostasunagaz onartuten da Zeanuriko udala eta Diputazinoaren arteko konbenioa.

EH Bilduk, barriro be, azpimarratuten dau beharrizan handiena daukan inbersinoa saneamentua dala eta dirulaguntza nahiko ez bada bigarren aparkalekue egiteko, obra hori ez egitea.

6. Euskeraren Eguna dala eta adierazpenaren onarpena.

EH Bilduk eskatuten dau gai hau eta hurrengoa, Azaroaren 25, Emakumearen aurkako indarkeriaren kontrako eguna dala eta adierazpena, mahai gainean gelditutea testuek ez diralako denporaz agindu.

Mahai gainean geldituten da.

7. Azaroaren 25, Emakumearen aurkako indarkeriaren kontrako eguna dala eta, adierazpenaren onarpena.

Mahai gainean geldituten da.

8. 2016ko kultura eta kirol arloko taldeen arteko dirulaguntzen banaketaren onarpena.

Alkateak dirulaguntzen banaketea azalduten dau.

EH Bilduk irizpide argirik ez egotea salatuten dau, batzuk “lan asko egiten dabe” edo “lan handia egiten dauan taldea da”, baina beste batzuen kasuen holangorikez dala esaten, lanik ez dabelako egiten? Adierazten dau maiatzaren 13ko plenoan, ordenantza honen eztabaidan galdetu ebala ia arloren baten bigarren talderik baegoan eta alkateak ezetz erantzun ebala. Ostera dirulaguntzen banaketa orrian Suzien Mendi Klubari dirulaguntzarik ez emotearen arrazoi moduen aipatuten dala mendi arloko bigarren taldea izatea. EH Bilduk gaineratuten dau,  hori holan bada, Arratia Futbol Taldeari be ezin jakola diru-laguntzarik emon Joko Alairen azpitalde bat futbola dalako. Ez dagoala argibiderik jakiteko zeren arabera batzuri beste batzuri baino gehiago igoten jaken, edo eskatuten dabena emoten jakela (institutuko guraso elkartea, Arratia futbol taldea, Basurde Ehiza taldea, Gorbeiazpi…), kasuren batean taldeak daukan aurrekontu osoa baino gehiago emoten jake (Zeanuriko Abesbatza, adibidez). Azpimarratuten dau ez dala ulergarria talde bateri dirulaguntzarik ez emotea arloko bigarren taldea dalako (Suzien Mendi Kluba), baina berak antolauten dauan ekintza  babestutea eta diruz lagundutea (Gorbeia Suzien).

Dirulaguntzen banaketak aldeko 4 boto deukoz, EAJrenak eta 4 boto kontra, EH Bildurenak, abstenziño 1 EAJ-PNVrena. Alkatearen kalidade botoagaz EAJ-PNVek aurkeztutako dirulaguntzen banaketea onartzen da.

	2015	2016
	Dirulaguntza	Aurrekontua	Eskaria	Dirulaguntza
Suzien Kluba	5.000€	77.500€	15.000€	0€
Abesbatza	5.945€	6.200€		6.360€
Arratia futbol taldea	270€	133.000€	1.000€	870€
Gorbeia Jubilatu elkartea	3.240€	11.670€		3.500€
Arrikibar dantza taldea	0€	4.350€	3.350€	1.000€
Tranbia txiki Guraso elkartea-Institutua	1.380€	21.020,36€	1.200€	1.200€
Mazala	900€	2.914,72€		1.050€
Gorbeiazpi	3.000€	47.501€	3.000€	3.000€
Joko Alai	13.280€	39.050€	18.000€	16.280€
Albakoa guraso elkartea- Eskola	3.240€	6.500€		3.240€
Basurde Ehiza elkartea	1.080€	12.320€	800€	800€
Txistulariak	2.700€	2.715€	2.700€	2.700€
Antzerki taldea	1.200€	5.500€		1.600€

Suzien Mendi Kluba ez da diruz lagunduko mendi arloko bigarren taldea dalako.

9. Erregu eta galderak.

- Alkateak informatzen dau aurrekontuaren 6. modifikazinoa onartu dala alkatetza dekretuz, Soloetako bidea, Altzuako bidea, Urkulluko pistea Zubizabalgo baso bidean obrak egiteko. Guztira 158.208,65€ jaso dirala eta zenbateko horretan igon dala gastua eta dirusarrera.

- EH Bilduk eskatuten dau: - “Mercantil Multigestión Inmobiliaria San Isidro S.L.”-ren eskriturak zehaztasunez jakiteko lonjak nori erosi jakozan. Alkateak erantzuten dau hori jakin gura dauanak Erregistrora joatea baino ez deukola.

-Zegaitik lonjak erosteko aurrekontuari egineko modifikazinoa 105,000€-koa zan baina lonjen kostue  77.440€-koa. Idazkariek dino alde hori Erremanente de Tesorerian geldituko dala datorren urtean inkorporau ahal izateko.

- Kultur teknikariaren inguruan galdera batzuk: Zelan aukeratu da? Ze zeregin eukiko    dauz? Ze kontratu mota deko? Zegaitik ez da deialdirik egin? Alkateak erantzuten dau Gurutze Gorriagaz konbenioa sinatu dala batez be jubiladuentzat  aktibidade batzuk antolatuteko. Era berean galdetu jakela kultura teknikariaren arloa be beteko leukien. Konbenioa gabonak artekoa dala. Plaza hau atera beharko baliteke, beste modu batean egin beharko litekela. Kontratue “no presupuestario” dala.

EH Bilduk  konbenioaren kopia eskatute dau.

- Ikastaro batzuk dirala eta (Zumba eta Entrenamendu Funtzionala) adierazoten dau aurreko plenoa esan zala ikasleek  zuzenean pagetan deutsiela irakasleari. Zegaitik agertuten dira fakturak udalaren izenean? Persona horrek kontratu bat deko Zeanuriko Udalagaz? Kultura eta Kirol zinegotziak erantzuten dau ikasleek udalaren banku kontuan egiten dabela ingresoa eta udalak irakasleari emoten deutsola. EH Bilduk ez dau ulertuten triangulo hau, zegaitik ikasleek irakasleari ez deutsien zuzenean ingresoa egiten. Egiten dan eran aurrekontuetako sarrera eta gastuetan agertu behar dala diru mogimendu hau.

- Aurrekontu batzuk eskatuten dauz BARRIRO be: San Isidroak, Andra Mariak eta Kultur Batzordekoak. Kultura zinegotziak erantzuten dau San Isidroko gastuek gitxi gora behera 4.000€koa izan dala, Andra Marietako gastuak gitxi gorabehera 39.000€koak izin dirala. Kultur Batzordeko aurrekontua dala eta dino etorri ala egiten dala, prebisinorik ez dagoala. Alkateak adierazoten dau datorren urtean beste modu baten egin beharko dala, aurrekontu bategaz.