ABENDUAREN 29KO EZ OHIKO PLENOA

Plenoa hasten danean EH Bilduk eskatuten dau gai ordenari gehitutea Mikel Zuloaga eta Begoña Huarteri alkartasune adierazotea eta euren askatasuna eskatutea. Onartuten da.

1.- Zeanuriko Udaleko Kultura eta Kirol arloaren dirulaguntzen berezien azterketea eta onarpena.

Alkateak azalduten dau ohiko dirulaguntzetatik aparte ekintza berezietarako beste laguntza batzuk dauzela. Gorbeia Suzienentzat 5.000€ eta Duatloiarentzat 1.500€.

EH Bilduk aituten dau Gorbeia Suzien ekintza diruz lagundutea, Suzien Mendi Klubari ukatu  jakolako dirulaguntza, mendi arloan bigarren taldea dalako. Ez dau aituten zergaitik Atoaneri, hau da, Joko Alairi, dirulaguntza berezi hau emoten jakon, 16.280€ko laguntzea emonda deukonean. Dirulaguntzak emotean talde honeri iaz baino gehiau emoteko justifikazinoa “ume gehiago ekintza gehiago, futbola eta ATOAN ardura barriak” izan zala. Segiduten dau EH Bilduk esanez aituten dauala dirulaguntza berezi honek suposatuten dauala talde bera birritan lagundutea. Beste taldeek ekintzak egiten dabezanean ez jakela aparteko dirulaguntza berezirik emoten eta duatloiaren kasua ikusita beste taldeetakoak be eskatuten hasi leikezala.

Dirulaguntza bereziak onartuten dira PNVren aldeko 4 botoakaz, EH Bilduk kontrako 2 boto emoten dauz. Bere egunean esan eban dirulaguntza ordenantza hau ez dauala ontzat emoten  ez dauzalako argituten zeren arabera emongo diran dirulaguntzak eta arlo bereko talde zaharrena bakarrik diruz lagunduko dalako.

2.- Hirugarren Munduko laguntzen diru banaketearen onarpena.

Alkateak azalduten dau diru partida 4.000€koa dala. Hortik 800€, gitxi gora behera, gastauta dauzala Bielorrusiatik udan etorten dan neskearen billetea ordainduteko. Gelditan dana erdi eta erdi Harribide Fundazinoari eta Caritaseri emongo jakiela errefuxiatuentzako.

EH Bilduk galdetuten dau ia herrian errefuxiatuen inguruan beharrean dabilen taldeagaz harremanetan ipini diran. Ezetz erantzuten jako. Kultura zinegotziak dino talde horrek ez deutsiela laguntzarik eskatu.  EH Bilduk orduan dino hori ez dala berba ez egiteko edo laguntzea emoteko atxakia eta laguntza emoteko prest dauanak jakinarazotea diru hori dauela ez zala lekuz kanpo egongo. Alkateak dino ez dakiela talde hori eratute dauen edo ez eta gure baeben eskatuko ebela. Gaineratuten dau proposatuten daben talde bieri emonda dirulaguntza hori zuzenago helduko dala. EH Bilduk erantzuten deutso taldea eratu bakoa izatea edo ez ez litekela arazo izan behar, beste eratu bako taldeakaz arazo ez danean, dana dala Zeanuriko Ongi Etorri Errefuxiatuak taldea koordinatute dauela Arratiko Ongi Etorri Errefuxiatuak taldeagaz zein Bizkaikoagaz. EH Bilduk gaineratuten dau ez dauela aituten esatea dirulaguntza zuzenago helduko dala proposatutako talde bieri emonda.

EH Bilduren proposamena ez da onartuten. Baina danon adostasunagaz onartuten da Harribide Fundaziñoari eta Caritaseri laguntzea emotea.

3.- Michel Bergouignan-en atxiloketa dala eta, Zeanuriko Udalak alkartasuna adierazoteko akordioaren onarpena.

EH Bilduk eskatuten dau gaia mahai gainean gelditutea testua plenoan bertan hartu dabelako eta eskatan dau atxilotuak izan ziran bost personen izenak agertutea, alkartasune bostari adierazotea eta ez bateri bakarrik. Alkateak azalduten dau baten izena bakarrik agertutearen arrazoia dala Makeakoa dalako eta Makeatik eskatu ebeleko alkartasun adierazotea. EH Bilduk dino ondo ikusten dauala adibidez Mixel Berekoirigoineri aparteko aipamen bat egitea Zeanurik Makeagaz daukan harremanagaitik baina beste lauran izenak ez agertutea ez dau ez ondo ez zentzudun ikusten.

Gaia mahai gainean gelditan da.

4.- Mikel Zuloaga eta Begoña Huarteren atxiloketea dala eta alkartasuna adierazotea eta askatasuna eskatzea.

Danon adostasuneagaz onartuten da Mikel Zuloaga eta Begoña Huarteri alkartasuna adierazotea eta euren askatasuna eskatutea.