2017ko urtailaren 27ko Ohiko Osoko Bilera

Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Gotzon Idirin Atutxa, Irati Urien Ortuzar eta Arkaitz Estiballes Ormaetxea.

Idazkaria: Ana Mari Bengoetxea Lejarza.

Plenoari hasierea emon aurretik alkateak dino urgentziazko gai bat gehitu behar dala: presako bidea dala eta Consorcioagaz konbenioa sinatutea. Ago batez onartuten da.

1.- Aurreko akten onarpena.

Urriak 14koa EH Bilduk irakurri barik daukanez, hurrengorako geldituten da.

            Onartuten dira: Azaroaren 23koa eta abenduaren 29koa.

Zuzendu beharrekoak: Azaroaren 17koa eta abenduaren 13koa.

2.- Hirilurren Gehikuntzaren zerga arautzen dauan Ordenantzearen aldaketearen behin behineko aldaketearen onarpena.

Alkateak azalduten dau katastroa eguneratuteak plusbalia ordaindu behar danean igoera handie ekarri dauela. Orain arte tipo 2 aplikau dirala: bata, gehikuntzaren urteko porzentaia %2,4 dana; eta bestea, zerga kuota %20 dana. Ordaindu beharreko gitxiengoa 100€ izan dala. Egoera egokitu gurean simulazino batzuk aurkezten dirala eta tipoak %1 eta %9a izango dirala.

EH Bilduk dino ez dauala lar ondo ulertuten zergaitik aldatuten diran gauzak aldaketarik egoetea gura ez danean; aldaketarik egon ez daiten aldaketak egin beharra, katastroa eguneratuteak balorren igoerea esan gure ebala eta ondorioz balor horreri lotuta dagozan beste igoera guztiak. Katastroa eguneratu zanean kontrako botoa emon ebala baina ikusita hainbat kasutan igoerea itzelezkoa dala ez dauala kontrako botorik emongo.

Onartu egiten da PNVren 5 aldeko botoakaz. EH Bildu abstenidu egiten da.

Botazino ostean Eider Ajuriagerra plenotik urtetan da.

3. EH Bilduk aurkeztutako “Hileta zibilak” mozinoaren azterketea eta onarpena, halan bajagoko.

Alkateak dino PNV printzipioz alde agertuten dala baina ordenantzan pare bat zehaztapen egin beharko dirala: hileta eta omenaldi artean dagoan desbardintasuna eta “herritarra” izateagaz zer ulertuten dan, hurrengo plenorako aurkeztuko dabela ordenantza hori. Ordenantza eredu lez, EH Bilduk aurkeztu dauan Basaurikoari ez deutsola pegarik ikusten baina aldaketaren bat egin beharko jakola: ordutegiak adibidez.

Danon adostasunagaz onartuten da.

4. SAREk aurkeztutako mozinoaren azterketea eta onarpena, halan bajagoko.

Alkateak dino gobernuak egiten dauanagaz ados dagozala, nahiz eta mozinoan esaten dan zati handi baten ados egon, baina kontrako botoa emongo dabela.

EH Bilduk jakin gurako leuke PNVk mozinoko zer ez dauan onartuten. Ez jako argituten.

Botazinora joanda; PNVk kontrako 4 boto; EH Bilduk aldeko 4 boto. Alkatearen kalidadezko botoagaz mozinoa ez da onartuten.

5. Bake epaileraen izendapena.

Alkateak azalduten dau hiru persona aurkeztu dirala. Erizpiderik ez danez jarri aukeraketea zelan egin jakiteko, eskaintza hau behar dan moduan atera beharko dala, erizpideak finkatuz. Bien bitartean momentu honetan dagoanak jarraituko dauala.

EH Bilduk ez dau ulertuten postu baterako konbokatoria ateratea erizpiderik ipini barik. Galdetuten dau zergaitik oraingoan ez daben zuzenean aukeratuten beste batzutan egin daben moduen, ezelango irizpiderik barik.

Alkateak porposatuten dau botazinora eroetea PNVren proposamena: orain dagoanari luzetutea eta bien bitartean erizpideak ezartzea.

Proposamena onartu egiten da PNVren aldeko 4 botoakaz, EH Bilduko lau zinegotziak abstenidu egiten dira. Idazkariari dudea sortuten jako “mayoría simple” edo “absoluta” behar dan onartutzat emoteko.

6. Presako bidea dala eta Consorcioagaz konbenioa.

Alkateak dino Partzurgoak bidea egiteko konbenioa sinatuko dala. Bidearen azalpenak emoten dauz: bidea Consorcioan kontura izango dala, lizitazinoa be bai. Zati baten (jabego pribatua daukana) egurrezko plataforma bat ipiniko dala. EH Bilduren galderari erantzuten jako zati horren jabeak ez dabela ezer eskatu euren terrenotik pasoa iztearren, baina ez dagoala ezer idatzita. Herritarrontzako gastua mantenimendua bakarrik izango dala.

EH Bilduk eskatuten  dau argi puntuak ipintea. Alkateak erantzuten dau hori egitea fazile izango dala.

Danan adostasunagaz konbenioa ontzat emoten da.

7. Erregu-galderak

- 1. Idazkariak abenduaren 27an alkatetza dekretuz onartutako kreditu aldaketen barri emoten dau: urtea sarratuteko modifikazino batzuk egin behar izan dira.

 7. aldaketa: Gehitu: Aldundiari Hobekuntza Fondoa: +1.500,00€

                     Nondik: Baso Ustiaketak: -1.500,00€

 8. aldaketa: Gehitu: Kultur Astea: +10.387,00€

                     Nondik: Sarrerak (pailazoen ikuskizuna-B. Lertxundi) 10.387,00€

 9. aldaketa: Gehitu: Funtzionarioen soldatak: +700,00€

                                  Gizarte Segurantzea: 5.500,00€

                                  Aldi baterako langileak: +8.059,04€

                                  Seguroak: 2.093,00€

                     Nondik: Kultura langilea: -6.732,00€

                                   Konponketan eta Mantenimendua eskolak: -7.620,00€

                                   SGAE:-2.000,00€

10. aldaketa: Gehitu: Efizientzia energetikoko lanak: +9.468,00€

                     Nondik: Efizientzia energetikoa dirulaguntza: +9.468,00€

11. aldaketa: Gehitu: 920062502 partida, ordenadore bat: +555,39€

                      Nondik: Formazioa: -555,39€

12. aldaketa: Gehitu: Frontoiko segurtasunerako lanak: +7.500,00€

                      Nondik: Frontoiko energia elektrikoa: -3.000,00€

                                   Beste gastu batzuk, eraikuntza deportiboak: -2.000,00€

                                   Konponketa eta Mantenimendua eskolak: -2.500,00€

13. aldaketa: Gehitu: Frontoiko segurtasunerako lanak: +10.500,00€

                      Nondik: Frontoiko segurtasunerako lanetarako dirulaguntza: +10.500,00€

14. aldaketa: Gehitu: Efizientzia energetikoko lanak: +6.726,23€

                      Nondik: Efizientzia energetikoa dirulaguntza: +6.726,23€

           

- 2. Alkateak jakinarazoten dau basoen subasta desierto gelditu dala. Hori dala eta beste aldaketaren bat egin beharko da. Sarratuteko momentuan “pendiente de cobro” moduan gelditu zan baina holan ezin dala itxi.

- 3. Alkateak azalduten dau lanpostu batzuk konkursora aterako dabezala:

            1. Frontoia: kantxerua, garbikuzia eta ginmasioa.

Ludoteka/haurtzaindegia. Momentuz haurtzaindegiko garbikuzia orain dagoanak egingo dau.

            2. Udaletxea, kultur etxea, eskolak eta konsultorioko garbikuzia.

            3. Kaleko garbikuzie, jardinerie, futbol zelaien bedarra ebagitea eta

                Zulaibarreko frontoiko komunak.

            4. Enterradorea.

Alkateak esan eban pentsau beharko dala pleguetan zer eskatu bertakoak fazilidade gehiago eukiteko.

- 4. EH Bilduk galdetuten dau zer dala eta egin dan buzoneoa Gurutze Gorriegaz sinatu zan hitzarmenaren barri emoten, zergaitik orain eta ez sinatu zanean. Eta zergaitik ez dan aitatuten langile horrek betetan dauzan beste arloak be bai.

Alkateak azalduten dau langile hori otsailaren amaierara arte bakarrik egongo dala administrari lanak egiten. Pentsetan dabizela bat kontratatu beharrean, zatike, 2 kontratetea, bata iharduera soziokulturaletarako eta bestea administrarieri lagunduteko.

- 5. EH Bilduk galdetuten dau Euskaltzaindiari erosi jakozan Gorbeia inguruko etno-ipuinak dirala eta (234€ eta 126,02€), zenbat izan diren eta zertarako erosi diran. Beste alde batetik jakin gurako leuke be bai zenbat saldu diran, saldu badira, Ander Manterolaren erosi ziran liburuak; eta salatuten dau liburuak erosten dirala baina, ostera, liburutegia bertan behera itxita dagoala.

Alkateak erantzuten dau pasau dana izan dala bat opatu zala liburuen aurkezpena egiteko eta pagetako erea beronek herritar batzueri erregalau beharrekoak Euskaltzaindiari udalak erostea eta opari moduan erabiltea. 7 bat edo izan dirala, hizlariari eta beste pare bateri oparitu jakiezala eta udaletxean pare bat edo gelditu dirala. Gaineratuten dau, ez dakiela Ander Manterolaren zenbat liburu saldu diran.

- 6. EH Bilduk eskatuten dau San Isidro, Andra Mariak, Kultur batzordea eta gabonetako aste kulturalaren aurrekontua. Gaineratuten dau whatsappa ez dala erea eskatuten dan Udaleko informazinoa eskuratuteko.

- 7. EH Bilduk azalpenak eskatuten dauz Begitun Mikel Zuluaga eta Begoña Huarteren atxiloketak zirala eta udalaren izenan esaten zanari buruz (Zeanuriko udalak bat egiten dauala Eusko Jaurlaritzaren komunikaduagez eta ez dauala ontzat emoten Mikelek eta Begok egindakoa), Zeanuriko Udalak inoz ez dauala holango ebatzirik hartu. Alkateak dino Begituri galdetuteko zeren arabera idatzi eban idatzi ebana, Begituk Zeanuriko Udalean ez dauala ezer galdetu eta PNVko web orrian be ez dauala holangorik esan.

EH Bilduk eskatuten dau Begitugaz gaia argitutea. Alkateak dino ohar bat aginduko jakiela.

- 8. EH Bilduk mahaigaineratuten dau aurrekontuen inguruko batzarrik ez dala egin nahiz eta pleno bitan preguntau zanean alkateak egingo zirala erantzun. Barriro be dino egingo dirala, baina EH Bilduk daukan funzionetako modutik aparte beste era batzuk be badagozala.

 - 7. EH Bilduk azalduten dau 2017-01-12ko Gobernu Batzordean II Duathloirako dirulaguntza eskaerea aztertu zala. Ez dau ulertuten eskaerea urtarrilean aztertutea diru-laguntza abenduaren 29ko plenoan emon jakonean.

Idazkariak dino balitekela eskaera horrek sarrera abendukoa eukitea eta urtarrileko gobernu batzordean aztertutea. Alkateak dino bai Gorbeia Suzien zein Duathloirako laguntza eskaerak lehenagotik egon zirala, baina dudea euki zala eskaera berezi moduan egin behar ziran edo ez, balitekela hori izatea arrazoia.