2017ko urriaren 11ko Ohiko Osoko Bilera

Bertaratuak: Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar eta Arkaitz Estiballes Ormetxea.

Idazkaria: Ana Mari Bengoetxea Lejarza.

1. Aurreko bileraren aktaren onarpena.

Maiatzaren 18koa à Onartu egiten da.

Uztailaren 24koa à Onartu egiten da.

Irailaren 8koa à Alkateak eta EH Bilduk zuzenketak egiten deutsoz.

2. 2017ko Aurrekontuaren 2. modifikazioari egindako alegazioen azterketa eta onarpena, halan badagokio.

Idazkariak azalduten dau zalantzan dagoan kuestino teknikoari (diru sarrera finalista dan edo ez) urteerea emoteko remanentetik hartuko dala, eta efizientzia energetikorako etorri zan diru laguntza hori diru sarrera barri legez geldituko dala. EH Bilduk argitu gura dau alegazinoan aitatu dauan legea ez dala okerrekoa, 38/2003 legea dirulaguntzari buruzkoa dala, abenduaren 2ko 10/2003 Foru Araua kontabilitateari dagokiona dala; izan be, idazkariak egindako alegazinoaren erantzun txostenean EH Bilduk aitatuten dauan lege hori okerrekoa ei dala adierazoten da.

Danon adostasunagaz, 8 botogaz, modifikazinoa onartu egiten da.

3. 2017ko Aurrekontuaren 2. modifikazioaren behin-betiko onarpena.

EH Bilduk galdetuten dau hau zenbatgarren modifikazinoa dan, nahaste bat dagoalako, 1go modifikazinoa aldatu egin behar izan zalako, lehenengoz aurkeztu zan 2. modifikazinoari alegazinoak aurkeztu jakozalako eta orain barriro 2. modifikazinoa eztabaidatu behar dalako…  Idazkariak dino 2. modifikazinoa dala. EH Bilduk jarraituten dau esaten, modifikazinoaren txostenak azaldu beharko leukela: partida bakotxa zergaitik anplietan dan, adibidez bideeen mantenimendua orokorra dan edo bide zehatz batzuk diran; Frontoiko hobekuntzak, segurtasuna, zeintzuk diran. Eta erremanentetik hartzean danean zergaitik egin behar dan gastu hori.

Botazinora joanda, EAJren aldeko 5 botoakaz eta EH Bilduren kontrako 3 botoakaz modifikazino hau onartuten da:

Kreditu gehigarriak

-21001 1530: Bideen mantenimendua: 96.000,00€

-3410 21100: Hobekuntzak frontoian, segurtasuna: 27.915,16€

Diru sarrerak

-87001: Diruzaintza izakin likidoa: 123.915,16€

4. 2017ko Aurrekontuaren 3. Modifikazioaren azterketa eta hasierako onarpena, halan badagokio.

Idazkariak azalduten dau nahiz eta txostenean 3. eta 4. modifikazinoak batera agertu, 3. modifikazinoren onarpena udalbatzaren eskumena dala, eta 4. modifikazinoa ostera alkatearen eskumena. EH Bilduk aurreko puntuan esanekoa barriro esaten dau, txostenean azaldu beharko litikela remanentetik hartzean danaren justifikazinoa zein dan eta partida bakotxa zergaitik anplietan dan be bai. EH Bilduk adibide batzuk botaten ditu: Musika Eskolako Langileak +18.000€, hirigintza +10.000€, Ibilgailuen konponketa +2.000€, Ur hornidura +300€, +500€, +200€, posta komunikazioak +500€, Jaiak +9.000€, Adinekoen aktibitateak+6.000€, Plazearen berantolaketa +100.000€, Uribe Zelaiko Plazaren konponketa 10.000€, Gimnasiorako tresneria +1.000€, xxxxxxxxx: Kultur etxeko igogailua +80.000€

Guzti honeri EH Bilduk geituten deutso dirulaguntza partida bat danean ezin dala asignauta dagoana baino gehiau emon, 38/2003 lege orokorrak honek esaten dauan moduan, 9. Artikuluan: 4. Adicionalmente, el otorgamiento de una subvención debe cumplir los siguientes requisitos: b) La existencia de crédito adecuado y suficiente para atender las obligaciones de contenido económico que se derivan de la concesión de la subvención.”

78002  1620 Putzu septikoak jartzeko dirulaguntza +10.000€.

48005  3410 Piszinarako dirulaguntza +200€

Galdetuten dau EH Bilduk modifikazino guztiak egin ostean remanentean zenbat diru geldituten dan. Alkateak “practicamente ezebez” erantzun ostean, idazkariak gitxi gora behera 16.000,00€ geldituten dirala dino.

Botazinora joanda, EAJk aldeko 5 boto emoten ditu. EH Bilduk kontrako 3 boto. Holan ba, onartu egiten da.

5. 2017ko Estatuko Aurrekontu Orokorrean adierazitako langileen %1eko ordainsariaren igoeraren onarpena.

Danon adostasunagaz, 8 botogaz, onartu egiten da.

EH Bilduk dino subkontratak firmetan diranean, konbenioetan baldintza sozialak kontuan hartu beharrekoak dirala langileek kontratu duin bat euki dagien.

6. Erregu eta galderak.

EH Bilduk galdetuten dau:

-          Ia zergaitik ez diran pleno deialdiak zabalduten. Alkateak erantzuten dau egin beharreko gauza bat dala eta hemetik aurrera ahaleginduko dirala halan egiten.

-          Tabernan terrazan ordutegiaren inguruan badago barririk? Alkateak erantzuten dau begitu beharreko gauza bat dala, izan leikela tabernak deukien ordutegi bera eukitea terrazak be, edo beste arautegi bat bete beharra, begitu beharko dala.

-          Badakigu basoen bat bota dala eta bertako egur loteak Dimari eta Otxandiori opatu jakozala. Hori holan da? Beste herri batzutan egiten dan moduan herritarrak euki beharko leukie aukerea loteok hartzeako. Erantzuten jako entresaka izan dala, egurra salduta dagoala estereoa 1€ean Forestalari.

-          Eskolako taxi zerbitzua dala eta, gurasoak ardurututa dagoz, ze urtenbide emongo jako? Alkateak erantzuten dau bideratuta dagoan gauza bat dala, Jaurlaritzatik laster emongo dabela ebatziaren barri.

-          Urkisten “quita miedos”-a ipini da, baten batek eskatuta? Alkateak erantzuten dau baietz, leku arriskutsua dala, edurragaz pare bat kotxe be jausi dirala eta.

-          Orain dala denpora bat  Udaletik etxeetara opatu zan katerin (janari) zerbitzuarena zer dala eta izan zan? Alkateak erantzuten dau enpresa bat hurreratu zala udalera zerbitzu hori eskainiaz, janari bakotxa 5€an edo izaten dala eta proba lez opatu zala baina inok ez dauala interesik erakutsi.

-          Etxeen inspekzino teknikoa dala eta, nortzuk pasau behar dabe? Alkateak erantzuten dau 50 urtetik gorakoak gitxiendiz baietz. EH Bilduk dinotso etxeetara agindu dan karteagaz (inspekzino tekniko hori egiteko aukera herriko arkitekto eta aparejadore batzukaz) batera Udal arkitektoak egineko txostentxu bat be ondo egongo litikela zeinek argituko leuken nok pasau behar dauan inspekzino tekniko hau. Alkateak erantzuten dau Udal arkitektoa ez dagoala horretarako eta txostenak argitu barik jentea nahastu egingo leukela.

-          Lehengo baten aguazile sartu ei zan gure lokalera alkatean agindupean, estelada kenduteko. Hori holan da? Alkateak baietz erantzuten dau. EH Bilduk orduan dino ia lehengoz dan edo ohiko praktika dan, lokalean EH Bilduren gauzak dagozala EH Bilduren eginkizun politikoetarako dalako, eta ulertuko daben moduan pentsau leikela beste inoz be bardin sartu ahal izan dala inor. Jarraituten dau EH Bilduk idazkariari galdetuaz ia legezkoa dan eureri notifikau barik EH Bilduren Udal lokalean sartzea. Erantzuten jako Ordenantza bat dagoala esaten dauana ezin dala ezer eskegi ez bada egun internazionaletan, eta Ordenantza ez bada betetan alkateak aukerea dekola kentzeako aginduteko. Idazkariak azalduten dau batetik EH Bilduri kenduteko eskatu behar izan jakola eta hori bete ezean orduan Ordenantzak aukera emoten dauala kenduarazoteko. EH Bilduk galdetuten dau Ordenantzako ze puntutan agertuten dan hori. Gaineratuten dau ia arriskurik ez badago legezkoa dan taldearen erabilpen politkorako lokalean sartzea. Eztabaida luze eta gogorra sortuten da, zeinetan beste gauza batzuen artean alkateak ‘zuon makinarie’, “zuon metodoa beti izin de, atxinetik erabili dozuena eta erabilten dozuena da…”, “modus operandi aspalditik deukozuena. Horrik tikek ez dozuez kenduko zati beten” … moduko adierazpenakaz  Ezker Abertzalearen kontra joten dau. EH Bilduk EAJren poderean harrokerie zalatuten dau. Askotan, ez jakiteagaitik, lege inguruko galderak egin behar dauzela baina erantzun barik, begituko dala esanez, botazinora segiduten dala. Hurrengo pleno baten galdetuten danean ia begitu dan, oraingoan moduen igogailuaren estudio de detallearen inguruko txostena dala eta erantzuten jako ez dala begitu.

-          EH Bilduk dino bere ustez idazkaria danon idazkaria dala eta errespetu faltatzat hartuten dauala egin diran pleno batzutan idazkariak eta EAJko zinegotziak eduki daben jokabidea, besteak beste papelen bitartez euren artean oharrak edo dana dalakoak pasetea. Bai idazkariak eta bai EAJko zinegotziak ez dagoz entzundakoagaz konforme, hori ez dala holan eta ez dabela errespetu faltarik eduki esaten dabe. EAJ hasten da esanez EH Bilduk be errespetu faltea erakusten dauala hartuten diren ebatzien kontra agertuten danean. EH Bilduk erantzuten dau EAJkoari molestetan deutsiena dala gauzak preguntetea zein azalpenak eskatutea, eta hori ez dala kontra egotea. Eztabaida luzea eta gogorra sortuten da barriro. EH Bilduko zinegotzi bat urten egiten da. Eztabaideak jarraituten dau, zeinetan beste gauza batzuen artean alkateak Ezker Abertzalearen lehengo eta oraingo jokatuteko erea leporatuten dauan

.

-          EH Bilduk dino Udaleko hainbat eraikuntzako garbitzeko zerbitzua dala eta, ez dauala horren barririk eukin paneletan ikusi arte. Jarrituten dau esanez, pleguetan agertuten dala lizitazino kantidade bat 24.000,00€ BEZ barik baina ostera Udaleko web orrian 115.200,00€. Horretara idazkariak erantzuten dau web orrikoak errakuntza bat euki dabela apirileko pleguetan agertuten zan lizitazinoagaz. Erantzuten jako be bai pleguak atera direla eta Haurreskolea garbitutea oraingoan kendu egin dala pakete honetatik.

-           “EMPU ZEANURI MEPU”, ez dogu honen existentziarin barririk eduki baina irakurri dogunez, Eusko Jaurlaritzatik heldu dan idatzi baten agertuten da: EMPU ZEANURI MEPU “no posee la debida autorización para impartir danza y ya avisado mediante escrito con fecha 21/10/1996. Alkateak dino zarratutzat emoten izan dabela Musika Eskolea baina Arratiko Musika Eskolatik esan jakiela komeni dala zabalik eukitea, pentsetan izan dabela jantzeagaz nahikoa izango zala baina ez badau balio ez dauala balio.

-          Autobusen paradak. Zelan doa kontu hori? Alkateak erantzuten dau San Isidron kontenedoreen ondoan ipini dala. Ospiteleko paradea dala eta alkateak dino mankomunidadera pasau zala eskaera hori baina momentuz ez dagoala erantzunik.

-          San Isidro, Andra Mari eta Kultur Batzordeko aurrekontu zehatzak eskatuten dauz EH Bilduk. Erantzuten jako San Isidroetan zehatz 6.900,00€ gastau dala, Andra Marietan 38.400,00€ eta Kultur Batzordeak gutxi gora behera 4.000,00€ dekozela gastetako eta gastuen zehaztasuna “asiento contablea”n agertuten dala. EH Bilduk kopia bat eskatuten dau.

-           Erregu galderetan momentu baten galdetuten da udal bulego barrien inguruen ia EH Bilduk han lekurik eukiko dauan. Ezetz erantzuten deutso alkateak, udal talde politikoak udaletxean jarraituko dabela.