Ez Ohiko premiazko osoko bilera, 2017ko irailaren 28a

Bertaratuak: Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar, Arkaitz Estiballes Ormetxea eta Pedro Lejarza Ibarrondo.

Idazkaria: Ana Mari Bengoetxea Lejarza.

Alkatea hasten da esanez, lehenengo botau egin behar dala premiazkoa dan edo ez. Danon adostasunagaz, baiezko 9 botogaz, premiazkoa dala onartuten da. Alkateak jarraituten dau azalduz, eurek aurkeztu daben mozinoa bere egunean Parlamentuan EH Bildu, Podemos eta EAJk adostu ebena dala. Jarraituten dau alkateak adieraziz eurek aurkeztutako mozinoa onartuko dabela, eta EH Bilduk aurkeztutakoari ezezkoa emongo deutsiela.

EH Bilduk ezezkoaren arrazoia zein dan galdetuten dau orduan. Ez dauala ulertuten euren mozinoan kontra botetea, EH Bilduren mozinoan batez be erreferendumari zilegitasuna emotea eta aterako dan emaitza onartutea agertuten dala, ostera EAJren mozinoan holangorik ez dala agiri. Jarraituten dau EH Bilduk esanez gatx egiten dala ulertutea domekan, Alderdi Egunean, itzelezko hautestontzi bat erabiltea eta abar, eta egun batzuk geroago ezezkoa emotea. Amaituteko, EH Bilduk gai ordenaren ordena errespetau egin behar dala dino. Holan ba:

1. EH Bilduk aurkeztutako “Kataluniarekin bat, demokraziarekin bat”, mozinoaren azterketa eta halan badagokio onarpena.

Botazinora joanda, mozinoa ez da onartuten EAJren kontrako bost botoakaitik. EH Bilduk aldeko lau boto emoten deutsoz aurkeztutako mozinoari.

2. Kataluniako erreferendumari buruz EAJ-PNVk aurkeztutako mozioaren azterketa eta halan badagokio onarpena.

Botazinora joanda, mozinoa onartu egiten da EAJren aldeko bost botogaz. EH Bilduko hiru zinegotzik ezeko botoa emoten dabe eta bat abstenidu egiten da.