"ZEANURI BIZI" ALKARTEA

ORDEZKO ARAUEI BURUZKO PROPOSAMENAK

Udalean eztabaidatzen diren Ordezko Arauen aldaketa puntualak direla eta, hauek dira Zeanuri Bizi Elkarteak aurreratzen dituen proposamen batzuk, beti be elkartearen irizpideen ikuspegitik:

Lurzoru urbanoko aldaketak:

1.      Torreko Etxebizitza Tasatuak: Herriaren ezaugarriak kontuan hartuta egokiago ikusten da arauetan ezarrita dagoen etxe kopurua, 14 etxebizitza, aldaketarako testuan proposatzen diren 32 etxebizitza baino. Zerbait aldatzekotan aztertu beharko litzateke Zeanuriko plaza inguruan lurzoru egokiagorik dagoen etxebizitza horiek eraikitzeko. Torretik Undurragarantza dagoen zelaigunea egokiago ikusten du Elkarteak ekipamendu publikoetarako, kirola praktikatzeko gune moduan, igerileku edo abar egiteko, beti be Torrea eraikina bera zainduta erreferentzia historiko eta monumental moduan.

Lurzoru ez urbanizagarria:

Hainbat aldaketa proposatzen dira Udalaren testuan lurzoru ez urbanizagarrian eta ia denak dira murriztaileak. Elkartearen ustez joera murriztaile hau ez dago indarrean den Zoruaren Legean oinarrituta. Txostenean ez da agertzen nork edota zergatik edo zertan oinarritzen den joera murriztaile hori.

Elkartearen iritziz zoru ez urbanizagarriak balio handia du Zeanurin, bertan delako Gorbeiako Parke Naturala eta Gorbeia mendia, berak osatzen duelako Zeanurik duen balio paisajistiko zoragarria, eta bertan  direlako Zeanuriri nortasun berezia ematen dioten eta ondarea diren auzoak, kofradiak, eta baserriak.

Arau urbanistikoek gaur egun zutunik dauden eraikinetan eta eraiki daitezkeen eraikin berriak erregulatzen dituzten neurrian eragin izugarria dute, epe luzera zein laburrera, auzo eta baserri horien nortasuna eta itxura eta, ondorioz edo emaitza moduan, gaurtik urte batzuetara gure begien aurrean izango dugun paisaian.

Labur esanda, Zeanuriko herriak duen ondarean eragiten dute Ordezko Arauak.

Guzti hau kontuan hartuta, eta hala nahi duten Zeanuriko herritarrak bertan lan eta bizi ahal izatea bideratu nahian, egiten ditu Zeanuri Bizi Elkarteak ondoko proposamenak:

1.      Baserri guneetan gaur egun eraikigarriak diren lurretan orain arte zutik dirauten tamaina eta estiloko etxeak eraiki ahal izatea. Gaur egungo bizi estiloa kontuan hartuta eraikin hauek handiegiak izan daitezkeenez etxebizitza moduan erabilgarriak izateko, eraikin bakoitza gutxienez 100m2ko tamaina duten etxebizitzatan banatzea baimenduko da.

2.    Zutunik dagozan baserriak hainbat etxebizitzatan banatu ahal izango dira bakoitzari gutxienez 100m2ko zabalera bermatuz.

3.      Dagozan eraikinetan, nahiz berrietan, ez dute konputatuko sotoak. Zoru aldapatsuetan soto moduan hartuko dira hiru horma, edo alde, lurpean izanez gero laugarrena agerian geratzen bada ere. Zelaietan 1,20metroko altuera agerian izan dezakete sotoak inguru guztian.

4.      Etxe edo eraikin nagusiaren ondoan, etxeari erantsita edo tartea utziz, osagarri izan daitezkeen erabileretarako, adibidez autoak gordetzeko, eraiki daitezkeen etxolak ez dute eraikin moduan konputatuko 150,00m2 baino txikiagoak diren bitartean.

5.      Monumentu izendatuta dauden eraikin eta baserriak etxebizitza moduan berriztatzea ez da baimenduko. Eraikin edo baserri horien jabeak eskubidea izango du tamaina berdineko eraikin berria eraikitzeko, eta bertan izango du etxebizitza egiteko eskubidea. Eraikin berria egiten denean etxe zaharrak galdu egingo bertan bizitzeko eskubidea, baina etxe zahar horiek bere egitura eta itxura dauden moduan mantentzeko betebeharra izango dute jabeek, eta helburu horretarako diru laguntza publikoa izango dute.

6.      Jarduera bateri lotuta eraiki ahal diren txabolak 150,00m2 izango dute gehienez.

7.      Bai zutunik dagozan eraikinetan, bai eraiki daitezkeen barrietan, inguruarentazko kaltegarria ez den edozein jarduera baimendu ahalko da. Adibide moduan orain murriztagarria dan nekazal turismoko (agroturismoko) jardueraz gain, landetxe nahiz aterpetxe nahiz hotel jarduerak burutu ahal izango dira.

8.      Lur sailen banaketa. Gaur egun baimentzen diren hesiez gain tradiziozkoak diren munneen (muinoen) antzeko banaketak hobetsiko dira: Lur sailen banaketan ez da onartuko muro bertikalik, baizik eta %50eko gehienezko aldapadun muneak beti be gai begetalez estaliak.

Zeanuriko herriaren garapenerako zehaztu beharreko beste gai batzuk.

1.      Jarduera industrialerako egokiak diren lurrak izendatu Zoruaren Legeak agintzen duena betez.

2.      Zubiateko jauregiak Zeanuriko herrian duen zentraltasuna kontuan hartuz eraikin horren eta inguruko lurren erabilera zehaztu eta jabeekin hartuemonetan jarri erosketa bat, edo eraikinaren zati bat eta parkearen erabilera konpartitua, posible diren begiratuz.

3.      Gorbeiako Parkera irisgarritasuna hobetu Zeanuriko plaza eta bertan diren ostalaritza jarduerak indartzea ardatz moduan hartuz. San Justo, Lanbreabe eta Atxuriko bideak zaindu. Segurtasuna bermatzeko beharrezko diren tokietan hesiak edota barandailak jarriz eta lupetza egiten den lekuetan zorua harrituz.

4.      Saldropoko Hezegunea aisialdirako esparru moduan bultzatu. Bidezidorren seinaleztapena osatu. Uguzpeko ur jauzia intereseko gune moduan izendatu eta bertarako bideko seinaleak jarri. Ur jauziaren ingurua zaindu. Eguzkiolako gaina eta kobazuloa interesgune moduan izendatu eta seinaleztatu.

5.      Jondegortako ingurua interesgune moduan izendatu eta bertako aparkalekuak handitu.

6.      Auzoetan ermita inguruen erabilera publikoa bermatu, eta egoki diren urbanizazio, jolas leku eta altzari publikoz hornitu.

Proposamen guzti hauek eztabaidagai lez aurkezten ditu Zeanuri Bizi Elkarteak, beti be herritarren bizi baliabide, bizi kalitate eta ongizatearen aldekoak direlakoan.

                                                                                                                                          ZEANURI BIZI

Zeanuri 2011-09-24

EUSKERA ETA KULTURA.

Irailaren 21ean arrastiko 19:00etan egin zan batzar zabala euskera eta kultura arloan herri mailan zer egin leiteken ikusteko eta gai honen inguruko jentearen proposamenak batzeako.

Honeik dira batzarrean, herritarran artean landu zirean puntuak: 

•         Euskerako klaseak. Pertsona batek herrian bertan euskera ikisteko interesa agertu dau. Honen aurrean arazo bat planteetan da. Lehenago be emon izan da aukera hori baina taldean barruan maila desberdineko jentea egoteak ez dau taldeak behar dan moduan funtzionatzen ixten. Kasu honetan urtenbidea Igorreko AEKra joatea izin leiteke bertan errezagoa izingo dalako norbere beharrizanen araberako taldea topetea. Honegaz lotuta, euskaldunak direnantzako be zeozer antolatutea proposatu da euskerea landuteko. Ez da zertan ikastaro bat izin behar.

•         Herriko denda eta tabernetakoakaz alkarlanean euskerea bultzatu.Beste herri batzutan egin dan moduan Zeanurin be produkto desbardinen izenak zein eguneroko bizimoduan erabilten diren alkarrizketak batzean dabezan kartelak egin.

•         Bertsolaritza. Zeanuriko eskolan 5 eta 6. mailako umeak bertsolaritzako klasea daukie. Hortik aparte zeozer antolatutea posible izingo zan? Lehiari garrantzi gitxiego emonez eta lehenagoko kantu zaharrak etab. landuez.

•        Jantza ikastaroa. Arratiko jotea ikisteko ikastaroa antolatutea. Ikastaroa urte guztikoa izin beharrean denpora tarte laburragoan, jenteari luze egin ez iteko. Horretarako ikastaroa emoteko prest dauanen bat topau behar da eta era berean ikastarora apuntetan direnen partetik konpromisoa egotea beharrezkoa dala ikusten da.

•         Txistularien kontzertuak berreskuratutea. Zeanuri betidanik txistulari asko egon dan herria izin arren, gero eta gitxiago dira eta ez dago erreleborik. Lehenago txistularien kontzertuak egoten zirean errege egunean, Andra Mari egunean… Gaur egun ohitura hori galdu egin da baina kontzertu horrek berreskuratutea ideia ona izin ahal da herriko txistularien taldea bultzatuteko.

•        Liburutegien funtzionamendue aldatutea. Musika eskolea eta ludotekea ondoan egonda askotan umeak olgetako lekue bihurtuten da. Ganera, espazio faltea dau. Liburutegiko beharginaren zeregine beste bat izin beharko zan, liburutegie bera dinamizauez. Zeanuri baino herri txikiegoetan liburutegiak ondo funtzionetan badau Zeanurin zegaitik ez?Bedian esaterako idazleak be eroaten dabez hitzaldiak emoteko.

•         Aste kulturalan inguruko hausnarketea egitea. Azken urteotan beti gai antzekoak ekarten dire eta inderra galduez joan da. Dirurik ez badago, igual egun gitxiego baina herritarrengan interes gehio pizten dauan zeozer ekartea aukera bat izin leiteke.

•         Herri kirolak. Kanpoko kirolariek ekarten dirutzea gastau arren azken aldien herritarran artean egin diren posturek ikusten jente gehio batu da plazan. Zeanurin herri kirolari asko dagoz eta gure baino gitxiegotan emoten jakie aukerea herrien bertan. Herri kirolak bultzatuteko erakustaldiek antolatutea proposatuten da.

•        Zeramika tailerra. Azpiegiturak egonda zegaitik ez dira aprobetxetan?

Batzarrean egon ez arren batenbatek beste ideiaren bat badeko Idatzi bildu.zeanuri@hotmail.com helbidera zein kultur etxe azpien dagoan buzoira.

IRAILAREN 7KO BATZAR ZABALAREN LABURPENA.

Irailaren 7an egin zan batzar zabala, arrastiko 18:30ean, eta hogei bat pertsona hurbildu ziren bertara.

Gai ordena hauxe izan zan:

• Arau ordezkoen aldaketa puntualak.

• Bide publikoen inbentarioa egitea.

Arau ordezkoen aldaketa puntualen inguruan denpora luzez ibili ziren berbaz. Power point bat erakutsi zan, eta bertan PNV-k egin dauzen aldaketak ikusi ziren. Batzuk, kendu dituen arauak, eta beste batzuk gehitu dituenak.

Arau horrek aldatutearen arrazoiak hauetxek direla arrazoituten dau PNV-k:

ENCARGO:

El Excelentísimo Ayuntamiento de Zeanuri, encarga la redacción del expediente de modificación puntual de las Normas Subsidiarias (NN.SS) de Zeanuri, al Arquitecto, D. Iskander Atutxa Zalduegi, colegiado nº 2316 del C.O.A.V.N, Delegación de Bizkaia.

La modificación de NN.SS, pretende modificar ciertos artículos de las NN.SS, que por su confusa interpretación y su incongruencia en algunos casos con la parte grafica de las NN.SS, han venido generando ciertos problemas al Ayuntamiento.

Bildu ez dator bat honegaz guztiagaz. Batetik, bozetoa lege ordezkoak bete barik egin dabelako torreko etxebizitzetan, adibidez, eta orain, legedia bozeto horretara amoldatu gure dabelako. Bestetik, hasieratik ez dauelako informazino guztian barri euki, hau da, egin diren aldaketak arrazoitu barik egin direlako (aldaketen arrazoi bakarra goian erderaz ipinitakoa).

Batzarrean, herritarrak esan ebezan puntu garrantzitsuenak hauetxek izan ziren:

-Nork ebatzi dauen proiektu hori Iskander Atutxari egiteko esatea,

-Etxeak zelakoak egin jakiteko herritarrari proposamenak eskatutea, edo Zeanurin bizi gure daurien gazteakaz berba egin eta harikaz eztabaidatutea,

- Herrieri erakutsi PNV-k zelango aldaketak egin gure dauzen, eta  jendeak erantzuten dauenaren arabera proiektu horreri baiezkoa ala ezezkoa emon.

Honeri buruz luze berba egin ostean, Bilduk, plenoan luzapena eskatuko dauela ebatzi eban, proiektua argi eta garbi aztertuteko.

Bide publikoen inbentarioa egitearen ganean PNV ados agertu zan plenoan, baina baldintza bategaz, bidean zerrenda Bildu-k egiten baeban. 

Herritarrak honen aurrean ez dagoz ados, izan be, PNV-k kargu guztiak hartu eta gero, ez dauelako gure holako behar konplexuetan sartu.

Proposamen bat izan zan, herritarran laguntzeagaz bide publikoak ezagutzea aukera bat izan ahal dala, eta informazino hori udaletxean aurkeztutea.

Azken puntu honetan ez zan ebatzi zehatzik hartu.

Bildu abots barik mankomunidadean!

Bi aldiz ukatu jakon abotsa Bilduri mankomunidadeko lehendakaria aukeratzeko osoko bilkuran.

Bilduko zortzi ordezkarien izenean, bozeroaileak idazkariari eskatu eutsan testu labur bat irakurteko. Kontuan hartu behar da Bildu koalizinoa ez dala inoz egon erakunde honetan.

Inongo arrazoirik barik garagarrilaren 21ean egiteko zana atzeratu egin eben.

Garagarrilaren 28ko bilkura atzeratzeko be idatziak sartu ebezan Igorrek, Lemoak eta Dimak eta baita Zeanuriko Bilduko ordezkariak be. Azkenean, egun honetan egin zan osoko-bilkura, ez zan atzeratu. Josune Gorospe EAJ-PNVko hautagaiak hamar boto lortu ebazan eta Beinat Anzola Bilduko ordezkariak zortzi.

Behin lehendakaria hautatuta egoanean, bere berban ostean, Bilduko ordezkariak barriro eskatu eutson irakurteko baimena lehendakari hautatu barriari eta honek, berbea ukatu eutson.

Hau da Bilduko ordezkariak irakurri ez eban idatzia:

1. Gauzak beste era batera eta ezkerreko ikuspegi bategaz erakundea kudeatzeko ahalegina egingo dauan taldea da BILDU.  Alderdi desberdinen eta eragile sozialen ahotsa izan bagara batzea. Gaur mahaiaren alde honetan esarri garenok eskubide sozial eta politikoak ez bermatzearen ondorio gara. Alkarregaz eta alkarlanean edo alkarlanien behar egiteko antolatu gura dogu. apostua: alkarregaz eta alkarlanean, hori da gure apostua, Konfrontazinoak alde batera ixten saiatuaz.
2. BILDU da arratiako alderdirik bozkatuena, 3627 boto guk eta EAJ-PNVk 3612. Ubideko Elkarlanienen 69 botoak kontuan hartuz gero aldea handiagoa da.
3. Arratiarrek BILDUri emon deutsie babesa. Arratiarrek BILDUk gobernatzea gure dabe. Horren erakusle maiatzaren 22ko hauteskundeen emaitzak.
4. 4 arratiarretatik 3k BILDUko alkatea dabe.
5. Mankomunidadeko lehendakaria PNVkoa izateko arrazoi bakarra, estatutuetan dago, ez herri borondatean.
6. Horren adibidea gaurko plenoa da. Gura izan dozuenean eta datak gura izan dozuezan erabili dozuez baina azkenengo atzerapenagaz gure parte hartzea kaltetu arren, mantenidu egin dozu. Hasi be, txarto hasi zara. Esarlekuak be konfrontazino eran ipini dozuz, aurrez aurre.
7. Horregatik, Beinat Anzola mankomunidadeko lehendakari izateko aurkezten dogu. Mankomunidadeak haize barria behar dau, aldaketa bat eskatzen dau. Instituzino ilun eta itxi bat izatetik arratiarrok batuko eta lideratuko dituan instituzinoa izatera eroan behar dogu. Orain arteko lehendakariaren perfila aldatu gura dogu. Komunean doguzan orain arteko zerbitzuen birdefinitzea beharrezkoa ikusten dogu. 

8. Gure asmoak hurrengo lau urteatarako honeik dira: mankomunitatea herritarrei zabaltzea, prozesu parte hartzaile baten bitartez herritarrakaz hausnarketa estrategiko bat burutzeko bide barriak martxan ipintea, ongizate zerbitzua indartzea,... beste era batera esanda, mankomunidade eredu honegaz oso kritikoak gara eta legegintzaldi honetan amaiera eman gura dautsegu, orain arteko ereduari.
9. Beste mankomunidade bat gura dogu, Arratia barri bat egitera gatoz!

Arratian, 2011ko garagarrilaren 29an

UZTAILAN 19KO PLENOAN LABURPENA

 PNV-tik Izaskun Sagarna, Felipe Agirrezabala, Ruth Martinez, Egoitz Arana, Bitoriano Larrazabal.
BILDU-tik Anuska Emaldi, Jose Luis Artetxe, Pedro Lejarza.

Zeanuriko udaletxeko batzar-aretoan, 2011ko uzatailan 19an, goian aipatutako kideak bildu ziren.

1. Aurreko bilera-agiriaren onarpena:

Pedrok diru-gordelaria izateari ezetza emon deutso. Ana Marik diru gordelariaren izendapena plenoko azken puntu moduan sartutea proposatu eban eta danak ados agertu ziren.

Beste alde batetik, BILDU-K, aurreko plenoaren akta egun bat lehenago bakarrik jaso izanagaitik kexatu zan.

2. Arratiako Udalen Mankomunitateko Gobernu Batzordeko kideen aukeraketa:

Batzorde informatiboan, Izaskunek, Gobernu Batzordeko kidea alderdi botatuena izan behar dala esan eban, oraintsu urten dauen lege baten arabera. 

Plenoan, barriz, botaziño bidez egin beharrekoa dala aipatu eban, txarto informatuta egoala esanda. Orduan, botaziñoa egin zan bi kideen artean (Izaskun ala Anuska).

Botaziñoan emaitza hauxe: Izaskunek 5 boto (PNV) eta Anuskak 3 (BILDU). Beraz, AUM-ko Gobernu
 Batzordeko kidea Izaskun Sagarna izango da.

Hau ikusita, danon artean behar iteko gogo hori itxurakerie baino ez dala agerian geldituten da.

3. Bake epailearen izendapena:

Eva García aukeratu zan bake-epailearen beharra egiteko. Ahoz batez onartu zan aukeratze hori.

BILDU-k ordezko bat topetako epea zabaldutea eskatut eban, ordezko bat egotea derigorra dalako.

4. Arau ordezkoen aldaketa puntualaren onarpena:

Plenoan aurreko batzorde informatiboan, ahoz, laburpen bat emon jakien BILDU-koari inongo informerik eta datu zehatzik emon barik.  

Handik egun bira jaso ebazan informeak BILDU-k, eta konturatu zan batzorde informatiboan gauze asko ez zirela esan. Ez dau bideragarrie ikusten uztailan 14ean emondako informeak, uztailan 19reko(lan egun bi) irakurrite eta  prest aukitea plenoan horreri buruz eritzie emon ahal iziteko. Gainera, pleno informaiboan alkateak eskuetan euki eban informaziño osoa.

 PNV-k arau ordezkoak aldatuteko proposamena egin eban, torreko etxebizitzetan bozetoa arau ordezkoak bete barik egin ostean. Hau da, lehenengo bozetoa egin eben eta gero legedia amoldatu gure dabe bozeto horretara, alderantziz izan behar danean.

Hori dala eta,  BILDU-k luzapen bat eskatu eban informea osorik aztertu eta euren teknikoagaz berba egiteko. 


5. Frontoiko aldagelak, gimnasioa, almazena eta erabilera anitzeko lokalen garbikuzirako Baldintza Pleguen onarpena:

 BILDU-k hile bateko proba aldia baldintza-agirian agertutea eskatu eban, garanti bet eukiteko garbikuzia ondo egiten dan ala ez jakiteko.

Bestetik, ordutegian, ekintzen ordutegia errespetatzea agertu daitela eskatu eban.

Bardinketa baten kasuan, zozketa bat egingo zan eta urte beteko kontratua egingo jako langileari.

6. Bide publikoen inbentarioa egiteko proposamenaren azterketa:

BILDU-k proposatutako puntua izan zan hau, ikusita bide publikoen gainean Zeanurin dagozan arazoak. Hau saihestuteko inbentario bat egitea ezinbestekoa ikusten dau.

Ez da behar erreza izango baina urtenbide bakarra dala ikusten dau, adibide moduen Santa Lutzi ermitera dagoan bidea ipini eban.

Eztabaida luzean egon ziren, PNV-k inbentarioa egitea behar fazile ez dalako esaten ebalako.

Botaziñoa egin zan azkenean: BILDU-k 3 baietz eta PNV-k baietza esan eban baie bideen zerrenda bat eskatu eutson BILDU-ri.

BILDU-k proposatu eban lan-talde bat egin ahal zala bide horreek aztertuteko baie PNV-ren erantzuna ezezkoa izan zan.

7. EAJ-k, Osakidetzak Igorreko anbulategiko kontestadorean jarritako mezuaren aurka aurkeztutako mozioaren aurkezpena:

Batzar informatiboan BILDU-k proposatu eban puntu hau, herritarrak hurreratu jakozalako kexa horregaz.

Horregaitik, udaletxe moduan, Igorreko anbulategian dagoen kontestadorean kontra idatzi bat egitea proposatu eban.

Baie, gai ordena jaso ebanean, sorpresa hartu eban  PNV-k mozio bat aurkeztu ebalako BILDU-k  proposatu eban gaian inguruan.

Hurrungo egunean, mozio horrek ez zeukan udaletxean sarrerarik eta astelehenean (pleno aurreko eguna) jaso gindun mozio hori email bidez.

Kontua da, Batzorde informatiboa  baino 48 ordu lehenago aurkeztu behar direla gaiak plenoan sartutea gure izanez gero. BILDU-k ez dau ulertuten batzorde informatiboan aurkeztu ez zan puntua plenoan zegaitik sartu zan. Gainera, BILDU-k batzorde informatiboan aurkeztu ebazan bi puntuak, Ana Mariren arabera, gaiak lehenago aurkeztutea hobeto zala esan eban,

BILDU-k PNV-ri testu adostu bat egiteko eskakizuna egin eutson plenoan, herritarren onerako, baina Izaskunek gaineratu eban, berak batzorde informatiboan argi esan ebala mozioa aukeztuteko asmoa daukiela. BILDU-k hori guzurra dala esan eban.

Orduan, botaziñora geitu eban Izaskunek, moziñoa aurkeztu ala ez ebazteko: PNV-k 5 baietz eta BILDU-k 3 abstenziñoa, moziñoan esaten dan gehienagaz ados egon arren, ez dalako danan artean adostutako testua.

Bildu Zeanurik jenteari erraztasunek emongo deutsoz kexa -orrie betetako eta Osakidetzara bialduteko.

8. Dirugordelariaren izendapena:

Pedrok dirugordelaria izateari ezetza emon deutso, beste ardura guztiak PNV-renak  egin dabezan moduen, dirugordelari ardura be eurena egin daitela arrazoituz.

Beraz, Bitoriano Larrazabal izango da dirugordelaria.

9. Erregu eta galderak:

9.1 Lan boltsatik hartu zan langilea, Jon, bajan dago  eta BILDU-k ez dau horren informaziñorik euki. Bajan jarraituten badau ze konponbide hartuko daben jakin gure dau. PNV-k erantzun eban datorren astean beharren hasteko asmoa dekola.

BILDU-k jakin gure dau ia ze irizpide erabilten dan lan- boltsa kudeatutekoo, izan be, lan-boltsako zerrendan dagozan bost emakumeak ez dabez kontuan hartu.

Hau pasau ez iteko, BILDU-k, lan-boltsa kudeatuteko araudie zehaztutea eskatuten dau eta PNV-k ontzat hartu dau..

9.2 BILDU-k auditorie ze egoeratan dagoen jakin gure dau (tesorerie eta maileguak), ointxegandik amaierara arte ze aldaketa egon dan jakiteko. PNV-k auditorien erantzunik ez dagoela esan eutsien baina kontuak erakutsiko jakiezala esan eben.

9.3 Jaietako aurrekontutik 16.000 gehiago gastau da jaietarako. BILDU-k diru hori nondik aterako dan galdetu eban.

PNV-k kontratuen bat apurtuten ahaleginduko dala erantzun eban.

9.4 Arkitektoan ganean galdetu eban BILDU-k. Ia zelan egin zan aukeraketa, ze soldata dekon, ze erabilgarritasun.

BILDU-k arkitektoan kontratua lortu eban eta informaziñoa leidu eban. 2010 kontratua da eta erdera
dagoenez, erderaz leidu eban.

“El precio de la adjudicación es de 35.000 euros (IVA excluido) que se pagaran, fraccionandose este importe mensualmente, tras la presentación de la correspondiente factura. Al mes 2916,67 euros + IVA

Además se pagaran los gastos de desplazamiento (kilometraje).

Estos precios son totalmente independientes de las que pudieran corresponderle al arquitecto por su participación y dirección de proyectos que le fueren encargados por el ayuntamiento.”

Adibide moduan ipinteko, ekainan, Arkigest, Iskander Atutxan enpreseari 3.496,88 euro ordaindu jakozan.

“La duración del contrato es de 2 años, prorrogables por otros dos.

Presencia en el Ayuntamiento: cuando debido al numero de consultas a realizar personalmente se requiera una estancia razonable.

Hau irakurrita, Ana Marik emon eban azalpena: 2006an, arkitektoa kontratatu zanean, ordurarte Mankomunidadeko arkitektoak kobretan eban prezioa ipini zan, 2005ko prezioak kontuan hartuta.
Mankomunidadeak emoten eban zerbitzua arkitektoa, delineantea eta aparejadorea ziren, eta ikusita diruz ez zala  ondo ibiliko udaletxea, udaletxeko arkitektoa hartutea ebatzi zan.

BILDU- k erantzun eban, hori kontuan hartu bazan 2001etik 2005era arkitektoan prezioa asko igon zala,  izan be, Felipe Plazak 2011. urtean mankomunidadeko arkitekto moduan Zeanuriko udaletxean 99,25 ordu emon ebazan eta 350.948 pezeta kostatu jakozan udaletxeari.

Honen aurrean BILDU-k eskatu eban edozein aukeraketa administratibo egiten danean aurreztik zinegotzieri informaziñoa emoteko.

Izaskunek erantzun eban datu horreek lortu baditu BILDU-k 2005ekoak be lortuko dituela.

9.5 Auzuneetan tabloi informatiboak ipintea eskatu eban BILDU-k, ez dagoelako aukera gehio auzuneetara informaziñoa zabalduteko.

PNV-n erantzuna izan zan ez dala erreza auzuneetan tabloi horreek ipintea, auzotar bakotxak leku desbardin bat proposatu daikeelako.

BILDU-k ez dau gatxa ikusten hori egitea. Auzotar guztiekaz  berba eginda, adostasun batera heldu daitekezalako, ze plaza inguruan dagozan tabloiak be batonbatek ebatziko eban non ipini bere egunean.

Gehitu eban bide publikoen inbentarioan ganean euki daben eztabaidan beti bardinera doazela, gauzek gatx ipinten direnean ez dauelako asmorik behar egiteko.

Udaletxea herritarren zerbitzura dagoela eta danon gusture gauzek  egitea erreza ez dan arren, ahalegina egin behar dala gogoratu eban.

Gainera, Izaskun arrazoi barik geldituten zanean errespetue faltetan hasten zan, adibidez,  Anuskari berba altu egiten hasi jakon eta esan behar ez eban komentarioen bat be esan eban.

Halan da be, PNV-k honen ganean pegak ipini arren, baietz esan eban. 

Batzarrari amaiera emon jakon gaueko 22:00etan.