UZTAILAREN 29KO PLENOAREN LABURPENA



EAJ-PNVtik: Izaskun Sagarna, Felipe Agirrezabala, Bitoriano Larrazabal, Egoitz Arana eta Rut Martinez.

  BILDUtik: Anuska Emaldi eta Zedarri Jauregi.

Zeanuriko udaletxeko batzar-aretoan, 2013ko uztailaren 29an, goian aipatutako kideak batu ziran.

AURREKO BILERA-AGIRIAREN ONARPENA.

2013ko otsailaren 26ko, maiatzaren 14ko eta ekainaren 25eko aktetan akats bana zuzentzeko eskatu zan.

ZEANURIKO UDALAK AURKEZTUTAKO DOIKUNTZA PLANA DALA ETA ALDUNDIAK EMONDAKO TXOSTENAREN ONARPENA.

Foru Aldundiak modifikazino bi egitea eskatu eban. Bata,Torreko etxeen I.C.I.O.-a 60.000€ko kopurua daukana, 2015. urtetik 2014.era pasau da, eta bestea,  2014. urtean udalaren kabuz ez da inbertsinorik egingo. Modifikazino bi honeekaz Foru Aldundiak plana onartu dau.

Botazinoa EAJ-PNVren aldeko 5 boto eta BILDUren kontrako bi boto izan zan. BILDUren ezezkoa aurreko plenoan arrazoitu zan bardina izan zan.

JULIAN AJURIAGERRAK ALTUNGANAN PARTZELA BI ALOKATZEKO PROPOSAMENAREN ONARPENA.

Berak terrenoa pasturako prestatu behar dau eta bost urtean ez jako errentarik kobrauko. Hurrengo urteetan 110€ hektareako pagau beharko deutsaz udalari.

BILDUk eskatu eban udalak lehenagotik alokauta dituan terrenoak eguneratutea. Alkateak erantzunn eban aztertuko dirala. Botazinoa EAJ-PNVren aldeko 5 boto eta BILDUren abstentzinoa izan zan.

ERREGU ETA ITAUNAK.

-Alkateak informau eban Santa Lutziko bidearen “acta previa de ocupación” sinatuteko uztailaren 30ean goizeko 10etan gelditu dirala.

-Eskolako obra egiteko herriko inor ez da aurkeztu. Azkenean Jagoba Zamalloari egitea eskatu jako. Plenoko egunean kulturako zinegotzia bertan egon zan baina oraindik obra hasi barik egon zan. Obran egin beharrekoa bentanak, aterpetxo txiki bat gurasoak zain egoten direzenerako eta usain txarra sahiestea dira.

-Mankomunidadetik graffiti ikastaroa egiteko eskaria egin zan eta eskola aurreko horma opatu zan egiteko,baina azkenean irailara atzeratu da eginkizuna.

-BILDUk barriro be FRACKING EZ! onartuta dagozan mozinoen inguruan galdetu eban. Alkateak esan eban aste horretan ipiniko dirala. BILDUren mozinoa dala eta, herriko sarreretan FRACKING EZ! kartelak ipinteari buruz, alkateak azaldu eban,  ordenantzan inguruan egindako txostenean oinarrituten dirala kartel horreek ez ipintea. BILDUk txosten horren irakurketagaz bere desadostasuna agertu eban.

-BILDUk adierazo eban hileak pasatu dirala Santa Lutzi gaineko bidea aztertzeko eskaria egin ebanetik eta alkateak erantzun eban hurrengo plenoan tratauko dala gai hori.

-Soloetako txabolan ganean, usabari barriro be notifikazino bat bidali jako hilebeteko epean bota behar dauzan txabolak botatzeko eta bestean proiektua aurkeztuteko.