URRI BIGARRENAREN 1-EKO PLENOAREN LABURPENA

EAJ-PNVtik: Izaskun Sagarna, Felipe Agirrezabala eta Bitoriano Larrazabal.

                       BILDUtik: Anuska Emaldi, Pedro Lejarza, Zedarri Jauregi eta Jokin Berrio.

Zeanuriko udaletxeko batzar-aretoan, 2013ko urri bigarrenaren 1ean, goian aipatutako kideak batu ziran.

Garbikuziko pliken irekiera

Amaia Biritxinaga 825€

Nuria Bañuelos 825€

Zeanuriko Udalagaz zorrik ez daukiela begiratuko da, eta gero, eureri abisatuta, zozketaz  ebatziko da nori emon.

AURREKO BILERA-AGIRIAREN ONARPENA.

2013ko maiatzaren 14ko plenoko aktan, barriro be akats batzuk zuzendu zituan BILDUk.

2013ko ekainaren 25ko plenoko aktan, barriro be akats batzuk zuzendu zituan BILDUk.

2013ko uztailaren 29ko plenoko aktan, akats batzuk zuzendu zituan BILDUk.

KANPANA, AXPEONDO ETA URIBEKO BIDEEN KONPONKETARAKO PLEGUEN ONARPENA.

Urteera prezioa 210.750,43€-koa da, dirulaguntza %90 izango da eta beste %10 udalak ordaindu behar dau. Negoziatua izango da, 15 enpresa ingururi luzatuko jakie inbitazinoa.

Bideetako partidetik pagetako asmoa dago. 27.000€ inguru gehituko jako partida horreri, baso aprobetxamenduetatik espero zana baino diru kopuru  gehiago lortu dalako. Dagoeneko 120.000€ batuta dagoz baso aprobetxamentuetan.

Danon adostasuna egon zan.

ORUE ETA ASTERRIKO BIDEEN KONPONKETARAKO PLEGUEN ONARPENA.

Urteera prezioa 180.063,05€.

Danon adostasuna egon zan.

SELVAVENTURA ENPRESEAGAZ SINATUTAKO KONBENIOAREN ALDAKETEAREN ONARPENA.

Alkateak adierazo eban Udalak hasiera baten Selvaventuragaz sinatu eban kontratua bertan behera gelditu dala, Diputazinoak be zer esana eukin daukalako, rodal biren bueloa eurenak direlako. BILDUk aipatu eban paragrafo baten ez dala oso argi geldituten diru kopurua Udalarentzat ala Diputazinoantzat dan. Ebazten da “udala” berbea agertutea argi gelditako.

Danon adostasunagaz onartu egin zan.

SANTU LUTZI GAINETIK LEXEA INGURURA DOAN BIDEAREN IKERKETA ESPEDIENTEAREN HASIERAKO ONARPENA.

Danon adostasunagaz aurrera egitea  ebatzi zan. BILDUk proposatu eban Otseingo bidean egin zan moduan auzoan Santa Lutzi gaineko bide honeri buruz galdetegi bat egitea eta onartu egin zan esandakoa.

Bide honegaz batera BILDUk beste bide bi aipatu gura ebazan, bata Landatzikoa (erabilera publikoa onartuta daukana) eta bestea Uriben, txoko ingurukoa. Eskatu eban udalak erabilera publikoko bideak garbi eukiten ahalegindutea. Halan egingo dala esan zan.

EH BILDUK AURKEZTUTAKO PREFABRICADOS LEMONAREN ITXIEREA DALA ETA MOZINOA.

Alkateak esan eban entzun dauala langileak heldu dirala akordio batera enpreseagaz, baina halan da  guztiz be ados dagoala mozinoan agertzen danagaz . Beraz,

danon adostasunagaz onartu egin zan mozinoa.

ERREGU ETA ITAUNAK.

-Alkateak azaldu eban urri bigarrenaren 26an pastuen ibilbidea egingo dala eta BILDUk kexatu egin zan, programa akatsez beteta bialdu dalako. Aurten Zeanuriri toketan jako eta frontoiko tabernan egingo da bazkaria (aurreko urtean BILDUk proposatu eban moduen, bertakook bakoitzak berea ordainduko dogu).

-Alkateak esan eban, Udalak, Plazea 9an daukan pisua saltzeako epea luzatu egingo dauala eta etxean bertan be “salgai” kartela ipiniko dala.

BILDUREN ITAUNAK:

·       BILDUk eskertuten deutsa Iskander Atutxari, udal arkitektoari, proposatuten dauan %14,06ko soldata jaitsierea, bere esanetan “2010etik hona … denbora eta dedikazinoa jaitsi dalarik, eta bestalde, Udalaren egoera ekonomikoa hobetzeko ahaleginetan”.  Eskertutekoa da horrenbeste bider adierazi dauan soldata honen jaitsierea, EAJk ez dau onartu-eta Iskanderrek berak proposatutea.

·       Udalak Plazea 7an alkilauta daukan lokala itxiko egingo dau eta Plazea 9ra, berea dan lokalera, pasauko dauz almazena eta garajea. BILDUk obra horren proiektuari buruz galdetu eban, eta alkateak aipatu eban ez dauala proiekturik…arkitektoak  bat  badaukala. BILDUk eskatu eban  horreek ikusteko aukera izatea eta  egokiak badira bertan agertuten dana betetea, ez daualako gure  Udalak alkilerrean daukan lokalean pasau zana gertatuterik, proiektu bat egin eta gero ez betetea. Ez da ziurra lokal batetik besterako aldaketa urrian egitea. BILDUk gogoratu eban guzti honek moldaketak egin beharra suposatuten dauala aurrekontuetan, almazen barriko obrak eta ate barria ordaintzeko.

·       BILDUk galdetu eban zein izango dan aguazilak erabilten daua,n kotxearen balore residuala ordainduten  gabizen kotxe renting-a amaituten danean. Alkateak erantzun eban ez dakiela oraindik.

·       Fracking ez! kartela. BILDUri barregarrie irudituten jako Udalak ipini dauan kartela, ez daualako adierazten gai honek daukan logoa eta galdetuten dau ia beste edozein kartel ipintea ebazten danean gai bakoitzari jagokon logoa errespetatu barik ipiniko dan.

·       Paneletako kartelak kentzeako erispide zehatzik ez dago. BILDUk eskatu eban panel batzuk leku egokiagoetara eroatea, autobusen paradan dagoena eta frontoi ostekoa, adibidez.

·       Santa Lutziko ermitara doan bidea dala eta, jakinaraz oeban BILDUk uztailaren 30ean “acta previa de ocupación” sinatu zala eta hurrungo pausua “acta de ocupación” izango dala, urrian sinatuko dana eta gero zabaldu ahal izango dana. BILDU barriro errepikatu eban bide publikoen inbentarioa egitea komeni dala.

·       Soloetako bidea  dala eta, alkateak aipatu eban bidearen deslindea egin dala. Soloetako txabolari buruz esan eban danak legez kanpo dagozala. Teilatuak bakarrik bota dirala, eta jabeari esan jakola guztiz bota behar dauzala, bestela udala juezagaz joan beharko dala.

·       Udalaren landa erabilpena / larreak. Azkenengo adjudikazinoa udan egin zan, eta larrean kontratue ondino firmau barik dago. Udalaren landa/larrean errentak eguneratutearen beharra ikusten da.

·       Edurretako lanak: finkatuko da behar hauek zein preziotan egingo diran.

·       Barazargo gasolinerea: udaletxean denda zabalduteko baimena bakarrik eskatu da, ez tabernarik zabalduteko.

·       Liburutegia medikuetxera pasau danez, barriro antolatzea Guraso Elkarteari planteau jako. BILDUk proposatu eban antolaketa horretarako auzolanerako deialdi zabal bat egitea. Medikuetxeko irailako garbikuzieri buruz be galdetu eban BILDUk. Urri Bigarrenean Bego Astondoak egin ebala esan zan.

·       Ikastaroetarako dirulaguntzak amaitu direnez, galdetu zan zelan kudeatuko diran udalaren lokalak, lehentasunak  markatu behar dirala.

·       Futbol zazpi zelai. Guraso talde batek eskatu eban Torreko landa (pentsaurik  Udalarena dala) erabiltea futbol zelaia egiteko. Alkateak azaldu eban gerora begira landa horretan pentsatuta dagoala kiroletarako azpiegitura eraikitea baina gaur egun ezin danez hori gauzatu, Undurragako futbol zelaia erabiltea proposatu eutisen. Gurasoek aukera hau ez dabe ondoegi ikusten, urrinegi dagoalako. Azkenean Zulaibarren egingo da, frontoi ondoko landa alkilatuko da, 1200€ urtean.

·       Eskolan ipini diran lehio barriak garbitako arazoa emoten dabe, pertsona batek bakarrik ezin dauzalako zabaldu. Eskatu zanobrak egiten diranean, jarraipen bat egitea obra guztieri.

·       San Isidro aurreko espaloia: ezinduentzako azerearen amaierea altuegia da eta BILDUk eskatu eban bajutxoago egitea. Halan egingo da.

·       Plazea jaietan edateko uregaz garbitu zala pentsau zan, baina aguazilek azaldu eban aurten ez dala holan egin, presatik hartu dala ura.

·       Iberdrolatik, zentralaren eta Bypassaren ondorioz, diru sarrera handiagoa eskatutea proposatuten dau BILDUk, bai IAE gehituz, kontratua errebisatuz eta kontuan harturik gure herriak daukan arriskua. Idazkariak erantzun eban IAE ezin dala gehitu, altuena daukalako.

·       Ikurrinea, Espainako banderea kontenziosoan gauz. Allanamos al proceso. Aukera desberdinak kontuan hartuko dira,  baina azkenean ipini behar bada alkateak esan eban ipiniko dala.

·       Makeagaz hartuemonak. BILDUk proposatu eban herri bien arteko anaitasuna adierazten dauan  kartela herriko sarreretan ipintea(ez da adostuten) eta  San Isidro ferian omenaldiren bat egitea Michel abadeari, gaztai sariak bere izena eroanda (ontzat hartzen da).

·       Musika eskolako ordenantzak ahal danik eta arinen aldatutea eta ordenantzak betetzea eskatu eban BILDUk.

·       Aurrekontu parte hartzaileak 2014 (urriaren 15erako). Nahiz eta aspaldiko partez hedabideetan BILDUgaz elkarlana zaila dala agertu dan, “bereziki Arratien” (Itxaso Atutxak azken Begitun), edo BILDUgaz, ez autobiatik, ez autopistatik, ez auzobidetik ezin dala joan esan dan (Andoni Ortuzar, Alderdi eguna), BILDUk aurten be gonbitea luzatuten deutsa EAJri alkarregaz joateko auzunez auzune  aurrekontuen azalpena emote joateko.

·        Herritar batek galdetu eban asteburuetarako gazte txokorako begiralearen inguruko kontratua dala-eta. Inork ez zekien ezer honetaz. BILDUk bere harridurea azaldu eban, berak honetaz ezer ez jakitea txarto daualako, baina gobernuan dauzanak be azalpenik emon ezinean egotea ez dala onargarria. Azken momentuan kultura zinegotzia agertu zan plenoan eta argitu eban Suspergintzari emon deutsala kudeaketa horren ardurea. BILDUk bere desadostasuna mahai gaineratu eban, lehenengo eta behin ezer ez jakiteagaitik gai honetaz, eta azalpenak entzun ondoren prozesua eroan dan moduagaitik: udalak lanpostu honen deialdia  herrian zabaldu barik, enpresa bateri emon deutso, eta holan jokatuteak txarto pentseteari ateak zabaltzen deutsaz. Eztabaida gogorra sortu zan, eta herritar batzuk be bere desadostasuna azaldu eben.