UZTAILAREN 1EKO PLENOAREN LABURPENA

 EAJ-PNVtik: Izaskun Sagarna, Felipe Agirrezabala, Bitoriano Larrazabal eta Rut Martinez.

BILDUtik: Anuska Emaldi, Pedro Lejarza, Zedarri Jauregi eta Jokin Berrio.

Zeanuriko udaletxeko batzar-aretoan, 2014ko uztailaren 1ean, goian aipatutako kideak batu ziran.

AURREKO BATZARREKO AKTEN ONARPENA

2014ko apirilaren 29ko plenoko akta onartu zan.

2014ko maiatzaren 27ko plenoko aktari EHBILDUzeanurik zuzenketak egin eutsazan.

ITELAZPIK TELEBISTA ERREPETIDOREEN TERRENOAI BURUZ PROPOSATZEN DAUAN KONBENIOAREN ONARPENA

Alkateak azaldu eban lau errepetidore antena dagozala, kontratuak begitan egon dirala baina konbenioan gauza asko eskatan direnez, egokiena jaubeari konbenioa pasetea euren eritzie jakiteko dala ikusten dabe. EHBilduk konbenioaren hurrengo puntu biak aztertutea eskatu eban: kontratua mugabako iraunaldia izatea eta arazoren bat agertu ezkero arduradun bakarra udaletxea izitea. Danon adostasunegaz mahai ganean geratu zan gai hau.

2013KO LIKIDAZINOAREN “GASTUAREN GOIMUGA” DALA ETA, PLANAREN ONARPENA

2013ko likidazinoak ez dau betetan “ley del techo de gasto” ie 60.000 eurotan, etxearen salmenta ez zalako egin eta espero ziran diru laguntza guztiak ez diralako jaso.

. Musika eskolako 15.000€ak hartu ziran baina akats bat egon zan eta ez zan    

  sartu likidazinoan.

. Gazte plana: 2.500€ gitxiago hartu dira

. Frontoiko lanak: espero ziran 50.000€ ez dira hartu

. PR seinalizazinoa 5.000€ euro gitxiago

EHBIlduko zinegotziak adierazo eban egoera honetara heldu garela EAJ-PNVk egiten dabezan aurrekontuak ez direlako bape errealistak, beti diru sarrerak zalantzazkoak ipinten dauzalako.

EAJ-PNVren aldeko lau boto eta EHBilduren kontrako lau boto egon ziran, udal gobernuak ekonomi arloan egiten dauan gestinoaren inguruan. Alkatearen kalidadezko botoagaz onartu zan.

URKIZA-URIBE BASERRIAREN LIZENTZIAREN ANULAZINOAREN PROSEZUAN DAGOZAN ALEGAZINOEN AZTERKETAREN ONARPENA

Fermin eta Eduardo Olivaresek  eta José eta Miren Karmele Olivaresen alegazinoak aztertu zituan Carlos Sistiaga abokatuak. EAJ-PNVko zinegotziak abokatuak egin dauan txostenaren alde agertu ziran.

EHBilduko zinegotziek aipatu eben aurreko plenoan be esan ebala gai honetan ez doazela parterik hartzen lizentzia emon zanean ez ebelako inongo parterik euki. Baimen hau alkatetza dekretuz emon zan, beraz arazoa EAJ-PNVk sortu dauanez ,beste alkatetza dekretu batez konpontzea eskatu eban EHBilduk. EAJ-PNV legea urratuten dabil eta oso grabea dala uste dau EHBilduk, gainera EAJ-PNVren akatsakaitik EHBildu inplikatu gura eben gaia plenora ekarrita. EHBIlduko zinegotziak pleno aretotik urten egin ziran gai honetan eta bozketan parterik ez hartzeko.

EAJ-PNVren aldeko lau botogaz aurkeztu ziran alegazinoak deuseztatu egin ziran.

EHBILDUK JUAN CARLOS BORBOIKOAREN ABDIKAZINOAREN AURREAN AURKEZTUTAKO MOZINOA

EHBilduko zinegotzien aldeko lau boto eta EAJ-PNVren kontrako lau boto. Mozinoak ez eban aurrera urten alkatearen kalitatezko botoagaitik.

EAJ-PNV UDAL TALDEAK ABDIKAZINOAREN AURREAN AURKEZTUTAKO MOZINOA

EAJ-PNVren aldeko lau boto eta EHBilduren abstentzinoa. Mozinoa aurrera atara zan.

MUSIKA ESKOLAKO PREZIOEN BONIFIKAZINOEN ONARPENA

%20ko bonifikazinoa bigarren instrumentuan.

%20ko bonifikazinoa famili ugarietan, 3. umea baita hurrengoetan.

%20ko bonifikazinoa optatibetan: A+B aukeratzekotan.

Bonifikazinoa beti aplikatuko jako merkeenari.

Danon adostasunagaz onartu egin zan.

KANPANA, AXPEONDO, URIBE OBREN ZIURTAGIRIAREN ONARPENA

Txostena falta da, beraz mahai ganean gelditu zan.

ORUE ASTERRIA OBRAREN ZIURTAGIRIAREN ONARPENA

Txostena falta da beraz mahai ganean geldituko da.

ERREGU ETA ITAUNAK

Alkateak adierazo eban Unai Berrojalbiz kontratau dala peoi moduan lau hilabetean oporrak kubritako. Oinarte egon dan lan poltsa 2 urterako egin zan, beraz oin beste lan poltsa bat egingo da.

Lana sustatzeko Arratiko alkateak Zornotzagaz batera ekainaren 20an batzar batera deituta egon ziran, “autoenplegu” deitzen dan proiektu bat aurkeztu eben uztailaren 1 ean Mankomunitatean eta teknikari Ana Mari izendatu da Zeanuriko udaletxetik. Formakuntzea emoteko Zulaibarko ikastetxea erabiliko da. Proiektu honen ardatza autoenplegua da. Horretarako formakuntza eskaini eta dirulaguntza bat emongo da (5.000€koa, “a fondo perdido”). Bando baten bidez zabalduko da barri hau. Zeanurin aurkeztuten diranetatik 4 aukeratu beharko dira.

EHBilduren galderak:

• Udalekuak 2014. Areatzagaz batera Lekeitioko aukera eskeini zan baina ez da aurrera atera. Guraso alkarteak be luzatu eban eskaera.   Suspergintzagaz bakarrik begiratu dira prezioak, aste biko aurrekontua 2.755,91 euro da eta jasoko dan dirua 1.580€ euro izango da.
• Soloeta

Auzune honetako bizilagun batzuen izenean eskatuten da Udalak hartu beharreko neurriak hartzea, dagokion neurrien, bertan dagozan arazoak konpontzeko.

• Xorokil harrobie. Aurreko plenoan ebatzi zan moduan, karta bat agindu jako kanterea zabaltzeko eskaera egin dauan enpreseari egin ziran galderaka,z baina ondino ez da erantzunik jaso. Alegazinoak abokatuak daukaz baina ez dau erantzun.
• Selvaventuran ia herriko jenterik dagoann beharren galdetu eban. Alkateak erantzun eban informazino zehatzik  ez daukala baina bi pertsona dagozala uste dau. Deitu egingo da bertara galdetuten.
• Turismo: Sagarna aurrean ipinita dagozan paneletako batean, herriko ostatuen informazioa emoten dauanean, dagozan akatsak zuzentzea eskatan da: Ellauri  hoteleko telefono zenbakia oker dau eta Ellauri nekazal-etxeana ez da agertzen. Halan egingo da.
• Errekako kartela. Ura agentzitik errekan kontuz ibilteko agindua etorri da.
• Mediku etxearen ingurue gehiegikeri bat da, ez bakarrik gaztetxo batzuk ingurua errespetetan ez dabelako, txarrena handik dabilen edadeko jenteak sufriduten dauan errespetu faltea da. Alkateak erantzuten dau mediku etxe inguru hori zarratu egingo dala.