URRI BIGARRENAREN 7KO PLENOAREN LABURPENA



AURREKO BATZARREKO AKTEN ONARPENA

2014ko maiatzaren 27ko plenoko aktari alkateak eta EHBILDUzeanurik zuzenketak egin eutsazan.

2014ko uztailaren 1eko plenoko aktari EHBILDUzeanurik zuzenketak egin eutsazan.

ALTZUAGAKO KOMUNIKAZINO ZENTROAREN ZESINOA DALA ETA, ITELAZPIGAZ HITZARMENA

Alkateak adierazo eban aurreko plenotik aldaketa bi egin dirala: bata hitzarmenaren indarraldia mugagabea izan beharrean, bost urterakoa izango dala eta bestea, hitzarmena indarrean dagoan bitartean ez dela instalazino gehiago egingo.

EHBilduk aipatu eban erderazko bertsinoan bakarrik egin dirala aldaketa horreek, eta gainera hurrengokoak gehitzen ditu:

“Itelazpi ez den Euskal Autonomia Erkidegoko Administrazio Orokorreko edo horren mendeko Administrazio Erakunde bateko beste edozein pertsona juridikok ALTZUAGAko komunikazio zentroaren ardura hartzen badau, pertsona juridiko horrek automatikoki subrogatuko du sozietatea eta hitzarmen honetako klausula guztiek indarrean jarraituko dute”. Honen aurrean EHBilduk adierazo eban Udalak zer esana euki beharko leukela kasu honetan. Alkateak erantzun eban jarriko dala.

“UDALA izango da aurrerantzean gerta daitekeen edozein gertaera konpontzearen erantzule bakarra, aipatutako lursailen edo ondokoen jabeek edo jabekideek egin ditzaketen erreklamazioei buruz”. EHBilduk adierazo eban argiago agertu beharko zala lursailari bakarrik jagokola erantzukizun hau. Alkateak ontzat emon eban.

“Udalak erosleari jakinarazteko betebeharra bereganatzen du”. EHBilduk adierazo eban jabeak Udala informatu beharko ebala. Holan jarriko dala esan eban Alkateak.

Guzti honegaz batera hitzarmenean Eranskin I (dagozan instalazinoak) eta II-ari (lursailaren jabeagaz hitzarmena) erreferentzia egiten da eta EHBilduk adierazo eban eureri dokumentu horreek ez jakozala pasatu. Idazkariak esan eban instalazinoena eginda dagoala baina jabegoana ezetz. EHBilduk salatu eban ezin dala hitzarmen bat onartu jakin barik eranskin horietan zer idatziko dan.

Danon adostasunagaz gaia mahai ganean geratu zan.

UNDURRAGAKO KOMUNIKAZINO ZENTROAREN ZESINOA DALA ETA, ITELAZPIGAZ HITZARMENA

Aurreko gaiaren arrazoi berberakaitik gaia mahai ganean geratu zan

ARRATIA BIZIRIK, GANZABAL MENDI TALDEA, SUZIEN MENDI KLUBA ETA IGITIE ARRATIAKO BASERRITAR AGROEKOLOGIKOEN ALKARTEAK AURKEZTUTAKO “INGURUGIROAREN DEFENSARAKO HERRITARRON PARTE-HARTZEA SUSTATZEKO MOZINOA”

Alkateak berbea hartu eban adierazoteko EAJ-PNVren botoa kontrakoa izango dala bere edukiagaz bate ez datorrelako. Dokumentuan herritarren parte hartzea behin eta barriro agertzen dala, baina holango kasuetan Eusko Jaurlaritza udalaren gainetik dagoala. Proiektuen bat dagoanean udala kaltetuakaz harremanetan ipinten da eta zabalik egoten da epe bat herritar guztiak berau ikusteko. Proiekturen bat aurkezten danean ekarpen fasea eta alegazino fasea egoten dala be gaineratu eban, eta horreetan herritarren parte hartzea gauzatzen dala esan eban.

EHBildu, ostera, mozinoan aldarrikatzen dan herritarren erabakiteko eskubideagaz bat dator. Euren ustez, herritarrak herrian gauzatuten diran proiektuen aurrean zeresana adierazoteko aukerea bermatuta euki beharko leukielako.

EHBilduk adierazo eban penea dala mozinoa defendatzeko aurkeztu daben alkarteetako kiderik plenoan ez egotea.

Botazinoa EAJ-PNVren kontrako lau boto eta EHBilduren aldeko lau boto. Alkatearen kalidadeko botoagaz mozinoa ez zan onartu.

EHBILDUREN “ESKOZIAR HERRIARI AGURRIK BEROENA” MOZINOA

Alkateak adierazo eban mozinoak esaten dauanagaz ados dagozala baina bigarren puntua kentzeko eskatu eban.

EHBilduk esan eban puntu hori ez dala kenduko “Munduko herri askeen historiarako geratuko den data izanik, eta Eskoziar herritarrak beraien etorkizuna erabakitzen ariko diren egunean bertan, gure babesa adierazteko, Eskoziako bandera jarriko dugu instituzioaren fatxada nagusian, ikusgarri eta lehentasunekoa izango den tokiren batean”.

EHBilduren aldeko lau boto eta EAJ-PNVren abstentzinoa izan zan botazinoaren emaitza, baina ordenantzari egiten deutsien irakurketea betez, bandera ez da balkoian ipiniko. Mozinoa onartu egin zan. EHBilduk esan eban zegaitik ipinten diran batzutan balkoian ikurrak eta beste batzutan ez; alkateak erantzun eban ordenantza betez hemetik aurrera ez dala balkoian ezer jarriko. EHBilduk ordenantza aldatzeko proposamena egin eban.

ERREGU ETA ITAUNAK

* Xorokil harrobia. Alkateak informatu eban harrobia kautelazko gelditzean dagoala,  lur kontaminatu moduan klasifikatu dalako. Eusko Jaurlaritzak beste informe bat egin arte itxaron beharko da.

EHBilduk herri galdeketea plenora zrgaitik ez dan ekarri galdetu eban, eta alkateak ernatzun eban ez dabela informazinoa batzeko astirik izan eta berak legez ezin dautsala kantereari ezezkorik emon herri galdeketako emaitza hori izango bazan. Udaletik barik kontsulta herritik egin beharko zala be adierazo eban. EHBilduk beharrezkoa ikusi eban honen guztiaren barri herritarrak izatea, eta alkateak erantzun eban kontuan eukiko dala.

* Santa Lutziko goiko bidea alkateak esan eban bidea itxita daukienak auzitara eroan dabela udala. Honegaz batera, Itzunan beste bide baten azterketea be hasi dala esan eban. EHBilduk galdetu eban ia terrenoan zerraduretan bidetik itxi behar dan distantzia gordetan dan San Blas ermitan aurrean eta Bertokon. Begituko dala esan zan.

* Arrabaldeko bidea, EHBilduk ia ze egoeratan dagoan jakin gura eban. Alkateak esan eban Diputazionoak esan dauala ez daukala informazino nahikorik hori zehaztuteko eta udalak abokatu baten eskuetan itxiko dau.

* Aurreko plenoan mahai ganean gelditu ziran gai bien inguruan noz berba egingo dan galdetu eban EHBilduk. Idazkariak esan eban ahiztu egin jakola plenoan sartzea eta hurrengo plenora eroango dirala gai horreek.

KANPANA, AXPEONDO, URIBE OBREN ZIURTAGIRIAREN ONARPENA

ORUE ASTERRIA OBRAREN ZIURTAGIRIAREN ONARPENA

* Arkitektoa, EHBilduk ikusita arkitektoari kontratua amaitu jakola, abuztutik galdetuten dabil arkitekto barriaren prozesuan ekarpenik egiterik izango dauan eta aste bete etxoten daroala baldintza barriak ikusteko. Idazkariak erantzun eutsan bidaliko dauzala baldintza-orriak. Honegaz batera EHBilduk 2011tik gaur egunerarte Udalak arkitektoari bere soldatatik kanpo ordaindu deutsazan diru kantitateak eskatu ebazan. Dokumentu hori jasota, 18.150 euroko “Redaccion proyecto reforma eskola albakoa” partidari buruz galdetu eban, ia arkitektoak eskolarako ze proiektu egin dauan. EHBilduk eskolan obrarik egingo dan barririk ez dau izan. Alkateak argitu eban gai hau kultura zinegotziak eroan ebala, prisaz egin zala eta antza danez delegaritzatik telefonoz lotu zan eskolako obrako proiektu bat aurkeztuz, diruz lagunduko zala baina azkenean delegaritza atzerantza bota zan eta ez da obrarik egin.

Lan- boltsa, Unai Berrojalbizeri hile honetan amaituten jako kontratua. Alkateak urri bigarrenean lan boltsa barria aterateko asmoa daukala esan eban.

* Gazte txokoa abuztuan zabalik egon zan, eta noren ardurapean? alkateak esan eban  antzerki taldeak euren ensaiuetarako erabili ebala, eta ez izan leike bitartean batonbat sartu izatea, goiko pisua nahiko lohi egon zalako.

* Mixel Lekuonari omenaldia: alkateak euren aldetik egiteko arazorik ez dagoala esan eban.

* Medikuetxearen inguruan aparkalekua egon daitela eskatu zan medikua, praktikantea eta anbulantzientzat. Holan egingo da.

* Ikastaroak: zeintzuk dira udalak kudeatuten dauzanak? alkateak erantzun eban plenoan kultura zinegotzia ez egoanez, berari esango deutsala EHBilduko zinegotziakaz batzartuteko. EHBilduk eskatu eban batzar horretan esaten dana aktan jasota egotea.