ABENDUAREN 2KO PLENOAREN LABURPENA

AURREKO BATZARREKO AKTEN ONARPENA

2014ko urriaren 7ko plenoko aktea onartu zan.

2014ko azaroaren 4ko plenoko aktari EHBilduzeanurik zuzenketak egin eutsazan.

SOLOETA MAKASTIKO BIDEA, ITZUNA PARAJEAN, DESLINDATZEKO PROPOSAMENAREN ONARPENA

Alkateak adierazo eban Olibarestarrak eta Iturbek denporea daroadiela Itzuna inguruan dagoan pista baten arazoak sortuten, kotxe bat zabaleraz pasetako nahiko txarto dago eta. Bidea erabilera publikokoa da.

Deslindea hiru puntutan oinarrituko da:

-1956ko katastroa.

-1967an jabeak lur emote bat egin eben, kalte-ordain bakoa, basoko kamioiak Errekaurrira pasetako.

-1985ean Alexander Gabikak memoria baloratu bat egin eban: bideak 4,5 errodadura gehi o,5o albo bakoitzean.

Azkenengo 2009ko arau ordezkoek be kontuan hartu dira. Arazoa bideari ardatza topatzea izan da, Infolurrek egineko informean nahiko zehaztuta geldituten da non dagoan.

EHBilduk eskatu eban holango gaiak dagozanean, pleno informatibora dokumentazino guzti eroateko. Gai honen azkenengo dokumentoa (txosten juridikoa) plenoko eguneko eguerdiko 14:00etan hartu eben BILDUkoak.

Txosten juridikoak dino memoria eta gastuen aurrekontua aurkeztu behar dirala. Honen ganean, idazkariak aipatu eban memoria Infolurreko txostena dala, eta aurrekontua ez dala aurkeztu baina gastu bakarra Infolurreko txostena eta bidearen ardatza markatzen etorriko danaren eguneko dieta izango dirala.

EHBilduk galdetu eban ia jabeakaz berba egin dan edo ahalegindu diran eurekaz txosten hori adostutea. Erantzune ezezkoa izan zan, deslindea egin baino 20 egun lehenagora arte alegazinoak aurkeztuteko epea eukiko dabela.

EHBilduk barriro galdetu eban ia hau plenoko gaia dan, eta Idazkariak baiezkoa emon eban, Soloetako bidearen deslindea egon zanean be ekarri zala plenora. EHBilduk jakin gura izan eban be ia beste deslinderik egon da, eta ezezkoa esan jakon, baina aipatu ebanean  Olabarrin, Leonaren etxearen ondotik doan bidea trukatu egin zala, idazkariak erantzun eban hori be plenora ekarri behar izan zala.

Gai honeri lotuta EHBilduk argi itxi eban bidean inbentarioa egitea beharrezkoa dala, arazo gehiago egon ez daitezan.

Txosten teknikoan oinarrituta EHBilduk baiezkoa bozkatuko dau.

Danon adostasunagaz onartu egin zan.

2015KO TASEN ONARPENA

Alkateak adierazo eban pastuen tasak bakarrik igoko dirala, Gorbeiazpik euren asanblea baten holan onartu dabe, inguruko herrietakoakaz alderatuta bajuena daukielako. Tasa igoera hau 2016ean ezarriko da. Beste tasa guztiak izoztu egingo dira.

EHBilduk aipatu gura izan eban eskertutekoa dala Gorbeiazpi bera konturatutea baju daukiela eta  igoteko eskatutea. Tasa igoera honetarako inguruko herriak kontuan hartzaen badira,  bardin egin beharko zan tasa guztiakaz, adibidez, Eraikuntza Instalazio eta Obren Zergakaz.

Alkateak esan eban hurrengo udalbatzak gauzak desberdin egiten hasiko dala uste dauala.

Danon adostasunagaz onartu egin zan.

INES ROTAETXEK ZUBIETAKO TERRENOETAN AURKEZTUTAKO “AZTERKETA ZEHATZA”REN BEHIN BETIKO ONARPENA

EHBilduk lehenengo galdetu eban ia plenoko gaia dan eta Idazkariak baietz esan eutsan.

Alkateak adierazo eban hasierako onarpena berak emon dauala baina behin betikoa plenoak emon behar dauala.

Banaketea egiteko, kalifikazino desbardina daukien terrenoak kalifikazino bardina euki behar dabe. Horretarako, “azterketa zehatza” aurkeztu dau Ines Rotaetxek. Alegazinorik ez da egon.

Txosten teknikoan oinarrituta EHBilduk aldeko botoa emon eban.

Danon adostasunagaz onartu egin zan.

EUSKEREAREN EGUNEKO ADIERAZPENAREN ONARPENA

Testu adostua aurkeztu zan plenora.

Danon adostasunagaz onartu egin zan.

ANTONIO ALDAMAK UDALARI OPARITUTAKO MARGOA DALA-ETA, KONBENIOAREN ONARPENA

Danon adostasunagaz onartu egin zan.

ERREGU ETA ITAUNAK

EHBilduren galderak:

 Arkitektoaren aukeraketan, zegaitik ipini da hainbesteko zehaztasunegaz esperientzia atal hori? Idazkariak adierazo eban beste herri batzukaz komentauta ipini dirala, bat aipatutearren Balmaseda.

 Lan boltsaren ganean,  hilebete pasau da eta ondino ez dakie ezer, eta egoerea ez da aldatu. EHBilduk eskatu eban pliegoak dagozanean ia ekarpenak egiteko aukerea eukiko daben, eta baiezkoa izan zan. Galdetu eban ia momentu honetan nor dabilen beharren: Jabi eta Atxiori beste hilebete luzatu jakie.

 Zuleibargo komunen garbiketeari buruz, Bego Astondoak egingo dau, gitxi gora-behera 10 euro ordua ordainduta.

 Jubilatuen alkarteagaz egindako batzarra eta dinamizatzailea: txarto ulertua konpondu da? alkateak adierazo eban ondino ezetz.

 Xorokil Harrobiaren ganean, 2000. urtean kanterea handitzearen tramiteak hasi ziraneko dokumenturik ia begitu dan eta aztertu dan galdetu zan. Alkateak adierazo eban berak be ez dauala ezer topau data horretan. EHBilduk aipatu eban aurreko plenoan eskatu eban “aurretiko txostena” behar zala herri galdeketan gaia plenora ekarteko. Idazkariak pleno horretan ezezkoa erantzun eban, bertan azalpenak emonda nahikoa zalakoan. EHBilduk  Idazkariari eskatu eutsan hori guztia txosten baten ipini dagiala. Idazkariak txostena aldatuta, bertan argi ipinten dau EHBilduk eskatu ebana holan zala “Tales iniciativas deberán ser sometidas a debate y votación en el Pleno. En todo caso, se requerirá el previo informe de legalidad del secretario del ayuntamiento, así como el informe del interventor cuando la iniciativa afecte a derechos y obligaciones de contenido económico del ayuntamiento”.

  Bardintasun plana (3.000€), Euskera biziberri plana (2.000€), Iharduera sozio kulturalak (16.000€) partida honeen gastuen azalpena eskatu eutsien kultura zinegotziari. Hau dana  Mazala alkarteak abenduaren 3rako ekintza bat egiteko diru laguntza eskatu ebalako etorri da, eta dirurik ez dagoalakoan, zinegotziaren erantzuna ezezkoa izan zalako.

-16.000 euro zertan gastau dan galdetu zan, eta honeek izan dira gastuen arrazoiak: bertso saio biak, zuhaitz eguna, Gorbeia Suzien, Ander Manterolan luntxa…

-Bardintasun plana. Partida hau puntu baltzen lekuak zehazteko erabiliko da. Dimekoak oso dinamika polite erabili dabe eta eurekaz egon da batzarra. Prozedura zelan egin aste honetan edo hurrengoan helduko da. Partida honetatik andra probak laguntzeko be erabili zan.(200 euro gehi dietak 400 euro).

-Euskera biziberri plana. Ipuin lehiaketarako erosi diran liburuak 400 euro dira eta ezin da biziberri plana partidatik egin, beraz iharduera sozio kulturalak partidatik ordainduko da.