OTSAILAREN 3KO PLENOAREN LABURPENA

EAJ-PNVtik: Izaskun Sagarna, Felipe Agirrezabala, Bitoriano Larrazabal eta Rut Martinez.

BILDUtik: Zedarri Jauregi, Pedro Lejarza eta Jokin Berrio.

Zeanuriko udaletxeko batzar-aretoan, 2015eko otsailaren 3an, goian aipatutako kideak batu ziran.

Plenoari hasiera emon aurretik alkateak azaldu eban gai ordeneko 3. puntua, 2013ko Kontu Orokorraren onarpena,  mahai-gainean itxiko zala, plenora ekarri baino lehenago udal kontuen batzorde bereziak ikusi behar daualako, eta gai hau lehenengoz urten danez,  ez eben jakin holan egin behar zanik.

EHBilduk ez eban arrazoi hori ulertu, 2012ko abenduaren 19an eskatu ebelako 2011ko kontu orokorraren barri izatea, eta euren eskaera horretan zehaztuta agertu zan kontu orokorra maiatzaren 15erako aurkeztu behar dala batzorde berezi horretan, eta uztailaren 31 baino lehenago plenora ekarri behar dala.

AURREKO BATZARREKO AKTEN ONARPENA

2014ko azaroaren 4ko plenoko aktari EHBilduzeanurik zuzenketak egin eutsazan.

2014ko abenduaren 2ko plenoko aktari EHBilduzeanurik zuzenketak egin eutsazan.

BI-4501 ERREPIDEAREN DESLINDEA 31.150 PK-AN

Alkateak aipatu eban arazoa 2013. urtean sortu zala, herritar batek bere etxe aurrean asfaltoa altxatu ebanean, baimena eskatu barik. Udalak obra gelditaarazi eutsan. Bide hau Diputazinoak herriari itxitakoa da, banaia berak be ez daki zabalerea neurtuteko erreferentzi puntu zehatza zein dan. Udalak Inforlur-eri eskatu eutsan txosten bat egiteko gaia argituteko, eta abogaduaren aholkua jarraituz, ofizioz jokatutea ebatzi dau terreno honen deslindeari hasierea emoteko.

EHBilduk adierazo eban ez dauala ulertuten Dipitazinoak berak emoneko bide bateri buruz informazino zehatzik ez eukitea. Horrek herrieri arazo bat sortu deutsala gaineratu eban, eta ondorioz kostu bat, momentuz 4.080€koa, Inforlur-ek egineko txosten tekniko bi eta abogaduaren txosten juridikoa dala-eta. Txosten honeetan ez da bat be argi gelditan zein dan lur publikoa eta zein pribatua, ez eta nondik hartu behar dan erreferentzia bidearen neurriak hartzeako (Diputazinoaren idatzi batean agertan da gitxienekoa 4,8m eta 5,9m artean egon behar dala). Galdetu eban EHBilduk ia neurtu dan gaur egun dagoan bidea. Ezetz erantzun jakonez, eskatu eban hortik hastea eta azken ahalegin bat egitea adostasun batera heltzeako arazo honetako beste parteagaz.

Halan egingo da.

ERREGU ETA ITAUNAK

-Alkateak, udalaren izenean, eskerrak emoten deutsaz Joko Alai Pelota taldeari Arratia-Nerbioi txapelketan lortu daurien emaitzagaitik.

-Lan poltsa dala eta esan eban “peoi espezializatu” lanerako deialdia zabalduko dala. EHBilduk galdetu eban ia aukerarik eukiko dauan ekarpenik egiteko. Baiezkoa erantzun eban, eta momentu honetan lanean dabizen langile bieki sei hilabete egin arte jarraituko dabe lanean.

-Kultura zinegotziak azaldu eban aurten be Zuhaitz Eguna eskoleagaz batera egingo dala. Oraindik data zehaztu barik dago. EHBilduk eskatu eban deialdia herrien zabaldutea. Halan egingo da.

-Eskolako obrea dala-eta,  2 fasetan egingo da.  Lehenengoan, bigarren pisuko leihoak aldatuko dira eta teilatu guztia konponduko da. Aste Santuetan egingo da eta Zamakoa enpresari esleitu jako obrea. Bigarren fasean galdara kanpora eroango da eta aurrerantzean biomasa erabiliko da. Galdarea egoten zan lekuan igogailua ipiniko da. Proiektu hau ondino egin barik dago.

-KORRIKAren inguruan, eskoleagaz batera egingo da. Zeanuritik martxoaren 28an pasauko da, arrastiko 6rak inguruan. Alkarte guztieri gonbidapena luzatu jakie ekarpenak egiteko eta otsailaren 5ean, arrastiko 6:30ean egongo dan batzarrean parte hartzeako.

Alkateak jakinarazo eban, Mankomunidadearen bidez, urtarrilaren 14an Bizkaibuseko zuzendariagaz egin ebela batzarra eta informau eutsien betiko ibilbidea egingo dauala Zeanuritik Bilbora, Galdakotik pasetan dan autobusak, hau da, Galdako erditik pasauko da barriro autobusa.

EHBilduren galderak:

  Auditoria ze egoeratan dago? idazkariak erantzun eban Kontu Auzitegia egiten dabilela eta gitxi gorabehera 15 egun barru amaituta egongo dala, baina ez dakiela txostena noizko egongo dan.

  2014ko Likidazinoa. Orain dala astebete eskatu eban ordaindu barik eta kobratu barik daukaguzan fakturen zerrendea baina ondino ez dau erantzunik hartu.

Zegaitik dagoz frontoiaren hobekuntzak 25.000€ko partidatik 363€ (barandilla zaharrak kentzea) bakarrik  gastauta? Zegaitik ez da agertuten ordaindu barik  dagoala 37.269,84€ko fakturea? Berau urtarrileko datagaz agertuten da. 2014ko obra danez zegaitik ez da ordaindu edo eskatu faktura 2014ko fetxeagaz agertutea? 2015ean ordaindutea pentsau bada ze partidatan sartu da aurrekontuetako zirriborroan atal honetako partidea 10.000€koa danean? Ihartudera sozio kulturaletan 16.000€ko partidatik 13.649,52€ gastau dirala ipinten dau, eta orain dala hile pare bat kultura zinegotziak adierazi eban partida hau guztiz gastauta daukala. Zelan da orain gastau barik egotea? Idazkariak erantzun eban aurkeztu dauan likidazinoa ez dala definitiboa, eta uste dau otsailaren 17rako zarratuta eukiko dauriela. Aurrekontaek onartuteko nahikoa da sei hilebeteko likidazinoa.

  Ze egoeratan dago diruzaintzako soberakina? Doikuntza plana betez doa? Posible da etxea saldu ez bada? Idazkariak esan eban aurreko erantzunak honetarako be balio dauala.

 Urkiza-Uriarte baserria, prozesua zelan doa? sententziarik? juezak onartu dauala “declaración de lesividad” esan eben  eta beste salaketa artxibau egin dala. Udalak bueltau beharreko ICIO-a ( 20.416,34€) bueltau deutsiela.

 Presako paseoa: herriarena izan dan paseo hau berreskuratuten ahaleginak egin behar dira. Bypass-eko obrak Partzuergoari irabazi handiak ekarriko deutsaz baina herriari ez deutsanez onurarik ekarriko, behintzet barruko bide horretatik ibilteko aukerea eduki daikgun dino EHBilduk. Beste aukera batzuk proposatuten dira:

- bideari jarraipena emotea presako hormatik pasau barik. Basoak, Nekazaritza eta Abeltzaintza zinegotziak jakinarazi eban lur-jabe batzukaz harremanetan jarri dirala aukera hau lortuteko asmoagaz.

- Joko Alairen urteko batzarrean proposatutakoa: segurtasun kontua bada presako hormatik pasau ez egiteko, egunez behintzet pasoa zabalik egon daitela.

  San Isidroetan kontzertua Andra Marietan barik: azken jai batzordeko batzarrean gazte batzuk egineko proposamena da. Erantzunaren zain dagoz ezertan hasi orduko. Alkateak eta Kultura zinegotziak ez dabe arazorik ikusten, baina arazoa logistikoa izan ahal da, feriako etxetxoak dagozan bitartean ez da erreza izango eszenatokia ipintea-eta.

  Udalaren idazpuruaren erabilera desegokia: Galdetu zan ia ze neurri hartu diran udaletxeko identifikazinoagaz herritar batek jaso dauan idazkiaren aurrean. Udalak berak idazki hori ez dau agindu eta gainera udalaren izena erabili da herritar bat iraintzeko. Idazkariak erantzun eban ez dala ezer egin, eta horren barri emongo dauriela epaitegitik holan eskatuten bada.