MARTXOAREN 30EKO PLENOA 

EAJ-PNVtik: Izaskun Sagarna, Felipe Agirrezabala, Bitoriano Larrazabal, Egoitz Arana eta Rut Martinez. 

BILDUtik: Pedro Lejarza eta Zedarri Jauregi.

Zeanuriko udaletxeko batzar-aretoan, 2015eko martxoaren 30ean, goian aipatutako kideak batu ziran. 

1.- AKTEN ONARPENA. 

2014ko azaroaren 4ko, abenduaren 2ko eta abenduaren 16ko aktak onartu ziran. 

2015eko otsailaren 3ko eta otsailaren 26ko plenoko  aktari EHBilduzeanurik zuzenketak egin eutsazan.

2015ko martxoaren 4ko aktarik oraindik ez da aurkeztu.

2.- UR PARTZUERGOAK AURKEZTUTAKO ESTATUTOEN ALDAKETA ETA ONARPENA. 

Alkateak adierazo eban 27/2013  arrazionalizazino legea dala-eta Ur Partzuergoko estatutoko artikulu batzuk lege horretara egokitu beharra dagoala. EHBilduk uste dau lege hori ondino Foru Aldundian zein Estutuan eztabaidan dagaen bitartean ez dala  momentu egokia  gai hau mahi gainera ekarteko. Gaineratu eban estatutuak aldatu behar badira kontuan hartu beharko zirala  EHBilduk eta Herri Kontuen Euskal Epaitegiak egindako alegazinoak: Partzuergoaren  errepresentazinoaren aukeraketa modua ez da ez ekitatiboa ezta demokratikoa be.

Puntu hau onartu egin zan EAJ-PNVren aldeko 5 botoakaz. EHBilduk ezezko botoa emon eban.

3.- 2013KO KONTU OROKORRAREN ALEGAZINOEN AZTERKETEA ETA ONARPENA HALAN BADAGOKIO. 

EHBilduk aurkeztutako alegazinoak honeek ziran: legeak markatutako epeak ez dira bete; 2012ko abenduan EHBilduk eskatu eban 10/2003 62. Foru artikulua betetzea eta oraindik ez dau erantzunik jaso. Zergaitik ez da aurreko urteetan gai hau mahai gainera ekarri, legeak halan egitea eskatan dauanean? alkatetza dekretuz onartuten dana plenotik pasatu behar da.

Alkateak erantzun eban egia dala epeak ez dirala bete, baina informazino guztia likidazinoagaz batera agertuten dala espedientean eta hau urtero aginduten dala Kontu Epaitegira esan eban, eta udalaren egoera ekonomikoa likidazinoan argituten dala. Onartu eban batzuetan aldaketak plenora ekartea ahaztu egin jakiela baina asmoa ez dala informazinoa ostondutea izan.

EAJ-PNVk ez ebazan alegazinoak onartu.

4.- ERREGISTRO ZIBILEI BURUZ AURKEZTUTAKO MOZIOA. 

Mozino adostua aurkeztu zan eta aho batez onartu. 

5.- EKIN-EK AURKEZTUTAKO ZIURTAGIRIEN ONARPENA.

Gaie mahai gainean gelditu zan, ondino txostenik ez dagoelako.

6.-DEKRETUEN KONTU EMATEA: 2014KO LIKIDAZINOA.

Alkatetza dekretuen informazinoa emon zan. Honen arabera 2014ko likidazinoaren geldikina positiboa da, 226.378,81€koa.

7.- 2015EKO AURREKONTUAREN LEHEN KREDITU MODIFIKAZINOAREN ONARPENA.

Alkateak idazkariari hiru aldaketa aurkeztuteko berbea emon eutsan : frontoiko obrea (baranda) 2014ean egin arren faktura 2015ekoa da; bideen konponketea eta udal langileen 2012ko aparteko ordainsaria.

EHBildu ez dau ulertuten zergaitik ez ziran hiru puntu honeek aurrekontuak egiterakoan kontuan hartu; aurrekontuak orain dala hilabete bat onartu ebazan EAJ-PNVk. EAJ-PNVk aldeko botoa emon eban. EHBilduren aldetik, langileek euren eskubideak berreskuratuteko eragozpena izan gura ez dauanez,  abstenidu egin zan.

8.- 2015EKO DIRULAGUNTZEN BANAKETEA.

Kultura zinegotziak azaldu eban azken urteetan dirulaguntza honeek beherakadea euki dabela baina kontuan hartuta egoera ekonomikoa  hobetuz doala, aurtengoak 2012ko zenbakietara hurbiltzen dabiz.

EHBilduk galdetu eban zegaitik agertuten dan Ipizki bi partidatan, etekinik gabeko elkarteen artean eta 7. kapituluan. Errakuntza izan dala erantzun jakon. EHBilduk gaineratu eban horrek aurrekontueri beste aldaketa bat egin beharra dakarrela. Holan egingo da.

EHBilduk garbi itxi gura izan eban  dirulaguntzen aldekoa dala, eta aurreko urteetan eskatu dauan moduan, barriro be eskatuten dau laguntzak banatuterako orduan ordenantza bat egon beharko litekeela, danok jakin ahal izateko zeintzuk diran kontuan hartzean diran irizpideak baneketea egiterako orduan eta era subjetibo batean ez  egitea saihestuteko. Proposatu eban gainera ordenantza hori alkarteakaz batera landuteko. Ordenantzan faltan ezezkoa botoa emon eban, EAJk ostera baiezko botoa emon eban.

9.- SOLOETA-MAKASTUI BIDEAREN DESLINDEAREN BEHIN-BETIKO ONARPENA.

Txosten teknikoan oinarrituta danon adostasunagaz onartu zan.

10. ERREGU ETA GALDERAK

-Alkateak azaldu eban azken ohiko plenoa izan zala egun horretakoa. Ez-ohiko bat egongo dala: aktak onartu, kotxeen zergak, Fracking-aren gaineko mozinoa, Euskera plana.

-galdetu eban noz eukiko dituen behin-betiko aurrekontuak. Lehenbailehen egongo dirala erantzun jakon.

- Auditoria dala-eta ondino emaitzarik ez dago.

-Doikuntza plana: BILDUzeanurik galdetu eban aurrekontuetan San Pedro eleizari dagokion partida bat dagoala, eta doikuntza planean adierazten da 2013 eta 2014an bakarrik emongo zala dirulaguntza hori. Erantzun jakon esanez ez dirala horretaz konturatu baina helburua ondarea jamotea izan dala.

-Osakidetzako langileek egindako eskaera eroan eban EHBilduk: elektroak egiteko makina beharrezkoa ikusten dabe.