EKAINAREN 29KO EZ OHIKO PLENOA

2015ko ekainaren 29an, astelehena, 19:30etan, Ez Ohiko Osoko Bilerari hasiera emoten jako. Bertaratuak: Eusebio Larrazabal, Eider Ajuriagerra, Felipe Agirrezabala, Eneritz Iza, Gurutze Etxebarria, Zedarri Jauregi, Gotzon Idirin, Irati Urien eta Arkaitz Estiballez.

1.- Udalbatzen ohiko maiztasunaren ebazpena.

EAJk proposatuten dau plenoak hilero izatea, 2. barikuetan arrastiko 4etan. EHBilduren ustez barikua ez da egunik egokiena nahi izanez gero herritarrak aukera izatea plenoetan parte hartzeako.

Botaziora joanda, Plenoak barikuetan izatearen alde EAJren 5 boto lortuten dauz, kontra EHBilduren 4 boto.

2.- Batzorde informatiboen sormena eta osaketa.

Batzorde honetan alkate eta zinegotzi guztiak parte hartzean dabe.

Hilero bilduko da, 1. barikuetan, arrastiko 4etan. EHBilduk adierazten dau astean zehar hainbat egun dauzela bariku arrastietan batzartu beharrean, bizitza familiarra eta aisialdia kontuan hartu behar direla.

Kontu Batzorde Berezia be osatuten da. Bertan EAJk hiru ordezkari eukiko dauz: Eusebio Larrazabal, Eider Ajuriagerra eta Eneritz Iza. EHBilduren ordezkari biak Gotzon Idirin eta Irati Urien izango dire. Batzorde honen betebeharra urtean behin kontuek errebisetea da.

3.- Gobernu Batzordearen sormena eta osaketa.

Batzorde hau hamabostero bilduko da, eguenetan, arrastiko 7:30ean. EAJren ordezkariek Eusebio Larrazabal, Eider Ajuriagerra eta Gurutze Etxebarria izango dire. EHBilduk ordezkari bakarra eukiko dau, Zedarri Jauregi. Talde honek argitzen dau batzorde honetan parte hartuko dauela entzule moduen, informazioa lortuteko biderik zuzenena dalako, eztabaidetan ez duela parterik hartuko, ebatziek alkateak bakarrik hartzean dauzela.

4.-Erakunde kolegiatuetan parte hartuko daben ordezkarien izendapena: Mankomunitatea, Ur Partzuergoa, Gorbeialde, Eudel.

Mankomunitaterako EAJren ordezkarie Gurutze Etxebarria izingo da, EHBildurena Arkaitz Estiballez.

Ur Partzuergoan ordezkari bakarra egongo da. EAJk ordezkari moduen Gurutze Etxebarria proposatuten dau, eta ordezko moduen Eusebio Larrazabal. EHBilduk Irati Urien proposatuten dau eta ordezko legez Gotzon Idirin.

Botaziora joanda EAJren proposamenak bere 5 aldeko botoak lortuten dauz. EHBilduren proposamenak bere 4 aldeko botoak. Beraz, Gurutze Etxebarria izango da Zeanuriko ordezkarie.

Gorbeialden be ordezkari bakarra dagokio Zeanuriri. EAJren proposamena Felipe Agirrezabala da (5 boto), EHBilduk Gotzon Idirin proposatuten dau (4 boto). Beraz, Felipe Agirrezabala izango da Zeanuriko ordezkarie.

Eudelerako EAJk Eusebio Larrazabal proposatuten dau eta Eider Ajuriagerra ordezko moduen. EHBilduk ez dau ordezkaririk proposatuten. EAJren proposamenak 5 boto lortuten dauz, EHBildu abstenidu egiten da.

Ehbilduk galdetuten dau ia asmorik ez dauen UEMAn sartzeako. Alkateak erantzuten dau “en principio” ezetz, inoiz planteetan bada eztabaidatuko dala.

5.- Alkatearen ebatzien barri emotea: Alkate-ordeen izendapena eta alkatearen delegazioak.

Alkateak 1. alkate-orde moduen Eider Ajuriagerra izendatzen dau eta Eneritz Iza 2. alkate-orde. Delegazioaren barririk ez dau emoten.

6.- Dirugordelariaren izendapena.

Felipe Agirrezabala izango da dirugordelarie.