IRAILAREN 11KO PLENOAREN LABURPENA

2015ko IRAILAREN 11an, barikue, 16:00etan,  Ohiko Osoko Bilerari hasiera emoten jako. Bertaratuak: Eusebio Larrazabal, Eider Ajuriagerra, Felipe Agirrezabala,  Eneritz Iza, Gurutze Etxebarria, Zedarri Jauregi, Gotzon Idirin, Irati Urien eta Arkaitz Estiballez.

Aurreko Plenoaren aktaren onarpena.

EHBilduk adierazten dau 2015eko ekainaren 29ko akta onartu barik gelditu zala, baia horren zuzenketarik ez dauela hartu. 2015eko uztailaren 10eko aktari zuzenketak egiten deutsoz.

Soloeta-Makasti bidearen deslindean aurkeztutako errekurtsoaren azterketa eta onarpena, halan badagokio.

Alkateak azaltzen dau errekursoari ez deutsiela erantzunik emongo, horren ordez parte bieri akordio batera heltzea proposatuko deutsiela. Proposamena izingo dala bidearen albo bietara pinuen susterrak topetea eta hori izitea bidea marketako abiapuntue.

EHBilduk adierazten dau aurreko legegintzaldien danon adostasunegaz, 2014ko abenduaren 2an, onartu zala deslindearen tramiteari hasiera emotea, Inforlurrek egineko txostenean oinarritute. Orduen galdetu ebala  ia akordiorik posible ez zan eta erantzune ezetz izin zala. 2015eko martxoaren 4an, Olibarestarrak aurkeztutako alegaziñoak ez zirela onartu, barriro be Inforlurrek egineko txostenean oinarritute. 2015eko martxoaren 12an, “apeo” bat egin zala, limiteak in situ marketako. Interesatuek aurrean egon zirela baina ez zirela ados egon. 2015eko martxoaren 30ean, danon adostasunegaz, deslindea onartu zala, barriro be  Inforlurrek egineko txostenean oinarritute. Orain arte, ebatziak txosten tekniko eta juridikoetan oinarritu direla. Horregaitik EHBilduk, oraingoan be barriro, falta dan azken txosten juridikoa eskatan dau,  errekurtsoari erantzuten deutsona. Alkateak diño txosten hori ez dala beharrezkoa, gastu bet bakarrik izingo dala, proposatuko dauela akordiora heltzea.

EHBilduk galdetuten deutso ia auzi honetako parte biek bere proposamenaren barri deukien. Alkateak ezetz erantzuten dau. EHBilduk uste dau lehenengo eta behin inplikauek jakin beharko leukiela zein den emon gure dan irtenbidea eta gero plenora ekarri. Arazoa ez dala konponduko plenoan gauze bat onartuteagaz, gero onartu behar daurienak ez badaurie halan egiten. Galdetuten deutso idazkarieri ia posible dan alkateak esaten dauen moduen jokatutea, hau da,  bidearen deslindean aurkeztutako errekurtsoari erantzun bet emon beharrean, proposamen bat luzetutea. Idazkariek diño errekurtsoari erantzuna emon behar jakola eta gero, gure izin ezkero, akordioaren proposamena onartutea.

Gaie mahai gainean geldituten da.

AUMko Zeanuriko udalaren EAJ-PNVko ordezkariaren izendapenaren baliogabetzea eta barriaren izendapena.

Eneritz Izaren izendapena baliogabetuten da eta Gurutze Etxebarria izendatuten da barriro.

2015eko aurrekontuaren 2. modifikazioaren alegazioen azterketa eta behin betiko onarpena, halan badagokio.

EHBilduk azaltzen dau sarrera ez finalista barriek biltzen badire edo aurre ikusitakoak baino handiegoak badire, eta gainerako sarrerak normaltasunez gauzatuten badire, sarrera horiek zorra gutxituteko erabili beharko zirela, porzentaje baten arabera, edo aurrekontua aurreikusita dauden beste zorpetze-eragiketa batzuk saihestera. Ekitaldia ixten danean finantzaketa-ahalmena geratzen bada, zorpetze garbia gutxituteko erabili beharko zala araudiz ezarritako zenbatekoa. Diruzaintzako gerakina lehenik eta behin zorra gutxitzeko erabili beharko zala eta gero alderazpenak edo modifikazioak finantziatzeko.

Alkateak erantzuten dau ez dala egia zorra gutxituteko erabili behar dala, idazkariek be halan diño. Diputaziñoaren oniritzia deukiela modifikaziño honen aurrean.

EHBilduk erantzuten deutsie norberen etxean jokatuten dan moduen jokatu beharko zala udal diruekaz, hau da, normalean zorretan egon ezkero ez geunkela liburu bilduma bat erosiko sarrera barriek eukin ezkero.

Gaineratuten dau dirulaguntzak emoteko ordenantzarik ez dauela, legeak halan eskatu arren. Galdetuten dau ze irizpidegaz diruz laguntan diren ekintza batzuk, baina beste batzuk ez. Gogora dakar uztailako plenoan esan ebala Ander Manterolaren liburuen faktura desglosaute eskatu beharko zala. Eta honegaz batera eskatan dau hemendik aurrera argitutea faktura bakoitza aurrekontuetako zein partidetik ordainduko dan.

EHBilduk 2015 aurrekontuaren 2. modifikaziñoari aurkeztutako alegaziñoak ez dire onartuten: EAJk 5 kontrako boto, EHbilduk 4 aldeko boto.

EH Bilduk aurkeztutako “Siriako errefuxiatuen inguruko adierazpenaren onarpena, halan badagokio.

EHBilduk diño batzorde informatiboan EAJk ez ebala adierazpenik aurkeztu eta batzorde horretan sarratuten dala plenoko gai ordena. Gaineratuten dau prest agertu zala gai honen inguruen testu bet adostuteko.

EAJk diño Eudel, Aldundia eta Eusko Jaurlaritzak plan bat landu dauriela, eta prest dauzela ez bakarrik datozenak lagunduteko baizik eta bertan dauzenak be.

EHBilduk proposatuten dau harrera etxe zensoa egitea, lagunduteko prest dauzen herritarren zensoa egitea, jardunaldiek antolatutea Siria, Iraken, … gertatuten dabilenen inguruen. Hau da gure elkartasune ez deitela zenbaki hutsean gelditu.

Siriako errefuxiatuen inguruko adierazpena ez da onartuten, EHBilduren 4 aldeko boto jasoten dauz, baina EAJren 5 kontrakoak.

EAJ-PNVk inmigrazioari buruz aurkeztutako adierazpen instituzionalaren onarpena, halan badagokio.

Alkateak erretiratu egiten dau puntu hau, batzorde informatiboan ez ebalako aurkeztu. Diño hurrengo plenoko gaietariko bat  izingo dala.

Erregu eta galderak

Alkateak hurrengo gaien barri emoten dau:

• Gobernu Batzordea irailaren 24an, 19:30ean, izango dala.
• Kontu  Orokorraren Batzordea egun berean 20:30ean batzartuko dala.
• “Fondo de Mejoras”-etik 47.000€ inguru jasoko direla. Birlandaketa bat egingo dala, sei enpresa gonbidatu direla eta epea irailaren 26an amaituten dala.

EHBilduk galdetuten dau:

• Auditorieri buruz ia Herri Kontuen Euskal Epaitegiaren txostenak zer esan dauen eta zeintzuk diren EAJk aurkeztu dauzen alegaziñoak. (Sanz&Saiz abogadueri 302,50€ pagau jakie alegaziñoak egiteagatik). Idazkariek erantzuten dau txostena alkateari bakarrik emoten jakola. Txostena behin betikoa danean publikoa izingo dala.
• Alkatearen delegaziñoari buruz: uztailako plenoan alkateak esan eban iralaikoan argituko  ebala baia horren barririk ondiño ez dau. Alkateak diño hurrengo plenoan esango dauela, zeozer aurreratutearren Eider Ajuriagerra kultura zinegotzie dala, Felipe Agirrezabala Basoa, nekazaritza eta abeltzaintza arloa eroango dauela, Eneritz Iza Hezkuntza, Gurutze Etxebarriak batzuk.
• Ikastarorik antolatuko dan: Eider Ajuriagerrak panfleto bat banatuten dau antolatuko diren ikastaroen informaziñoa deukona:

Pilates:

I: Zuriñe Oruemazaga. Astelehen-Eguaztena 18:30-20:00//30-35€hilean.

II: Peio Larrakoetxea. Martitzen-Eguena 19:30-20:00 //30-35€ hilean.

GAP: Peio Larrakoetxea. Martitzen-Eguena 18:00-19:30 //30€ hilean.

Erlajazioa: Aurelio Torres. Eguena 10:00-11:30 / 20:00-21:30 //20€ hilean.

Txikung: Aurelio Torres. Martitzena 10:00-11:30 / 20:00-21:30 //20€ hilean.

Pintura: Jabier Pérez. Martitzena 18:30-20:30 // +- 20€ hilean.

Sukaldaritza: Patxi Rincón. Eguaztena 19:00-21:30 // 150€ hiru hilabetero (osagaiak    barne).

Mazala emakume taldeak udalari eskatan deutso:

• Emakumeen Mundu Martxaren  adierazpenagaz bat egitea. Alkateak diño  erantzune emongo jakiela.
• Irailaren 17en, 18:30 Emakumeen mundu martxaren aurkezpena egiteko kultur etxeko gela nagusie erabilteko baimena. Baietz esaten jako.