ZEMENDIAREN 13KO OHIKO PLENOA

2015eko zemendiaren 13ko Ohiko Udalbatzara bertaratuak:

Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Gotzon Idirin Atutxa, Irati Urien Ortuzar, Arkaitz Estiballes Ormaetxea.

Aktearen onarpena.

Urri lehenengoaren 11koa onartu egiten da.

Urri bigarrenaren 9ko aktari EHBilduk zuzenketak aurkeztuten deutsoz.

Tasen eta Zergen Ordenantza Fiskalen eguneratutea 2016rako.

Alkateak proposatuten dau 2016ko urteko tasa eta zergai %0,2 apliketea. Aitatuten dau IPCa, gutxi gorabehera, %0’2koa izango dala.

EHBilduk mahai gaineratuten dau pleno informatiboan alkateak esan ebala igoerarako erkidegoko IPCa hartuko dala kontuan, baina aurreikusten dala IPCa negatiboa izango dala; halan da be, jakin gura dau IPCa aplikatuko dan. Alkateak erantzuten dau negatiboa bada IPCa ez dala kontuan hartuko, igoera %0,2ko izango dala. EHBilduk proposatuten dau tasak eta zergak kobratzean igoerak (edo bere kasuan jaitsierak) egin beharko zirala herritarren diru sarrerak konuan hartuta, eta ez danori bardin. Obrak zer pagetan dabe? Undurragako by-passak adibidez. Alkateak dino hori oso justoa izango zala baina oso konplikaua. EHBilduk jakin gure dau orain arteko bonifikazinoak (famili ugariak, langabezian egotea…) manteniduko diran. Alkateak baietz erantzuten dau.

Diru-gordelariaren izendapenaren errebokazinoa.

Idazkariaren esanetan 10/2015 Errege Dekretua dala eta, diru-gordelaria funtzionarioa izan behar dala. Hori dala eta Felipe Agirrezabalaren izendapena erreboketan da eta Ana Mari Bengoetxea, idazkaria, izendatuten da diru-gordelari.

2015eko Aurrekontuaren 4. modifikazinoaren azterketea eta, halan bajagoko, onarpena.

Idazkariak azaltzen dau 3. modifikazinoa alkatetza dekretuz onartu dala: azoken antolakuntzeari jagokon partida handitu dala 27.500€tan, Gorbeiako Parkeko zuzendaritzak (Zuia, Orozko eta Zigoitiako udalak) emondako diru-laguntzeagaz.

4. modifikazioa dala eta azaltzen dau:

*Idazkariak azaltzen dau honetan alkatetza dekretuz onartu dirala:

. Baso bideetarako diru-laguntza partidea (2015eko aurrekontuetan 22.000€) 736,45€tan handitzen dala. Zenbateko horretan beharrezkoa dala kreditua izatea. Kostuaren %15eko laguntza emoten dala. EHBilduk dino diru-laguntzak emokeran kontuan hartu beharrekoa dala dagoan dirua, ezin dala emon dagoana baino gehiago.

. Gaztetxokoa: mobiliario partidea 2.000€tan handitzen dala. EHBilduk galdetuten dau orain arte egon dana nahikoa ez bada izan. Ia derrigorrezkoa

izan dan 591,9€ bideo jokoetan, 145,96€ umeentzako jokoetan eta 347€ sofa batean gastetea,. Hezkuntza zinegotziak erantzuten dau, bideo jokoak erabilera egokia sustatzeko helburua daukiela, jokoak mahi jokoak dirala eta sofa oso egoera txarrean egoala. EHBilduk adierazoten dau gaztetxokoa erabilten dabenai dana eginda emoten bajake inoiz ez dabela eurengan erantzukizunik hartuko, erantzukizuna izatea hezitzeko modua dala.

Beste modifikazino batzuk:

- Bideetarako laguntza partida 48.650,22€tan handitzen dala: Akauri Zahargo bidean konponketea eta lur jauziak. EHBilduk galdetuten dau partida hau bada Diputazinoak emoten dauan %90eko diru-laguntzea. Baietz erantzuten jako.

- Iharduera soziokulturalak partidea 5.000€tan handitzen dala: Gorbeia Suzienen egondako gastuak eta beste batzuk. EH Bilduk galdetuten dau “beste batzuk” horreek zer diran. Idazkariak erantzuten dau euren artean dagoala Emakume Pelotari eguna, 2. bertso saioa,… EHBilduk barriro be dino diru nahikorik ez bada egon partida horretan zergaitik konprometiduten dan udala diruz lagunduten. Alkateak erantzuten dau, aurrekontuek egin ziranean prebisinoak txarto egin zirala.

Aurrekontuen 2. Modifikazinoan iharduera soziokulturala partida hau handitu zala 10.000€tan. EH Bilduk jakin gura dau liburuaren salmenta zelan doan. Alkateak erantzuten dau liburu horretarako 10.000€ko diru-laguntzea hartuko zala aurreikusten zala baina ez dala halan izan.

- Putzu septikoen garbiketak partida 2.500€tan handitzen dala: sarean sartuta ez dagozanetatik gain, Altzua eta Barazargo E.D.A.R.en mantenimenduaz arduratzen dala udala eta partida labur gelditu dala. EHBilduk eskatuten dau Saneamentu plana egitea eta Partzuergoari exijidutea kobretan dauan zerbitzua emon dagian edo emoten ez badoa ez dagiala kobrau. Alkateak gogora dakar aurreko udalak eskaera hori egin ebala eta barriro be egingo dala.

- Zentralita barria erosi: 1.500€. EHBilduk galdetuten dau ia orain arte egon dana ez ebilen. Alkateak erantzuten dau zaharkituta egon dala.

- Ibilgailuen Gaineko Zergan 7.000€ko dirusarrera egon dala.

- Gaztetxokoko argi indarraren gastua 2.000€ gitxiago izan dala.

- Udal bulegoko argi indarraren gastua 236,45€ gitxiago izan dala.

- SGAE gastu partida 2.500€ gitxiago izan dala. EHBilduk jakin gura dau

ordaindu beharreko guztia ordainduta dagoan. Gogorarazoten dau Gobernu Batzorde baten, alkateak esan ebala ez ordaindutea. Idazkariak erantzuten dau zati bat ordainduta dagoala.

Zemendiaren 25a dala eta, adierazpen instituzionalaren onarpena.

EAJk Eudelen testua aurkeztuten dau. EHBilduk dino ez dauala adierazpenik aurkeztu bat egiten daualako Mazalak aurkeztu dauanagaz. Erabagiten da biakaz testu adostu bat aurkeztutea.

Adostutako adierazpena aho batez onartuten da.

Euskal Herriko Emakumeen Mundu Martxaren adierazpenaren onarpena.

Aho batez onartuten da.

EHBilduk Udal Osoko Bilkurak webgunetik emitiduteko proposamenaren azterketea eta, halan bajagoko, onarpena.

EHBilduk adierazoten dau pleno eguna eta ordua ez dirala egokienak herritarrei bertaratuteko aukerea emoteko. Plenoak grabau egiten diranez, EHBilduk eskatuten dau garbazinoa udaleko web orrian ipintea. Holan edoizenek aukera eukiko leuke jakiteko plenoan zer eta zelan esan dan jakiteko. Alkateak erantzuten dau webgunea eguneratuten dabizela. Aktak ipiniko dirala, baina ez dauala ikusten grabazinoa publiketearen zergaitia. Adierazoten dau zuzeneko agerraldiak be egongo dirala. EHBilduk dino plenoak publikoak diranez edoizenak grabau ahal dauala, halan ebatzi dabela epaitegiak be.

Plenoko grabazinoak webgunean ez dira ipiniko, botazinoan EAJk kontrako 5 boto, EHBilduk 4 aldeko.

Erregu galderak

Alkateak azaltzen dau:

* Altzusteko Felix Astondoak, Madeiran dagoanak, zemendiaren 20an 100 urte betetan dauzala. Hori dala eta, omenaldi legez, udalaren izenean plaka bat agindutea. Aho batez onartuten da.

* Soloeta-Makazti bidea dala eta dino aurreko pleno batean, arazoari urtenbidea emoteko gogoagaz proposatu ebala bidearen albo bietara dagozan pinuen zuztarrak erabiltea erreferentzi legez. Alde batekoak topau dirala, baina beste aldeko jabeak idatzi bat aurkeztu dau esanez ez dauala baimenduten bideko bere aldean zuztarrak topetea. Jarraitzen dau alkateak esanez, bere egunean jaube horreri baimena emon jakola bidetik 1,5 metrotara zerradurea ipinteko. Baina bideagaz dauan arazoa dala eta, zerradurea mogidu behar badau, egin beharko dauala.

Inforlurreri eskatuko jako bidea hau dala eta txosten bat egitea, beste jaubeek aurkeztu eben errekurtsoari erantzuna emoteko. EHBilduk erantzuten dau alkateak aurreko plenoetan esaten ebala Inforlurrek egineko txostenak ez zirala egokiek gai honeri urtenbidea emoteko. EHBilduk ez dau ulertuten, txosten horreek egokiek ez baziran barriro Inforlurrek beste txosten bat egin beharra. Aurreko legegintzaldian Inforlurrek egineko txosten teknikoetan oinarritu zala aurreko udala deslindea egiteko.

EHBilduk ezinbestekotzat joten dau bideen inbentarioa egitea. Inbentarioak lagunduko leuke bideak dirala eta dagozan arazoetan; jaubego publikoa daukien bideak zeintzuk diran, zein erabilera publikokoak zeintzuk diran jakingo geunkela.

* Zulaibarreko frontoia erabilteko kontratua sinatuko dala, futbitokoak erabili dagien. Hurrengo plenora ekarriko dabela.

EHBilduren erregu-galderak:

1. Zuzenketa bat: aurreko plenoan EHBilduk liburutegietarako dirulaguntzan barri emon eban. Dirulaguntza horreek jasoteko baldintza zala sareko kide izatea.

Ezin izan dogu dirulaguntza deialdi horretan parte hartu, Zeanuriko liburutegia ez dagoalako sarean, nahiz eta idazkariak aurreko plenoan kontrakoa esan eban.

2. Auditoria. EHBilduk hainbat bider eskatu dauz Tribunal de Cuentas-ek egindako txosten probisionala eta horreri aurkeztutako alegazinoak. Gaur da eguna ondino ez jakuna emon. Idazkariak erantzuten dau dokumentu horreek konfidentzialak dirala.

Txosten definitiboan azpimarratuten dan akatsa da kontratazinoak (arkitektoa, garbikuzia, Zeanuri-Areatza espaloia) publikoak izan behar zirala eta ez gonbiteen bidez egindakoak, Boletinean agertu behar zirala. EHBilduk jakin gura dau ia akats horreek konponduteko modurik pentsau dan, arkitektoan kontratua abenduan amaituten dala baina ondino pliegurik ez dala aurkeztu, ez zein dan epea proposamena aurkeztuteko… eta denporea ganera datorrela. Ez bada barriro akats bera egiten.

Alkateak dino arkitektoa ezin dala edozein mailakoa izan eta konfiantzazkoa izin behar dala, bere arloan aditua.

EHBilduk eskatuten dau arkitektoaren kontratuari ekarpenak egiteko aukerea izatea.

3. Zinegotziak. Bakotxaren arloak zeintzuk diran argitutea, barriro be, eskatuen dau. Alkateak erantzuten dau zinegotziak arlo batzuen ardura eukiko dabela baina ez dirala bere delegazinoak:

Kultura-jaiak-kirola: Eider Ajuriaguerra.

Hezkuntza formala: Eneritz Iza.

Basoak, nekazaritza, abeltzaintza: Felipe Agirrezabala.

Jarduera ekonomikoak, turismoa eta gizarte arloa: Gurutze Etxebarria.

Hirigintza: Eusebio Larrazabal.

4. Frontoiko gestinoa. Alkateak erantzuten dau Ugek itxi gure dauala ardura hori. Gatx ikusten dauala pertsona bat topetea ordutegi hain zabala daukona. EHBilduk proposatuten dau aurrerantzean ardura hartzean dauena langabetua izatea.

5. Ikastaroak. Aurreko plenoan Kultura-Jaiak-Kirol zinegotziak esan eban udalak ez dauala ikastarorik antolatu, ikastaroetarako udalak lokalak itxi dauzala. EHBilduren galderari erantzun eutson irakasleen RCa ordaintzen dauala udalak. Oraingo galdera da zein partidatik ordaintzen dan eta zenbateko partida dan. Erantzuna da gutxi gorabehera RCa 124€ dala.

Hurrengo galdera da ia legala dan zinegotzi baten senidearteko batek ikastaroa emotea, beste inori aukera hori emon barik. Kultura zinegotziak erantzuten dau udalak ez dauala kontraturik sinatu eta, kasu honetan, RCaren ardura ikastaroa emoten dauanak daukola.

6. Presako bidea. EHBilduk galdetuten dau ze egoeratan dauan presako barrualdeko bidea paseo lekutzat erabilteko. Alkateak erantzuten dau horretan dabizela, nahiz eta astiro joan. Goiko kaminotik distantzia egon behar dala eta bidea egokituteko eskabazinorik ezin dala egin, eta honek zailasuna suposatuten dauala. Baina pentsetan dauala datorren urtea amaitu orduko eginda egongo dala.

7. Asterriko auzotarren izenean galdetuten da: Ainara Ipiñazarrek bere etxera sarrera egin ebala eta, Asterrire doan bidea egoera txarrean dagoala ia nok konpondu behar dauen. Alkateak erantzuten dau begituko dala, konponduko dala.

8. Aurrekontu parte-hartzaileak. EHBilduk jakinarazoten dau zemendiaren 17an hasiko dirala aurrekontu parte-hartzaileak auzo batzarrakaz eta EAJ-ko kideak gonbidatu egiten dauz.