OTSAILAREN 18KO OHIKO PLENOA

2016ko otsailaren 18an Ohiko Udalbatzara bertaratuak:

Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar eta Arkaitz Estiballes Ormaetxea.

Plenoagaz hasi orduko alkateak urgentziazko gai baten barri emoten dau, batzarreko 6. puntua izango dana. Gai hori, Ventas-Undurragarako bidea dala eta Iberdrolari eskaria egitearena da.

1.- Aurreko plenoen akten onarpena.

Abenduaren 18koa onartuten da.

Urtarrilaren 21ekoari akats ortografikoetatik aparte zuzenketa batzuk egiten jakoz.

2.- Soloeta-Makasti bidearen deslindearen errekurtsoaren azterketea eta onarpena, halan bajagoko.

Alkateak azalduten dau zelan Inforlurreri eskatu jakon txosten bat egitea ebatzi bat hartuteko eta errekursoari erantzuna emoteko. Adierazoten dau be, ez dagoala argi bide honen jaubetasuna publikoa dan eta ez dirala horretan sartuko baina argi dagoana erabilera publikokoa dala eta ontzat emoten dabela Inforlurrek egindako proposamena deslinde hau dala eta.

Honeri, EH Bilduk erantzuten deutso Inforlurreri eskatutako azken txostenak ez dauala argituten bide honen nondik norakoa, aurreko txostenetan 1956ko katastroan, 1985eko  “Memoria valorada: mejora pista de enlace de Errekagorri con Makastui en M.T. de Zeanuri”, eta 2009ko Zeanuriko udal “Ordenanza Reguladorea del uso, conservación y vigilancia de los caminos y pistas municipales”ean oinarritu dirala. Baina errekursoari erantzun batzuk emokeran bai oinarrituten dala udal ordenantzan; bidearen proposamena egiten dauanean ostera, “IBILBIDEAREN PROPOSAMENA:

                …

Ø  Para esta definición no se tiene en cuenta la “Ordenanza Reguladora del uso, conservación y vigilancia d elos caminos y pistas municipales” del año 2009 publicada por el Ayuntamiento de Zeanuri.

Ø  Únicamente se tiene en cuenta la proporcionalidad de distancias a las lineas definidas por los tocones tomados a ambos lados de la pista”

Gainera, EH Bilduk jarraituten dau esanez, txosten honetan ez dala erantzuten errekursoko “Ausencia de demostración de la titularidad municipal del camino” dinonari, zeinetan dinoan “El Ayuntamiento no tiene inscrito el camino en el Inventario de Bienes Municipales. Tampoco figura inscrito el camino en el Registro de la propiedad”.

EH Bilduk gaineratuten dau be, urtarrileko aktan zera agertuten dala:

Guzti hau kontuan izanda  eta Iturbe jaunaren interesak gehiegi ez kaltetzeko

Inforlurreri adierazi jakon, lehenengo planoko ejearen paraleloa mantenidute eta 20,22 eta 24 estakilen trazatua,  mahaigaineratzen dauela proposamen barri hau , “propuesta nº2” deitzen dela.

Egin den deslindea eta erabaki zen deslindea ez datozela bat:dirudienez hartu zen akordioa baino bide zati luzeagoa deslindatu da.

-Titularidadea ez dela udalarena, halan ez dauelako ez inbentarioan ez erregistroan:

 Udalak bakarrik baieztatzen dauela erabilera publikoa, ez dela jaubetasunean sartuko adierazten dau Alkateak.

EH Bilduk jakin gura leuke bide hau publikoa ez bada, zergaitik dan udala bidearen proposamen barri bat eskatuten dauana. Honegaz batera, EH Bilduk behin eta barriro eskatu dauan eskerea aitatuten dau, bideen inbentarioa; beharrezkoa izatetik aparte, kasu honetan lez arazo asko argituteko balioko dauala adierazoz.

Inforlurrek egindako bidearen deslindearen proposamena EAJ-ren bost aldeko botoakaz onartuten da. EH Bilduk emondako arrazoiakaitik botazinoan parterik ez hartutea ebazten dau.

3.- Beobideko bidearen jaubeek Udalari egindako proposamenaren onarpena.

EH Bilduk aurreko plenoan lez, bide horren jaube guztiak agertuten diran dokumentua eskatuten dau,  jaube guztien eskaerea izan ezkero baiezkoa emongo jakola. EAJ ados agertuten da oraingoan be eta hurrengorako idatzi hori lortuten ahaleginduko dala dino. Horrezaz gain, basoen aprobetxamentua egin eta gero hartuko dala bidea eta berau gaur egungo egoera berean egon beharko dala esaten dau alkateak.

4.- “Urban Innovative Actions” programan, Arratiako Udalaren Mankomunidadearen barne, parte hartuteko proposamenaren onarpena.

Danon adostasunagaz onartuten da.

5.- Dekretuen kontu emotea: 2015eko likidazinoa.

Idazkariak jakinarazoten dau, diruzaintzako gerakina 442.737,90 eurokoa dala.

6.- Ventas-Undurraga bidea .

Alkateak dino arazoa dagoala Ventasetik Undurragarako bidean. Batzutan erabilera egokia emoten ez jakonez, bidea estutu egin dala eta honek auzokoak kaltetu egin dituala. Udala Iberdrolagaz adostasun batera heltzean ahaleginduko da, bide hau lehengo moduan erabili ahal izateko.

Ados bi alderdiak.

7.- Erregu eta galderak.

EAJ-k hartuten dau berbea eta dino:

-Euskara Plana dala eta batzordea osatuko dabela EAJ-ko zinegotzi bik eta EH Bilduko beste bik.

-Kultur ekintzak. Opera ezagutzeko aukerea emon gura dabela eta horretarako udalak otsailaren 29rako urtekerea antolatu dauala. Gogoa daukiela be antzeko ekintzak bideratuteko, Arriagako programazinoa eta Bilboko Orkestra Sinfonikoa tartean.

EH Bilduk ondorengoak dinoz:

-Modifikazinoak eta likidazinoa: 2015eko aurrekontuari egindako modifikazinoak eta likidazinoa ia zergaitik ez datozen bat eta ia aztertu dan hori? Bigarrenez galdetuten dau. Erantzuten jako, oraindino ezetz, hile honetan.

-Arkitektoa: ia nortzuk inbitau diran parte hartutera. Erantzuten jako, hiru inbitau dirala, Arkigest, Hiritek eta Tandem. Horren aurrean EH Bilduk galdetuten dau ia zergaitik ez diran inbitau herriko arkitektoak eta alkateak erantzten dau eurak ‘estudio potente’ bat euki gura dabelako; halan da be, herriko arkitektoari bi obra (San Migel ermitako obrea Iñaki Perezeri eta eskolako obrea Katrineri) egiteko eskatuko jakela.

-Lan boltsa: brigadako behargin batek bajea edo oporrak hartuten dauzanean ia zelan ordezkatuten dan eta ia zelan egin dan oraingoan, lan boltsako zerrendatik edo zuzenean. Erantzuten jako zuzenean egin dala errezago dalako brigadako lanak egiten dakienari aukeratutea zerrendako barriak gauzak egiten ikastea baino; halan da be, hori egiteari itxi beharko deutsiela dino alkateak, karu urtetan dauala eta. Alkateak gaineratuten dau bigarren kontratu laboral bat ateratea aztertuten dabizala.

-Mediku konsultorio inguruak: egunero zikintasuna, alkohola, … Ez dala lehenengoz mahai gaineratuten dan gai bat. Aurreko legegintzaldian be behin baino gehiagotan agertu zala, eta emon dan irtenbidea barroteak ipintea izan dala, nahiz eta  ezer ez konpondu. Kontuan euki behar dala alboan ludotekea dagoala. Erantzuten jako aztertutako dabela.

-Argi barriak: ipini diranetik plazea erdi ilunean, Kamiñoko Iturriko bidean farola bat kendu dala eta ia barriro ipiniko dan. Erantzuten da baietz, argi nahikorik ez dagoala, bai plazan zein Arregian beste puntu bi gehiago ipiniko dirala eta Landagutxin eta Azkalden besteren bat. EH Bilduk gaineratuten dau bai San Isidro kalean zein Areatzarako bidean argi gehiegi dagoala. Horren aurrean alkateak begiratuko dabela erantzuten dau. EH Bilduk segiduten dau esanez ia plan energetikoa bete dan eta erantzuten jako Mankomunidadetik bideratu dala eta azken baten argiak aldatutea izan dala eta konsumoa eta potentzia erreguletea leku pare baten.

-Zeanuri-Areatza bidean bankurik ez egoala eta EH Bilduk ipinteko  eskaerea Gobernu Batzordetik pasau eta onartu zan. Ia horretarako aurrekonturik badagoan galdetuten dau. Erantzuten da ipìnten hasi dirala, bata herriko sarrerako errotondan eta bestea Ugerkan.

-Orain dala hile batzuk idatzi bat sartu zan kanterea ustiatuteko epea amaitu dala esanez. Ia kontu zelan dagoan, zer erantzun daben eta hemetik aurrera ze jarrera hartu behar daben galdetuten da. Erantzuten dau alkateak terrenoa propietarioen eskuetan dagoala eta momentu honetan inok ez dauala eskatu barriro kanterea martxan ipinterik. Gaineratuten dau, kanterarik ez bada gura proposatu ahal dala norma subsidiarioari aldaketa puntual bat egitea.