2017ko azaroaren 9ko Ohiko Osoko Bilera

Bertaratuak: Eusebio Larrazabal Olabarri,  Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar, Arkaitz Estiballes Ormaetxea eta Pedro Lejarza Ibarrondo.

Eider Ajuriagerra Arana gai ordeneko 3. puntuan bertaratuten da.

Idazkaria: Ana Mari Bengoetxea Lejarza.

Hasi aurretik Pedro Mari Lejarzak, EH Bilduko zinegotziak dino abenduan operazino bat egingo deutsiela eta bajan dagoan bitartean plenoetan ezin izango dauanez parterik hartu jagokon dietari uko egiten deutsola. Alkateak erantzuten deutso dietak ez dirala kobretan plenoetan parte hartzeagaitik, zinegotzi lanagaitik baino. Halan da be, Lejarzak dino ez dauzala kobrauko, herrirako izten dituala.

Alkateak proposatuten dau gai ordenari beste puntu bat gehitutea: “Plan sanitario de vigilancia y control frene a IBR, BVD, Neosporosis, Paratuberculosis, Tricomonosis y Campilobacteriosis en los Montes Comunales de la CAPV.”.

Danon adostasunagaz, 8aldeko botogaz, onartu egiten da.

1. Aurreko bileraren aktaren onarpena.

Irailaren 8koa à EH Bilduk zuzenketak egiten deutsoz.

Irailaren 14koa à Onartu egiten da.

Irailaren 28koa à Onartu egiten da.

Urriaren 11koa à EH Bilduk zuzenketak egiten deutsoz.

Urriaren 26ko à Onartu egiten da.

Azaroaren 2koa à EH Bilduk zuzenketak egiten deutsoz.

2. Zoli-Zoli dantza elkarteak aurkeztutako berraztertze errekurtsoaren azterketa eta onarpena, halan badagokio.

Alkateak azalduten da Zoli-Zoli alkarteak eskatuten dauala emon jakien dirulaguntza berraztertzea. Alkarteak dino talde guztiai bajatu jakiela baina eureri besteari baino prozentaje altuago batn. Dirulaguntza emotean Udalak ez deutsiezala kontuan hartu Dantzari eguna eta Makeako afaria.

Alkateak, errekurtsoari erantzunez, dino dirulaguntzak eguneroko ekintzetarako dirala. Duathloia dala eta ez jakiela diru gehiago emon eta datorren urtean Dantzari Eguna ordainduko dala ahal dan neurrian.

EH Bilduk erantzuten deutso dirulaguntzak emoko orduan erizpiderik ez dagoanez banaketea egiterakoan zalantzak sortu ahal dirala eta gaineratuten dau dirulaguntzen banaketea egiten danean oposizinoagaz ez dala kontetan. Alkatea ez dago ados.

Botazinoko emoitzea: 4 boto kontra (EAJ-PNVrenak), 4 boto alde (EH Bildurenak). Bigarrenez botetan da, emaitza bardina izanez: EAJ-PNVren aldeko 4 boto eta EH Bilduren kontrako 4 boto. Dirulaguntza banaketearen proposamena onartu egiten da alkatearen kalidadezko botoagaz.

3. 2017ko aurrekontuaren 6. modifikazioaren azterketa eta onarpena, halan badagokio.

Alkateak azalduten dau modifikazino hau Arratiako Musika Eskolako hirugarren lau-hilabeteko kuotari jagokona dala, 9.937,94€. Behar dan dirusarrera diruzaintza gerakin likidotik hartuko dala.

EH Bilduk dino 2017ko aurrekontua urte osorakoa izan zala, Arratia Musika Eskolako partaide izan zein Zeanuriko Musika Eskolakoa izan.  Eta barriro be erremanentetik hartzean danez, hutsik geldituko dala. Eta galdetuten dau ia Eusko Jaurlaritzatik etxoten zan dirulaguntza heldu dan. Idazkariak erantzuten dau urte amaieran izaten dala.

Bozketara joanda, aldeko bost boto emoten ditu EAJk eta kontrako 4 EH Bilduk.

4. Errotak “Hizkuntzaren garapena Arratiako Lan munduan” egindako proposamenaren azterketa eta onarpena, halan badagokio.

Alkateak azalduten dau, euskerea enpresa mailan bultzatuteko urte biko proiektua dala, urte bakotxean 40.000€ko aurrekontua daukola, horren %35a Diputazinoak eta beste %35a Eusko Jaurlaritzak ipinten dauala eta eskualdeko udalak falta dan %30a, herri bakotxak biztanleko euro bat ipini behar dauala hain zuzen be. EH Bilduk proposatuten dau Errotak funzionetan badau, zergaitik ez dan bertan eskatuten Zeanuritik Gorbeierako igoeren triptiko/diptikoa, herriko turismoa bultzatuteko  asmoagaz, Gorbeialdek ez daualako holangorik egiten nahiz eta baten baino gehiagotan berori eskatutea proposatu dauan EH Bilduk.

Danon adostasun onartuten da.

5. Azaraok 25 dala eta Eudelen adierazpenaren azterketa eta onarpena, halan badagokio.

Alkateak Eudelen adierazpena azalduten dau, eta aitatuten dau gai ordeneko 7. puntuan Mazalak aurkeztu dauan adierazpena be badagoala beste alde batetik. Jarraituten dau esanez EAJk Eudelekoaren alde egingo dauala, Eudelen alderdi politiko guztiak aldeko botoa emonekoa dala eta gainera Mankomunidadean be hau dala onartu dana.

EH Bilduk adierazoten dau testuaren mamia nahiko azalekoa dala, “indarkeri matxista” ez dala oinarritzat hartuten dan terminologia nahiz eta Mankomunidadean egin diran batzarretan Arratiko andra taldeak, Udalak eta Feminista Taldeak halan adostu. Gaineratuten dau EH Bilduk herrian andra taldea egonda eta beronek be adierazpen bat egin dauan heinean, herrikoaren alde egingo dauala; gainera, Mazala andra taldeak aurkeztu dauan testua Arratiko egoerara egokituta dauala argudiatuten dau.

Bozketara joanda, adierazpena onartu egiten da EAJren aldeko 5 botogaz. EH Bildu abstenidu egiten da, lau botogaz.

6. 2018ko tasa eta prezio publikoen eguneratzearen azterketa eta onarpena, halan badagokio.

Alkateak dino urriko IPC igoera aplikauko jakola eta hemetik aurrera be halan egingo dala, urritik urrirako IPCa, EAEkoa. EH Bilduk galdetuten dau bonifikazinorik egongo dan edo ez eta idazkariak erantzuten deutso bere egunean onartu zala EH Bilduk egindako proposamena: famili bateko kide guztiak langabezian egon ezkero eta familia ugariak izan ezkero bonifikazinoa aplikauko jakiela.

Danon adostasunagaz onartu egiten da.

7. Azaraok 25 dala eta Mazala andra elkartearen adierazpenaren azterketa eta onarpena, halan badagokio.

Gaia 5. puntuan eztabaidatu danez, zuzenean bozketara joten da.

EH Bilduk aldeko 4 boto emoten ditu, EAJk kontrako 4 eta abstenzino bat. Alkatearen kalidadezko botoagaz herriko Mazala andra taldearen adierazpena ez da onartuten.

8. “Plan sanitario de vigilancia y control frene a IBR, BVD, Neosporosis, Paratuberculosis, Tricomonosis y Campilobacteriosis en los Montes Comunales de la CAPV.”

Alkateak azalduten dau plan honen arrazoia egon diran azkenengo gaixoak dirala. EH Bilduk bere kexea adierazoten dau txostena erderaz bakarrik egoteagaitik eta galdetuten dau noren plana dan txostenean ez dagoalako ezelango firma ez logorik. Erantzuten jako Diputazinoaren bitartez etorri dala. EH Bilduk jakin gura dau herriko ganaderuak plan honen barri deukien eta beragaz ados dagozan. Baietz erantzuten jako, eta gehituten da komisino bat izendatu behar dala eta Zeanuriko Udaleko kide bat bertan egongo dala, albaitaria Diputazinoak izendatuko dauala, eta diru aportazinorik ez dala egin beharko.

Danon adostasunagaz onartu egiten da.

9. Erregu eta galderak.

Alkatearen erregu eta galderak:

• Udalbatzetako idazkariaren lekuak arazorik sortu ez dagian, hiru proposamen egiten dauz. EH Bilduk erantzuten deutso aurreko plenoan ez ebela esan idazkariaren lekuari buruz ezer, EAJko zinegotziek eta idazkariak eukiten daben jarrereari buruz baino.
• Alkatetza dekretuz egindako 5. moditifazinoaren barri emoten dau. Idazkariak               azalduten dau 34.500€tan handitu dala udal bulegoen partida, obraren gastua txarto kalkulau zalako eta proiektuaren redakzinoaren kostuagaitik. Azalduten dau bebai, goiko terrazatik ura filtretan dala eta konstruktoreari erreklamauko             jakola, prozesua luzatu egin leikela. EH Bilduk galdetuten dau lonja horreek erosi orduko ia udal arkitektoak ez eban aztertu eukien egoerea, berak egineko txostenean lonjen gora beherak agertu beharko zirela.
• Igertualdeko aparkalekua eta azerearen lizitazinoa, eta Lanbreako bidearen lizitazinoa aterako dabezala dino.

               

EH Bilduren erregu eta galderak:

• Terrazak. EH Bilduk galdetuten dau ia taberna guztiak daukien eskatuta  terrazea ipinteko eta ia ordenantzea errespetetan dan. Idazkariak erantzuten dau tasak urtearen amaieran ordainduten dirala eta alkateak dino ordenantza seguramente beti ez dala beteko baina pasoa beti egoten dala.
• Bide batzuen deslindearen egoerari buruz galdetuten dau EH Bilduk. Erantzuten jako Soloeta-Makaztiko bidea dala eta eguna ipintea bakarrik falta dala; eta Arrabaldekoa dala eta, Inforlurrek eta auzotar afektauak egindako proposamenak ez dagozala urrin.
• EH Bilduk proposatuten dau San Justoko bidean mune gainean dagoan panel informatiboa lekuz aldatutea, egokia ez dalako. Onartu egiten da.
• Autobus paradea dala eta EH Bildu dino txarto ulertzea egon dala, ze bisibilidade aldetik ez dala ezer aldatu, paradea bera lekuz mogidu be ez dala egin. Barriro be azalduten dau.
• EH Bilduk lurpeko kontenedorak dirala eta, insidenziarik egon dan jakin gura dau. Alkateak erantzuten deutso tapakaz baietz. EH Bilduk dino herri batzutan holako kontenedorak erretiretan dabizela.

Gehiago ez luzatutearren EH Bilduk falta diran euren erregu galderak, gimnasia ikastaroari  eta hirigintzari buruzkoak diranak, idatziz pasauko dituala adierazoten dau.

Amaituteko EH Bilduk aurrekontu parte hartzaileetarako auzo batzarretarako gonbitea egiten deutso EAJri.