Abenduaren 14ko ohiko osoko bilera

Bertaratuak: Eusebio Larrazabal Olabarri, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola eta Irati Urien Ortuzar.

Arkaitz Estiballes Ormaetxea gai ordeneko 3. puntuen bertaratuten da.

Idazkaria: Ana Mari Bengoetxea Lejarza.

1. Aurreko bileraren aktaren onarpena.

Urriaren 11koa à EH Bilduk zuzenketa egiten deutsoz.

Urriaren 26koa à Onartu egiten da.

Azaroaren 2koa à EH Bilduk zuzenketak egiten deutsoz.

Azaroaren 9koa à EH Bilduk zuzenketak egiten deutsoz.

2. Lanbreabeko bidean konponketak egiteko Baldintza Tekniko eta Administratiboen onarpena.

Alkatea hasten da esanez kantidadea dala eta plenotik pasau behar dala, dana dala euskeratutea falta dala. EH Bilduk hurrengo galderak egiten ditu:

• ·   Alkatearen eskumena ze kantidaderaino dan. Idazkariak erantzuten dau aurrekontuaren sarrera ordinarioatan 1-5 kapituloraino horren %10a gaindituten ez bada alkatearen eskumena dala, kasu honetan gitxigaitik dala.
• ·    Plegu batzuk zergaitik ez diran plenotik pasetan. Idazkariak erantzuten dau obraren inportea sarrera ordinarioen 1-5 kapituloraino %10a gaindituten ez bada, ez dala zertan plenotik pasau behar.
• ·    Certificado de obra nork egingo dauan. Idazkariak erantzuten dau udal arkitektoak egingo dauala.
• ·         Publizidadeagaz edo publizidade barik izango dan. Idazkariak erantzuten dau publizidade barik izango dala baina web orrian be ipiniko dala.

EH Bilduk proposatuten dau nahiz eta obraren kantidadeagaitik publizidade barik izatea posible izan, publizidadeagaz izatea. Onartu egiten da.

Aldeko 7 botogaz (EAJk 5, EH Bildu 2), plieguak onartu egiten dira.

3. Hirugarren Munduko dirulaguntzaren banaketaren proposamena.

Alkateak dino gitxi gora behera 3.200€ko partidea geldituten dala eta proposatuten dabela Caritas eta Harribideri emotea. EH Bilduk galdetuten dau bere sasoian onartu zan sarreren %0,7a Hirugarren Munduko dirulaguntzetarako bideratutea zegaitik ez dan gauzatuten; eta galdetuten dau bebai ze erizpidegaz aukeratu diran talde bi horreek, eta ia adibidez Ongi Etorri Errefuxiatuak taldea zegaitik ez dan kontuan hartuten herritar askok bertan parte hartuten daubela jakinda. Alkateak erantzuten dau beste batzuri be emon ahal jakiela baina Ongi Etorri Errefuxiatuak taldeari dagoan formatoan ezetz, Gobernuak babestuten dauzan proiektuak izan behar dirala. EH Bilduk orduan proposatuten dau dirulaguntza partida honen zati bat, behintzat, Ongi Etorri Errefuxiatuak taldeari emotea. Alkateak ezetza emoten deutso eta dino Gobernuari galdetuko jakola ze proiektu babestuten dituan eta horren arabera ebatziko dala zeineri emon, proiektu hori urte batzutan babestuko dala.

Gaia mahai gainean geldituten da. Idazkariak dino “pendiente de pago” moduan gelditu ahal dala.

4. Ermitei emoten jaken dirulaguntzaren banaketaren proposamena.

Alkateak dino partidea 10.000€koa dala eta Santa Agedako obraren aurrekontua 34.000€koa izan dala; Piedadekoari gitxi gora behera 800€ emon jakozela baina kasu honetan obrea paraute dagoala jaubetasuna argitu arte. EH Bilduk dino ermitak konpondutearen alde dagoala baina erizpideak markau behar dirala beste edozein dirulaguntzaren kasuen moduen, gaineratuten dau jakin beharko litakela zeintzuk diran herrikoak eta zeintzuk obispeduarenak. EH Bilduk dino ordenantza bat egon beharko litakela herriko patrimonio diran eraikuntza eta ermitai buruzkoa, eta proposatuten dau obispedukoak diranak herriak konponduten badauz herriko patrimonio izatera pasetea eta bestela obispeduek berak konpondutea. Alkateak dino bere egunean errotetarako diru laguntzak emon zirala baina erizpideak ipintea gatxa dala. EH Bilduk proposatuten dau 2018ko aurrekontuan herriko patrimoniorako partida bat sortutea.

Botazinora joanda, EAJk aldeko bost boto emoten ditu eta EH Bilduk patrimonioa jagotearen alde  dagoala dino baina kontrako 3 boto emoten deutsoz diru laguntzak erizpide barik emoten direla esanez.

5. Erregu eta galderak.

Alkatearen erregu eta galderak:

• ·         Alkateak Albakoan jausi dan etxeari buruzko kronikea egiten dau. Amaituten dau esanez orain behinena hormea egitea dala, goiko kaminoa jausi baino lehenago, 15 egunean egin beharrekoa dala edo asko jota hile bete.
• ·      Frontoiko tabernea erregen ostean zarratuko dala dino. Printzipioz konkursora aterako dala dino, beste idea brillanterik ez badau. EH Bilduk eskatuten dau behintzat euskerea jakitea kontuten eukitea. 
• ·         2018ko aurrekontua laster aurkeztuko dabela dino alkateak.

EH Bilduk:

·         Herriko medikua dala eta hainbat herritar kexaz dabizela dino EH Bilduk, batzuk medikuz aldatuteraino eta honen aurrean ia zeozer egin dan edo egindo dan galdetuten dau. Alkateak erantzuten dau idatziz ez dagoala ezer baina konbersazino batzuk euki dirala. Jarraituten dau alkateak esanez kexak transmitidu behar diran lekure transmitiduko dabezala.

·         Gaztetxokoa dala eta, EH Bilduk dino jakin dauala arazoak dagozala batez be errespetu faltaren aldetik eta jakin gura dau zein dan egoerea. Erantzuten jako bideratuta dagoala, neurri batzuk hartu dirala eta beste alde batetik horma bat pintetako proiektua be adostu dabela gazteakaz.

·         Igertualde eta Altzusten egin ziran batzarrak dirala eta EH Bilduk dino batzar horreen barririk ez inbitazinorik ez ebala euki eta urteeretako karpetan ia zergaitik ez diran agertu be galdetuten dau. Alkateak erantzuten dau buzoietara zabaldu zirala deialdiak. Jarraituten dau alkateak azalduz Igertualdeko batzarra han egingo dan espaloia eta parkinari buruzko informazinoa emoteko izan zala; eta altzustekoa Ezkiñeko Etxe parean ipini diran markak orain arteko altzustarren sartu-urtekerak aldatuazo dabezala eta izan zala, kasu honetan Diputazinoagaz harremanetan dagozala azalduten dau alkateak.

·         Soloetako bideko hormak dirala eta EH Bilduk dino ia ordenantza betetan daben. Alkateak erantzuten dau bai partikular batek egindako zein Udalak egindakoa munek akabetan diran lekuan egindakoak dirala nahiz eta ordenantzan agertuten diran neurriak bete ez kasu bietan. Piboteak ipintea hartu beharreko neurria izin dala be badino alkateak, jarri ziran markak errespetetan ez zirelako.

·         Plazearen berrantolaketaren plana zein dan galdetuten dau EH Bilduk. Erantzuten jako umean jokoak aldatuten direla, frontoiari txapela ipintea kontenpletan dala eta arkupeak protejidutea begetazinoakaz zein barra politekaz, baloiak dirala eta. Bestalde, jarraituten alkateak esanez plazea jardinerakaz inguratuko dala kotxeak pasau ez daitezan; Batzokiko karkaban Sagarnaneko etxeko garajea kenduta pasoa bertakoentzako bakarrik izango dala eta Landetan be antzeko zeozer. EH Bilduk proposatuten dau prozesu parte hartzaile baten bitartez herritarrak ebaztea plazea zelan berrantolatu. Alkateak erantzuten dau eurek ideiak eroango dituezala, jenteak esaten dauana entzungo dabela baina erreferendumik ez dabela egingo. EH Bilduk dinotso prozesu parte hartzailea proposatu dauala, ez erreferendumik, gauza desbardinak dirala.

·         Eleixondorako bidea dala eta, EH Bilduk galdetuten dau obrea zergaitik egon dan parauta. Alkateak erantzuten dau filtrantea baldintza teknikoetara ia egokituten dan ikusteko izan dala. Alkateak amaituten dau esanez kanposantu pareko bide zatia eta Ortuzarrerakoa konponduko dirala.