Ohiko plenoa 2018-04-10

Bertaratuak: Eusebio Larrazabal Olabarri, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar eta Arkaitz Estiballes Ormaetxea.

Idazkaria: Ana Mari Bengoetxea Lejarza.

1.- Aurreko bileraren aktaren onarpena.

Otsailaren 23koa (ez ohiko larrizkoa) onartu egiten da. EH Bilduk zuzenketak egiten deutsoz abenduaren 14ko aktari, otsailaren 23ko ez ohikoari eta urtarrilaren 19koari. Azkenengo honeri, alkateak be zuzenketak egiten deutsoz.

2.- Lanbreako bidearen konponketarako lanen esleipena.

Idazkaria hasten da esanez hainbat proposamen aurkeztu zirala, Provisak egin ebala eskaintzarik onena baina ‘baja temeraria’n egon zala eta arkitektoak aldeko txostena egin dauanez, azkenean Provisari esleitu jakola. EH Bilduk galdetuten dau ia ze erizpide jarraituten dan ze bide konpondu erabagiteko. Alkateak erantzuten deutso momentu honetan beharrizan eta erabilera gehien daukana dala konponduko dana. EH Bilduk dinotso bideen plan orokorra falta dala. Alkateak dino herriko bideen memoria eginda dagoala. Aipatuten dau alkateak bebai beste batzuen artean kanposantuko horma zati bat jausi dala euriakaitik, eta konponketa 10.000-12.000€ ingurukoa izango dala.

Danon adostasunagaz onartu egiten da, aldeko 9 botogaz.

3.- Ezkontza tasa ezartzeko ordenantzaren azterketa.

Alkateak azalduten dau laburbilduz herrikoak ez dabela ordainduko, kanpokoak 50€ ordaindu beharko dabezala Udaleko eraikuntzan eta kanpoan bada 50€ gehiago kobrauko dirala. Esaten dau bebai, ordenantza moduan tramitauko dala.

4.- Ikasle garraiodunei dirulaguntza emoteko akordioaren azterketa.

Alkateak azalduten dau euren proposamena hurrengoa dala: transporte eskolarra ez dagoenetik aurrera, 16 urtetik gorakoentzako izango dala; plazara  joan etorriko distantzia hartu eta horren gasolina kostua 0,10€/km izango litikela suposatuten dala eta dirulaguntza kostu horren kostu horren %80a izango litikela, hau da, 0,08€/km. Gaineratuten dau alkateak ordenantza moduan tramitauko dala. Dirulaguntza justifiketako matrikula eskatuko dala be azalduten dau alkateak.

5.- Uribeko San Migel ermita kokatuta dagoen terrenoaren erosketa.

Alkateak hartzen dau berbea eta dino gaia mahaiganean itxiko dala, gauzak batzuk falta dirala eta.

6.- Hirugarren Munduko dirulaguntzen banaketaren onarpena.

Alkateak hurrengo proposamena egiten dabela dino: Jambo Congo elkarteari 3.500€, Alto Trujillori 3.000€ eta Harribide elkarteari 1.500€. EH Bilduk proposatuten dau Ongi Etorri Errefuxiatuari emotea herrian bertan taldea dagoanean eta Zaporeak be proposatuten dau. Alkateak EAJkoak etenaldia eskatuten dabela dino eta urten egiten dira gelatik. Bueltan esaten dau Zaporeak 1.000€tan lagunduko dala, Harribideri 1.500€gaz, Alto Trujillori 2.000€gaz eta Jambo Congori 3.500€gaz.

Danon adostasunagaz onartuten da.

7.- 2018ko aurrekontuaren 2. Aldaketaren onarpena.

Idazkariak azalduten dau:

EH Bilduk dino aurrekontuak onartu barri deukiezala eta aurreikuspenak labur gelditu dirala, eta udal baten modifikazinoak egitea normala bada be aurreikuspen logiko barik egin dirala. Gaineratuten dau EH Bilduk modifikazinoa egitearen alkatearen justifikazinoa falta dala. Idazkariak dino egingo dala. EH Bilduk mahaigaineratuten dau alkatetza dekretuz egindako lehenengo modifikazinoan zenbakiak ez datozela bat eta 2018ko aurrekontuaren zuzendu beharreko txostena eskatuten dau, oindino ez jakola emon eta.

Botazinora joanda, EAJk aldeko bost boto emoten ditu, EH Bilduk kontrako lau.

8.- Landeta eta Batzokiko kaleetan aparkamenduen ordenazioaren proposamenaren azterketa.

Alkateak proposamen bi egiten ditu. Batetik, probalekuko sarreran hasita edo amaieran pasoa auzotarrentzako bakarrik iztea. Honegaz batera, Plazea 8koari aukerea emotea Batzokiko kaletik urtetako. Bestetik, Batzokiko eta Txoko Sagarnan arteko kalea be bertakoentzako iztea. EH Bilduk dinotso ez dauala zentzuzko topetan Plazea 8koentzako urteerea Sagarnanerantza bideratutea dagoan ranpea oinezkoentzako dalako eta gainera etxe horretakoak garajea beste alderantza deukiela eta sarrera zubitik egin behar dabela EAJren proposamenaren arabera. Azalpenak eta adierazpenak luzatu egiten dira.

Alkateak dino auzotarrakaz egongo dirala. EH Bilduk proposatuten dau batzar zabala egitea.

9.- Erregu eta galderak.

Alkateak hurrengoak egiten ditu:

-          Plazearen berrantolaketea dala eta, iradokizunak zabaldu eta ikusi behar dirala dino.

-          Zuhaitz Eguna apirilaren 28an izango dala, goizean joan eta arrastian bueltau, lehenago egiten zan moduan.

-          Kultur etxeko igogailuak non ipini erabagiteko arazoak dagozala. Egon diran aukerak azalduten dauz eta kalte gitxien Jubilauen lokaleko barrukaldetik eginda izango litikela azalduten dau.

-          Aparkalekuak antolatuteko lantaldea egiteko asmoa plazaratuten dau. Hamar bat pertsonako taldea izango litikela dino, udaletik lau (bina ordezkari) eta kanpokoak sei. EH Bilduk dino poztuten dala alkarlanean egiteko proposamena luzatutea baina kuriosidadez galdetuten dau zein dan holan egitearen arrazoia, inoz egin ez danean. Ez jako erantzuten. Jarraituten dau EH Bilduk galdetuz ia lantalde hori soberanoa izango dan ala ez. Amaituten dau EH Bilduk esanez ohitura kontua dala aparkaleku falta baino, eta ohiturak aldatuteko kanpaina bat bideratutea aipatuten dau.

EH Bilduk hartzen erregu galderen txandea:

-          Aparkalekuari lotuta, Igertualdeko parkina mahaigaineratuten dau. EH Bilduk akordarazoten dau proiektua onartzeko baldintza bat ipini ebala plenoan (azerearen alde bai baina parkina egiteko dirulaguntza ehuneko ehunean diputazinoak emon ezkero; hau da, Zeanuriko Udalak ezelango kosturik ez eukitea) eta baldintza hori danon adostasunagaz onartu bazan be, ez dala bete Igertualdeko parkin barria egiteko terrenoa erosi behar izan dalako. Alkateak erantzuten dau balitekela obraren prezioan terrenoa ordaintzea be sartzea.

-          Albakoako etxea dala eta, alkateak pleno baten esan ebala konpondu beharrekoa dala 15 egun edo hilabete bateko epean eta hilabete bat atzine pasau dala. Alkateak erantzuten dau geldi dagoala, beste aldeak ez dauala erantzuten, orduan udalak egin beharko dauala, garbitutea alkatetza dekretuz egin leikela baina hormearena ez.

-          Web orria dala eta gaurkotasun faltea aipatuten dau EH Bilduk, 2017ko aktarik ez dagoala dino, 2017ko aurrekontua bez, 2018ko aurrekontua bez zein dirulaguntza eta ordenantza guztiak bez eta web orria jenteak udaleko gora beherak jakiteko modu bakarrenetakoa dala dino. Alkateak erantzuten dau holan ezin danez izan patxadaz ipini beharko dirala. EH Bilduk amaituten dau esanez web orria kanpora begireko udalaren espilue izan beharko litikela.

-          Galdetuten dau EH Bilduk herritar batek eskaerea egiten dauanean zein dan erantzuteko epea. Idazkariak argituten dau normalean hiru hilabete izaten dirala.

-          EH Bilduk proposatuten dau Areatzako pistinetarako sarrerea diruz lagunduten dan moduan Igorreko kiroldegirako be emotea.

-          Galdetuten dau EH Bilduk ia frontoiko tabernearen barririk badagoan. Ezetz erantzuten jako, barriro atera beharko dirala plieguak.