2018ko ekainaren 26ko ohiko plenoa

Bertaratuak: Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar, Arkaitz Estiballes Ormaetxea eta Pedro Lejarza Ibarrondo.

Idazkaria: Amaia Intxaurza Bernaola.

1. Aurreko bileraren akataren onarpena

Otsailaren 23koa, martxoaren 27koa, apirilaren 10ekoa eta maiatzaren 17a onartu egiten dira.

               

2. 2018ko Aurrekontuaren 4. kreditu aldaketaren onarpena, halan badagokio.

EH Bilduk dino aldaketaren lehenengo zatiari jagokonean zenbaki ez errealetan oinarrituten direla, kontuan hartzean dalako Leaderretik etorriko ez dan 70.000€ko dirulaguntzea. Halan izanda be, alkateak dino aldaketeagaz aurrera egingo dala.

Botazinora joanda, 4. kreditu aldaketa onartu egiten da EAJren aldeko 5 botogaz. EH Bilduk kontrako 4 boto emoten deutsoz.

3. 2018ko Aurrekontuaren 5. kreditu aldaketaren onarpena, halan badagokio.

48005 2310 Familie dirulaguntzak partida agortuta dagoela dino alkateak, Arratiako Egoitzan dagoen herritar baten hileroko faktura ordaindu behar dalako, 185/2015 Dekretuak, (Kartera dekretua) dinoan moduan.

Alkateak aurkeztuten dauan kreditu aldaketea hurrengoa da:

EH Bilduk dino dirulaguntzen partidak gehituten direnean (kasu honetan partida ia bizkoiztu egiten da, partida 15.000€koa izanda 10.000 geituten jakoz eta) gastua egiteko beharrizan edo premia justifikau behar dauela alkateak; eta, hau ez dala egin dino EH Bilduk. Beste alde batetik, dirulaguntzak emoteko ordenantza bat egon behar dala be badino EH Bilduk. Arratiako Mankomunidadeak Gizarte Zerbitzuak jestionetan badauz, kasu honetako gastuekaz be bera arduratu beharko litekela edo, bestela, Diputazinoa, dino EH Bilduk. Alkateak erantzuten dau momentuz udalak hartu behar dauala honen esku eta Mankomunidadeagaz barriro be egingo dala berba honen ganean.

EH Bilduk proposatuten dau aste biko epean ordenantza bat egitea, holan bada, baiezkoa emongo deutsola 5. kreditu aldaketari. Alkateak esaten dau ezetz, ordenantza hori egitekotan Mankomunidade mailan egingo berhako litekela, Arratiako herri danetarako.

EH Bilduk argituten dau laguntza hau emotearen aldekoak dirala, baina beti be dirulaguntza hori araututa dagoanean edo arautzeko konpromisoa hartzean danean.

Botazinora joanda, 5. kreditu aldaketa onartu egiten da EAJren aldeko 5 botogaz. EH Bilduk kontrako lau boto emoten ditu.

4. Plazearen estaltze proiektuaren onarpena eta lizitaziora ateratzeko baldintza pleguen onarpena.

Alkateak estaltze proiektua aurkeztuten dau, Arkigest enpresak eginekoa. EH Bilduk galdetuten dau ia legezkoa dan udal arkitektoak proiektu hau egitearren aparte kobretea, gainera, beste inori aukerarik emon barik. Jarraituten dau EH Bilduk galdetuz ia zergaitik ez dan sartuten bere (arkitektoa) betebeharren barruan proiektu hau be bai. Alkateak erantzuten deutso Arkigestegaz sinatutako kontratuan ez dala sartzean proiektuak egitea.

EH Bilduk jarraituten dau galdetuz ia alboko baserrikoari proiektua hau egitea pentsauta dagoela esan jakien, eta ia bete beharreko distantziak gordeko diren. Alkateak dino tramiteak hasten direnean jarriko direla harremanetan baserri horretakoakaz. EH Bilduk gogoratuazoten dau udal arkitektoari txostena eskatuta deukotzola, distantzien barri emoteko, eta ondino ez dauala hartu.

Gaia mahai ganean gelditu daitela eskatuten dau EH Bilduk, proiektua bera ikusi barik deukolako, udal arkitektoak goiz horretan ekarri dauelako.

Uztailaren 3an ez ohiko plenoa egingo da gai honen inguruan.

5. Herriko taldeen arteko dirulaguntza banaketaren proposamenaren onarpena, horrela badagokio.

Idazkariak dino talde bakotxari proposamen honen barri emongo jakola eta Ordenantzaren arabera alegazinoak aurkeztuteko epe bat zabaldu behar dala behin betiko onarpena emon ahal izateko.

Hori dala eta, gaia mahai gainean geldituten da.

EH Bilduk dino indarrean dagoen ordenantzea aldatuten ez dan artean ezezkoa emongo dauela, irizpideak falta direlako. Hori bai, herriko taldeari dirulaguntzak emotearen aldekoak direla gogoratuazoten dau EH Bilduk.

6. Auzuneetako jaietako dirulaguntzak banatzeko kriterioak ezartzea.

Alkateak EAJren proposamena azalduten dau: 1.000€arteko gastua %100ean diruz lagundutea. Hortik aurrera %20a, 1.600€arte. Aparteko zeozer egon ezkero ikusiko litekela.

EH Bilduk proposatuten dau jaien ostean fakturen agiriak aurkeztutea eta danari horren %75a diruz lagundutea, beti be 2.000€ra arte. Eskatuten dau atzenengo urteetan gastau dana eta emon danaren barri eukitea, proposamen errealago bat eiteko. Gaineratuten dau laguntzak emoteko ordenantza bat egon beharko litekela.

Gaie mahagainean gelditan da.

7. Albakoan jauzitako etxearen egoeraren aurrean hartu beharreko neurrien azterketa.

Alkateak azalduten dau arriskurik egon ez daiten horma bat egingo dala. EH Bilduk galdetuten dau bidea, segurtasun aldetik, ia ondo dagoen, ia bere egoerea begiztetan dan. Alkateak erantzuten dau jausteko moduen ez dagoela, baina ondo ez dagoela. EH Bilduk zalatuten dau garbiketa lanak egin zirenean, umean eskolarako pasoa izanik segurtasuna ez zala bermatu,. Alkateak dino balitekela momentu batzutan neurri zehatzagoak hartu ahal izana baina orokorrean segurtasuna bermatuta egon dala.

8. Plazako berrantolaketa: Landetako aparkalekua.

Alkateak dino aparkaleku arazoak direla eta probalekuen pibote bi ipiniko direla, eta bertan auzotarrak bakarrik aparkau ahal izango dauriela. Etxe bakotxean kotxe 2 baimenduko direla. Tarjetaren bat edo emongo dala jakin ahal izateko aparkaute dauzen kotxeak horretarako baimena deukiela. Probalekuko sarrerako (zubitik) pibotea 13:00k arte zabalik egongo dala bankura datozenentzako. Espazio publikoari erabilera pribatua emongo jakonez aztertu beharra dagoela zelan arautu.

EH Bilduk adierazoten dau udalak deitutako batzarrean Landetako auzotarrak esanekoa ez dala kontutan hartu: piboteak ekarri ahal dauzen arazoak, heziketa dala inportanteagoa…; baina, ostera, frontoia estaltzeko batzarrean batzuk esanekoa bai hartu dala kontuan. Alkateak dino batzar gehiago egingo direla.

Proposamena danon adostasunagaz onartuten da.

9. Plazako berrantolaketa: Plazea 4-6 kalea.

Alkateak dino pibotea ipiniko dala, eta aparketako plaza batzuk aterako direla. Pasoa egongo dala hauentzako eta garajea deukienentzako bakarrik. Landetakoari moduan honeri be tarjetea emongo jakiela.

Proposamena onartuten da aldeko 8 botogaz. EH Bilduko zinegotzi bat abstenidu egiten da kasu honetan badoak jarri ahal direlako eta peatonalizazinoaren alde dauelako.

10. Uribeko San Migel ermitaren inguruko lurren erosketa.

Alkateak azalduten dau terrenoa batena dala eta ermitea beste batena (katastroan parrokiaren edo eleizearen izenean agertuten da), eta terrenoaren jabeak dinola jaietan zeozer pasauen be ez leukela gureko bere erantzukizuna izaterik. Udalak terrenoaren tasasinoa eskatu dauela kontetan dau alkateak, eta 3.200€ko prezioa eukiko leukela baina jabeak 5.000€ eskatuten dauz eta hori ordainduta arazoa konpondu ezkero prest dauzela hori ordainduteko dino alkateak. Jarraituten dau esanez holan ein ezkero arazo bat sortuten dala, ezingo litekezala 5.000€ak justifikau tasasinoa 3.200€an badeuko.

EH Bilduk dino ez dauela ulertuten zegeitik sartu behar dan udala berea ez dan arazo baten, partikularren artekoa (kasu honetan eleizea eta terrenoaren jabea) bada ez dauala udalak konpondu behar. EH Bilduk proposatuten dau erostekotan biak erostea eta holan herriko patrimonioa handituko litekela, ez dalako kasu bakarra. Sarritan esan dauan moduan ermiten mantenimentuaren ardurea udalak hartu ezkero ermitek eurek herriaren patrimonio izan beharko litekezala eta hori erreklametearen aldekoak direla.

Alkateak egineko adierazpen bat desegokitzat hartuta EH Bilduko zinegotzi batek plenoa izten dau.

Alkateak dino antzeko arazoa dagoala Altzuako txokoagaz be bai.

Gaia mahaigainean geldituten da.

11. N-240 errepidearen egoeraren inguruan, EH Bilduren eskaria.

EH Bilduk, eskari horretatik aparte Barazarreko kamioi kopurua eta honek dakarren arazoa dala eta, autopistatik pasakerea libre izatea eskatutea dino. Alkatea ez dago proposamen horregaz konforme, herrian bertan asko horretatik bizi direla dino. EH Bilduk erantzuten deutso horregaitik, kamioilariek be eskatuten daben kontua dalako esan dauela esanekoa.

Danon adostasunagaz EH Bilduren eskarian agertukoa onartu egiten da, 8 boto guztira.

12. Erregu eta galderak.

Alkateak:

- Frontoiko tabernako pleguak aterako direla barriro, eta 6.000€ko fiantzea eskatu beharrean, 600€koa eskatuko dala. Beste alde batetik, horma bategaz tabernea txikituteari bueltak emoten dabizela dino alkateak; eta, euskereari 40 puntu barik gitxiago emotea planteetan dau alkateak, adjudikazinoa erreztuteko. Honegaz batera alkateak aipatuten dau jubilauek erabilten dauren lokala be barriro atera beharko dala konkursora, maiatzean konbenioa amaitu zalako; eta, jubilauak frontoira pasetea eta jubilauetan txokoa eitea be pentsetan dabizela.

- Gurutze Gorriagaz ekainaren 30ean amaitu zan kontratua baina luzatu egingo dala uztailaren 26ra arte. EH Bilduk galdetuten dau ekainean zergaitik ez dan egon Gurutze Gorriak 3. Adinekoentzako emoten izan dauen zerbitzua. Alkateak dino ez dauala horren barririk euki. Arloko zinegotziak dino etorten zana oporretan dagoelako. EH Bilduk adierazoten dau kontrataute egon dana oporretan egon ezkero ordezkatu egin behar dala pertsona hori, ezin dala zerbitzua emon barik itxi.

- Uztailaren 29an pelota partiduak egongo direla, arrastiko 17:00etan eta sarrerea 20€ izango dala.

EH Bilduk:

- Herriko kale printzipaletik bizikleteruek suzien pasetan direla, horrek arriskua sortuten dauala eta erantzun bat emon behar jakola Plazatik kultur etxerako bidea pasetako arrisku kasuak egon direla eta, zebrabidea era argi baten pintetea proposatuten dau, herritar danen artean, adibidez pintura taldekoak umeakaz batera edo. Erantzuten jako aztertuko dala.

- E-liburutegiko kide izatea proposatuten dau, besteak beste irakurteko zaletasune bultzatu daiten.

- Desfibriladorak direla eta, aurrekontuetan onartu zirela baina ipini barik dauzela. Erantzuten jako irailerako egongo direla.