2019ko maiatzaren 24ko ohiko plenoa

Bertaratuak: Eusebio Larrazabal Olabarri, Eider Ajuriagerra Arana, Eneritz Iza Uriarte, Felipe Agirrezabala Agirrezabala, Gurutze Etxebarria Zuluaga, Zedarri Jauregi Manterola, Arkaitz Estiballes Ormaetxea, Pedro Lejarza Ibarrondo.

Idazkaria: Ana Mari Bengoetxea Lejarza.

1- BI-4501 eta Arragoalde 37, 39 eta 41 jaubetzen arteko deslinde administratiboaren akordioaren ejekuzioaren luzapenaren onarpena.

(Eider Ajuriagerra zinegotzia irteten da.)

Alkateak adierazten dau 2019ko martxoaren 7an ospatutako udalbatzan erabaki zala deslindatzeko prozesuari hasierea emotea. Deslindea ekainaren 24 egitekoa zala, baina ikusita dokumentazinoa falta dala eta ez dala helduko ekainaren 24rako, martxoaren 7an hartutako erabagiaren ejekuzinoa aplazetea proposatzen dau.

EH Bilduk azaltzen dau martxoaren 7ko udalbatzan hainbat bider esan ebela deslindea erabagiteko dokumentazinoa falta dala, eta hainbat bider eskatu ebela dokumentazino hori heldu arte mahai gainean iztea erabagia. Jarraituten dau esanez orduen be eskatzen ebela falta zan dokumentazino hori lortzen zenean barriro txosten tekniko bat egitea eta horren ostean egitea deslindea. EAJ-PNVk ez eban proposamen hori onartu. Galdetuten dau ia zer dala eta erizpidea aldatuten daben orduan hain argi eukin ebena.

Alkateak erantzuten dau erabagia ondo hartuta dagoela baina dokumentazinoa ez dala heldu. EH Bilduk galdetuten dau ia zein dan falta dan dokumentazinoa. Alkateak erantzuten deutso Aldundian dagoena dala . EH Bilduk galdetzen dau ia dokumentazino hori eta, martxoaren 7ko plenoan EAJk esan eban moduan, jaubeak udalaren aurkako prozesu judizialen baten bitartez lortu ahal eban dokumentazinoa bardinak diren.

Alkateak adierazten deutso balitekela, euren eretxiz errezago lortu ahal zala epaile batek eskatuta udalak eskatuta baino. 

EH Bildu galdetuten dau ia dokumentazino hori lortzen denean, ahaleginik egingo dan jaubeagaz akordio batera heltzeko. Alkateak erantzuten deutso baietz, akordio batera heltzeako beti egon direla prest.

EH Bilduk dino dokumentazinoa falta bada, martxoko erabagia ez dagoela ondo hartuta. Eta proposatuten dau 2019ko martxoaren 7an hartutako erabagia errebokatzea, eta dokumentazinoa lortzen danean, txosten tekniko bat egin eta gero ebaztea deslindea.

Alkateak adierazten deutso ez dakiela martxoko plenoan hartu zan erabagia errebokatu ahal dan, baina dana dala, falta dan dokumentazinoa datorrenean hartutako erabagia aurrera eroatearen aldekoak direla.

Bozketa bi planteatzen dira:

Bi-4501 eta Arragoalde 37, 39 eta 41 jaubetzen arteko deslinde administratiboaren akordioaren ejekuzioaren luzapena, Foru Aldundiari eskatutako dokumentazinoa heldu arte: 4 aldeko boto (EAJ-PNV) eta 3 kontrako boto (EH Bildu). Proposamena onartuten da.

EH Bilduren proposamena: 2019ko martxoaren 7an hartutako erabakia errebokatzea, eta dokumentazioa lortzen denean, txosten tekniko bat egin eta gero deslindatzea: 3 aldeko boto (EH Bildu) eta 4 kontrako boto (EAJ-PNV). Proposamena ez da onartuten.