2020ko uztailaren 9ko ez ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko uztailaren 9an, 19:00etan, goian aipatutako zinegotzi-gaiak biltzen dira uztailaren 7an deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. EH BILDUK “COVID 19-AK EKARRITAKO KALTE EKONOMIKOAK GITXITZEKO ZEANURIKO HERRITARREI ETA FAMILIEI ZUZENDUTAKO DIRULAGUNTZEN OINARRI ARAUTZAILEEN “ONARPENA HALAN BADAGOKIO.

Alkateak berbea ematen deutsie EH Bilduko zinegotzie ordenantzaren nondik norakoak azaltzeko.

Arkaitz Estiballesek adierazten dau beharrezkoa ikusten zala Covid-19 garai honetan langabezian edo Ertean geratu diren familia eta herritarrei zuzendutako dirulaguntza batzuk onartzea, bere egunean autonomoakaz eginzan bezala. Hori kontuan izanda, ordenantza eredu hau erregistratu ebela udalean, baina ikusita ez zela udalbatzan tratatzen, tratatzeko ez ohiko udalbatza bat eskatu dabela. Ordenantzan bertan zehazten direla dirulaguntza jasotzeko beharrezkoak izango litekezan baldintzak eta eskatzen dela 60.000€tako partida bat zabaltzea honetarako. Kantidade hau gitxitu be egin ahal dala dio, beharrizanen arabera.

Jarraitzen dau adieraziz ez dabela jaso EAJ-PNVren aldetik gonbidapenik batzar bat egiteko, baina ikusi dabela bando bat gai honen inguruan, eskatuz langabezi edo ertean dagoen jendea, arazo ekonomikoak izan ezkero udalera hurbiltzea. EH Bilduren ustez, ez dela izan era egokia, ze benetan egoera larrian dagoenari bi aldiz udalera hurbildu arazoten jakola. Ez dela ulertzekoa prozedua hori EAJ-PNVko taldean Gurutz Gorrian lan egiten dauen taldea egonda, eta zerbitzu sozialakaz harreman estua daukan jendea be.

Alkateak hartzen dau berbea adierazteko hau ezin dela konparatu autonomoakaz, ze autonomoak guztiz zarratute egon direla, dirusarrera barik eta agian gastuak ordaintzen (hipoteka...)eta herritarrak bai ertean edo langabazian zeozer kobratuko ebela. Jarraitzen dau Alkateak adieraziz, ez ohiko pleno baten deialdi eskaria dala eta, berak adierazi ebala gai horrek azterketa sakonago bat behar ebala eta agian uztailako udalbatzako tratatuko zala. Jarraitzen dau adieraziz bando baten bidez jendeari jakinaraztea udala ordenantza bat aztertzen dabilela dirulaguntzak emateko eta egoera ekonomiko larrian egon ezkero udalagaz kontaktoan jatzea era egokia ez dela aipatu dauela EH Bilduko zinegotziak. Hori uste bat baino ez dela, ze momenturen baten udalagaz kontaktoan jarri behar direla.

Estiballes jaunak dino, autonomoen moduen familia edo norbanakoak be gastuak badabezela, kredituak eta abar... eta gainera batzuk, aurreko krisitik ez direla guztiz errekuperatu. Bere ustez, jakin barik ze ordenantza onartu den udalera hurreratu arazotea ez da egokia.

Ordenantzara joanda, Alkateak adierazten dau ordenantzan ez direla sartzen aurreko krisitik egoera txarrean geratu direnak, bakarrik Covid-19aren ondorioz erte edo langabezian geratu direnak. Epea be oso zehaztute dagoela, apiriletik ekainera.

Epeari dagokionez, Estiballes jaunak dio aldatzeko prest dagozala, beste jente bateri be (adibidez Araluceko langileak) be aukera emateko.

Jarraitzen dau Alkateak adieraziz batzordean EH Bilduko zinegotziek aipatu ebela, ordenantza hau hausnarketa baten ondorioz datorrela, Arratia mailan egindako hausnarketa baten ondorioz eta horren arrazoia dala 60.000€tako aurrekontua. Galdetzen dau ia ze parametro erabili diren hausnarketa egiteko. Estiballes jaunak dio biztanleriaren arabera. Halan eta be prest dagozala, EAJ-PNV ren hausnarketa entzuteko.

Alkateak erantzuten deutso berak datuak emango dituela: ertean, Zeanurin, 13 emakume eta 13 gizon dagozala, eta langabezian, otsailean baino 8 pertsona gehiago.

Arkaitz Estiballesek galdetuta Alkateak erantzuten dau horretatik bat etorri dala udalera.

Arkaitz Estiballesek galdetzen dau ia zein den arrazoia pertsona bakarra joatearena: informazioa ez izatea ala beharrizanik ez izatea. Alkateak erantzuten deutso arrazoi biak izan ahal direla. Berak hitz egin dauela ertean dagozan 6 pertsonakaz eta adieerazi dabela eurek SEPEtik kobratzen ari direla (enpresak ordaintzen ez dauen % bat), enpresatik beste ehuneko bat .

Jarraitzen dau Alkateak adieraziz, dirulaguntzari buruz adierazten dala 1.100€tako dirulaguntza pertsona bakarra bada eta 2200 bi badira, EH Bildurentzat horreik izan beharko litekezelako gitxiengo soldatak, aldiz “salario minimo interprofesional” 950€ direla. Horretaz gain zaintzan lan egiten dabenak, garbikuzian lan egiten dabenak,ostalaritzan eta supermerkatuetan lan egiten dabenek gitxiengo salarioa kobratzen dabe, eta ez dira ordenantzaren barne sartzen.

Jarraitzen dau Alkateak esanez, honeri gehitu behar jakola umeak izatea, baina ez dela ondoegi ulertzen ume guraso bakoitzaren osagarri den, ala bikotearena.

Beste ildo batetik jarraituz, galdetzen dau Alkateak 60.000€tako partida sortzea eskatzen dauela ordenantzak. Konsignazio hori egiteko, eta kontuan izanda Udalkutxan egon den murrizketa, nondik egitea proposatzen dauen EH Bilduk. Arkaitz Estiballesek adierazten dau badagozala proiektu batzuk atzeratu ahal direnak.

Berriro be hartzen dau berbea Alkateak adierazteko ez direla kontuan izan jornada murriztuan edo excedentzian dagoen jendea, ezta adinekoak bez. Zehaztasun asko falta dela ordenantzan.

Jarraitzen dau adieraziz Alkateak Jaurlaritzako Gizarte Zerbitzuetako zuzendaritza taldekoakaz egon direla, eta adieazi dabela ordenantzari pega teknikoak somatzen jakozala, eta gertau ahal dala beharrizan gehien daukienak laguntza barik geratzea. Bere ustez herrian sortzen diren GLL (gizarte larrialdietako laguntzak) eta DBE-RGI (dirusarrerak bermatzeko errentak) kasuan kasuko aztertu beharko litekezela. Errolda irizpideak be ez datozela bat, ze ordenantzak erroldatuta egotea bakarrik eskatzen dauela eta GLL –k 6 hilabete eta DBE-ek 3 urte. Kontratu bakoak be ez direla kontuan hartzean. Ordenantzaren 4. Atalean bakarrik aipatzen dela langabezi saria konputagaria dala baina ez DBE eta GLLa konputagarriak badire ala ez. Jaurlaritzako teknikoaren ustez oso zaila dala laguntza honeik kontroletea. Jakinda Zeanuriko udalak mankomunitatearen bitartez kudeatzen dituela gizarte gaiak eta bertako langileak ez daukiela horretarako formakuntzarik oso zaila dela ordenantzaren aplikazioa kontrolatzea.

Jarraitzen dau adieraziz gizarte langileagaz be egon dala eta adieazi deutsola Zeanurin ez dela Covid-19 a dala eta inongo kasu barririk erregistrau.

Baita be, aipatu deutsiela Jaurlaritzako teknikoak eta mankomunitatekoa ez direla kontuan izaten aurreko urteetako dirusarrerak, aurrezkiek, babes familarra... guzti hori garrantzitsua dala.

Arkaitz Estiballesek dio autonomoei be horrelako ezer ez jakiela eskatu.

Guzti hau jakinda, eta jakinde aste honetan pertsona bakarra jarri dala udalagaz hartuemonetan , galdetzen dau ia ordenatza hau beharrezkoa dan Zeanurin. Euren ustez ordenantza ez da bideragarria eta azterketa bat egin beharko liteke kasu bakoitzeko, gizarte zerbitzuak aholkatu daben moduen. Bandoak atera eta jendeari jakinarazo arazo ekonomikoak izan ezkero, udalera hurbildu ahal dala. Datu horreik kontu handiagaz tratatu,Alkateak eta idazkariak jakinda nahikoa litekela eta dirulaguntzaren bat bideratu behar izan ezkero EH Bilduko zinegotzi batek be espedientea ikusteko aukera izan dagiela.

Arkaitz Estiballesek galdetzen dau ze irizpide edo parametron arabera emango liteken dirulaguntza. Alkateak erantzuten deutso gizarte zerbitzuetara bideratuko litekela kasua, eta euren parametroetan sartuko ez balitz, udalak lagundu, beste kasu batzuetan egin den moduen. Horretarako “familiei dirulaguntzak” partida zabalik daukala udalak.

Gurutze Etxebarria zinegotziak adierazten dau, Mankomunitateak 80.000€tako dirusarrera bat jaso dauela Covid-19a dala eta kaltetuak izan direnei laguntzeko.

Arkaitz Estiballesek adierazten dau, Alkatearen planteamenduak ia kontratu bako jentea kontuan hartzen dauen. Alkateak dino gizarte zerbitzuetara bideratzea bakarrik geratzen dala.

Nahia Urrutxuak uste dau jendea ez dela ausartuko udalera joaten bere arazo ekonomikoei buruz hitzegiten bentanillan dagoenari. Alkateak dino langileak badakiela gaia zelan tratau.

Guzti hauek entzunda, bozketara jotzen da, eta 3 aldeko botogaz (EH Bildu) eta 5

kontrako botogaz ( EAJ-PNV), ordenantza ez da onartzen.

Eta beste gairik ez dagoenez, bilerari amaiera ematen jako 20:00 orduetan.

2020ko ekainaren 25eko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko ekainaren 25ean, 19:00etan, goian aipatutako zinegotzi-gaiak biltzen dira ekainaren 23an deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. AURREKO BILERAKO AKTAREN ONARPENA.

Otsailaren 20ko ohikoa eta ez ohikoa onartzen dira. Apirilaren 23koa eta maitzaren 21ekoan zuzenketak egiten dira.

2. ZANBURUN, SUSUNAGA INGURUKO BASO BATEN APROBETXAMENDUARI BURUZ AITOR INTXAURRAGAREN PROPOSAMENAREN ONARPENA, HORRELA BADAGOKIO.

Alkateak hartzen dau berbea adierazteko Aitor Intxaurraga jaunak idazti bat aukeztu dauela adieraziz berak Susunaga izeneko basoa bat daukala (katastroko 15 poligonoko 197 partzela) eta baso horrek udaleko bategaz(katastroko 13. Poligonoko 354 partzela) egiten dauela muga. Idaztian aipatzen dauela baita ere, bere aititek, landatu ebala udaleko baso hori. Dirudienez holakoak gertatzen zirela garai haretan, eta basoa botatzen zenean ustiapena propietarioa eta basoa landatu ebanaren artean banatzen zala. Udalaren artxiboetan begiratzea eskatzen dau . Berak , gai hori ezagutzen dabenen testigantzak be aportatzen dituela.

Guzti hau kontuan izanda basoa tasatu eta aprobetxamenduaren erdia udalarentzat izatea eta beste erdia beretzat izatea proposatzen dau.

Idazti honen aurrean adierazten dau Alkateak, begiratu direla udal artxiboak eta ez dela ezer aurkitu. Hitz egin dela Aldundiko teknikariekaz eta horrelako konbeniok egiten zirela baieztatu dabela. “Contrato de aparceria” bat sinatzen zala, udalak ez ebela momentu haretan landatzen baina bai herritarrak udalaren terrenoan, gero irabaziak erdi bana izateko. Orozkoko udaleko konbenio bat bialdu deutsiela eredu moduan Aldunditik, baina Zeanurin bertan be pribatuen artean horrelakoak sinatu direla, eta askotan Patxi Intxaurraga izaten zala aldeetako bat. Ortofotoetan be ikusten dela bai Aitor Intxaurragaren basoa eta bai udalarena sasoi berean landatuak direla. Testiguekaz be berba egin dauela eta adierazten dabela landaketa hori Patxi Intxaurragak egin dauela. Beraz, guzti hau ikusita Alkateak adierazten dau Aitor Intxaurragaren eskaria ontzat emango leukiela.

Arkaitz Estiballes, EH Bilduko zinegotziak, adierazten dau eurek be iritzi berekoak direla.

Aurrekoak entzunda, gaia bozkatu egiten da eta 8 aldeko botoakaz (5 EAJ-PNV, 3 EH Bildu)hurrengoko ebazpena hartzen da:

Lehena: Aitor Intxaurragaren eskaria onartzea: katastroko 13. Poligonoko 354 partzelaren landaketaren erdiaren onura berea dela onartzea. Basoa saldu aurretik tasazio bat egingo da eta enkantearen bidez salduko da.

Bigarrena: Basoa botatzen denean mugarritu eta erabilpena udalaren esku geratuko da.

Hirugarrena: Interesatuari horren berri ematea.

Honen arira adierazten dau Arkaitz Estiballesek plangintza bat egin behar litekela bertan behera dagozan basoak erosteko. Alkateak dino kasu honetan Aitor Intxaurragak ez daukala gogorik basoa saltzeko.

3. UBIDE ETA ZEANURI ARTEKO UDAL MUGAK ALDATZEKO AKORDIOAREN ONARPENA, HORRELA BADAGOKIO

Alkateak hartzen dau berbea adierazteko , Katastroak orain dela 15 bat urte, mugarritik mugarrire lerro artezak botatzen zituela. Horrek, kasu batzuetan, honetan mugarri bat galduta egoanez, kasu bitxiak sortzen zituen; hau da Zeanuriko Eñaut Intxaurragaren eta Jose Felix Camporen lurrak Ubideko udalerrian kokatu eta Ubideko Gonzalez Mendizabaltarren lurrak Zeanurik kokatu egozan . Egoera hau zuzentzeko, Udalerriko mugak aldatzeko prozesuari hasiera ematea proposatzen da.

Beraz,

IKUSIRIK akatsak somatu direla Zeanuri eta Ubideko udalerrien artean egindako mugarriketan, Satzipeta ingurutik (12. Mugarria)Zubizabala errekaren aldamenean dagoen mugarrirarte (11.mugarria), Ubideko terreno bat Zeanuriko udalerrian kokatuz eta alderantziz,

IKUSIRIK akats honen sorrera 2003ko azaroaren 14an egin zen mugarrien aintzazpenean hain zuzen ere 11 eta 12 mugarrien artean, lerro zuzenaren terminoaren aplikazioak eraginda dela (1989 urriaren 28ko aktaren arabera Zeanurin eta Ubide artean 900 metrotan), eta errealidadetik guztiz kanpo dagoela,

IKUSIRIK Ubide Udalak , Ubide eta Zeanuriko udal mugak aldatzeko prozesuari hasiera eman deutsola, aurrekoan aipatutakoa zuzentzeko asmoz, M-11 eta M-12 mugarrien arteko lerroa aldatuz,

KONTUAN HARTURIK 9/2012 Foru Arauak, Bizkaiko Lurralde Mugapeeei buruzkoaren arabera, Zeanuriko udalak bere erabakia hartu behar dauela,

Udal batzak guztien adostasunagaz, botogaz ( 5 EAJ_PNV, 3 EH Bildu) hurrengoko akordioa hartzen da:

LEHENA: Zeanuri eta Ubide udalerrien arteko aldatzeko prozesuagaz adostasuna adieraztea.

BIGARRENA: Batzorde Mixtoko kideak hurrengokoak dira:Alkatea, Eider Ajuriagerra Arana, hurrengoko zinegotziak: Mikel Ibarra Martinez eta Arkaitz Estiballes Ormaetxea, eta bertako Idazkari-Kontuhartzailea: Ana Maria Bengoetxea Lejarza.

LAUGARRENA: Bizkaiko Foru Aldundiari horren berri ematea.

4. 2020KO TRAKZIO MEKANIKODUN IBILGAILUEN ZERGA APLIKATZEKO ERROLDAREN ONARPENA, HORRELA BADAGOKIO

Alkateak hartzen dau berbea eta azaltzen ditu Ibilgailuen Gaineko zergaren nondik norakoak, zenbat kotxe, zenbat errezibo helbideratu, zenbat exentzio...

Kobraketa datari buruz borondatezko epea, 2020ko uztailaren 20tik 2020ko abuztuaren 20ra izatea proposatzen da.

Ibilgailuen Errolda aztertu eta gero, zinegotzi guztien adostasunagaz hurrengoko erabakia hartzen da:

Lehena;2020ko ekitaldiko Trakzio Mekanikodun Ibilgailuen Gaineko Zergaren Errolda onartzea .

Bigarrena:Espedientea Udaletxean dago jendearentzako ikusgai.

Aurka egiteko bideak: Interesatuek berraztertzeko eskea aurkeztu ahal dabe Bizkaiko Aldizkari Ofizialean argitaratu danetik hasita, hilabeteko epean.

Hirugarrena:Ordainketa epea: Borondatezko epea, 2019ko uztailaren 20tik abuztuaren 20ra bitartean izango da. Epe honetan ordaindu ezik, zorraren eragite-indarreko ordainketaren aldia hastea, %5 eragite-indarrezko gehitzearen eta, berandutze interesaren sortzea ekarriko dau baita, diru-bilketaren

5. 2020KO AURREKONTUAREN 4. ALDAKETAREN AZTERKETA, HORRELA BADAGOKIO

Kreditu Gehigarriak:

171022199: Lorak lorategietarako:+ 1.500,00

337021000: Konp. eta Manten (3.adiña, taberna):+3.000,00€: Humedadeak konpontzeko obra.

459021900: Beste Inmobilizazio konp.(Wifi): +3.500,00€: Altzua-Lanbreabeko wifien aberiek.

920022000: Bulegoko Materiala: +2.000,00€: Impresoraren mantenimendua, nominen programaren mantenimendua.

164021000: Kanposantua, konp. eta mantenimendua: +38.500,00€. Arrakalak kapillan sortu dire.

16502100: Konponk eta Mantenimendua argiak: +22.000,00€: Zulaibargo azeran “vapor de sodio led-agatik aldatzea., energetikoki efizienteak izateko.

432062209: Autokarabanen gunea: +11.000,00

Dirusarrera: Diruzaintzako izakin likidoa: 81.500,00

Mikel Sagarnak galdetuta Alkateak azaltzen dau, zer dala eta argietan, Zulaibargo azeran vapor de sodio led-agatik azaltzen dan. Bere esanetan udalak 2030erako energetikoki efizienteka izan behar dabe. Horren arabera, kontsumitzen daben energiaren %30a udalak sortutakoa izan behar da. Hori kontuan izanda, bai Zulaibargo espaloian, bai Errotabarriko bidean kontsumo handia egoala ikusita , led teknologiara aldatzea pentsatu zan. Momentu honetan Zulaibar-Areatza espaloian bakarrik egingo direla aldaketok .

Jarraitzen dau Mikel Sagarnak adierazten modifikazio hau diruzaintza izakin likidoagaz finantzatzen dela eta gomendio bat dagoela prudentziagaz gastatzeko. Alkateak erantzuten dau lehenengotan holan izan zela, baina orain gastatu ahal dela adierazi dabela.

Nahia Urrutxuak autokarabanen guneari buruz galdetzen dau zelan kudeatuko dan, ia tasarik egongo den, hau da ia horren proiektua zein den. Alkateak hartzen dau berbea azaltzeko zelan Parkeko gomendio bat izan dala herrietan horrelako guneak sortzea, Parkeetan gaua ezin delako pasau. Bestetik, Zeanurin ezagutzera emoteko herramienta bat dala. Ordenantza arautzaile bat egitea be pentsatuta izan dabela, baina aurten, ikusita udaldia laburre izango dela proba egingo dala ia zelan doan. Halan eta be adierazten dau ura eta argia hartzeko jarri den torreta txanponakaz dabilela. Arkaitz Estiballesek adierazten dau beste kontu bat arautu behar litekena egonaldi maximoa dala. Alkateak adierazten dau 72 ordu daukiela aurrikusita.

Arkaitz Estiballesek adierazten dau Covid 19ak sortutako egoera ekonomikoa dala eta gerakin likidoa mantentzearen aldekoak direla, eta inbertsio batzuk atzeratzearen aldekoak.

Guzti hauek entzunda bozketara jotzen da, eta aldeko 5 botogaz (EAJ-PNV) eta kontrako 3 botogaz (EH Bildu), aurrekontuaren 4. Modifikazioa onartzen da.

6. ARRATIAKO MUGIMENDU FEMINISTAK GURASO ALINEAZIO ETA GURASO INTERFERENTZIARI BURUZ AURKEZTUTAKO MOZIOAREN ONARPENA, HALAN BADAGOKIO

Alkateak adierazten dau Arratiako Mugimendu Feministak aurkeztu dauen mozio hau ez dela izan adostua, udal batzuk bilerara gonbidatuak be ez zirela izan (gonbidapena luzatzeko ardurea herri bakoitzeko andra taldea zala), baina halan eta be egon zen bileran iradokizun batzuk sartzeko erabakia hartu zala eta textu honetan ez direla batu. Arkaitz Estiballesek dio, Arratiako Mugimendu Feministak bilera haretan egindako iradokizunak sartu dituen textuan ala ez , ez dakiela baina eskumen osoa daukala ez sartzeko.

Guzti hauek entzunda bozketara jotzen da, eta aldeko 3 aldeko botogaz (EH BILDU ) eta 5 abstentzioagaz (EAJ-PNV), mozioa onartu egiten da.

Mozioa eranskinean.

7. ZEANURIKO EAJ-PNV UDAL TALDEAK GURASO ALINEAZIO ETA GURASO INTERFERENTZIARI BURUZ AURKEZTUTAKO MOZIOAREN ONARPENA, HALAN BADAGOKIO

Alkateak adierazten dauz aurreko mozioaren eta honen diferentziak. Arkaitz Estiballesek dio ez dabela ikusten zergaitk Zeanuriko EAJ_PNVk aurkezten dauen bere mozioa gai honetan.Gaineratzen dau ez dauriela mozioa behar bezala aztertzeko astirik izan , ze mozioaren bigarren atala plenoan bertan jaso dabela.

Alkateak erantzuten deutso adieraziz aurreko puntuan azaldu dauela zergaitia: Arratiako Mugimendu Feministak aurkeztu dauen mozio hau ez dela izan adostua, udal batzuk bilerara gonbidatuak be ez zirela izan (gonbidapena luzatzeko ardurea herri bakoitzeko andra taldea zala), baina halan eta be egon zen bileran iradokizun batzuk sartzeko erabakia hartu zala eta textu honetan ez direla batu Horretaz gain, adierazi nahi dauela gai honeri buruz Batzar Nagusietan aho batez sinatu zala gai honeri buruzko mozioa. Beraz, batzarrean egin ziran iradokizunak ez direnez batu, EAJ-PNVk mozioa aurkeztu dauela, non batzar haretan adierazitakoak batzen diren.

Guzti hauek entzunda bozketara jotzen da, eta aldeko 5 botogaz (EAJ-PNV) eta kontrako 3 botogaz (EH Bildu), mozioa onartzen da.

Mozioa eranskinean.

8. EH BILDUK LGTBI HARROTASUNAREN NAZIOARTEKO EGUNA DALA ETA, AURKEZTUTAKO MOZIOAREN ONARPENA.

Mozioa aztertu eta gero, bozketara jotzen da.

Guzti hauek entzunda bozketara jotzen da, eta aldeko 3 aldeko botogaz (EH BILDU ) eta kontrako 5 botogaz (EAJ-PNV), mozioa ez da onartzen.

Mozioa eranskinean.

9. BERDINDUZ-EK LGTBI HARROTASUNAREN NAZIOARTEKO EGUNA DALA ETA, AURKEZTUTAKO MOZIOAREN ONARPENA.

Mozioa aztertu eta gero, bozketara jotzen da, eta aldeko 5 botogaz (EAJ-PNV) eta kontrako 3 botogaz (EH Bildu), mozioa onartzen da.

Mozioa eranskinean.

ERREGU ETA GALDERAK

Alkateak adierazten dau guraso alkarteagaz izan dauela batzarra eskolako obrak azaltzeko. Adierazten dau obraren zati garrantzitsuena zala igogailua jartzea, barrera arkitektoniak ekiditu, biomasako kaldera jarri eskola berotzeko eta gela bi ateratzea eskolan. Hasieran pentsatzen zala, obra hori egiten zenean, pintura, edo argiteria hobetzea, eta horrelako obra txikiak be egingo ebezela, baina Jaurlaritzak argi itzi dauela horrelakoak ezetz. Barrera arkitektonikoei buruz haurreskolatik sartute dagoen ranpa luzatu egin beharko litekela, eta beste bat egin patiora jaisteko, barrakoien eremua erabiliz. Barrakoiak desagertu egingo direla dio, bertan hasieran pelet edo astillaren almazena eta kaldera jarzea aurrikusten zala, baina momentu honetan eta eskolaren egitura aztertuta ez dela hori ikusten ez efizientziaren aldetik ez beharrizenen aldetik. Hasiera baten ez zala aurrikusten sukaldea baina gurasoen iradokizunak entzunda, Jaurlaritzak aztertu dauela eta pelet erabili ordez, gasa erabili ezkero sukaldea barriztatzea posible zan. Horretarako gasa eskolara udalak eraman behar dau(momentu honetan Gurutzaldeko bidegurutzerarte eroanda dago). Kontua zan gero zelan egin aurrera betekizun energetikoakaz, hau da 2030erako kontsumitzen dan energia berdea izateagaz.. Horretarako plaka solarrak, geotermia edo aerotermia izan daitekezela kontuan hartuta, eta kontuan hartuta plaka solarrak teilatuan sortzen dabezen arazoak udalaren gain zirela, aerotermia aukeratu zan. Obrak 2021ean hasiko litekez, 5 hilabeteko iraupena izango leukie, umeak eskolatik atera ezkero. Aste Santuan Ludoteka, Kultur etxea eta abar kokatu beharko litekez umeak. Eskolako zuzendaritza eta irakasleak ados dagoz honekin.

Eskolaren ordez erabiliko litekezan lokaletaz galdetzen dau Estiballes jaunak eta Alkateak adirazten deutso Kultur Etxea, Arregiko erabilera anitzetako lokala eta abadetxeko Albakoako beheko lokalak. Abadetxeko lokalei buruz galdetzen dau Estiballes jaunak, lokal pribatuak izaterakoan ia ze konpentsazio eskatzen daben. Momentuz, konpentsazioei buruz ez dela hitz egin erantzuten deutso Alkateak.

Jantokieri buruz, Mikel Sagarna zinegotziak galdetuta erantzuten dau Alkateak, frontoiko taberna dala leku egokia. Eskolako zuzendaritzak be leku egoki lez ikusten dauela, ze Plaza dagoela ondoan, umeen aisialdiako. Momentu horretan okupatuta alokatuta egongo balitz, errentadoreagaz akordio batera heldu beharko litekla.

Horretaz aparte, Alkateak informatzen dau, frontoian pelota partiduak egongo direla eta segurtasun protokoloa dagoela horretarako. Aforoa %60koa izango dala, eta ikusle guztiak maskarillagaz egon beharko direla.

Nahia Urrutxuak galdetzen dau ia sarreran prezioa (20€) ume zein helduentzat dan. Baiezkoa erantzuten deutso Alkateak, prezioa enpresak jartzen dauela.

Mikel Sagarnak galdetzen dau ia botoa ematea frontoian egingo dan. Alkateak adierazten deutso baietz, ze frontoian espazio handia dagoela osasun neurriak betetzeko; sartu urtenak, distantziak...

Mikel Sagarna, EH Bilduko zinegotziak galdetzen dau ia Andra Mari jaiek egingo diren. Alkateak adierazten deutso lehenengotan ezin zala ezer organizatu, baie orain posible dala gauzak antolatzea: udalekuak antolatzeko saiakera bat egon dala, baina ez dela jente nahikoa apuntau. Areatzako piszinak zabaldu direla, 280m familientzat, eta bonoa hartzea derrigorrezkoa dala. Zeanuriko familien batek bonoa hartzen badau, dirulaguntza emango jakola.

Arkaitz Estiballesek galdetzen dau ia Alkateak aipatu dauzen udalekuak, Uribeko auzotar batek opatu zituenak diren, ze berak ikusi dituen karteletan ez zala ikusten udalaren ikurrik. Gaineratzen dau, kartel batzuk erdera hurtsean jarri direla. Alkateak onartzen dau ikurraren falta, baina kartelak hizkuntza bietan atera direla dio. Hanlan eta guztiz ere, ez daukiela zerikusirik udalak opatutako udalekuak eta Uribeko auzotarrak opatutako udalekuak.

Jarraitzen dau galdetuz Arkaitz Estiballesek ia Uribeko auzotarrari erantzun jakon. Duda sortzen da. Jarraitzen dau Arkaitz Estiballesek adieraziz jaietako kartel lehiaketan parte hartzaileak zeanistarrak izan behar direla antzematen dela. Legez, agian, ezin dela horrela jarri.

Alkateak dio urteetan erabili dela formula hori, bai kartel lehiaketan, bai argazki lehiaketan.

Andra Marietako jaiei buruz adierazten dau, dio aurten ez dela jairik egingo, ekintza kultural batzuk baino; 13tik 16ra izango direla. 13an Korrontzi, 15ean teatroa eta 16koa ez dagoela argiegi, sukaldari eguna aurrera eroango dan ala ez.

Arkaitz Estiballesek adierazten dau, baten baino gehiagotan adierazi dabela alguazilak Plenoko dokumentazioa hartzen dauela, eta euren ustez ez leukela hartu behar. Alkatea ez dago ados horregaz, bere ustez jaso ahal dau. Adierazten dau Alkateak, lan egiteko era bat dala, ze deialdiak alguazilak jartzen dituela tabloietan, eta holan jakinarazoten jakola Udalbatza dagoela.

Ez dagoz kontra EH Bilduko zinegotziak deialdia izateagaz, baina bai dokumentazioa. Dokumentazio hori gaiak erabakitzeko beharrezkoa dala diote baina alguazilak ez dauela ezer erabaki behar. Alkateak adierazten dau gaia legez aztertuko dala.

Galdetzen dau Nahia Urrutxuak ia euriolakaz Barrondon apurtu zan bidean zeozer egiteko asmorik dagoen. Alkateak erantzuten deutso arkitektoa memoria bat prestatzen ari dela.

Mikel Sagarnak galdetzen talde kulturalei mezu bat bidali jakiela dirulaguntzak dirala eta, eta bertan aurrekontuko konsignazioa ondo ez egoala. Alkateak dio gero zuzendu zala akats hori.

Galdetzen dau baita ere Mikel Sagarnak ia Plazako frontoiko argiak ze ordutan itzaltzen diren. Alkateak adierazten deutso 12:00etan.

Nahia Urrutxuak hartzen dau berbea galdetzeko terrazan egoerea, zein dan mahaien arteko distantzia, eta zein aforoa.. Alkateak erantzuten deutso bai Txoko Sagarnakoa bai Batzokiko terrazak handitu egin zirela,eta terrazak marratik barrure egon behar direla. Hasieran mahai kopurue jarri zenean, 2 metroko distantzira jarri zirela (orain 1,5 metro da) eta mahai gehiago ez dela jarri. Nahia Urrutxuak adierazten dau Batzokiko kasuan mahaiak marraz kanpo be egoten direla, eta aspektu hori zaindu beharko litekela, terraza doana segurtasun neurriekaz babestuta egoteko. Alkateak dino aztertuko dela.

Nahia Urrutxuak dio bizikleta gunea dala eta argibideak falta direla, zelan erabili adierazten daben urratsak.

Arkaitz Estiballesek hartzen dau berbea eta galdetzen dau ia Askaldeko partzelen auzia amaituta dagoen, ze jentea erosteko asmoagaz hurbildu dala Kutxabankera (orain partzelak bereak dira) eta adierazi deutsiela arazoak dabezela udalagaz. Alkateak dino Zeanuriko udalak udalbatzan hartutako akordioa helarazi eutsiela, urbanizazioa dala eta kontu zehatzak eskatuz “providencia de apremio” erretiratzeko eta ez dabela ezer aurkeztu. Horretaz gain agindua eman jakiela partzela garbitzeko, baina ez dabela ezer egiten. Arkaitz Estiballesek dio, udalak garbitu ahal dauela eta gero ejekutiban kobratu.

Arkaitz Estiballesek galdetzen dau ia aurrekontu partehartzaileeten agertu ziren iradokizunak kontuan izango diren. Alkateak baietz erantzuten dau, (Orueko argie, saneamendue eta bideak), baie horrek ez dauela esan nahi aurten egingo direnik.

Mikel Sagarnak galdetzen dau, ia saneamendue zelan geratu den. Alkateak erantzuten deutso Patzuergoa konbenioagaz dabilela. Orueko argieri buruz, kontuan hartute linea be sartu barik dagoela, eguzkiko indarragaz kargatzen direnak begitu direla, baie antza errez laputzen dabezela.

Eta beste gairik ez dagoenez bilerari amaiera ematen jako arratsaldeko 20:30etan.

ERANSKINAK:

2020ko maiatzaren 28ko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko maitzaren 28an, 17:00etan, goian aiptutako zinegotzi-gaiak biltzen dira maiatzaren 26ko deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

Bilerari hasiera eman aurretik Alkateak mozio bat sartzea eskatzen dau: "Ordezkari Politiko eta hautetsien etxebizitza pribatuetan eta alderdi politikoen egoitzetan erasoen aurrean EAJ-PNVren mozioa onarpena, halan badagokio”.

Arkaitz Estiballesek adierazten dau eurek ez dautsiela larritasunik ikusten, herrian bertan horrelako erasorik ez dalako egon, are gehiago orain dela hiruhilabete Arratiako talde feministrak ” Guraso Alineazio” edo “Guraso interferentzia”ri buruzko mozioa mahai gainean geratu zenean.

Alkateak erantzuten deutso, euren ustez gaia gaurko Plenoan tratatu behar dala, ze Arratiak hainbat batzokiten pintadak agertzen zirela eta Estiballes jaunak aipatuta dauen beste mozioari buruz pare bat gauza esango dituela; batetik moziori aurkezteko egin zen bilerara ez zirela izan deituak bez, eta bestetik bilera horretan erabaki zala Mankomunitateko berdintasunako teknikariak aurkeztu ebala mozioa udaletan martxoan, eta martxotik gaur arte ez dela ezer aurkeztu.

Arkaitz Estiballesek eskatzen dau mozio hori be gai zerrendan sartzea.

Guzti hauek entzunda bozketara jotzen da, erabakitzeko ia goian aipatutako puntuak urgentziz gai zerrendan sartzeko edo ez erabakitzeko:

Ordezkari Politiko eta hautetsien etxebizitza pribatuetan eta alderdi politikoen egoitzetan erasoen aurrean EAJ-PNVren mozioa onarpena, halan badagokio: 5 aldeko botoakaz, EAJ-PNVrenak, eta 4 kontrako botoakaz, EH Bildurenak, puntua urgentziz gai zerrendan sartzea erabakitzen da.

“Guraso Alineazio” edo “Guraso interferentzia”ri buruz Arratiako talde feministak aurkeztutako mozioaren onarpena, halan badagokio” : 4 aldeko botoakaz, EH-Bildurenak , eta 5 kontrako botoakaz, EAJ-PNV, puntua urgentziz gai zerrendan ez sartzea erabakitzen da.

1. AURREKO BILERAKO AKTAREN ONARPENA

2020ko otsailaren 20 akta bi errebisatzen dira eta zuzenketak egiten dira, ohiko udalbatzakoa eta ez ohiko udalbatzakoa.

2.2020KO AURREKONTUAREN BIGARREN ALDAKETAREN ONARPENA, HALAN BADAGOKIO

Alkateak modifikazioa azaltzen da:

Kredituen trasferentzia:

Trasferentzi positiboak:

311022700: Osasun publikoaren babesa (Covid 19a dala eta maskarillak, gelak, manparak komertzioetarako, termometroak frontoia, udala eta eleiza): +12.000,00€

430047100 : Dirulaguntzak komertzio eta empresa txiki:+ 25.000,00€

430047101: Bonoak: +2.000,00

Trasferentzi negatiboak:

431122606: Azoka Antolakuntza( San Isidro azoka ez da egingo): -30.000.000,00€

230048005: Hirugarren adina, bidaia(Bidaia ez da egingo):-2.000,00€

333048101: Etekinik gabeko instituzioak (subentzio arruntak %10a jaitsiko litekez, taldeen jarduera be murritzagoa izango delako): -3.800,00€

230022704: 3. Adinekoentzako aktibitateak(garraioa):-1.500,00€

130022705: Animale batze zerbitzua (enpresa aldatu da eta merkeagoa da): -1.700.00

Kreditu gehigarriak:

335047101: Errota: +2.600,85€:Aurrekontuetan 3.000,00€tako konsignazioa jarri zan, urteko kuota ordaintzeko, baina urteko kuota 3.700, 00€tan onartu da. Horretaz gain Covid-19 a dala eta autonomoei papeleoagaz laguntzeko 2. Pertsona bat kontratatu da eta zati bat udalak ordaindu behar dabe.

337062212: Gimnasiako tresneria: +1.000,00€. Tresneria erosi da, gehien bat materiala ordenatako.

341022102: Ur Hornidura ( frontoi, gimnasio): +2.000,00€. Gimnasioko kontadora jarrita egon arren, altan emon barik egon da. Alta emon danean atzerapenak kobratu dabez.

153069202: Orueko muroaren proiektua: 18.358,90€: Proiektua guztira 183.587,50€koa da, baina Foru Aldundiak %90 diruzlaguntzen dau . Foru Aldundiak emandako laguntza dirusarrera finalista denez aurrekontuaren aldaketa Alkatetza Dekretuz egingo da.

Dirusarrera:

87001: Diruzaintzako izakin likidoa: 23.959,75€.

Honen arira Mikel Sagarnak adierazten dau, Foru Aldundiak eta Eudelek gomendatzen dabela diruzaintzako izakin likidoa prudentziaz erabiltzeko, errekaudazioa asko bajatu delako eta udalak beharrizana izango dabelako. Euren ustez, partida batzuk bajatu beharko litekez, gastua ez delako egingo

Alkateak diño era ofizialean ez dela holangorik jaso; egia dela 2019ko likidazio positiboa ez dela kobrauko baina momentuz, ez dagoela besterik. Zurrumurru asko dagoela eta ohartzen dala aurtengo aurrekontuak gorabehera handiak izango dituela. Nahia Urrutxuak dino Eudelek adierazitakoa.gomendioa dala. 

Mikel Sagarnak galdetzen dau ia “familiei dirulagunzak” partiden igoerarik aurrikusten den. Alkateak adieazten deutso 2020ko aurrekontuan partida hau asko jaitsi zala, baina beharrizan kasuen bat suertatuko balitz herrian mankomunitatera bideratu behar dala lehenengo eta behin. Mankomunitatera. Mankomunitateak errekurtso gehiago dituela Covid-19a dala eta. Mankomunitateak ezin baleu kasuren bat atenditu udalak egingo leuskiola aurre, baina momentuz ez dela holakorik suertatu. Bera garai honetan kontakto zuzenenean egon dala langile sozialagaz.

Arkaitz Estiballesek diño Covid-19 aren itxialdi garaian zabaldu dan informazioan autonomo edo enpresa txikientzat dirulaguntzak lortzeko inforamazioa egon dala, baina ez familientzat zuzenean. Bere ustez beharrezkoa dala sektore biak informazioa izatea.

Alkateak diño Zeanuriko udaletik zabaldu den informazioan jartzen izan dela familientzako informazioa, bai udalera, edo zerbitzu sozialetara zuzenduz arazoakaz egon diren familiak.

Guzti hauek entzunda, bozketara jotzen da, eta 5 aldeko botoakaz (EAJ-PNV) eta 4 abstentzioagaz (EH Bildu), 2020ko aurrekontuaren 2. Modifikazioa onartzen da.

2. COVID 19 –A DALA ETA, ZEANURIKO AUTONOMO, EMPRESA TXIKI ETA OSTALARITZARI DIRULAGUNTZAK ARAUTZEKO ORDENANTZAREN HASIERAKO ONARPENA, HALAN BADAGOKIO

Alkateak Zeanuriko autonomo, empresa txiki eta ostalaritzari dirulaguntzak arautzeko ordenantza proposamen bat aurkezten dau , dirulaguntza horien ardatzak hurrengoak izango litekezela:

Jarduera eteteagatik dirulaguntza zuzendak:

-Konpentsazio zuzena: 600,00€ ostalaritzari zuzendua, eta 400,00€ beste jarduerei.

-Negozio-lokalaren alokairu gastuak.

-Negozio-lokala erosteagatik hipoteka gastuak.

- Jarduerak eragindako elektrizitate, ur eta gas gastuak.

-Kontratupean mantendutako pertsonalaren gastuak (200€ gehienez guztira).

Bonoak: Zeanuriko udalak, bonoak egingo ditu. 1 atalean adierazten den arrazoiak direla eta jarduera eten daben herriko komertzioetan gastatzeko.

Galdetzen dau Arkaitz Estiballesek ze komertziotan gastau ahal diren bonoak eta adierazten jako, ia hoteletan eta agroturismoetan be gastatu ahal diren.

Alkateak erantzuten deutso bonoak herritarrei zuzenduta dagozala, bertako kontsumoa suspertzeko, eta kontuan izanda ez dela uste herritarrak herriko agroturismo edo hoteletara joango direnik, jatetxeei zuzenduta dagoela, ze ileapaindegiak ez dauela nahi izan honetan sartu. Beraz, 8 komertzioei zuzenduta dagoela (Restaurante Barazar, Bengoetxeatarrena, Batzokia, Txoko Sagarna, Jubilatuen taberna, Kiloterdi Ellauri hotelean, Etxegana jatetxea eta Gorbeiako aterpeko jatetxea) , bakoitzarentzat 50 bono.

Mikel Sagarnak dio erderazko bertsioan ez dela zaindu hizkuntza, hizkuntza sexista dagoela.

Bestalde Nahia Urrutxuak aipatzen dau, erderazko bertsioak eta euskerazko bertsioak ez dauriela bat egiten parrafo batzuetan.

Alkateak dio aztertuko dala eta konpondu beharrekoak konponduko direla.

Bestalde aipatzen dau Nahia Urrutxuak, zelan 5 atalean adierazten dauen “Idazkari Kontuhartzaileak proposamena egingo dauela,eta Alkatetza izango dala ebazteko eskumena daukan organoa”. Euren ustez batzorde batek egon behar leukela eskariak aztertzeko. Hori berori eskatu zala kultur taldeen dirulaguntzak banatzeko.

Alkateak erantzuten dau Kultur taldeen dirulaguntzak banatzeko badagoela batzorde bat, baina EH Bildu ez dala joaten ordenantzagaz ados ez dagoelako. Kasu honetan gauzo tramite sinpleak eskatu direla,baloratzea behar ez dabenak erabakitzea erreza izan daiten, agile. Arkaitz Estiballesek dio agile izateak ez dauela nahi esan gardena izatea. Alkateak diño gardena izango dela, espedienteak eskuragarri egongo direlako. Arkaitz Estiballesek uste dau batzorde bat beharrezkoa dala. Euren proposamena ez bada onartzen ez bada ez dabela onarpena oztopatuko, baina uste dabela batzordea eratzea ondo legokela.

Jarraitzen dau esanez Covid-a dala eta be udaletxe batzuetan batzordeak sortu zirela eta Zeanurin ezetz. Alkateak adierazten dau, zabaldu diren bandoen berri kasu guztietan eman jakola EH Bilduri, baten izan ezik, borrador bat erratuz zabaldu zelako. Estiballes jaunak erantzuten deutso barri emoten izan dela, baina bandoa aztertzeko asti barik, berehala zabaltzen izan delako herritarren artean.

Guzti honen aurrean, Alkateak proposatzen dau Kontuen Berezia Batzordea izatea espedienteak aztertuko dituena, EH Bilduk bere adostasuna adierazten dau.

Alkateak amaitzeko adierazten dau, aurrekontuaren aldaketan jarri diren 25.000,00€ nahikoa ez balira, partida berriro aldatuko litekela.

Beraz, aldeko 9 botogaz, ( 5 EAJ_PNV, 4 EH Bildu) hurrengoko akordioa hartzen da:

Lehena: Covid-19a dala eta ondorioei aurre egiteko , jarduera Zeanurin kokatuta daben ostalaritza establezimendu, autonomo eta enpresa txikiei laguntza ekonomikoak emateko Ordenantzari hasierako onarpena ematea.

Bigarrena:, espedientea jendeaurreratu egiten da 30 egunetako epean, iragarki hau Bizkaiko Aldizkari Ofizialean argitaratzen denetik zenbatuta, erreklamazioak edo iradokizunak aurkezteko.

3. EAE-ko ADMINISTRAZIOARI ZUZENDUTAKO IDAZTIAK UDAL ERREGISTROAN AURKEZTEKO KONBENIOAREN LUZAPENAREN ONARPENA, HALAN BADAGOKIO

Alkateak hartzen dau berbea adierazteko Zeanuriko Udalak eta Eusko Jaurlaritzak konbenio bat sinatu ebela Euskal Autonomia Erkidegoko administrazioari zuzendutako idazkiak udal erregistroetan aurkezteko. Hitzarmen hori amaitu dela eta berriro egiteko aukera dagoela.

Arkaitz Estiballesek adierazten dau EH Bildu alde dagoela eta ondo egongo litekela Foru Aldundiagaz be antzekoen bat sinatzea. Nahia Urrutxuak adierazten dau horren barri zabaltzeko ze herritar batzuek ez dakiela.

Konbenioa aztertuta, aldeko 9 botogaz ( 5 EAJ_PNV, 4 EH Bildu) hurrengoko akordioa hartzen da:

LEHENA: Euskal Autonomia Erkidegoko eta udalare arteko lankidetzarako administrazio hitzarmena onartzea,.

BIGARRENA: Alkatea ahalmentzea, udaleko ordezkaia denez, hitzarmena sinatzeko.

HIRUGARRENA: Akordio hau Toki Administrazioarekiko Harremanetarako zuzendaritzara bialtzea.

5. ZEANURIKO TOKIKO POLIZIA ZERBITZUAREN SORMENAREN ONARPENA

Alkateak hartzen dau berbea adierazteko zelan alguazila C1 taldea integratu zala Udalbatzak halan onartuta eta Gizarte Segurantzak jubilatzeko adina gitxitzeko toki poliziako zerbitzu bat sortzea exijitzen dauela, eta zerbitzu horretako agentea izango litekela udaleko langilea dan Beitia jauna.

Mikel Sagarnak galdetzen dau ia Beitia jauna jubilatzen denean, udalak derrigortasunak daukan tokiko polizia bat izatera ala alguazila kontratatu ahal dauen. Idazkariak adierazten dau tokiko polizia amortizatu egin beharko litekela udal lanpostu zerrendan eta alguazila sortu.

Guzti hau kontuan izanda, aldeko 9 botogaz, ( 5 EAJ_PNV, 4 EH Bildu) hurrengoko akordioa hartzen da

IKUSIRIK, urtarrilaren 23an ospatutako Udalbatzan, Zeanuriko Udaleko Lanpostu Zerrenda aldatzea, alguazila C1 taldean integratu,Tokiko Poliziaren agente moduan,

KONTUAN HARTURIK . 4/92 Legea, Euskal Herriko Poliziari buruzkoa bere 117. Atalean eta ren 27. Atalean eta 7/2019 Legea, Euskal Autonomi Erkidegoko Poliziari buruzko legearen bostgarren aldaketarena, bere 8. Eta 9. Xedapen Gehigarrian,

Hurrengokoa ebazten da:

Lehena: Zeanuriko Tokiko Polizia zerbitzuaren sortzea.

Bigarrena:Interesatuari horren berri ematea.

6. ORDEZKARI POLITIKO ETA HAUTETSIEN ETXEBIZITZA PRIBATUETAN ETA ALDERDI POLITIKOEN EGOITZETAN ERASOEN AURREAN EAJ-PNVREN MOZIOA ONARPENA, HALAN BADAGOKIO

Mozioaren aurrean hurrengoko bozketa ematen da: 5 boto alde, EAJ-PNVrenak eta 4 abstentzio: EH Bildurenak.

Beraz mozioa onartzen da.

ERREGU ETA GALDERAK

Alkateak hartzen dau berbea bi gai komentetako:

- Ekainaren 1etik aurrera administrazioan epeak berriro martxan direla.

- Kanposantuko kapillako arrakalak obra sakonaren beharrizana daukiela eta udal arkitektoak proiektu bat egitea gomendatu dauela. Proiektu hori Arantxa Quintana arkitektoari enkargatu jakola, ondare mailan lan egindak pertsona bat delako.

Arkaitz Estiballesek dio eskolea berandurarate egoten dala zabalik, eta zaratak egoten direla, bai deseskalada sasoi horretan bai aurretik be baten batzuk sartzen zirela. Zaratan inguruan adierazten dau Arkaitz Estiballesek Igertualde inguruan goizean, 8;00ak baino lehen desbrozatzen ibili direla udalen kale garbiketa egiten daurienak, eta zaratak asko molestattzen izan dauela. Alkateak erantzuten deutso, normalean 8:00ak baino lehen ez direla hasten lan horiekaz, eta arautute be holan dagoela, baina udan, beroa ebitetako, 7:30etan hasteko baimena eman deutsiela.

Jarraitzen dau Arkaitz Estiballesek Eudelek konbokatu dauen “minuto de silencio” Covid-en biktimak direla, oso de repente konbokatu dela, fundamentu handi barik. Ados agertzen da Alkateak eta dio, lehendakariak irailarako beste ekimen bat antolatu dauela eta orduan, denbora gehiagogaz, igual herri mailan be zeozer egin ahal dala.

Mikel Sagarnak galdetzen dau ia burutu ez diren ikastaroen dirua itzuliko dan. Alkateak dio martxoko 15 egun bakarrik ez zirela emon, eta asmoa zala kurtso amaiera errekuperatzea, baina oso zaila dela ze ikastaro batzuetako taldeak desegin egin direla, beldurragatik, uda datorrelako...

Horregaz lotute aipatzen dau Estiballes jaunak Musika Eskolak banakako klase presentzialak errekuperatzeko moduan dagozala eta ez dabela aurrera egiten. Ez dakiela udaletik , Arratiako Musika Eskolako kide lez, zeozer egin ahal dan, ze matrikula galtzeko arrisku handia dagoela . Alkateak dino Musika Eskolako hurrengo bileran komentauko dauela.

Nahia Urrutxuak Andra Mari jaiei buruz galdetzen dau.  Alkateak erantzuten deutso betiko formatoan ezin izango direla egin, baina ekintza batzuk egin ahal izango direla, adibidez martxan dauela jaietako kartel lehiaketa.Beste gauza batzuk, adibidez, erromeriek oso gatx ikusten dauela gauzak ez badire asko aldatzen. Nahia Urrutxuak eskatzen dau Andra Mari jaietako informazioa San Isidroetakoa baino hobeto ematea, bai epeen aldetik, bai zabalagoa izatea, ze San Isidroetan argazki lehiaketarena adibidez bezperan zabaldu zala. Alkateak onartzen dau berandu izan zela, baina adierazten dau baita be deseskalada honen ondorioak direla.

Amaitzeko galdetzen dau Nahia Urrutxuak ia batzordeak eta Plenoak era presentzialean egingo diren. Alkateak adierazten dau bere ustez baietz. Orduek eta egunak mantentzen direla eta momentuz publiko barik.

Eta beste gairik ez dagoenez, bilerari amaiera ematen jako arratsaldeko 19:00etan.

2020ko maiatzaren 21eko ez ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Covid-19 ak sortutako osasun alarma dala eta, eta ezinbestekoa ez bada, norberaren etxetik ezin denez urten, bilera hau video deiaren bitartez egiten da, aurretiaz zinegotziak adierazitako helbide elektronikoa erabiliz.

Beraz 2020ko maiatzaren 21ean, 17:00 etan, goian aiptutako zinegotziak biltzen dira deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1.IBAI ARANAK AURKEZTUTAKO ERREKURTSOAREN ONARPENA, HALAN BADAGOKIO, GANADUA PASTUETATIK ERRETIRATZEKO AGINDUAREN AURREAN

Alkateak adierazten dau apirilaren 23an hartutako akordioaren ondorioz, Ibai Aranari pastuetatik ganadua erretiratzeko agindua eman jakola, Ordenantza ez betetzeagatik. Horren aurrean Ibai Aranak alegazioak aurkeztu dauzela, hurrengokoa adieraziz:

- Vacio sanitarioa dala eta ganadua erretiratzeko orduan, bere izenean egoan ganadu guztia erretiratu ebala, behor bat eta bere kumea izan ezik, ganadu horiek ezin zirelako aurkitu.

- Martxoaren 26an, bere ganadua Arrabatik erretiratzeko agindua jaso ebanean, Covid-19ko osasun alarma zala eta itxialdian egoala eta ezin ebala lortu jenterik ganadua batzeko.

- Aurten arte beti bete izan dauela ganadue erretiratzeko agindua. Halan eta be ahaleginduko dala ganadua erretiratzen.

Jarraitzen dau adieraziz, hurrengo asteburuan joan zirela, egun bitan, ganadua erretiratzen eta danak batu ebezela 3 izan ezik, lehengo biak eta beste bat. Ezin erretiratu izanaren arrazoia ganadu uxoa izatea dela.

Alkateak dio euren proposamena alegazioak onartzekoa dala, baina adieraziz Ibai Aranari, 2020ean vacio sanitario garaian ezin dela ganadurik basoan geratu. Momentu honetan erretiratu ezin izan dituenak be, erretiratu beharko leukezela, beharrezkoak diren medioak erabiliz.

Eritzi berekoa da Arkaitz Estiballes EH Bilduko zinegotzia be; adierazten dau alegazioak logikoak direla.

Guzti hau kontuan izanda hurrengoko akordioa hartzen da:

Lehena: Ibai Aranak aurkeztutako alegazioak onartzea, eta beraz, ganadua pastuetara botatzea baimentzea.

Bigarrena: Interesatuari horren berri ematea.

Eta beste gairik ez dagoenez, bilerari amaiera ematen jako arratsaldeko 17:30 orduetan.

2020ko apirilaren 23ko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Covid-19 ak sortutako osasun alarma dala eta, eta ezinbestekoa ez bada, norberaren etxetik ezin denez urten, bilera hau video deiaren bitartez egiten da, aurretiaz zinegotziak adierazitako helbide elektronikoa erabiliz.

Beraz 2020ko apirilaren 23an, 15:00 etan, goian aiptutako zinegotziak biltzen dira deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita, Alkateak, bilereari hasiera emoten deutso.

1. COVID-19 DALA ETA ALARMA EGOERAN UDALBATZAK MODU TELEMATIKOAN EGITEKO AKORDIOAREN ONARPENA, HALAN BADAGOKIO

Alkateak hartzen dau berbea adierazteko Covid-19ak sortutako alarma egoera dela eta Udalbatzak egiteko moduari buruz Eudelek, bi alternatiba proposatu zituela: bata, kuorum txikiagaz, Alkatea eta talde bakoitzetik kide bat eta bestea video deiaren bitartez, zinegotzi guztiek parte hartzeko aukera izateko eta osasuna bermatzeko. Guzti honen berri eman eutsola Arkaitz Estiballes zinegotziari eta bien artean adostu zala on-line egitea.

Hori dela eta gaurko Udalbatzan onartu beharko litekela pandemia egoerak irauten dauen bitartean Udalbatzak on-line egitea.

Honen harira galdetzen dau Arkaitz Estiballesek ia zelan bermatzen dan Udalbatzan publikotasuna, hau da herritarren parte hartzea. Alkateak adierazten dau osasuna bermatzeko herritarrak etxean dagozala eta ez dala beteko herritarren parte hartzea. Arkaitz Estiballesek adierazten dau aukera eman ahal zala herritarrei be kanal batetik konektatzeko. Horrela adierazi deutsiela Eudelen.

Alkateak diño ez dela hori kontenplau ze baliabide teknikorik ez dagoela. Arkaitz Estiballesek dio nahikoa dala kamara bategaz, eta Mikel Sagarnak dio pantailagaz grabau ahal dala eta gero trasmititu.

Alkateak dino momento honetan ez dela kontenplantzen guzti hori. Egoerak luzera joko baleu horrelako zeozer egin beharko litekela. Horretaz gain adierazten dau Alkateak plenoak bakarrik egingo direla erabakiak hartzeako, ez dela egongo ez aktak onartzerik ez eta erregu eta galderarik.

Arkaitz Estiballesek galdetzen orduan, euren kontrola zelan egingo daben. Adibidez, adiearazten dau kontratu baten mejorak ez direla bete eta ia zein den epea betetzeko.

Alkateak adierazten deutso galdera horiek egin ahal direla idatziz, edo telefonoz, baina ez gaurko plenoan.

Nahia Urrutxuak galdetzen dau hartu behar den erabakia den Covid-19ak irauten dauen bitartean ia Udalbatzak telematikoki egingo diren. Jakinda aktarik ez dela onartuko eta ez dela egongo erregu eta galderarik galdetzen dau ia presentzial murriztua egiteko aukera egongo den. Alkateak adierazten dau, batera zein bestera erabakiak hartzeko bakarrik izango direla.

Arkaitz Estiballesek galdetzen dau guzti hau ze legetan oinarritzen den. Alkateak dinotso Eudelek bidalitako txosten baten.

Nahia Urrutxuak galdetzen dau ia Eudelena gomendioa dan ala agindua. Idazkariak, konsultatu ondoren adierazten dau Eudelena gomendioa dala eta irakurri egiten deutsie:

“osoko bilkurak eta batzordeen bilerak murriztea eta ezinbestekoak direnak baino ez egitea. Horrenbestez, osoko bilkurak eta batzordeen bilerak bakarrik egingo dira ebatzi beharreko gaiak erabakitzeko(bozkatu behar diren gauzetarako). Beraz, gainerako gaiak ez dira jorratuko.”.

Honen aurrean galdetzen dau Arkaitz Estiballesek ia euren erregu eta galderak zelan egingo diren eta ze epetan erantzungo diren. Alkateak erantzuten deutso baietz, idatziz egin ahal direla.

Erantzun epeari buruz, Idazkariak adierazten dau, begiratuko dauela, epe zehatzik badau, epe orokorra 3 hiruhilabetekoa dala. 

Guzti hau kontuan izanda, 8 aldeko botoakaz, 5 EAJ-PNV, eta 3 EH Bildu, hurrengo erabakia hartzen da:

- Covid-19ak sortutako alarma egoerak irauten dauen bitartean Udalbatzak on-line egitea.

-Udalbatzan ordua 17:00etan finkatzea.

2. 2020KO AURREKONTUERI AURKEZTUTAKO ERREKLAMAZIOEN AZTERKETA ETA AURREKONTUAREN BEHIN BETIKO ONARPENA, HALAN BADAGOKIO

Alkateak hartzen dau berbea adierazteko 2020ko aurrekontuari erreklamazio epean 4 erreklamazio aurkeztu jakozala, eta erreklamazioa aurkeztu daben guztiak legitimatuta dagozala horretarako.

Erreklamazioak Idazkariaren txosten baten aztertu direla dio, eta txostenaren arabera ez direla onartzeko modukoak diño. Erreklamazio honein azterketa egiterakoan dudak sortu direla 360. zenbakidun sarrerak adierazten eban lehenengo parrafoa ( Covid 19 dala eta 463/2020 Errege Dekretuaren Hirugarren xedapen gehiagarria aplikatuz, erreklamazioak aurkezteko epeak etetea) baina Idazkariaren txostenean argi geratu dala aurrekontuaren onarpenerako epeak ez dagozala zertan eten behar.

Arkaitz Estiballesek, hitza hartuta hurrengokoak adierazten dauz, batetik herritarrak ez dabela aukerarik izan erreklamazioak aurkezteko ze tabloian jarri zala iragarkia eta kofinanmendu garaian ezin izan dabela ikusi, etxetik urten ezinda egon direlako. Bestetik aurrekontu hau onartzeak ez daukala zentzu handirik, partida batzuk gaurdanik aldatu behar direnean. Adibidez legez adierazten dau San Isidro azoka ez dala egingo eta horren dirua beste gastu baterako egokitu beharko dala.

Alkateak adierazten dau aurrekontuaren aldaketak aurrerago egingo direla. Covid-19 a dala eta be, aurrekontuaren aldaketak egin beharko direla. Jarraitzen dau Alkateak adieraziz, herritarrak aurrekontuari alegazioak jartzeko aukera bermatu dela ze web orrian eta Bizkaiko Aldizkari Ofizialean argitaratu dela aurrekontuari hasierako onarpena eman jakola. Tabloian jartzeko derrigortasunik ez dela egon, baina halan eta guztiz ere ipini egiten dela. Horren froga 4 alegazio egotea dela.

Horretara dino Arkaitz Estiballesek aurrekontuan badagoela saneamendurako partida bat (gai honek ardura handia sortzen dauela herritarrengan) baina ez dagoela plan bat. Alkateak dino guzti hori azaldu ebala aurrekontuek onartu ziren Udalbatzan, legegintzaldi honetan Elizondo eta Ipiñaburu egingo zirela, eta kolektoreak jarriko ez direnetan putzu septikoak jarri.

Arkaitz Estiballesek dio asmoak horrek izango direla baina jarraitzen dauela aipatuz plan bat beharrezkoa dala, baita ere putzu septikoentzat. Eurek aztertu dabela gai hori adituakaz eta adierazi deutsiela putzu septiko bakarrak etorkizunerako gastu handia direla herriarentzat.

Alkateak horretara erantzuten dau, kasua bakoitza aztertuko dala ze batzuetan putzu bakarra beharko dala eta beste batzuetan kolektiboa.

Nahia Urrutxuak adierazten dau ez deutsola zentzurik ikusten aurrekontua holan onartzeari, dakigunean partida batzuk ez direla aurrera eroango, adibidez, San Isidro azoka. Alkateak argitzen dau, San Isidrokoa ez dela egongo baina bai parkeko feria.

Arkaitz Estiballesek galdetzen deutso ia diru hori emergentzi sozialetarako erabiliko dan. Alkateak adierazten deutso ez dakiela oraindino, baina argi dauela herriko komertzioak be laguntzak beharko dabela.

Berriro adierazten dau Arkaitz Estiballesek badakiela beste udalerri batzuetan enpresa handiak dirulaguntzak emango dabezen herritarrentzat. Ia hemen hitzegin den Iberdrola edo Patzuergoagaz. Alkateak adierazten dau ezetz. Gurutze Etxebarria zinegotziak adierazten dau egoera ekonomiko txarrean dagozan familientzat Patzuergoak badituela bonifikazioak.

Guzti hauek kontuan izanda erreklamazioak bozkatzen dira:

355 sarrera zenbakiduna Iker Prieto Bengoetxeak aurkeztua: 3 boto aldeko (EHBilduko zinegotziak), 5 kontrako boto (EAJ-PNVkoak).

356 sarrera zenbakiduna Pedro Mari Lejarza Ibarrondoko aurkeztua: 3 boto aldeko (EHBilduko zinegotziak), 5 kontrako boto (EAJ-PNVkoak).

358 sarrera zenbakiduna Garazi Urien Ortuzarrek aurkeztua: 3 boto aldeko (EHBilduko zinegotziak), 5 kontrako boto (EAJ-PNVkoak).

360sarrera zenbakiduna Zedarri Jauregi Manterolak aurkeztua: 3 boto aldeko (EHBilduko zinegotziak), 5 kontrako boto (EAJ-PNVkoak).

Beraz, erreklamazioak ez dira onartzen, eta aurrekontua behin betikotzat onartua geratzen da.

Idazkariaren txostena erreklamazioei buruz:

355. zenbakidun sarrerari dagokion erreklamazioa:

1.Udaletxeko ediktu oholean iragarkia ez jartzea. Ez da legeak aipatzen dauen arrazoietarako bat.

Legeak berak Bizkaiko Aldizkari Ofizialean argitaratzea eskatzen dau, baina iragarki horretan “iragarki oholean” jarriko zala aipatzen ebanez, bete egin behar da. 2020ko martxoaren 23an jarri zan iragarki oholean aurrekontuaren hasierako onarpena.

2. Epeak ez betetzea: Ez da legeak aipatzen dauen arrazoietariko bat erraklamazioa aurkezteko.

3.Saneamendue jartzeko plangintza ez betetzea. Ez da legeak aipatzen dauen arrazoietariko bat erraklamazioa aurkezteko.

356. zenbakidun sarrerari dagokion erreklamazioa:

1. Aurrekontue dala eta herritarrak ez dabela informaziorik euki. Honen aurrean adierazi behar da aurrekontuen hasierako onarpenerako udalbatzaren deialdia web orrian argitaratu zala, Udalbatzen sailan eta udal tabloietan.Horretaz gain, Bizkaiko Aldizkari Ofizialean argitaratu zala martxoaren 4an hasierako onarpena eta erreklamazioak aurkezteko epea . Iragarkian adierazten zala: “espediente honen dokumentazioa udal bulegoetan izango da eta bulegoko orduetan ikusi ahal izango da”. Amaitzeko, udaleko iragarki oholean martxoaren 23an argitaratu zan iragarkia, berriro erreklamazioak aurkezteko epea zabalduz. Beraz, informazioa legeak adierazitako eran emon da.

2. Udaletxeko ediktu oholean iragarkia ez jartzea. Ez da legeak aipatzen dauen arrazoietarako bat. Legeak berak Bizkaiko Aldizkari Ofizialean argitaratzea eskatzen dau, baina iragarki horretan “iragarki oholean” jarriko zala aipatzen ebanez, bete egin behar da. 2020ko martxoaren 23an jarri zan iragarki oholean aurrekontuaren hasierako onarpena

3. Epeak ez betetzea. Ez da legeak aipatzen dauen arrazoietarako bat erraklamazioa aurkezteko.

358. zenbakidun sarrerari dagokion erreklamazioa:

1. Udaletxeko ediktu oholean iragarkia ez jartzea. Ez da legeak aipatzen dauen arrazoietarako bat. Legeak berak Bizkaiko Aldizkari Ofizialean argitaratzea eskatzen dau, baina iragarki horretan “iragarki oholean” jarriko zala aipatzen ebanez, bete egin behar da. 2020ko martxoaren 23an jarri zan iragarki oholean aurrekontuaren hasierako onarpena

2. Epeak ez betetzea. Ez da legeak aipatzen dauen arrazoietarako bat erraklamazioa aurkezteko.

3. Nekazal bidean konponketan hurrenkera zein den galdetuz eta bideen egoera txarra salatuz: Ez da legeak aipatzen dauen arrazoietarako bat erraklamazioa aurkezteko.

360. zenbakidun sarrerari dagokion erreklamazioa:

1. Covid 19 dala eta 463/2020 Errege Dekretuaren Hirugarren xedapen gehiagarria aplikatuz, erreklamazioak aurkezteko epeak etetea. 463/2020Errege Dekretuaren Hirugarren Xedapen Gehigarri hori 465/2020 Errege Dekretuaren bitartez aldatu egin da, hurrengokoa adieraziz.

“Sin perjuicio de lo dispuesto en los apartados anteriores, desde la entrada en vigor del presente real decreto, las entidades del sector público podrán acordar motivadamente la continuación de aquellos procedimientos administrativos que vengan referidos a situaciones estrechamente vinculadas a los hechos justificativos del estado de alarma, o que sean indispensables para la protección del interés general o para el funcionamiento básico de los servicios.”

Horretaz gain adierazi behar da “Secretaría General de Financiación Autonómica y Local”ek adierazi dauela aurrekontuaren onarpena ez dagoela Administrazio Publikoen Prozedura Administratiboa arautzen dauan 39/2015 barne, bere prozedura espezifikoa daukalako, kasu honetan, Bizkaiko Lurralde Historikoko Toki Erakundeen Aurrekontuei buruzko abenduaren 2ko 10/2003 Foru Araua.

(La Secretaría General de Financiación Autonómica y Local, que considera que la Disp. Adic. 3a RD 463/2020 se refiere al de la LPACAP, y los plazos que se suspenden lo son para tramitación de los procedimientos administrativos, que se encuentran en aquel ámbito. Al ser una medida excepcional no puede ser objeto de aplicación extensiva. El procedimiento de elaboración y aprobación de los Presupuestos no es un procedimiento administrativo común, sino con un procedimiento específico .... En consecuencia, entendemos que la citada Disp. Adic. 3a RD 463/2020 no sería aplicable al procedimiento de aprobación del Presupuesto y, por tanto, tampoco a las modificaciones de crédito.)

2. Familiei dirulaguntza emateko ordenantza ez egotea: Ez da legeak aipatzen dauen arrazoietariko bat.

3.Aurrekontuaren egonkortasuna eta finantza iraunkortasuna ez betetzea: Ez da legeak aipatzen dauen arrazoietariko bat. Aurrekontua egonkorra ez izateak ez dau suposatzen ezin denik onartu; aurrekontua onartu ahal da, baina plan ekonomiko bat onartu behar da.

Udalak zorraren portzentaia betetzen dau, aurrekontuaren txostenean aipatzen zen moduan. Egonkortasunari buruz, printzipioz ez badau betetzen be, aurreko urteko likidazioagaz batera aztertu beharreko da , eta beharrezkoa bada Plana aurkeztu beharko da.

(El artículo 6. de la citada Norma Foral 5/2013, de 12 de junio establece que en el caso de que una entidad local elabore, apruebe o ejecute sus Presupuestos incumpliendo el objetivo de estabilidad presupuestaria, el objetivo de deuda pública o la regla de gasto, formulará un plan económico-financiero que garantice el cumplimiento de los objetivos citados o de la regla de gasto en el ejercicio en el que se ha producido el incumplimiento o en el siguiente.)

4. Bizkaiko Aldizkari Ofizialean argitaratu zan martxoaren 4an aurrekontuaren hasierako onarpena eta erreklamazioak aurkezteko epea . Iragarkian adierazten zala: “espediente honen dokumentazioa udal bulegoetan izango da eta bulegoko orduetan ikusi ahal izango da”.

Beraz, informazioa legeak adierazitako eran emon da.

5. Inbertsioak egitean hurrenkera ez da adierazten. Ez da legeak aipatzen dauen arrazoietariko bat erreklamazioa jartzeko.

6. Uribeko San Miguel ermitaren terrenoa 3.000€tan tasatuta dagoela eta aurrekontuan 5.000,00€ jarri direla. Ez da legeak aipatzen dauen arrazoietariko bat erreklamazioa jartzeko.

7. Plazearen berantolaketa: Kontuan izan behar litkela. adin ezberdinetako herritar askok erabiltzen dauela Plaza. . Ez da legeak aipatzen dauen arrazoietariko bat erreklamazioa jartzeko.

8.Plangintza orokorra ez egotea: Ez da legeak aipatzen dauen arrazoietariko bat erreklamazioa jartzeko.

3. ZEANURIKO UDALEKO BELARDIETAN PASTETAKO ESKUBIDEA DAUKAN GANADUAREN ZERRENDAREN ONARPENA

Alkateak hartzen dau berbea 2020 an pastua ordaindu daben abeltzainen zerrenda mahaigaineratuz, bakoitzak ze eratako eta zenbat abere apuntatu eta ordaindu dauena adierazten dauena.Ikusten dela “carga ganadera” apur bat bajatu egin dela, gehien bat ardietan. Aipatu behar dela baita ere , Zeanuriko udalaren ordenantzak “vacio sanitarioa” aurrikusten dauela eta aurten otsailaren 15etik apirilaren 15 erarte izan dala, biak barne. Ganaderuek horretaz jakitun egon direla baina ganaderu batzuk ez dabela bete, euren artean Jesús Mari Intxaurbek, Iñaki Intxaurbek eta Ibai Aranak. Arazoa era kronologikoan azalduta honela dela:

Martxoaren 27an abisatu ebela Arraban ganadua egoala. Azken ordua izan zela eta martxoaren 30ean alguazilak konprobau ebala holan zala. 3 behor egon zirela, 2 Ibai Aranarenak eta 1 Areatzako batena. Ganaderu biei komunikatu jakiela ganadua erretiratzeko eta Zeanurikoak ez ebala erretiratu. Apirilaren 8an guardeak berriro abisatu eutsola adieraziz behorrak egozala Arraban, 2 Ibai Aranarenak eta beste bi identifikazio bakoak. Egoera horren aurrean Aldundira deitu ebala ganaderua erretiratzeko Lemoako kortara, baina zerbitzu hori etenda egon dela Covid-19 a dala eta. Apirilaren 15ean alguazila joan zala eta topau zituela, Ibai Arana, Iñaki Intxaurbe eta Jesus Mari Intxaurberen ganaduak. Honen berri eman jakiela bai ganaderu elkarteari, eta bai ganaderuei eurei be. Notifikazio honen aurrean Iñaki Intxaurbek eta Jesús Mari Intxaurbek adierazi dabela, errakuntza baten ondorioz bialdu ebela ganadue Gorbeiera, uste ebelako 15ean bialdu ahal zala. Guzti hau kontuan izanda, EAJ-PNVren proposamena izango litekela zerrenda guztia onartzea, Ibai Arana izan ezik, vacio sanitarioa ez dauelako bete epe luze baten eta ez dauelako inongo arrazoirik eman horretarako. Jesús Mari Intxaurbe eta Iñaki Intxaurberen azalpena ontzat ematen dabela ze euren ganadue apirilaren 15ean agertu zala, ez lehenago.

Arkaitz Estiballesek galdetzen dau ia Ibai Aranak ezin dauen egoera hori zuzendu, ze iaz Ezpeletak azkenean ganadue bota egin ebala. Alkateak erantzuten deutso, Ibai Aranak errekurtsoa jartzeko aukera izango dauela.

Guzti hau kontuan izanda, bozketara jotzen da, eta guztien aldeko botoagaz, 5 boto EAJ-PNV eta 3 boto EH Bildu hurrengoko erabakia hartzen da:

Lehena: Jarraian agertzen den zerrendako behin behineko pastuko tasa ordaindu dabenen zerrenda onartzea, Ibai Arana izan ezik, ordenantza ez betetzeagatik.

Bigarrena: Ibai Arana Elezkanori adieraztea maiatzaren 4rako ganadua erretiratu behar dauela.

Hirugarrena: Ibai Aranari kobratutako tasa bueltatzea.277,40€

Laugarrena: Interesatuei horren berri ematea.

Eta beste gairik ez dagoenez, bilerari amaiera ematen jako arratsaldeko 16:00etan.