2020ko irailaren 28ko ez ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVIER CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko irailaren 28an, 19:00etan, goian aipatutako zinegotzi-gaiak biltzen dira ekainaren 23an deialdian aipatutako gaiak jorratzeko.

Udalbatzari hasiera eman aurretik urgentzia bozkatzea proposatzen da:Alkateak adierazten dau Leader dirulaguntzak eskatu nahi direla eta proiektuetako bat putzu septikoak jartzea izango dala. Aurrekontu zuzena aurkeztu nahi da. Aho batez onartzen da urgentzia.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1.2020ko AURREKONTUAREN 6. ALDAKETAREN ONARPENA, HALAN BADAGOKIO

Alkateak modifikazioaren azalpena ematen dau.

Trasferentzia negatiboak:

3410 48000: PIszina –Polikiroldegi laguntza: -2.000,00(3 eskari bakarrik egon dira)

3120 21001 :Desfribiladoreak: -1.000,00 (aurtengo desfibriladora jarrita dago Uriben).

4311 22606: Azokan antolakuntza: -5.000,00 ( Ez da egingo Parkeko feria)

3380 22606: Jaiak: -5.000,00

Trasferentzia positiboak:

3110 22701: Osasunaren zaintza: +3.000,00

920022201: Telefonia udala: +4.000,00(Telefonikagaz arazoak; telefonikak ez dau bete bere kontratua abiaduraren aldetik, eta internet euskaltegaz kontratatu da.Momentuz ez da lortu telefonikagaz baja tramitatzea eta penalizazioak jartzeko arriskua dago.

152262202: Komun publikoen konponketa: + 6.000,00: Hurrengoko obrak egiteko derrigortsuna dago: espaloiko kontadorak kendu eta tuboak aldatu berunezko tuboa agertu dalako. Era berean kontadorak harrizko horman jarriko dira. Horretaz gain tabernako putzu septikoaren anulazioa egingo da, eta korreoseko komuneko ur lohiek batuko dira, guztia saneamentu sarera konektatuz. 

Beste alde batetik, sabaia apurtzean sitsa agertu da eta bigei tratamendue emango jakie, eta burnizko biga berri bat sartzen da.

Anulazioengatik bajak:

4300 47100.: Dirulaguntzak autonomoei:-18.000,00

Kreditu gehigarriak:

162069201. Putzu septikoen konstrukzioa: +18.000.00

Nahia Urrutxuak aipatzen dau aurreko plenoan modifikazio hau mahai gainean geratu zala akats inportante bat egoalako, baina akats hori zuzentzeaz gain modifikazioa bere be aldatu egin dala; adibidez putzu septikoetan 3.000,00€ gehiago sartu direla edo osasunaren zaintzan 1.000,00€ gehiago.

Alkateak dino putzu septikoenak azalpen erreza dekola, zenbat eta diru gehiago izan partidan putzu septiko gehiago egingo dela. Parkeko zuzendariak esan eutsonean feria hori ez zela egingo putzu septikoetara pasetea erabaki ebala. Komun publikoetako ezustekoa sortu denez, modifikazioa egiteko aukera sortu dala.

Nahia Urrutxuak aipatzen dau lehentasunak ez dauzela argi jarrita, ez dagoelo plan bat. Alkateak adierazten deutso putzu septikoetan badagoela plana; Zabalea, Egileor eta Larrea direla aurrikusita dagozanak 2020an egiteko, baina herritar gehiago dagoenez egiteko itxaroten diru gehiago sartu dala. Gainera proiektu hau Leader dirulaguntzara aurkeztuko dala, eta aurrekontu altuago batentzat, dirulaguntza be altuagoa izango dela.

Guzti hau entzunda, 5 boto alde (EAJ-PNV) eta 4 boto kontra (EH Bildu), hurrengoko ebazpena hartzen da: aurrekontuaren 6. Modifikazioa onartzea.

Eta beste gairik ez dagoenez, bilerari amaiera ematen jako arratsaldeko 20:00etan.

2020ko irailaren 17ko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, NAGORE MADARIAGA PAREDES, IRATI ALTUNA ZUAZUA, JAVIER CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko irailaren 17an, 19:00etan, goian aipatutako zinegotzi-gaiak biltzen dira irailaren 15ean deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. AURREKO AKTEN ONARPENA

2020ko apirilaren 23ko eta 2020ko maiatzaren 21eko aktak onartzen dira.

201ko maiatzaren 28aktan eta ekainaren 25eko aktan zuzenketak egiten dira.

2. 2020ko AURREKONTUAREN 6. ALDAKETAREN ONARPENA, HALAN BADAGOKIO

Alkateak modifikazioaren nondik norakoak azaltzen ditu:

Kredituen trasferentzia:

Trasferentzia negatiboak:

430047100: Dirulaguntzak autonomoei: -18.000,00€

3410 48000: PIszina –Polikiroldegi laguntza: -2.000,00 (Eskari bi bakarrik egon dira)

3120 21001 :Desfribiladoreak: -1.000,00 (Aurtengoa erosita dago).

Trasferentzia positiboak:

3110 22701: Osasunaren zaintza: +2.000,00

920022201: Telefonia udala: +4.000,00 (Telefonikagaz arazoak; telefonikak ez dau bete bere kontratua abiaduraren aldetik, eta internet euskaltegaz kontratatu da.Momentuz ez da lortu telefonikagaz baja tramitatzea eta penalizazioak jartzeko arriskua dago).

162069201: Putzu septikoen konstrukzioa: +15.000,00€

Alkateak amaitu eta gero, Nahia Urrutxua zinegotziak adiearazten dau batetik faltan bota dabela modifikazioa arrazoitzen dauen justifikazioa eta bestetik, modifkazioa hau ezin dela gauzatu ze “430047100: Dirulaguntzak autonomoei” trasferentzia bidez sortutako partida izanez ezin dela murriztu.

Justifikazioa dala eta adierazten jako kreditu gehigarrietan bakarrik dela derrigorrezkoa Alkatearen justifikazioa. Modifikazioa batzordean azaldu zala bere osotasunean, ulertzeko moduan.

Bigarren iradokizunari buruz,Idazkariak adierazten dau aztertu egin behar dauela.

Puntua mahai gainean geratzen da

3. ORUEKO MUROAREN EJEKUZIOAREN LANEN ESLEIPENAREN ONARPENA, HALAN BADAGOKIO

Alkateak hartzen dau berbea azaltzeko, Orueko muroaren euste lanek obrak lizitatu eta gero enpresa bi aurkeztu zirela, Ekin Eraiketak S.L. eta Cimentaciones Abando. Esleitzeko irizpide bakarra prezioa zala eta preziorik onena Ekinena izan zela baina solbentzi teknikoan klazifikazio bat eskatzen zala eta Ekinek ezin izan dauela klazifikazio hori aurkeztu eta arrazoitu ebala 500.000,00€tako aurrekontura heltzen ez diren kontratutean ez daukala zertan aurkeztu behar. Erantzun horren aurrean udalak 2019ko kontuak aurkeztea eskatu eutson. Ekinen erantzun izan zan 2019ko kontuak aurkezteko epea zabalik dagoela eta 2018ko Sozietateen gaineko zerga aurkeztu eban. 

Guzti honen aurrean Cimentaciones Abandok alegatu eban, Ekinek ez daukala klasifikazioa eta uste izan ezkero, ez ebala aurkeztu behar Pleguak errekurritu behar zituela. Proposamena aukeztu eban momentutik aurrera Pleguak onartutzat ematen direla.

Guzti honen aurrean Sanz y Saiz abokatuei txosten bat eskatu jakiela eta txostenaren arabera ondorioztatu ahal dela hurrengoa:Construcciones Ekinen kontuek ez dabela balio Ekin Eraiketen kontuek aurkezteko orduen, nahiz eta grupo empresarial berekoak izan, klazifikazioa errekurritzeko momento ez dela hau, baizik eta pleguak argitaratu zirenean , eta 2018ko sozietateen gaineko zerga aukeztu beharrekotan, 2018ko kontuak aukeztu behar zirela.

Arkaitz Estiballesek galdetzen dau ia, Kontratazio Mahaiak kontuan izan eban Ekin Eraiketak klazifikazioa ez ebala betetzen. Alkateak erantzuten deutso, konratazio mahaiak ,proposamenak ireki, eta ikusten dauenean zein den onuragarriena, “declaración responsable” ari eutsiz, eskatu beharrezko dokumentazioa eskatzen dauela.

Galdetzen dau baita be Arkaitz Estiballes jaunak ia Zeanurin Ekin Eraiketak ala Construcciones Ekinegaz egiten den lan, ia zer dala eta enpresa bat ala bestea erabiltzen daben. Alkateak dio frontoia Ekin Eraiketak egin ebala, besterik ez dakiela berak.

Beraz, txostenean oinarrituta, eta guztien aldeko botoagaz, 4 EAJ-PNV, eta 4 EH-Bildu hurrengo erabakia hartzen da:

Horretarako emandako txosten juridikoa kontuan izanda;

LEHENA: Cimentaciones Abando S.A.ri esleitzea “Orueko bideko euste lanak” las obras de “146.331,04€ (Bez kanpo) izanik prezioa.

BIGARRENA: Interesatuari horren berri ematea.

4. LURZORU PUBLIKOA ERABILTZEKO UDAL ORDENANTZA: ERABILERA OROKORRA, TXOZNAK ETA ANTZEKOEN KASU BEREZIA ETA UDAL LOKALEN ERABILERA” ARAUTZEN DAUEN ARAUDIAREN ALDAKETAREN ONARPENA, HALAN BADAGOKIO.

Alkateak hartzen dau berbea adierazteko, Ordenantzaren parrafo honen aldaketa aztertuko dela ("Bigarren txozna hau beste ekintza bereziren bat dala eta jarriko balitz, ekintza horren finantziazioan lagundu beharko leuke, 200,00€/eguneko.”). Iaz, Gorbeia Suzien karreran antolaketa zala eta Aitor Aurrekoetxeak bigarren txozna bat jarri eban, antolakuntzak berak jarritakoaz aparte.

Txozna hori dala eta EH Bilduk txosten juridiko bat eskatu eban, ze ez eben ulertzen bigarren txozna horren diru ekarpenaren zentzua, ez eben argi ikusten nori egin behar jakon dirusarrera...

Ordenantza honen helburua hurrengokoa izan zala: txosnen eremu eta kopurua zehaztea, eta era berean txosna horiek jaien finantziazioan laguntzea.Bigarren txosna hau jaietan jarri ahal zan edo beste ekintza berezien baten eta bietan 2. Txosna horrek diru ekarpen bat egin beharra zeukan.

Txosten juridikoaren arabera, udalak ez leuke hirugarrenen erlazioan sartu behar, udalak ezin dau ordenantza horretan erlazio hori arautu. Beraz, parrafo hori kentzea proposatzen da, nahiz eta horren ondorioz ekintza bat antolatzen dauen taldeak finantziazio bat galdu.

Arkaitz Estiballes zinegotziak hartzen dau berbea eta adierazten dau, ez ebela argi ikusten ezabatuko den testu hori. Jarraitzen dau adieraziz, bigarren parrafoan adierazten dauela "ulertuko balitz bigarren txosna bat jarri behar dela jaietan, bigarren txosna horrek 700€gaz lagundu beharko leuke jaien finantziazioan”. Galdetzen deutso Alkateari ze figura den hori. Alkateak erantzuten deutso kontribuzio bat. Jarraitzen dau Estiballes jaunak galdetuz ia Aitor

Aurrekoetxeak ordenantza bete eban ala ez, batetik Gorbeia Suzienegaz eta bestetik udalagaz 700€ ingresatuz udalean. Alkateak diño 700€ horiek jaietan ingresatu beharko liratekezela bigarren txozna bat jarriko balitz, baina Aitor Aurrekoetxea ez dela inoiz egon jaietan.

Hori holan izanda, galdetzen dau Estiballes jaunak ze jaiei buruz dabilen Alkatea. Alkateak erantzuten deutso jaiek San Isidroak eta Andra Mariek direla.

Mikel Sagarnak galdetzen dau ia jaietan, beste talde batek, antolatuko baleu ekintzaren bat, eta ekintza hori dala eta 2. Txosna bat jarriko balitz, ia zer gertatuko liteken. Alkateak dio, jaietan egitarau bat egoten dala eta hortik aparte ezin dela ezer antolatu jai lez.

Estiballes jaunak galdetzen dau, jaietan txozna bat baino gehiago jartzeko eskariak balegoz nork erabakiko leuken nork ipini. Alkateak erantzuten dau Zeanuriko udalak erabakiko leukela, hain zuzen be Alkateak Jai Batzordeagaz batera.

Ordenantzari eutsiz berriro galdetzen dau Estiballes jaunak, ia txoznak beti leku irekian jarri behar diren. Alkateak erantzuten dau hori jartzen dauela Ordenantzak.

Hori holan bada, galdetzen dau Arkaitz Estiballesek ia Gorbeia Suzienek jarri ebana leku irekia den . Alkateak dino, printzipioz, toki horretan, bezeroak ezin direla toki zarrature sartu.

Horren harira galdetzen dau Mikel Sagarnak ia jaietan edozein garajek funtzionatu ahal dauen txozna moduen. Alkateak dino udalak baimendu beharko dauela.

Arkaitz Estiballesek adierazten dau eurek ez dauzela ados Ordenantza honegaz, uste dabela asmo konkreto bategaz egin zela, eta dana berrikustearen aldekoak direla.

Alkateak dino berak beste ordenantzan azterketa bat egin dauela eta Zeanurikoa ez dela batere murriztatzailea, herri gehienetan eskatzen dabela txosna jarri ahal izateko elkarte hori Jaurlaritzan erregistratuta egotea eta jai batzordea parte aktibo izatea.

Sagarna jaunak galdetzen deutso Alkateari ia ikusi dauen diru ekarpenik egiteko derrigortasuna inongo Ordenantzetan. Alkateak erantzuten deutso Ordenantza hau eztabaidatu zenean proposatu zala herriko elkarte batek eskatuko baleu txosna jartzea agian ez zala beharrezkoa izango ekarpen hori egitea, baina ez zala onartu.

Mikel Sagarnak dio 700€ muga handia dala, taldeak ezin dabela diru hori atera. Alkateak zenbakiak ematen deutsoz, jai batzordean ateratako etekinei buruzkoak, eta Sagarna jaunak adirazten deutsonean diru hori bitan zatitu beharko litekela, Alkateak dio EAJ-PNVk beti mantendu dauela hori, baina EH Bilduk adierazten ebala zenbat eta txosna gehiago, diru gehiago aterako zala. Horreri gehitu behar jakola txoznak ezin dauriela herriko ostalaritza kaltetu. Horregaitik mugatzen dala txosnak jartzearena, eta horregaitik eskatzen dela baita ekarpen hori, ze edozein taldek atera ahal dauela onura jaietan ematen den girotik.

Guzti hauek entzunda, eta horretarako egin den txostena kontuan izanda , 4 abstentziogaz (EH Bildu) eta 4 aldeko botoagaz (EAJ_PNV), hurrengoko ebazpena hartzen da:

LEHENA: Hasierako onarpena ematea hurrengoko ordenantzaren aldaketari: Lurzoru publikoa erabiltzeko Udal Ordenantza: erabilera orokorra,txoznak eta antzekoen kasu berezia eta udal lokalen erabilera- Ordenantzaren aldaketa: 3. Ataleko hurrengoko parrafoa ezabatzen da “Bigarren txozna hau beste ekintza bereziren bat dala eta jarriko balitz, ekintza horren finantziazioan lagundu beharko leuke, 200,00€/eguneko.”

BIGARRENA: Toki Araubidearen oinarriak arautzen dauzen apirilaren 2ko 7/1985 Legearen 49. Artikuluan adierazitakoa kontuan hartuta, espedientea jendeaurreratu egiten da 30 egunetako epean, iragarki hau Bizkaiko Aldizkari Ofizialean argitaratzen denetik zenbatuta, erreklamazioak edo iradokizunak aurkezteko.

5. TRAKZIO MEKANIKODUN IBIGAILUEN GAINEKO ZERGA ARAUTZEN DAUEN ORDENANTZAREN ALDAKETAREN ONARPENA, HALAN BADAGOKIO

Alkateak hartzen dau berbea Ordenantzan proposatzen diren aldaketak azaltzeko:

-Elbarriei dagokien bonifikazioak sartuko dira.

-14 CF baino gitxiago dabezen ibilgailuak exentzioa izango dabe elbarrientzat badira.

-Ibilgailu historikoak halan katalogatuta badagoz exentzioa izango dabe, ez 25 urte baino gehiagokoak katalogaziorik ez badabe.

-Elektrikoak, %75eko bonifikazioa izango dabe, lehenengo 5 urteetan.

-Hibridoak, %50a lehenengo 3 urteetan.

-Familia ugarikoak, %50a.

Arkaitz Estiballesek hartzen dau berbea adierazteko dokumentazioa berandu jaso dabela eta ez dabela astirik izan aztertzeko. Puntua mahai gainean iztea eskatzen dau. Alkateak adierazten dau puntuko informazioa emanda egon dela zehaztasun askogaz, nahiz eta idatzizko testua berandu jaso, baina mahai gainean geratu behar badau, geratu daitela.

Puntua mahai gainean geratzen da.

6. 2020-2021 UDALBATZEN EGUTEGIAREN ONARPENA, HALAN BADAGOKIO

Egutegia onartzen da.

7. EH BILDUK IGOR GONZÁLEZ SOLAREN HERIOTZA DALA ETA ADIERAZPENAREN ONARPENA, HALAN BADAGOKIO

Arkaitz Estiballesek testuaren azalpena ematen dau.

Mozioa bozkatu egiten da, eta guztien adostasunagaz onartu: 8 boto alde, 4 EH Bildu eta 4 EAJ-PNV.

ERREGU ETA GALDERAK

Alkateak hartzen dau berbea adierazteko karabanen gunea martxan jarri dela. 6 autokarabanentzat dago lekue. Aurrerantza aztertuko da ordenantzaren beharrizana.

Jarraitzen dau Alkateak Plazako berantolaketarako bilerak martxan jarriko dituela. Ordenatzeko guneak batzoki aurreko kalea, Ibarretako frontoi ondoko jardine eta probaleku ingurue eta Landeta. Deialdie Plaza ingurukoentzat izango dela dio. Era berean trafikoa moteltzeko neurriak be izango direla dio.

Arkaitz Estiballesek hurrengokoa aipatzen dau; batetik Landetan vadoak jarri behar litekezela, gaur egungo lokal komerzialak garaje bihurtuz. Alkatea dio ez dauela aztertu hori baina batetik gastua suposatuko leukela eta besteteik prozesu hau astirotu. Bestetik dio Alkateak paroposatzen dauenak (piboteak jarriz batzuri bakarrik emon aparkatzeko aukera) eremu publikoa pribatitzatzea suposatzen dauela. Baiezkoa erantzuten deutso Alkateak, baina hori egin ahal dala kanon bat kobratu ezkero. Gaineratzen dau Alkateak, leku batzutan ezin izango dala aparkatu, baina hori ekilibratzeko San Isidro kalea liberatu beharko dela, herritarrentzat bakarrik izan daiten.

Javier Campo zinegotziak adierazten dau aparkalekua asko mugatzen bada, jendea euren jestioak egiten beste herri batzuetara joatea dala arriskua.

Beste gai bateri lotute Alkateak dio komun publikoen obrea hasi dela.

Jarraituz aipatzen dau Alkateak urriaren 3an beste azoka bat egongo dela. 

Planteatzen dau Alkateak ia zinegotziren bat, Alkatea edo Idazkaria konfinaute balego on line konektatzea. Proposamena ontzat ematen da. Honen arira galdetzen dau Mikel Sagarnak ia herritarren parte hartzea Udalbatzetan zelan bermatu ahal den. Alkateak dino aztertuko dala.

Arkaitz Estiballesek hartzen dau adierazteko Torrean inguruen intxur bet dagoela bidera jausteko arriskuan. Jakin gure dau ia horrelakoetan zein den prozedura, ze auzotarrei bialdu jakiela idazti bat aginduz bide kontrako zuhaitzak kentzeko edo inusteko. Galdetzen dau jaubeak kasurik ez baleu egingo kasu konkretu baten ia zer egin ahal dauen udalak. Alkateak dio jaubeak egingo ez baleu udalak egin ahal dauela eta gastuak jaubeari kobratu. Baina guzti hau ondo aztertu nahi dauela. Badagoela bideen

erabilerarako ordenantza bat aukera honeik ematen dauzena.

Alkateak hartzen dau berbea adierazteko Torrea inguruen abiadura jaisteko banda batzuk jarriko direla, hainbat herritar kexatu direlako puntu horretan kotxeetaz eta bizikletakaz. Nahia Urrutxua zinegotziak dino San Isidro kalean be arazoa dagoela bizikletariekaz. Onartzen dau Alkateak, nahiz eta abiadura murrizteko neurriak jarrita egon.

Arkaitz Estiballesek dio abuztuan bai Kutxabankeko bulegoa zarratuta egon dela. Baina horretaz aparte, Zeanuriko kajeroa bera be oso zaharkitua dala eta operazio batzuk (barik kargatu ) ezin direla egin. Kajero barri bat jartzea eskatu behar litekela adierazten dau. Alkateak dino kexea aurkeztuta dagoela abuztuan zarratzeagatik, eta berriro luzatuko dela kexa kajeroagatik, baina entzunda daukanez, barriak ez dabez jartzen.

Arkaitz Estiballesek dio Kutxabanketik aparte Osakidetzan jarrerak be arduratzen dauela, ze oporraldiak ez dabezela betetzen.Osakidetzan be kexa aurkeztu beharko dala dio, ze herri txikiek abandonaute, bertan behera itzite daukiezala. Horren aurkako ekimenen bat balego, euren atxikipena izango leukela. Alkateak erantzuten deutso zonalde honetako arduradunagaz pare bat aldiz hitz egin

dauela eta euren azalpena dela Pandemia egoera honetan ez daukiela pertsonal gehio ze baja askori egin behar deutsiela aurre. Bere ustez zentralizazio joera bat dagoela, eta ez dagoela horregaz ados.

Nahia Urrutxuak galdetzen dau ikastaro desberdinak hasiko diren. Alkateak adierazten deutso, apuntatzeko epea zabalduko dela eta ikastaroak eurek azaroan hastea dala asmoa , eskolaren hasierak eduki ahal dauen eragina ikusi eta era eskalonatuan egiteko asmoagaz. Adinekoenak ez direla hasiko eta joskilena bez, ze joskilen kurtsoa adinekoak ematen dabela.

Mikel Sagarnak galdetzen dau ia Barrondoko bidea konponduko dan. Alkateak dino dirulaguntza eskatute dauela eta ebazpenaren zain dagozala. Hobeto seinalizatzea eskatzen dau, ze momentuan jarritako seinalizazioa ez dagoela ya.

Arkaitz Estiballesek dio ia kale desinfekziorik egiten dan. Alkateak dino baietz, astean behin egiten dala, baina herri askok ez dauela egiten aspalditik, eta Zeanurin be hau izango litekela azken astea.

Mikel Sagarnak dio ia zer gertatuko den talde kulturalei emandako dirulaguntzakaz, aurtengo aktibitatea asko bajatuko dalako. Alkateak dino baietz, talde batzuk onartu dabela jarduera askoz be murritzagoa izango dabela, baina hori urte amaieran ikusiko dela.

Arkaitz Estiballesek dio Andra Mari kulturalaren informaziorik ez dela egon web orrian. Alkateak erantzuten deutso asmoa zala publizitate txikia ematea. Arkaitz Estiballesek dio udaleko informazioa lehenengo web orrian eskegi behar litekela eta gero zabaldu Alkatearen facebook-etik. Alkateak dino berak ez daukala facebook, Eider Ajuriagerrak baino. 

Alkateak adierazten dau Zulaibargo argiteriaren aldaketari buruz badabil, berak ez ebala informazioa zabaldu enpresak baino, berak konpartitu egin ebala.

Amaitzeko galdetzen dau Estiballes jaunak ia bonoen salmenta zelan joan dan. Alkateak erantzuten deutso gitxi saldu direla, baina urtearen amaierarte denez esperantza daukala gehio salduko direla.

Javier Campok galdetzen dau ia normala dan Mankomunitatean zorra izatea udal guztiek. Alkateak erantzuten deutso Zeanuriko kasuen akatsak izan direla.

Nahia Urrutxuak galdetzen dau udaletxeko pisuaren konponketagaz hasiko diren. Baiezkoa erantzuten deutso Alkateak. Honen harira dio Estiballes jaunak proiektu honetan ez dela batera kontuan izan Arratiako komertzioa, muebleak sartzerako momentuan adibidez.

Eta beste gairik ez dagoenez, bilerari amaiera ematen jako 21:30 orduetan.

2020ko uztailaren 9ko ez ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko uztailaren 9an, 19:00etan, goian aipatutako zinegotzi-gaiak biltzen dira uztailaren 7an deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. EH BILDUK “COVID 19-AK EKARRITAKO KALTE EKONOMIKOAK GITXITZEKO ZEANURIKO HERRITARREI ETA FAMILIEI ZUZENDUTAKO DIRULAGUNTZEN OINARRI ARAUTZAILEEN “ONARPENA HALAN BADAGOKIO.

Alkateak berbea ematen deutsie EH Bilduko zinegotzie ordenantzaren nondik norakoak azaltzeko.

Arkaitz Estiballesek adierazten dau beharrezkoa ikusten zala Covid-19 garai honetan langabezian edo Ertean geratu diren familia eta herritarrei zuzendutako dirulaguntza batzuk onartzea, bere egunean autonomoakaz eginzan bezala. Hori kontuan izanda, ordenantza eredu hau erregistratu ebela udalean, baina ikusita ez zela udalbatzan tratatzen, tratatzeko ez ohiko udalbatza bat eskatu dabela. Ordenantzan bertan zehazten direla dirulaguntza jasotzeko beharrezkoak izango litekezan baldintzak eta eskatzen dela 60.000€tako partida bat zabaltzea honetarako. Kantidade hau gitxitu be egin ahal dala dio, beharrizanen arabera.

Jarraitzen dau adieraziz ez dabela jaso EAJ-PNVren aldetik gonbidapenik batzar bat egiteko, baina ikusi dabela bando bat gai honen inguruan, eskatuz langabezi edo ertean dagoen jendea, arazo ekonomikoak izan ezkero udalera hurbiltzea. EH Bilduren ustez, ez dela izan era egokia, ze benetan egoera larrian dagoenari bi aldiz udalera hurbildu arazoten jakola. Ez dela ulertzekoa prozedua hori EAJ-PNVko taldean Gurutz Gorrian lan egiten dauen taldea egonda, eta zerbitzu sozialakaz harreman estua daukan jendea be.

Alkateak hartzen dau berbea adierazteko hau ezin dela konparatu autonomoakaz, ze autonomoak guztiz zarratute egon direla, dirusarrera barik eta agian gastuak ordaintzen (hipoteka...)eta herritarrak bai ertean edo langabazian zeozer kobratuko ebela. Jarraitzen dau Alkateak adieraziz, ez ohiko pleno baten deialdi eskaria dala eta, berak adierazi ebala gai horrek azterketa sakonago bat behar ebala eta agian uztailako udalbatzako tratatuko zala. Jarraitzen dau adieraziz bando baten bidez jendeari jakinaraztea udala ordenantza bat aztertzen dabilela dirulaguntzak emateko eta egoera ekonomiko larrian egon ezkero udalagaz kontaktoan jatzea era egokia ez dela aipatu dauela EH Bilduko zinegotziak. Hori uste bat baino ez dela, ze momenturen baten udalagaz kontaktoan jarri behar direla.

Estiballes jaunak dino, autonomoen moduen familia edo norbanakoak be gastuak badabezela, kredituak eta abar... eta gainera batzuk, aurreko krisitik ez direla guztiz errekuperatu. Bere ustez, jakin barik ze ordenantza onartu den udalera hurreratu arazotea ez da egokia.

Ordenantzara joanda, Alkateak adierazten dau ordenantzan ez direla sartzen aurreko krisitik egoera txarrean geratu direnak, bakarrik Covid-19aren ondorioz erte edo langabezian geratu direnak. Epea be oso zehaztute dagoela, apiriletik ekainera.

Epeari dagokionez, Estiballes jaunak dio aldatzeko prest dagozala, beste jente bateri be (adibidez Araluceko langileak) be aukera emateko.

Jarraitzen dau Alkateak adieraziz batzordean EH Bilduko zinegotziek aipatu ebela, ordenantza hau hausnarketa baten ondorioz datorrela, Arratia mailan egindako hausnarketa baten ondorioz eta horren arrazoia dala 60.000€tako aurrekontua. Galdetzen dau ia ze parametro erabili diren hausnarketa egiteko. Estiballes jaunak dio biztanleriaren arabera. Halan eta be prest dagozala, EAJ-PNV ren hausnarketa entzuteko.

Alkateak erantzuten deutso berak datuak emango dituela: ertean, Zeanurin, 13 emakume eta 13 gizon dagozala, eta langabezian, otsailean baino 8 pertsona gehiago.

Arkaitz Estiballesek galdetuta Alkateak erantzuten dau horretatik bat etorri dala udalera.

Arkaitz Estiballesek galdetzen dau ia zein den arrazoia pertsona bakarra joatearena: informazioa ez izatea ala beharrizanik ez izatea. Alkateak erantzuten deutso arrazoi biak izan ahal direla. Berak hitz egin dauela ertean dagozan 6 pertsonakaz eta adieerazi dabela eurek SEPEtik kobratzen ari direla (enpresak ordaintzen ez dauen % bat), enpresatik beste ehuneko bat .

Jarraitzen dau Alkateak adieraziz, dirulaguntzari buruz adierazten dala 1.100€tako dirulaguntza pertsona bakarra bada eta 2200 bi badira, EH Bildurentzat horreik izan beharko litekezelako gitxiengo soldatak, aldiz “salario minimo interprofesional” 950€ direla. Horretaz gain zaintzan lan egiten dabenak, garbikuzian lan egiten dabenak,ostalaritzan eta supermerkatuetan lan egiten dabenek gitxiengo salarioa kobratzen dabe, eta ez dira ordenantzaren barne sartzen.

Jarraitzen dau Alkateak esanez, honeri gehitu behar jakola umeak izatea, baina ez dela ondoegi ulertzen ume guraso bakoitzaren osagarri den, ala bikotearena.

Beste ildo batetik jarraituz, galdetzen dau Alkateak 60.000€tako partida sortzea eskatzen dauela ordenantzak. Konsignazio hori egiteko, eta kontuan izanda Udalkutxan egon den murrizketa, nondik egitea proposatzen dauen EH Bilduk. Arkaitz Estiballesek adierazten dau badagozala proiektu batzuk atzeratu ahal direnak.

Berriro be hartzen dau berbea Alkateak adierazteko ez direla kontuan izan jornada murriztuan edo excedentzian dagoen jendea, ezta adinekoak bez. Zehaztasun asko falta dela ordenantzan.

Jarraitzen dau adieraziz Alkateak Jaurlaritzako Gizarte Zerbitzuetako zuzendaritza taldekoakaz egon direla, eta adieazi dabela ordenantzari pega teknikoak somatzen jakozala, eta gertau ahal dala beharrizan gehien daukienak laguntza barik geratzea. Bere ustez herrian sortzen diren GLL (gizarte larrialdietako laguntzak) eta DBE-RGI (dirusarrerak bermatzeko errentak) kasuan kasuko aztertu beharko litekezela. Errolda irizpideak be ez datozela bat, ze ordenantzak erroldatuta egotea bakarrik eskatzen dauela eta GLL –k 6 hilabete eta DBE-ek 3 urte. Kontratu bakoak be ez direla kontuan hartzean. Ordenantzaren 4. Atalean bakarrik aipatzen dela langabezi saria konputagaria dala baina ez DBE eta GLLa konputagarriak badire ala ez. Jaurlaritzako teknikoaren ustez oso zaila dala laguntza honeik kontroletea. Jakinda Zeanuriko udalak mankomunitatearen bitartez kudeatzen dituela gizarte gaiak eta bertako langileak ez daukiela horretarako formakuntzarik oso zaila dela ordenantzaren aplikazioa kontrolatzea.

Jarraitzen dau adieraziz gizarte langileagaz be egon dala eta adieazi deutsola Zeanurin ez dela Covid-19 a dala eta inongo kasu barririk erregistrau.

Baita be, aipatu deutsiela Jaurlaritzako teknikoak eta mankomunitatekoa ez direla kontuan izaten aurreko urteetako dirusarrerak, aurrezkiek, babes familarra... guzti hori garrantzitsua dala.

Arkaitz Estiballesek dio autonomoei be horrelako ezer ez jakiela eskatu.

Guzti hau jakinda, eta jakinde aste honetan pertsona bakarra jarri dala udalagaz hartuemonetan , galdetzen dau ia ordenatza hau beharrezkoa dan Zeanurin. Euren ustez ordenantza ez da bideragarria eta azterketa bat egin beharko liteke kasu bakoitzeko, gizarte zerbitzuak aholkatu daben moduen. Bandoak atera eta jendeari jakinarazo arazo ekonomikoak izan ezkero, udalera hurbildu ahal dala. Datu horreik kontu handiagaz tratatu,Alkateak eta idazkariak jakinda nahikoa litekela eta dirulaguntzaren bat bideratu behar izan ezkero EH Bilduko zinegotzi batek be espedientea ikusteko aukera izan dagiela.

Arkaitz Estiballesek galdetzen dau ze irizpide edo parametron arabera emango liteken dirulaguntza. Alkateak erantzuten deutso gizarte zerbitzuetara bideratuko litekela kasua, eta euren parametroetan sartuko ez balitz, udalak lagundu, beste kasu batzuetan egin den moduen. Horretarako “familiei dirulaguntzak” partida zabalik daukala udalak.

Gurutze Etxebarria zinegotziak adierazten dau, Mankomunitateak 80.000€tako dirusarrera bat jaso dauela Covid-19a dala eta kaltetuak izan direnei laguntzeko.

Arkaitz Estiballesek adierazten dau, Alkatearen planteamenduak ia kontratu bako jentea kontuan hartzen dauen. Alkateak dino gizarte zerbitzuetara bideratzea bakarrik geratzen dala.

Nahia Urrutxuak uste dau jendea ez dela ausartuko udalera joaten bere arazo ekonomikoei buruz hitzegiten bentanillan dagoenari. Alkateak dino langileak badakiela gaia zelan tratau.

Guzti hauek entzunda, bozketara jotzen da, eta 3 aldeko botogaz (EH Bildu) eta 5

kontrako botogaz ( EAJ-PNV), ordenantza ez da onartzen.

Eta beste gairik ez dagoenez, bilerari amaiera ematen jako 20:00 orduetan.

2020ko ekainaren 25eko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko ekainaren 25ean, 19:00etan, goian aipatutako zinegotzi-gaiak biltzen dira ekainaren 23an deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

1. AURREKO BILERAKO AKTAREN ONARPENA.

Otsailaren 20ko ohikoa eta ez ohikoa onartzen dira. Apirilaren 23koa eta maitzaren 21ekoan zuzenketak egiten dira.

2. ZANBURUN, SUSUNAGA INGURUKO BASO BATEN APROBETXAMENDUARI BURUZ AITOR INTXAURRAGAREN PROPOSAMENAREN ONARPENA, HORRELA BADAGOKIO.

Alkateak hartzen dau berbea adierazteko Aitor Intxaurraga jaunak idazti bat aukeztu dauela adieraziz berak Susunaga izeneko basoa bat daukala (katastroko 15 poligonoko 197 partzela) eta baso horrek udaleko bategaz(katastroko 13. Poligonoko 354 partzela) egiten dauela muga. Idaztian aipatzen dauela baita ere, bere aititek, landatu ebala udaleko baso hori. Dirudienez holakoak gertatzen zirela garai haretan, eta basoa botatzen zenean ustiapena propietarioa eta basoa landatu ebanaren artean banatzen zala. Udalaren artxiboetan begiratzea eskatzen dau . Berak , gai hori ezagutzen dabenen testigantzak be aportatzen dituela.

Guzti hau kontuan izanda basoa tasatu eta aprobetxamenduaren erdia udalarentzat izatea eta beste erdia beretzat izatea proposatzen dau.

Idazti honen aurrean adierazten dau Alkateak, begiratu direla udal artxiboak eta ez dela ezer aurkitu. Hitz egin dela Aldundiko teknikariekaz eta horrelako konbeniok egiten zirela baieztatu dabela. “Contrato de aparceria” bat sinatzen zala, udalak ez ebela momentu haretan landatzen baina bai herritarrak udalaren terrenoan, gero irabaziak erdi bana izateko. Orozkoko udaleko konbenio bat bialdu deutsiela eredu moduan Aldunditik, baina Zeanurin bertan be pribatuen artean horrelakoak sinatu direla, eta askotan Patxi Intxaurraga izaten zala aldeetako bat. Ortofotoetan be ikusten dela bai Aitor Intxaurragaren basoa eta bai udalarena sasoi berean landatuak direla. Testiguekaz be berba egin dauela eta adierazten dabela landaketa hori Patxi Intxaurragak egin dauela. Beraz, guzti hau ikusita Alkateak adierazten dau Aitor Intxaurragaren eskaria ontzat emango leukiela.

Arkaitz Estiballes, EH Bilduko zinegotziak, adierazten dau eurek be iritzi berekoak direla.

Aurrekoak entzunda, gaia bozkatu egiten da eta 8 aldeko botoakaz (5 EAJ-PNV, 3 EH Bildu)hurrengoko ebazpena hartzen da:

Lehena: Aitor Intxaurragaren eskaria onartzea: katastroko 13. Poligonoko 354 partzelaren landaketaren erdiaren onura berea dela onartzea. Basoa saldu aurretik tasazio bat egingo da eta enkantearen bidez salduko da.

Bigarrena: Basoa botatzen denean mugarritu eta erabilpena udalaren esku geratuko da.

Hirugarrena: Interesatuari horren berri ematea.

Honen arira adierazten dau Arkaitz Estiballesek plangintza bat egin behar litekela bertan behera dagozan basoak erosteko. Alkateak dino kasu honetan Aitor Intxaurragak ez daukala gogorik basoa saltzeko.

3. UBIDE ETA ZEANURI ARTEKO UDAL MUGAK ALDATZEKO AKORDIOAREN ONARPENA, HORRELA BADAGOKIO

Alkateak hartzen dau berbea adierazteko , Katastroak orain dela 15 bat urte, mugarritik mugarrire lerro artezak botatzen zituela. Horrek, kasu batzuetan, honetan mugarri bat galduta egoanez, kasu bitxiak sortzen zituen; hau da Zeanuriko Eñaut Intxaurragaren eta Jose Felix Camporen lurrak Ubideko udalerrian kokatu eta Ubideko Gonzalez Mendizabaltarren lurrak Zeanurik kokatu egozan . Egoera hau zuzentzeko, Udalerriko mugak aldatzeko prozesuari hasiera ematea proposatzen da.

Beraz,

IKUSIRIK akatsak somatu direla Zeanuri eta Ubideko udalerrien artean egindako mugarriketan, Satzipeta ingurutik (12. Mugarria)Zubizabala errekaren aldamenean dagoen mugarrirarte (11.mugarria), Ubideko terreno bat Zeanuriko udalerrian kokatuz eta alderantziz,

IKUSIRIK akats honen sorrera 2003ko azaroaren 14an egin zen mugarrien aintzazpenean hain zuzen ere 11 eta 12 mugarrien artean, lerro zuzenaren terminoaren aplikazioak eraginda dela (1989 urriaren 28ko aktaren arabera Zeanurin eta Ubide artean 900 metrotan), eta errealidadetik guztiz kanpo dagoela,

IKUSIRIK Ubide Udalak , Ubide eta Zeanuriko udal mugak aldatzeko prozesuari hasiera eman deutsola, aurrekoan aipatutakoa zuzentzeko asmoz, M-11 eta M-12 mugarrien arteko lerroa aldatuz,

KONTUAN HARTURIK 9/2012 Foru Arauak, Bizkaiko Lurralde Mugapeeei buruzkoaren arabera, Zeanuriko udalak bere erabakia hartu behar dauela,

Udal batzak guztien adostasunagaz, botogaz ( 5 EAJ_PNV, 3 EH Bildu) hurrengoko akordioa hartzen da:

LEHENA: Zeanuri eta Ubide udalerrien arteko aldatzeko prozesuagaz adostasuna adieraztea.

BIGARRENA: Batzorde Mixtoko kideak hurrengokoak dira:Alkatea, Eider Ajuriagerra Arana, hurrengoko zinegotziak: Mikel Ibarra Martinez eta Arkaitz Estiballes Ormaetxea, eta bertako Idazkari-Kontuhartzailea: Ana Maria Bengoetxea Lejarza.

LAUGARRENA: Bizkaiko Foru Aldundiari horren berri ematea.

4. 2020KO TRAKZIO MEKANIKODUN IBILGAILUEN ZERGA APLIKATZEKO ERROLDAREN ONARPENA, HORRELA BADAGOKIO

Alkateak hartzen dau berbea eta azaltzen ditu Ibilgailuen Gaineko zergaren nondik norakoak, zenbat kotxe, zenbat errezibo helbideratu, zenbat exentzio...

Kobraketa datari buruz borondatezko epea, 2020ko uztailaren 20tik 2020ko abuztuaren 20ra izatea proposatzen da.

Ibilgailuen Errolda aztertu eta gero, zinegotzi guztien adostasunagaz hurrengoko erabakia hartzen da:

Lehena;2020ko ekitaldiko Trakzio Mekanikodun Ibilgailuen Gaineko Zergaren Errolda onartzea .

Bigarrena:Espedientea Udaletxean dago jendearentzako ikusgai.

Aurka egiteko bideak: Interesatuek berraztertzeko eskea aurkeztu ahal dabe Bizkaiko Aldizkari Ofizialean argitaratu danetik hasita, hilabeteko epean.

Hirugarrena:Ordainketa epea: Borondatezko epea, 2019ko uztailaren 20tik abuztuaren 20ra bitartean izango da. Epe honetan ordaindu ezik, zorraren eragite-indarreko ordainketaren aldia hastea, %5 eragite-indarrezko gehitzearen eta, berandutze interesaren sortzea ekarriko dau baita, diru-bilketaren

5. 2020KO AURREKONTUAREN 4. ALDAKETAREN AZTERKETA, HORRELA BADAGOKIO

Kreditu Gehigarriak:

171022199: Lorak lorategietarako:+ 1.500,00

337021000: Konp. eta Manten (3.adiña, taberna):+3.000,00€: Humedadeak konpontzeko obra.

459021900: Beste Inmobilizazio konp.(Wifi): +3.500,00€: Altzua-Lanbreabeko wifien aberiek.

920022000: Bulegoko Materiala: +2.000,00€: Impresoraren mantenimendua, nominen programaren mantenimendua.

164021000: Kanposantua, konp. eta mantenimendua: +38.500,00€. Arrakalak kapillan sortu dire.

16502100: Konponk eta Mantenimendua argiak: +22.000,00€: Zulaibargo azeran “vapor de sodio led-agatik aldatzea., energetikoki efizienteak izateko.

432062209: Autokarabanen gunea: +11.000,00

Dirusarrera: Diruzaintzako izakin likidoa: 81.500,00

Mikel Sagarnak galdetuta Alkateak azaltzen dau, zer dala eta argietan, Zulaibargo azeran vapor de sodio led-agatik azaltzen dan. Bere esanetan udalak 2030erako energetikoki efizienteka izan behar dabe. Horren arabera, kontsumitzen daben energiaren %30a udalak sortutakoa izan behar da. Hori kontuan izanda, bai Zulaibargo espaloian, bai Errotabarriko bidean kontsumo handia egoala ikusita , led teknologiara aldatzea pentsatu zan. Momentu honetan Zulaibar-Areatza espaloian bakarrik egingo direla aldaketok .

Jarraitzen dau Mikel Sagarnak adierazten modifikazio hau diruzaintza izakin likidoagaz finantzatzen dela eta gomendio bat dagoela prudentziagaz gastatzeko. Alkateak erantzuten dau lehenengotan holan izan zela, baina orain gastatu ahal dela adierazi dabela.

Nahia Urrutxuak autokarabanen guneari buruz galdetzen dau zelan kudeatuko dan, ia tasarik egongo den, hau da ia horren proiektua zein den. Alkateak hartzen dau berbea azaltzeko zelan Parkeko gomendio bat izan dala herrietan horrelako guneak sortzea, Parkeetan gaua ezin delako pasau. Bestetik, Zeanurin ezagutzera emoteko herramienta bat dala. Ordenantza arautzaile bat egitea be pentsatuta izan dabela, baina aurten, ikusita udaldia laburre izango dela proba egingo dala ia zelan doan. Halan eta be adierazten dau ura eta argia hartzeko jarri den torreta txanponakaz dabilela. Arkaitz Estiballesek adierazten dau beste kontu bat arautu behar litekena egonaldi maximoa dala. Alkateak adierazten dau 72 ordu daukiela aurrikusita.

Arkaitz Estiballesek adierazten dau Covid 19ak sortutako egoera ekonomikoa dala eta gerakin likidoa mantentzearen aldekoak direla, eta inbertsio batzuk atzeratzearen aldekoak.

Guzti hauek entzunda bozketara jotzen da, eta aldeko 5 botogaz (EAJ-PNV) eta kontrako 3 botogaz (EH Bildu), aurrekontuaren 4. Modifikazioa onartzen da.

6. ARRATIAKO MUGIMENDU FEMINISTAK GURASO ALINEAZIO ETA GURASO INTERFERENTZIARI BURUZ AURKEZTUTAKO MOZIOAREN ONARPENA, HALAN BADAGOKIO

Alkateak adierazten dau Arratiako Mugimendu Feministak aurkeztu dauen mozio hau ez dela izan adostua, udal batzuk bilerara gonbidatuak be ez zirela izan (gonbidapena luzatzeko ardurea herri bakoitzeko andra taldea zala), baina halan eta be egon zen bileran iradokizun batzuk sartzeko erabakia hartu zala eta textu honetan ez direla batu. Arkaitz Estiballesek dio, Arratiako Mugimendu Feministak bilera haretan egindako iradokizunak sartu dituen textuan ala ez , ez dakiela baina eskumen osoa daukala ez sartzeko.

Guzti hauek entzunda bozketara jotzen da, eta aldeko 3 aldeko botogaz (EH BILDU ) eta 5 abstentzioagaz (EAJ-PNV), mozioa onartu egiten da.

Mozioa eranskinean.

7. ZEANURIKO EAJ-PNV UDAL TALDEAK GURASO ALINEAZIO ETA GURASO INTERFERENTZIARI BURUZ AURKEZTUTAKO MOZIOAREN ONARPENA, HALAN BADAGOKIO

Alkateak adierazten dauz aurreko mozioaren eta honen diferentziak. Arkaitz Estiballesek dio ez dabela ikusten zergaitk Zeanuriko EAJ_PNVk aurkezten dauen bere mozioa gai honetan.Gaineratzen dau ez dauriela mozioa behar bezala aztertzeko astirik izan , ze mozioaren bigarren atala plenoan bertan jaso dabela.

Alkateak erantzuten deutso adieraziz aurreko puntuan azaldu dauela zergaitia: Arratiako Mugimendu Feministak aurkeztu dauen mozio hau ez dela izan adostua, udal batzuk bilerara gonbidatuak be ez zirela izan (gonbidapena luzatzeko ardurea herri bakoitzeko andra taldea zala), baina halan eta be egon zen bileran iradokizun batzuk sartzeko erabakia hartu zala eta textu honetan ez direla batu Horretaz gain, adierazi nahi dauela gai honeri buruz Batzar Nagusietan aho batez sinatu zala gai honeri buruzko mozioa. Beraz, batzarrean egin ziran iradokizunak ez direnez batu, EAJ-PNVk mozioa aurkeztu dauela, non batzar haretan adierazitakoak batzen diren.

Guzti hauek entzunda bozketara jotzen da, eta aldeko 5 botogaz (EAJ-PNV) eta kontrako 3 botogaz (EH Bildu), mozioa onartzen da.

Mozioa eranskinean.

8. EH BILDUK LGTBI HARROTASUNAREN NAZIOARTEKO EGUNA DALA ETA, AURKEZTUTAKO MOZIOAREN ONARPENA.

Mozioa aztertu eta gero, bozketara jotzen da.

Guzti hauek entzunda bozketara jotzen da, eta aldeko 3 aldeko botogaz (EH BILDU ) eta kontrako 5 botogaz (EAJ-PNV), mozioa ez da onartzen.

Mozioa eranskinean.

9. BERDINDUZ-EK LGTBI HARROTASUNAREN NAZIOARTEKO EGUNA DALA ETA, AURKEZTUTAKO MOZIOAREN ONARPENA.

Mozioa aztertu eta gero, bozketara jotzen da, eta aldeko 5 botogaz (EAJ-PNV) eta kontrako 3 botogaz (EH Bildu), mozioa onartzen da.

Mozioa eranskinean.

ERREGU ETA GALDERAK

Alkateak adierazten dau guraso alkarteagaz izan dauela batzarra eskolako obrak azaltzeko. Adierazten dau obraren zati garrantzitsuena zala igogailua jartzea, barrera arkitektoniak ekiditu, biomasako kaldera jarri eskola berotzeko eta gela bi ateratzea eskolan. Hasieran pentsatzen zala, obra hori egiten zenean, pintura, edo argiteria hobetzea, eta horrelako obra txikiak be egingo ebezela, baina Jaurlaritzak argi itzi dauela horrelakoak ezetz. Barrera arkitektonikoei buruz haurreskolatik sartute dagoen ranpa luzatu egin beharko litekela, eta beste bat egin patiora jaisteko, barrakoien eremua erabiliz. Barrakoiak desagertu egingo direla dio, bertan hasieran pelet edo astillaren almazena eta kaldera jarzea aurrikusten zala, baina momentu honetan eta eskolaren egitura aztertuta ez dela hori ikusten ez efizientziaren aldetik ez beharrizenen aldetik. Hasiera baten ez zala aurrikusten sukaldea baina gurasoen iradokizunak entzunda, Jaurlaritzak aztertu dauela eta pelet erabili ordez, gasa erabili ezkero sukaldea barriztatzea posible zan. Horretarako gasa eskolara udalak eraman behar dau(momentu honetan Gurutzaldeko bidegurutzerarte eroanda dago). Kontua zan gero zelan egin aurrera betekizun energetikoakaz, hau da 2030erako kontsumitzen dan energia berdea izateagaz.. Horretarako plaka solarrak, geotermia edo aerotermia izan daitekezela kontuan hartuta, eta kontuan hartuta plaka solarrak teilatuan sortzen dabezen arazoak udalaren gain zirela, aerotermia aukeratu zan. Obrak 2021ean hasiko litekez, 5 hilabeteko iraupena izango leukie, umeak eskolatik atera ezkero. Aste Santuan Ludoteka, Kultur etxea eta abar kokatu beharko litekez umeak. Eskolako zuzendaritza eta irakasleak ados dagoz honekin.

Eskolaren ordez erabiliko litekezan lokaletaz galdetzen dau Estiballes jaunak eta Alkateak adirazten deutso Kultur Etxea, Arregiko erabilera anitzetako lokala eta abadetxeko Albakoako beheko lokalak. Abadetxeko lokalei buruz galdetzen dau Estiballes jaunak, lokal pribatuak izaterakoan ia ze konpentsazio eskatzen daben. Momentuz, konpentsazioei buruz ez dela hitz egin erantzuten deutso Alkateak.

Jantokieri buruz, Mikel Sagarna zinegotziak galdetuta erantzuten dau Alkateak, frontoiko taberna dala leku egokia. Eskolako zuzendaritzak be leku egoki lez ikusten dauela, ze Plaza dagoela ondoan, umeen aisialdiako. Momentu horretan okupatuta alokatuta egongo balitz, errentadoreagaz akordio batera heldu beharko litekla.

Horretaz aparte, Alkateak informatzen dau, frontoian pelota partiduak egongo direla eta segurtasun protokoloa dagoela horretarako. Aforoa %60koa izango dala, eta ikusle guztiak maskarillagaz egon beharko direla.

Nahia Urrutxuak galdetzen dau ia sarreran prezioa (20€) ume zein helduentzat dan. Baiezkoa erantzuten deutso Alkateak, prezioa enpresak jartzen dauela.

Mikel Sagarnak galdetzen dau ia botoa ematea frontoian egingo dan. Alkateak adierazten deutso baietz, ze frontoian espazio handia dagoela osasun neurriak betetzeko; sartu urtenak, distantziak...

Mikel Sagarna, EH Bilduko zinegotziak galdetzen dau ia Andra Mari jaiek egingo diren. Alkateak adierazten deutso lehenengotan ezin zala ezer organizatu, baie orain posible dala gauzak antolatzea: udalekuak antolatzeko saiakera bat egon dala, baina ez dela jente nahikoa apuntau. Areatzako piszinak zabaldu direla, 280m familientzat, eta bonoa hartzea derrigorrezkoa dala. Zeanuriko familien batek bonoa hartzen badau, dirulaguntza emango jakola.

Arkaitz Estiballesek galdetzen dau ia Alkateak aipatu dauzen udalekuak, Uribeko auzotar batek opatu zituenak diren, ze berak ikusi dituen karteletan ez zala ikusten udalaren ikurrik. Gaineratzen dau, kartel batzuk erdera hurtsean jarri direla. Alkateak onartzen dau ikurraren falta, baina kartelak hizkuntza bietan atera direla dio. Hanlan eta guztiz ere, ez daukiela zerikusirik udalak opatutako udalekuak eta Uribeko auzotarrak opatutako udalekuak.

Jarraitzen dau galdetuz Arkaitz Estiballesek ia Uribeko auzotarrari erantzun jakon. Duda sortzen da. Jarraitzen dau Arkaitz Estiballesek adieraziz jaietako kartel lehiaketan parte hartzaileak zeanistarrak izan behar direla antzematen dela. Legez, agian, ezin dela horrela jarri.

Alkateak dio urteetan erabili dela formula hori, bai kartel lehiaketan, bai argazki lehiaketan.

Andra Marietako jaiei buruz adierazten dau, dio aurten ez dela jairik egingo, ekintza kultural batzuk baino; 13tik 16ra izango direla. 13an Korrontzi, 15ean teatroa eta 16koa ez dagoela argiegi, sukaldari eguna aurrera eroango dan ala ez.

Arkaitz Estiballesek adierazten dau, baten baino gehiagotan adierazi dabela alguazilak Plenoko dokumentazioa hartzen dauela, eta euren ustez ez leukela hartu behar. Alkatea ez dago ados horregaz, bere ustez jaso ahal dau. Adierazten dau Alkateak, lan egiteko era bat dala, ze deialdiak alguazilak jartzen dituela tabloietan, eta holan jakinarazoten jakola Udalbatza dagoela.

Ez dagoz kontra EH Bilduko zinegotziak deialdia izateagaz, baina bai dokumentazioa. Dokumentazio hori gaiak erabakitzeko beharrezkoa dala diote baina alguazilak ez dauela ezer erabaki behar. Alkateak adierazten dau gaia legez aztertuko dala.

Galdetzen dau Nahia Urrutxuak ia euriolakaz Barrondon apurtu zan bidean zeozer egiteko asmorik dagoen. Alkateak erantzuten deutso arkitektoa memoria bat prestatzen ari dela.

Mikel Sagarnak galdetzen talde kulturalei mezu bat bidali jakiela dirulaguntzak dirala eta, eta bertan aurrekontuko konsignazioa ondo ez egoala. Alkateak dio gero zuzendu zala akats hori.

Galdetzen dau baita ere Mikel Sagarnak ia Plazako frontoiko argiak ze ordutan itzaltzen diren. Alkateak adierazten deutso 12:00etan.

Nahia Urrutxuak hartzen dau berbea galdetzeko terrazan egoerea, zein dan mahaien arteko distantzia, eta zein aforoa.. Alkateak erantzuten deutso bai Txoko Sagarnakoa bai Batzokiko terrazak handitu egin zirela,eta terrazak marratik barrure egon behar direla. Hasieran mahai kopurue jarri zenean, 2 metroko distantzira jarri zirela (orain 1,5 metro da) eta mahai gehiago ez dela jarri. Nahia Urrutxuak adierazten dau Batzokiko kasuan mahaiak marraz kanpo be egoten direla, eta aspektu hori zaindu beharko litekela, terraza doana segurtasun neurriekaz babestuta egoteko. Alkateak dino aztertuko dela.

Nahia Urrutxuak dio bizikleta gunea dala eta argibideak falta direla, zelan erabili adierazten daben urratsak.

Arkaitz Estiballesek hartzen dau berbea eta galdetzen dau ia Askaldeko partzelen auzia amaituta dagoen, ze jentea erosteko asmoagaz hurbildu dala Kutxabankera (orain partzelak bereak dira) eta adierazi deutsiela arazoak dabezela udalagaz. Alkateak dino Zeanuriko udalak udalbatzan hartutako akordioa helarazi eutsiela, urbanizazioa dala eta kontu zehatzak eskatuz “providencia de apremio” erretiratzeko eta ez dabela ezer aurkeztu. Horretaz gain agindua eman jakiela partzela garbitzeko, baina ez dabela ezer egiten. Arkaitz Estiballesek dio, udalak garbitu ahal dauela eta gero ejekutiban kobratu.

Arkaitz Estiballesek galdetzen dau ia aurrekontu partehartzaileeten agertu ziren iradokizunak kontuan izango diren. Alkateak baietz erantzuten dau, (Orueko argie, saneamendue eta bideak), baie horrek ez dauela esan nahi aurten egingo direnik.

Mikel Sagarnak galdetzen dau, ia saneamendue zelan geratu den. Alkateak erantzuten deutso Patzuergoa konbenioagaz dabilela. Orueko argieri buruz, kontuan hartute linea be sartu barik dagoela, eguzkiko indarragaz kargatzen direnak begitu direla, baie antza errez laputzen dabezela.

Eta beste gairik ez dagoenez bilerari amaiera ematen jako arratsaldeko 20:30etan.

ERANSKINAK:

2020ko maiatzaren 28ko ohiko plenoa

BERTARATUAK: EIDER AJURIAGERRA ARANA, MIKEL IBARRA MARTINEZ, GURUTZE ETXEBARRIA ZULUAGA, NAGORE MADARIAGA PAREDES, IRATI ALTUNA ZUAZUA, JAVI CAMPO GOIKURIA, NAHIA URRUTXUA ARRIORTUA, ARKAITZ ESTIBALLES ORMAETXEA, MIKEL SAGARNA AGIRREZABALA.

Idazkaria: Ana Mari Bengoetxea Lejarza.

Zeanuriko udaletxeko batzar-aretoan, 2020ko maitzaren 28an, 17:00etan, goian aiptutako zinegotzi-gaiak biltzen dira maiatzaren 26ko deialdian aipatutako gaiak jorratzeko.

Toki alorreko legeek ezarritako kuoruma betetzen dala ikusita,Alkateak, bilereari hasiera emoten deutso.

Bilerari hasiera eman aurretik Alkateak mozio bat sartzea eskatzen dau: "Ordezkari Politiko eta hautetsien etxebizitza pribatuetan eta alderdi politikoen egoitzetan erasoen aurrean EAJ-PNVren mozioa onarpena, halan badagokio”.

Arkaitz Estiballesek adierazten dau eurek ez dautsiela larritasunik ikusten, herrian bertan horrelako erasorik ez dalako egon, are gehiago orain dela hiruhilabete Arratiako talde feministrak ” Guraso Alineazio” edo “Guraso interferentzia”ri buruzko mozioa mahai gainean geratu zenean.

Alkateak erantzuten deutso, euren ustez gaia gaurko Plenoan tratatu behar dala, ze Arratiak hainbat batzokiten pintadak agertzen zirela eta Estiballes jaunak aipatuta dauen beste mozioari buruz pare bat gauza esango dituela; batetik moziori aurkezteko egin zen bilerara ez zirela izan deituak bez, eta bestetik bilera horretan erabaki zala Mankomunitateko berdintasunako teknikariak aurkeztu ebala mozioa udaletan martxoan, eta martxotik gaur arte ez dela ezer aurkeztu.

Arkaitz Estiballesek eskatzen dau mozio hori be gai zerrendan sartzea.

Guzti hauek entzunda bozketara jotzen da, erabakitzeko ia goian aipatutako puntuak urgentziz gai zerrendan sartzeko edo ez erabakitzeko:

Ordezkari Politiko eta hautetsien etxebizitza pribatuetan eta alderdi politikoen egoitzetan erasoen aurrean EAJ-PNVren mozioa onarpena, halan badagokio: 5 aldeko botoakaz, EAJ-PNVrenak, eta 4 kontrako botoakaz, EH Bildurenak, puntua urgentziz gai zerrendan sartzea erabakitzen da.

“Guraso Alineazio” edo “Guraso interferentzia”ri buruz Arratiako talde feministak aurkeztutako mozioaren onarpena, halan badagokio” : 4 aldeko botoakaz, EH-Bildurenak , eta 5 kontrako botoakaz, EAJ-PNV, puntua urgentziz gai zerrendan ez sartzea erabakitzen da.

1. AURREKO BILERAKO AKTAREN ONARPENA

2020ko otsailaren 20 akta bi errebisatzen dira eta zuzenketak egiten dira, ohiko udalbatzakoa eta ez ohiko udalbatzakoa.

2.2020KO AURREKONTUAREN BIGARREN ALDAKETAREN ONARPENA, HALAN BADAGOKIO

Alkateak modifikazioa azaltzen da:

Kredituen trasferentzia:

Trasferentzi positiboak:

311022700: Osasun publikoaren babesa (Covid 19a dala eta maskarillak, gelak, manparak komertzioetarako, termometroak frontoia, udala eta eleiza): +12.000,00€

430047100 : Dirulaguntzak komertzio eta empresa txiki:+ 25.000,00€

430047101: Bonoak: +2.000,00

Trasferentzi negatiboak:

431122606: Azoka Antolakuntza( San Isidro azoka ez da egingo): -30.000.000,00€

230048005: Hirugarren adina, bidaia(Bidaia ez da egingo):-2.000,00€

333048101: Etekinik gabeko instituzioak (subentzio arruntak %10a jaitsiko litekez, taldeen jarduera be murritzagoa izango delako): -3.800,00€

230022704: 3. Adinekoentzako aktibitateak(garraioa):-1.500,00€

130022705: Animale batze zerbitzua (enpresa aldatu da eta merkeagoa da): -1.700.00

Kreditu gehigarriak:

335047101: Errota: +2.600,85€:Aurrekontuetan 3.000,00€tako konsignazioa jarri zan, urteko kuota ordaintzeko, baina urteko kuota 3.700, 00€tan onartu da. Horretaz gain Covid-19 a dala eta autonomoei papeleoagaz laguntzeko 2. Pertsona bat kontratatu da eta zati bat udalak ordaindu behar dabe.

337062212: Gimnasiako tresneria: +1.000,00€. Tresneria erosi da, gehien bat materiala ordenatako.

341022102: Ur Hornidura ( frontoi, gimnasio): +2.000,00€. Gimnasioko kontadora jarrita egon arren, altan emon barik egon da. Alta emon danean atzerapenak kobratu dabez.

153069202: Orueko muroaren proiektua: 18.358,90€: Proiektua guztira 183.587,50€koa da, baina Foru Aldundiak %90 diruzlaguntzen dau . Foru Aldundiak emandako laguntza dirusarrera finalista denez aurrekontuaren aldaketa Alkatetza Dekretuz egingo da.

Dirusarrera:

87001: Diruzaintzako izakin likidoa: 23.959,75€.

Honen arira Mikel Sagarnak adierazten dau, Foru Aldundiak eta Eudelek gomendatzen dabela diruzaintzako izakin likidoa prudentziaz erabiltzeko, errekaudazioa asko bajatu delako eta udalak beharrizana izango dabelako. Euren ustez, partida batzuk bajatu beharko litekez, gastua ez delako egingo

Alkateak diño era ofizialean ez dela holangorik jaso; egia dela 2019ko likidazio positiboa ez dela kobrauko baina momentuz, ez dagoela besterik. Zurrumurru asko dagoela eta ohartzen dala aurtengo aurrekontuak gorabehera handiak izango dituela. Nahia Urrutxuak dino Eudelek adierazitakoa.gomendioa dala. 

Mikel Sagarnak galdetzen dau ia “familiei dirulagunzak” partiden igoerarik aurrikusten den. Alkateak adieazten deutso 2020ko aurrekontuan partida hau asko jaitsi zala, baina beharrizan kasuen bat suertatuko balitz herrian mankomunitatera bideratu behar dala lehenengo eta behin. Mankomunitatera. Mankomunitateak errekurtso gehiago dituela Covid-19a dala eta. Mankomunitateak ezin baleu kasuren bat atenditu udalak egingo leuskiola aurre, baina momentuz ez dela holakorik suertatu. Bera garai honetan kontakto zuzenenean egon dala langile sozialagaz.

Arkaitz Estiballesek diño Covid-19 aren itxialdi garaian zabaldu dan informazioan autonomo edo enpresa txikientzat dirulaguntzak lortzeko inforamazioa egon dala, baina ez familientzat zuzenean. Bere ustez beharrezkoa dala sektore biak informazioa izatea.

Alkateak diño Zeanuriko udaletik zabaldu den informazioan jartzen izan dela familientzako informazioa, bai udalera, edo zerbitzu sozialetara zuzenduz arazoakaz egon diren familiak.

Guzti hauek entzunda, bozketara jotzen da, eta 5 aldeko botoakaz (EAJ-PNV) eta 4 abstentzioagaz (EH Bildu), 2020ko aurrekontuaren 2. Modifikazioa onartzen da.

2. COVID 19 –A DALA ETA, ZEANURIKO AUTONOMO, EMPRESA TXIKI ETA OSTALARITZARI DIRULAGUNTZAK ARAUTZEKO ORDENANTZAREN HASIERAKO ONARPENA, HALAN BADAGOKIO

Alkateak Zeanuriko autonomo, empresa txiki eta ostalaritzari dirulaguntzak arautzeko ordenantza proposamen bat aurkezten dau , dirulaguntza horien ardatzak hurrengoak izango litekezela:

Jarduera eteteagatik dirulaguntza zuzendak:

-Konpentsazio zuzena: 600,00€ ostalaritzari zuzendua, eta 400,00€ beste jarduerei.

-Negozio-lokalaren alokairu gastuak.

-Negozio-lokala erosteagatik hipoteka gastuak.

- Jarduerak eragindako elektrizitate, ur eta gas gastuak.

-Kontratupean mantendutako pertsonalaren gastuak (200€ gehienez guztira).

Bonoak: Zeanuriko udalak, bonoak egingo ditu. 1 atalean adierazten den arrazoiak direla eta jarduera eten daben herriko komertzioetan gastatzeko.

Galdetzen dau Arkaitz Estiballesek ze komertziotan gastau ahal diren bonoak eta adierazten jako, ia hoteletan eta agroturismoetan be gastatu ahal diren.

Alkateak erantzuten deutso bonoak herritarrei zuzenduta dagozala, bertako kontsumoa suspertzeko, eta kontuan izanda ez dela uste herritarrak herriko agroturismo edo hoteletara joango direnik, jatetxeei zuzenduta dagoela, ze ileapaindegiak ez dauela nahi izan honetan sartu. Beraz, 8 komertzioei zuzenduta dagoela (Restaurante Barazar, Bengoetxeatarrena, Batzokia, Txoko Sagarna, Jubilatuen taberna, Kiloterdi Ellauri hotelean, Etxegana jatetxea eta Gorbeiako aterpeko jatetxea) , bakoitzarentzat 50 bono.

Mikel Sagarnak dio erderazko bertsioan ez dela zaindu hizkuntza, hizkuntza sexista dagoela.

Bestalde Nahia Urrutxuak aipatzen dau, erderazko bertsioak eta euskerazko bertsioak ez dauriela bat egiten parrafo batzuetan.

Alkateak dio aztertuko dala eta konpondu beharrekoak konponduko direla.

Bestalde aipatzen dau Nahia Urrutxuak, zelan 5 atalean adierazten dauen “Idazkari Kontuhartzaileak proposamena egingo dauela,eta Alkatetza izango dala ebazteko eskumena daukan organoa”. Euren ustez batzorde batek egon behar leukela eskariak aztertzeko. Hori berori eskatu zala kultur taldeen dirulaguntzak banatzeko.

Alkateak erantzuten dau Kultur taldeen dirulaguntzak banatzeko badagoela batzorde bat, baina EH Bildu ez dala joaten ordenantzagaz ados ez dagoelako. Kasu honetan gauzo tramite sinpleak eskatu direla,baloratzea behar ez dabenak erabakitzea erreza izan daiten, agile. Arkaitz Estiballesek dio agile izateak ez dauela nahi esan gardena izatea. Alkateak diño gardena izango dela, espedienteak eskuragarri egongo direlako. Arkaitz Estiballesek uste dau batzorde bat beharrezkoa dala. Euren proposamena ez bada onartzen ez bada ez dabela onarpena oztopatuko, baina uste dabela batzordea eratzea ondo legokela.

Jarraitzen dau esanez Covid-a dala eta be udaletxe batzuetan batzordeak sortu zirela eta Zeanurin ezetz. Alkateak adierazten dau, zabaldu diren bandoen berri kasu guztietan eman jakola EH Bilduri, baten izan ezik, borrador bat erratuz zabaldu zelako. Estiballes jaunak erantzuten deutso barri emoten izan dela, baina bandoa aztertzeko asti barik, berehala zabaltzen izan delako herritarren artean.

Guzti honen aurrean, Alkateak proposatzen dau Kontuen Berezia Batzordea izatea espedienteak aztertuko dituena, EH Bilduk bere adostasuna adierazten dau.

Alkateak amaitzeko adierazten dau, aurrekontuaren aldaketan jarri diren 25.000,00€ nahikoa ez balira, partida berriro aldatuko litekela.

Beraz, aldeko 9 botogaz, ( 5 EAJ_PNV, 4 EH Bildu) hurrengoko akordioa hartzen da:

Lehena: Covid-19a dala eta ondorioei aurre egiteko , jarduera Zeanurin kokatuta daben ostalaritza establezimendu, autonomo eta enpresa txikiei laguntza ekonomikoak emateko Ordenantzari hasierako onarpena ematea.

Bigarrena:, espedientea jendeaurreratu egiten da 30 egunetako epean, iragarki hau Bizkaiko Aldizkari Ofizialean argitaratzen denetik zenbatuta, erreklamazioak edo iradokizunak aurkezteko.

3. EAE-ko ADMINISTRAZIOARI ZUZENDUTAKO IDAZTIAK UDAL ERREGISTROAN AURKEZTEKO KONBENIOAREN LUZAPENAREN ONARPENA, HALAN BADAGOKIO

Alkateak hartzen dau berbea adierazteko Zeanuriko Udalak eta Eusko Jaurlaritzak konbenio bat sinatu ebela Euskal Autonomia Erkidegoko administrazioari zuzendutako idazkiak udal erregistroetan aurkezteko. Hitzarmen hori amaitu dela eta berriro egiteko aukera dagoela.

Arkaitz Estiballesek adierazten dau EH Bildu alde dagoela eta ondo egongo litekela Foru Aldundiagaz be antzekoen bat sinatzea. Nahia Urrutxuak adierazten dau horren barri zabaltzeko ze herritar batzuek ez dakiela.

Konbenioa aztertuta, aldeko 9 botogaz ( 5 EAJ_PNV, 4 EH Bildu) hurrengoko akordioa hartzen da:

LEHENA: Euskal Autonomia Erkidegoko eta udalare arteko lankidetzarako administrazio hitzarmena onartzea,.

BIGARRENA: Alkatea ahalmentzea, udaleko ordezkaia denez, hitzarmena sinatzeko.

HIRUGARRENA: Akordio hau Toki Administrazioarekiko Harremanetarako zuzendaritzara bialtzea.

5. ZEANURIKO TOKIKO POLIZIA ZERBITZUAREN SORMENAREN ONARPENA

Alkateak hartzen dau berbea adierazteko zelan alguazila C1 taldea integratu zala Udalbatzak halan onartuta eta Gizarte Segurantzak jubilatzeko adina gitxitzeko toki poliziako zerbitzu bat sortzea exijitzen dauela, eta zerbitzu horretako agentea izango litekela udaleko langilea dan Beitia jauna.

Mikel Sagarnak galdetzen dau ia Beitia jauna jubilatzen denean, udalak derrigortasunak daukan tokiko polizia bat izatera ala alguazila kontratatu ahal dauen. Idazkariak adierazten dau tokiko polizia amortizatu egin beharko litekela udal lanpostu zerrendan eta alguazila sortu.

Guzti hau kontuan izanda, aldeko 9 botogaz, ( 5 EAJ_PNV, 4 EH Bildu) hurrengoko akordioa hartzen da

IKUSIRIK, urtarrilaren 23an ospatutako Udalbatzan, Zeanuriko Udaleko Lanpostu Zerrenda aldatzea, alguazila C1 taldean integratu,Tokiko Poliziaren agente moduan,

KONTUAN HARTURIK . 4/92 Legea, Euskal Herriko Poliziari buruzkoa bere 117. Atalean eta ren 27. Atalean eta 7/2019 Legea, Euskal Autonomi Erkidegoko Poliziari buruzko legearen bostgarren aldaketarena, bere 8. Eta 9. Xedapen Gehigarrian,

Hurrengokoa ebazten da:

Lehena: Zeanuriko Tokiko Polizia zerbitzuaren sortzea.

Bigarrena:Interesatuari horren berri ematea.

6. ORDEZKARI POLITIKO ETA HAUTETSIEN ETXEBIZITZA PRIBATUETAN ETA ALDERDI POLITIKOEN EGOITZETAN ERASOEN AURREAN EAJ-PNVREN MOZIOA ONARPENA, HALAN BADAGOKIO

Mozioaren aurrean hurrengoko bozketa ematen da: 5 boto alde, EAJ-PNVrenak eta 4 abstentzio: EH Bildurenak.

Beraz mozioa onartzen da.

ERREGU ETA GALDERAK

Alkateak hartzen dau berbea bi gai komentetako:

- Ekainaren 1etik aurrera administrazioan epeak berriro martxan direla.

- Kanposantuko kapillako arrakalak obra sakonaren beharrizana daukiela eta udal arkitektoak proiektu bat egitea gomendatu dauela. Proiektu hori Arantxa Quintana arkitektoari enkargatu jakola, ondare mailan lan egindak pertsona bat delako.

Arkaitz Estiballesek dio eskolea berandurarate egoten dala zabalik, eta zaratak egoten direla, bai deseskalada sasoi horretan bai aurretik be baten batzuk sartzen zirela. Zaratan inguruan adierazten dau Arkaitz Estiballesek Igertualde inguruan goizean, 8;00ak baino lehen desbrozatzen ibili direla udalen kale garbiketa egiten daurienak, eta zaratak asko molestattzen izan dauela. Alkateak erantzuten deutso, normalean 8:00ak baino lehen ez direla hasten lan horiekaz, eta arautute be holan dagoela, baina udan, beroa ebitetako, 7:30etan hasteko baimena eman deutsiela.

Jarraitzen dau Arkaitz Estiballesek Eudelek konbokatu dauen “minuto de silencio” Covid-en biktimak direla, oso de repente konbokatu dela, fundamentu handi barik. Ados agertzen da Alkateak eta dio, lehendakariak irailarako beste ekimen bat antolatu dauela eta orduan, denbora gehiagogaz, igual herri mailan be zeozer egin ahal dala.

Mikel Sagarnak galdetzen dau ia burutu ez diren ikastaroen dirua itzuliko dan. Alkateak dio martxoko 15 egun bakarrik ez zirela emon, eta asmoa zala kurtso amaiera errekuperatzea, baina oso zaila dela ze ikastaro batzuetako taldeak desegin egin direla, beldurragatik, uda datorrelako...

Horregaz lotute aipatzen dau Estiballes jaunak Musika Eskolak banakako klase presentzialak errekuperatzeko moduan dagozala eta ez dabela aurrera egiten. Ez dakiela udaletik , Arratiako Musika Eskolako kide lez, zeozer egin ahal dan, ze matrikula galtzeko arrisku handia dagoela . Alkateak dino Musika Eskolako hurrengo bileran komentauko dauela.

Nahia Urrutxuak Andra Mari jaiei buruz galdetzen dau.  Alkateak erantzuten deutso betiko formatoan ezin izango direla egin, baina ekintza batzuk egin ahal izango direla, adibidez martxan dauela jaietako kartel lehiaketa.Beste gauza batzuk, adibidez, erromeriek oso gatx ikusten dauela gauzak ez badire asko aldatzen. Nahia Urrutxuak eskatzen dau Andra Mari jaietako informazioa San Isidroetakoa baino hobeto ematea, bai epeen aldetik, bai zabalagoa izatea, ze San Isidroetan argazki lehiaketarena adibidez bezperan zabaldu zala. Alkateak onartzen dau berandu izan zela, baina adierazten dau baita be deseskalada honen ondorioak direla.

Amaitzeko galdetzen dau Nahia Urrutxuak ia batzordeak eta Plenoak era presentzialean egingo diren. Alkateak adierazten dau bere ustez baietz. Orduek eta egunak mantentzen direla eta momentuz publiko barik.

Eta beste gairik ez dagoenez, bilerari amaiera ematen jako arratsaldeko 19:00etan.