2017ko apirilaren 6ko Ez Ohiko Bilera-2017 aurrekontua

Eusebio Larrazabal Olabarri, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar, Arkaitz Estiballes Ormaetxea eta Pedro Mª Lejarza Ibarrondo. Idazkaria: Ana Mari Bengoetxea Lejarza.

1. 2017ko AURREKONTUAREN ONARPENA.

Alkateak EH Bildu udal taldeari berbea emoten deutso aurkeztu daben zuzenketa azaltzeko.

EH Bilduk lehenengo eta behin mahaigaineratuten dau pleno deialdirik ez dala publiko egin. Argudiatzen dau EH Bilduk 2017 aurrekontu proiektuari osoko zuzenketa aurkeztuteko arrazoi nagusien artean formarena dala, hau da, herritarrai parte hartzeko aukerik ez jakiela emon, ezin izan dabela ekarpenik egin; baten baino gehiagotan esan jakiela aurrekontuen inguruan azalpenak emoteko batzarrak geituko zirela, noz, dana ebatzita dagoanean? Parte hartzeari aukerea emoten deutsezuela esaten dozuenenan, benetan dinozue. Parte hartzean sinesten dozue?

EH Bildu udal taldeari be ez jakola benetako aukerarik emon dino EH Bilduk berak, ez jakola batu eta beragaz batera egiteko aukerarik emon; hau da, proiektua batera egiteko aukerarik ez jakola luzatu. Erabagita edo erdi erabagita dagozan aurrekontuak aurkeztu jakozala.

Edukietara joanda Osoko Zuzenketa 9 puntutan arrazoituten dau EH Bilduk:

1.       Epeak: beste behin legeak ezartzen dauzan epeak ez dira bete: urriaren 15erako aurrekontuaren aurreproiektua aurkeztea eta abenduaren 31rako gauzatutea edo luzatutea aurreko urtekoak. Dokumentazinoa dala eta: Martxoaren 8en aurkezten jakonak martxoaren 9an ez eban balio. Sarreretan 100.000€ko aldea egon zan egun batetik bestera, batuketa txarto eginda egoalako. Halan eta be zuzendutzat jaso dogun dokumentazinoan be akatsak dagoz: 2017ko aurrekontua eta “besteak” txostena ez datoz bat, inbersino eranskina zuzenduta martxoaren 28an bidaltzen jaku. Baina Transferentzi eranskinak ondino zuzendu barik jarraituten dau.

2.       EH Bilduk jakin gura dau Udalkutxatik aurreikusten dan, etorriko dan diru sarrerea, 1.062.332€koa, bueltau behar jakozan 79.745€ kontuan hartu dan.

3.       Dirulaguntzak emoteko objetibotasuna eta bardintasuna bermatuten dauan ordenantzea beharrezkoa dala. 2016ko azaroaren 17ko plenoan EAJk onartu ebanaren gainean Arartekoak be antzekoa dino.

4.       Inbersinoak: Aurten be esan behar dogu poztuten garela horrenbeste inbersino egingo dirala aurreikusteagaz. Euretariko askok dirulaguntzen beharra daukie, dirulaguntza horreek Negurako gune estalia (10.000€) eta Eskolako patioa estaltzea (60.000€) LEADER dirulaguntzak, adibidez bermatuta dagoz?. Dirulaguntza horreek barik gauzatutea posible izango da? Ez da izango papelean eta herritarron aurrean ondo geldituteko bakarrik, ezta? Hainbat dira partidea zabalik daukiena 10€gaz, baina aurrera aterateko nondik aurreikusi da dirua lortutea? Ze epetarako proiektuak izango dira? Diru sarrera nahikoa egongo da eurek burututeko?

5.       Lan eskaintza: txostenak dino lan eskaintzarik ez dala egongo. Ostera, Gastuetan kultura administrari laguntzaile bat aurreikusten da. Gainera alkateak baten baino gehiagotan esan dau lanpostu hori ez dakiela oso bat edo zatituta aterako dan edo ez.

6.       Herriko planak: plangintza orokorra falta da arlo askotan. Batzuk aitatutearren:

·         SANEAMENDUAk lehentasuna euki beharko leuke. Diruzaintzako izakin likidoa 618.451,17€ bada, gure ustetan, honetan erabili beharko zan.

·         BASO USTIAKETA eta BIRLANDAKETA. Diputazinoagaz dagoan konbenioa berraztertutea.

·         ELEKTRA INDARRA. Energia erabilera optimizatzeko planaren beharra dago udal eraikuntzetan zein argi publikoan, behintzat.

·         IRISGARRITASUNA. Udal bulegoetara heltzeko dagozan oztopo handiak desagertuko dira bulego barriak egiten diranean baina ez da aurreikusten beste udal eraikuntza batzuetara heltzeako dagozn oztopoak kentzea, adibidez, Korreosen bulegoa. Aurreikusten da kultur etxean igogailua ipintea. Baina eginda dagoan proiektua udaletxekoa da. Eta hau aurrekontuan ez da agertuten. Hau da, plan orokorra falta da.

·         3. ADINEKOAK. Partida handitu da baina ez dago adin tarte honentzat plangintzarik.

·         UGER EGITEKO TOKIA. Egon zan. Ezan da berreskuratu sokorrista zerbitzua eskainiz? Zein da proiektua?

·         LIBURUTEGIAREN BERRANTOLAKETA. Zein da proiektua? Berrantolatuteko lehenengo eta behin antolatuta egon behar da.

7.        Ikerketa eta lan teknikoak: Ez dogu bidezko ikusten horrenbesteko diru partida honetan gastetea. Bere egunean, EH Bilduk (inguruko herrietan zerbitzua hau zelan kudeatuten daben kontuan hartuta) proposamen bideragarria aurkeztu ginduan, EAJk onartu ez ebana, arrazoituz Zeanurik patxadazko arkitektoa behar dauala. Baina gero hainbat proiektu beste arkitekto batzuen eskuetan itxi dozuez. Udal arkitektoa ez da patxadazkoa izan horreitarako? Udal aholkulariak udal obrak egiteko beharrezko diran proiektuak egiteagatik aparte kobretea, “dirección de obra” barne, bidezkoa/legezkoa da? Etikoa ez da behintzat. Udal obrak ez dira bere betebeharra?

8.    San Migeleko ermitea: udal patrimonioa izan ez arren, salgai ipini dozue, 100.000€ko diru sarrera aurreikusiz eta pentsauta zertan gastau. Igaz bardin egin zenduen. Honek “El cuento de la lechera” dakarzku burura.

9.    Diruzaintzako izakina: legeak gomendatzen dau udal remanente de tesorería positiboa danean, lehenengo eta behin bankuakaz dagoan zorra kentzeako erabiltea. Hornitzaileai ordaindutea eta proiektu bideragarrietara zuzendutea, lehen aipatu dogun moduen, saneamenduari lehentasuna emonaz.

Dana dala, zuzenketak aurkeztu arren prest egongo geintekez aldeko botoa emoteko, honeek bermatuten badozuez:

-       Aurrerantzean aurrekontu parte hartzaileak eukiko doguzala eta adostuak izango dirala.

-       Saneamendue gauzatuko dala, epe luze ez batean, 6 bat urtekoan.

-       Dirulaguntzak emoteko objetibotasuna eta berdintasuna bermatuten dauan ordenantzea indarrean egotea.

-       Herrikoentzako eguneko egoitza egotea.

-       Arkitektoaren kontratua birplanteetan bada.

-       UEMAn barriro sartzean bagara.

Alkateak erantzuten dau:

·         Partehartzea era batera edo bestera bermatutea oso garrantzitsua dala. Legeak marketan dauzan epeak bete ez arren, bere ustez, aurten pausu bat aurrera emon dala, derigorrezko dan borradora aurkeztu dalako. Aportazinoak egiteko aukera bai emon dala, baina ez dala ekarpenik egin.

·         Udalkutxari bueltau behar izango jakona ez dala kontuen hartu. Ajustauko dala edo remanentetik hartuko dala: sarreretatik kendu eta inbersinoetatik be bai eta gero remanentetik hartu.

·         Inbersinoak egiteko beharrezkoak diran diru sarrerak ez dagozala danak bermatuta, Igertualdeko parkinekoa izan ezik; udal bulego barriak egiteko igual 30.000€ko laguntza hartuko dala. Eskatuta danak dagozala, ez badatoz “faena bat” izango dala. Aurreikusi diran inbersino guztiak hasi beharko zirala, baina amaitu ez dakiela egingo diran. Uger egiteko lekue dala eta dino lehengoa ezin dala berreskuratu seguridadea dala eta. Begira dabizela Torreko landan “pozue” egiteko. Dana dala seguru aurten ez dala egingo edo amaituko.

·         Lan eskaintzarik ez dala egongo, kultura administrari laguntzailea tenporala izango litekela.

·         Basoen ustiaketea eta birlandaketea dala eta plana eginda dagoala baina daukan kostuaren dirua lortutea ez dala posible. “Plan de cortas” eskatuta dagoala jakiteko urtean ze aprobetxamendu daukagun.

·         Saneamenduari buruz azalduten dau etxe taldeka eta etxe bakarrari soluzinoa emon behar jakiela. Udalaren eskutik badator, Ur Partzuergoa sartu barik, ordainduten dan tasa udalak berreskuratu beharko leukela. Aurten aurreikusten dala Elizondon eta Goikoetxean egitea. Etxe multzoka egitea baliteke, 3 egitea posibletzat joten dauala.

·         3. adinekoen partida dala eta dino hainbat aktibidade egiten dirala planik egon ez arren. Jubiladuen perfila aldatu egin dala eta kontuen hartu beharrekoa dala.

·         Arkitektoaren kasuan egin dan moduan ondo eginda dagoala.

·         Dirulaguntzak emoteko ordenantza indarrean dagoala nahiz eta Arartekoa herritar batzuk aurkeztutako kexeagaz, itxure baten, ados egon.

·         10€gaz sortu diran partiden arrazoia inok ez dagiazan oztopatu izan dala.

·         Aurrekontuen inguruko batzarrak dirala eta dino orain egingo dirala igazkoa eta aurtengoa azalduz.

EH Bilduk aurkeztutako osoko zuzenketea ez da onartuten EAJko 5 zinegotziek ezezkoa emoten deutsielako. EH Bilduko 4rek, ostera, baietz botetan dabe.

EH Bilduk aurkeztutako zuzenketa partzialak banan banan aztertu eta gero batzuk onartuten dira:

• Udalkutxari bueltau beharrekoa (79.745€) inbersinoetatik kendu (igogailue eta plazea antolatutea) eta erremanentetik hartuko dala.
• Erregaien eta telefonia arloan aurrekontu desbardinak eskatutea eta aukerarik onena hartzea.
• Suspergintza partida aztertuko da (34.000€ ludoteka eta gaztetxokorako), lanpostu hau herrien zabaldutea.
• Ibarreta 9an udalak daukan pisua etxebizitza sozial moduan atondutea.
• Sanemendurako partida remanentetik gehitutea.
• Desfibriladoreak kontsultorioan eta frontoian ipintea.
• Gimnasiorako tresneria.

Honeek dira ostera, onartu ez ziranak:

• Ondasun higiezinen gaineko zerga kultorako ez diran eraikuntzak be ordaindutea, beste herritarron moduan.
• Ekonomi jardueren gaineko zerga Iberdrolak eta Ur Partzuergoak ordaindu beharrekoa ordainduten daben. Bypassa dala eta begituko dala produziduten dabenaren arabera pagetan daben. Alkateak dino obra egiteagaitik ez dabela pagau behar, estatutuetan halan dagoalako idatzita.
• San Migeleko ermitako lurren salmenta kentzea, Udalarena ez dalako. Alkateak dino saltzen bada diru hori ermitea konponduteko erabiliko dala eta barriro bueltako jakiela kofradiekoai.
• Publizidadea eta propaganda behar izanaren arabera ordaindutea, kontratu barik.
• Udalbiltzan barriro sartzea.
• Gorbeialdetik urtetea, kide izateak herrian ez daukalako eraginik.
• Errefuxiatuentzako laguntzak partida sortutea. Alkateak dino 3. mundurako laguntzatik emongo jakiela.