Gorbeia ES2110009 Parke Naturaleko Erabilera eta Kudeaketa Arautzeko II. Plana eta Kontserbazio Bereziko Eremua-ri EH Bilduk aurkeztutako iradokizunak eta alegazioak

IRADOKIZUNAK:

1. Arauak abeltzain, ehiztari, turismo arloko eta basoen jabeekin adostu beharko lirateke. Izan ere, urteetako ezagutzaren ostean beraiek dira babeslerik onenak eta finean, biziraupena bermatzen dutenak.

2. 2.8. Edificaciones e Infraestructuras atalean, zehaztuta agertu beharko litzateke ez dela proiektu txikitzailerik (harrobia, Fracking…) baimenduko, ez Gorbeiako Parke Naturalean, ezta bere inguruko eremuetan ere.

3. 2.8. Edificaciones e Infraestructuras ataleko 2.8.1. Regulaciones azpiataleko m) puntuan, bide berriak nola kudeatuko diren azaltzen da baina pista edo bideak egitea baimentzen denean, inguruko ezaugarriak (material aldetik; hau da, hormigoia saihestea adibidez) ere errespetatu beharko liratekeela agertu beharko litzateke.

4. Garapen sozioekonomikoa dela eta, komenigarria izango litzateke eskuorri eta aplikazio bat izatea, non Gorbeiako Parke Naturalerako ibilbideak zein Gurutzerako igoerak zehaztuko diren.

ALEGAZIOAK:

1. 3.8. Desarrollo Rural ataleko 3.8.1. Directrices de Gestión azpiataleko a) puntuan “Se ejercerá una discriminación positiva de los municipios que constituyen el área de influencia socioeconómica de Gorbeia…” aipatzen da baina era berean bereizketa hori eman egiten da eremu horretako herri batzuetan; Arratian, adibidez, herri batean zentralizatzen da dena, eta ondorioz, ondoko herrienganako diskriminazioa litzateke hori. Nahiz eta Parke Naturalaren ehuneko handienetako bat Zeanuri izan, herri honen garapen sozioekonomikoan ez du inolako eraginik.

2. 3.9. Edificaciones e Infraestructuras ataleko 3.9.1. Directrices de Gestión azpiataleko g) puntuan orain dagoen bide-sarea kontserbatuko dela esaten da, beti ere baimendutako ibilgailuentzat, baina inon ez da aipatzen oinezkoentzako daudenak eta galdu direnak.

Hori dela eta,

ESKATZEN DUGU:

- Parkeko baliabideen kudeaketa neurrizkoa izatea, Zeanuriko herriari dagokion proportzioan egokitzea. 

- Lehengo edota betiko oinezkoentzako bideak berreskuratzea, markatzea eta zaintzea.