2017ko apirilaren 25eko Ez Ohiko Bilera

Bertaratuak: Eusebio Larrazabal Olabarri, Eider Ajuriagerra Arana, Eneritz Iza Uriarte, Gurutze Etxebarria Zuluaga, Zedarri Jauregi Manterola, Pedro Lejarza Ibarrondo, Irati Urien Ortuzar eta Arkaitz Estiballes Ormaetxea.

Idazkaria: Ana Mari Bengoetxea Lejarza.

1. Gorbeia Parke Naturaleko erabilera eta kudeaketa arautzeko II. Plana eta Kontserbazio Bereziko Eremua Kudeaketarako Gidalerro eta Jardunen dokumentuen azterketa eta alegazioen onarpena, halan badagokio.

Alkatea hasten da esanez bere egunean, 2015ko abuztuko plenoan, EAJk bere eretxia emon ebala kontrako jarrearagaz eta oraingoan hiru-lau gauza aipatuko dabezala. EH Bilduk jarraituten dau esanez 2015ean jorratu zan gaia ZEC (Zona Especial de Conservación, hemen besteak beste Txorokil kanterako terrenoa eta inguruek parke barruen sartzea eskatan ebala, bertako biodibertsitatea jagoteko) izan zala eta oraingoan ostera PRUGe dala (Plan Rector de Uso y Gestión, plan honegaz parkeko gora-beherak zaintzen dire, pastuek, pinuek, ganadue, parkearen erabilera…). 

EH Bildu dino, alegazinoetarako epea apirilaren 6an amaitu zala eta apirilaren 12an jakin ebela gaurko egunean urgentziazko pleno bat eukiko ebala gai hau tratetako, orduan, EH Bildu moduan aurkeztu dabezala euren iradokizun eta alegazinoak Diputazinora. EH Bilduk esaten dau bebai, ehiztari, abeltzain, turismo arloko zein baso jabeakaz berba egitea izango litzakela egokiena. Alkateak dino Udala ez dala izan behar euren bozeramailea, euren artean (ehiztariak, abeltzainak…) eretxi desbardinak egongo dirala seguruenik eta batzukaz egin dabela berba. EH Bilduk, deialdiaren gaia aipatuz, galdetutan dau ia zer dan bozkatu behar dana, zeintzuk diran alegazinoak eta bozkatu beharreko hau bi Udal taldeak batu eta adostu beharrekoa izan beharko litzakela. Alkateak EH Bilduk bere aldetik alegazinoak aurkeztu badauz pleno honek ez daukala zentzunik dino eta horreri, EH Bilduk erantzuten deutso gauza bat dala alegazinoak talde politiko moduan agindutea eta beste bat Udal moduan ebatzitakoa agindutea, horretarako deitu dabezala plenora eta Udala bi alderdiok osotuten dabela.

Alkateak ez-ohiko bilera bertan behera iztea erabakiten  dau, EH Bilduk eztabaidan esaten dauenagaz bate ez datorrelako. Idazkariari galdetuten jako plenoko gaie zelan gelditan dan. Erantzuten dau mahai gainean gelditan dela.