2017ko maiatzaren 18ko Ohiko Osoko Bilera

Bertaratuak: Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar eta Pedro Lejarza Ibarrondo.

Idazkaria: Ana Mari Bengoetxea Lejarza.

1. Aurreko bileraren aktaren onarpena.

- Abenduaren 29koa à Idazkariak dino ahaztu egin jakola agindutea, hurrengorako bidaliko dauala.

- Martxoaren 10ko à EH Bilduk zuzenketak egiten deutsoz.

- Apirilaren 6koa (Pedro Lejarzaren kargu hartzea)à Onartu egiten da.

-Apirilaren 6koa (Aurrekontuak) à EH Bilduk errepasatzeko eskatzen dau.

- Apirilaren 25ko ez ohiko urgentziazkoa à Idazkariak dino ahaztu egin jakola agindutea, hurrengorako bidaliko dauala.

2. Bake epailearen izendapena.                                         

Aurreko pleno baten mahaiganean gelditu zan gai hau (erizpiderik ez egoalako), alkateak dino aukeratuteko erizpidea plenoan bertan erabaki eta beragaz batera bake epailea aukeratuko dala; aurkeztutako hirurak betetan dabezala baldintzak, baina eurek herrikoa aukeratuko dabela, aparteko baldintza moduan garrantzia emonez horreri.

EH Bilduk dino ezin dirala ados egon prozesuagaz erizpiderik ez dagoan artean, ez dagoalako argi zeren arabera egin behar dan izendapena. Prozesua barriro hasi leiken galdetuten dau EH Bilduk eta idazkariak ezetz erantzuten dau. Orduan, justoena edo garbiena sorteoa egitea litzakela esaten dau EH Bilduk. Alkateak ondo ikusten dau sorteoarena eta bere sorteatzeko formato bat proposatuten dau. EH Bilduk etenaldi bat eskatuten dau, PNVk be hartuten dauana. Bueltan PNVk jakinarazoten dau ez dala sorteorik egingo, herrikoaren alde botauko dabela. EH Bilduk dino era horretan ez dauala botazinoan parterik hartuko eta azpimarratuten dau ez dagoala personan kontra, prozesuaren kontra baino.

Botazinora joanda, Eva Garzia Maguregi izendatuten da bake epaile, PNVren aldeko bost botogaz.

3. Iberdrolaren bidea dala eta konbenioaren azterketa eta onarpena, halan badagokio.

Alkateak konbenioa azalduten dau. Zehaztapen batzuk egiten jakoz:

-          5. Puntua dala ta Si fuere necesario realizar reparaciones en la carretera que excedan del simple mantenimiento, las partes acordarán la procedencia y alcance de las mismas, asumiendo los costes al 50 % entre ambas. alkateak dino Udalak ordaindu beharreko topea 30.000€ izango zala gelditu zirala.

-          El ayuntamiento.se compromete a realizar las gestiones oportunas para que la carretera pase a ser de titularidad pública. dinola eta, EH Bilduk eskatuten dau argi gelditutea “titularidad foral” dala. Alkatea ados agertuten da eta halan egingo dala dino.

Danon adostasunagaz onartuten da.

4. Ibilgailuen erroldaren onarpena.

EH Bilduk galdetuten dau ia bonifikazinorik badagoen eta halan bada zeintzuk diran. Idazkariak azalduten dau hiru dirala: familia ugariak (%90), minusbalia onartuta daukienak (ez dabe pagetan), eta 25 urtetik gorako ibilgailuak (ez dabe pagetan).

Idazkariak dino bebai ez dauala zerrendea agindu baina onartutea komeni dala. Jarraituten dau esanez tasak 2003ko Ordenantzakoak dirala eta zahartuta dagoala, eta behin boletinean publikauta 20 egun dagozala erreklamazinoak egiteko, eta ordainduteko epea uztailaren 1etik 31ra izango dala.

EH Bilduk galdetuten dau ia kotxe elektrikoak kontuan hartuten diran, 25 urtetik gorako ibilgailueri beste herri batzutan bonifikau barik kontrakoa egiten jakela kutsatutearren.

Danon adostasunagaz errolda onartuten da.

5. “Ongi etorri Gernika 2017” mozioaren azterketa eta onarpena, halan badagokio.

EH Bilduk dino nahiz eta mozinoagaz ados egon oso berandu ekarri dala plenora eta baegoala beste batzutan egin dan lez ez ohiko pleno bat egin eta gaia bertan jorratuteko aukerea. Alkateak euren proposamena aurkeztuten dau eta gaia mahaiganean geldituten dala dino, hurrengo plenoan aztertuko dirala bi testuok.

6. Glifosatorik gabeko gunea izendatzeko mozioaren azterketa eta onarpena, halan badagokio.

EH Bilduk eskatuten dau plenora etorri dan Igitie elkarteko kideari berbea emotea. Honek, mozino bien (glifosatoarena eta transgenikoena) mamia azalduten dau.

Mozinoa ez da onartuten PNVren kontrako bost botoakaitik. EH Bilduk aldeko hiru boto emoten dauz.

7. Transgenikorik gabeko gunea izendatzeko mozioaren azterketa eta onarpena, halan badagokio.

EH Bilduk eskatuten dau plenora etorri dan Igitie elkarteko kideari berbea emotea. Honek, mozino bien (glifosatoarena eta transgenikoena) mamia azalduten dau.

Mozinoa ez da onartuten PNVren kontrako bost botoakaitik. EH Bilduk aldeko hiru boto emoten dauz.

8. Gorbeieko  II. BNAP-ari  aurkeztutako alegazioen onarpena.

EH Bilduk proposatuten dau gaia mahaiganean iztea eta batzorde bat eratutea gai hau aztertuteko, Udal moduan eta ez talde politiko moduan. Alkateak dino hurrengo plenora orduko aztertuko dala gaia.

Puntu hau mahaiganean geldituten da.

9. 2018ko herriko jai-egunaren onarpena.

Alkateak puntu hau gehituten dau gai ordenean: 2018ko herriko jai-eguna aukeratutea. San Isidro eguna (maiatzak 15) izatea onartuten da, danon adostasunagaz.

10. Erregu eta galderak.

Alkateak:

• Pleno datak normalizetea.

EH Bilduk:

• LGTBI maiatzaren 17en:  Homo-Lesbo-Bi-Transfobien kontrako nazioarteko egunean Udalaren inplikazinoa eskatuten dau. Ontzat hartuten da.
• Autobusaren paradea gorantzean lekuz mogidutea herrian, dagoan lekuan arriskua sortuten dauala, ez dala ikusten Kamiñoko Iturriko bidetik kotxerik/kamiorik datorren eta. Aztertuko dala erantzuten jako.
• Bizkaibus-eri autopistatik doan autobusak ospitalan paradea eukitea eskatutea, aurreko baten be egin ebela eskaera bardina. Erantzuten jako Igorretik harantzako herriak ez ebela beharrizanik ikusten. Horretara, EH Bilduk proposatuten dau Igorretik Zeanurirantzako herriek egitea eskaerea.
• Osakidetzari eskatutea, gitxiendiz, astean baten herrian bertan aukera eukitea analisiak egiteko, beste herri batzutan egiten dan lez. Ontzat emoten da.
• Herritar batzuen eskakizunak botaten dauz: tabernetako terrazak arautzen diran moduan ordutegiak be araututea, eta “garajeetako” badoak ipintea sartu-urteneko arazoak ekiditeko.

EH Bilduk gai honetan aprobetxetan dau esateko, aspaldiko partez herri osoa aparkalekutzat hartu dala eta horreri urtenbide bat emon behar jakola, Udalak ipinten dauzan seinaleak errespetauarazo egin behar dauzala edo holan ez bada kendu deizela. Alkateak onartuten dau gai honeri buelta bat emon behar jakola eta horretarako talde bat sortuko dala Udala eta herritarrakaz.