Abenduaren 14ko ohiko osoko bilera

Bertaratuak: Eusebio Larrazabal Olabarri, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola eta Irati Urien Ortuzar.

Arkaitz Estiballes Ormaetxea gai ordeneko 3. puntuen bertaratuten da.

Idazkaria: Ana Mari Bengoetxea Lejarza.

1. Aurreko bileraren aktaren onarpena.

Urriaren 11koa à EH Bilduk zuzenketa egiten deutsoz.

Urriaren 26koa à Onartu egiten da.

Azaroaren 2koa à EH Bilduk zuzenketak egiten deutsoz.

Azaroaren 9koa à EH Bilduk zuzenketak egiten deutsoz.

2. Lanbreabeko bidean konponketak egiteko Baldintza Tekniko eta Administratiboen onarpena.

Alkatea hasten da esanez kantidadea dala eta plenotik pasau behar dala, dana dala euskeratutea falta dala. EH Bilduk hurrengo galderak egiten ditu:

• ·   Alkatearen eskumena ze kantidaderaino dan. Idazkariak erantzuten dau aurrekontuaren sarrera ordinarioatan 1-5 kapituloraino horren %10a gaindituten ez bada alkatearen eskumena dala, kasu honetan gitxigaitik dala.
• ·    Plegu batzuk zergaitik ez diran plenotik pasetan. Idazkariak erantzuten dau obraren inportea sarrera ordinarioen 1-5 kapituloraino %10a gaindituten ez bada, ez dala zertan plenotik pasau behar.
• ·    Certificado de obra nork egingo dauan. Idazkariak erantzuten dau udal arkitektoak egingo dauala.
• ·         Publizidadeagaz edo publizidade barik izango dan. Idazkariak erantzuten dau publizidade barik izango dala baina web orrian be ipiniko dala.

EH Bilduk proposatuten dau nahiz eta obraren kantidadeagaitik publizidade barik izatea posible izan, publizidadeagaz izatea. Onartu egiten da.

Aldeko 7 botogaz (EAJk 5, EH Bildu 2), plieguak onartu egiten dira.

2017ko azaroaren 30eko ez ohiko bilera

Bertaratuak: Eusebio Larrazabal Olabarri, Eider Ajuriagerra Arana, Eneritz Iza Uriarte, Gurutze Etxebarria Zuluaga, Irati Urien Ortuzar eta Pedro Lejarza Ibarrondo.

Idazkaria: Ana Mari Bengoetxea Lejarza.

1. EAJ-PNV-k aurkeztutako 2017ko  Euskararen Nazioarteko Egunerako adierazpenaren azterketa eta onarpena, halan badagokio.

Alkatea hasten da esanez gaia premiazkoa dan ala ez botau behar dala. Botau egiten da eta danak baiezkoaren alde egiten dabe.

EH Bilduk bere proposamena botaten dau, euren adierazpena EAJrenari gehitutea hain zuzen be. Idazkariak erantzuten dau gai ordeneko bigarren puntu lez sartuko botauko dala EH Bilduren adierazpena. Jarraian alkateak euren adierazpena azalduten dau. Horretara EH Bilduk auzolana aitatuten dau, EH Bilduk alkarregaz lan egitea beti mahai ganera eroan dauna dala azpimarratuz. Jarraituten dau EH Bilduk esanez EAJk ekarriko adierazpenagaz ados dagoala baina barriro azpimarratuten dau adierazpenak alkarlanean egitea eta adostasunera heltzea hobea litakela. Amaituten dau EH Bilduk esanez prest dagoala EAJren adierazpena onartuteko EH Bildurena gehituta, bestela biak onartuko dituala. Alkateak erantzuten dau adierazpena dagoan moduan proposatzen dabela EAJkoak eta adierazpen batek bakarrik urten behar dauanez eurenaren alde egingo dabela, erakunde batek bi adierazpen onartzeak ez daukala zentzunik, botau egingo dirala.

Holan ba, EAJren adierazpenaren aldeko botoak 6 dira. EH Bilduren adierazpenaren botazinoan ostera, EH Bilduk adierazpenari aldeko 2 boto emoten deutsoz eta EAJk kontrako 4.

                              

2017ko azaroaren 9ko Ohiko Osoko Bilera

Bertaratuak: Eusebio Larrazabal Olabarri,  Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar, Arkaitz Estiballes Ormaetxea eta Pedro Lejarza Ibarrondo.

Eider Ajuriagerra Arana gai ordeneko 3. puntuan bertaratuten da.

Idazkaria: Ana Mari Bengoetxea Lejarza.

Hasi aurretik Pedro Mari Lejarzak, EH Bilduko zinegotziak dino abenduan operazino bat egingo deutsiela eta bajan dagoan bitartean plenoetan ezin izango dauanez parterik hartu jagokon dietari uko egiten deutsola. Alkateak erantzuten deutso dietak ez dirala kobretan plenoetan parte hartzeagaitik, zinegotzi lanagaitik baino. Halan da be, Lejarzak dino ez dauzala kobrauko, herrirako izten dituala.

Alkateak proposatuten dau gai ordenari beste puntu bat gehitutea: “Plan sanitario de vigilancia y control frene a IBR, BVD, Neosporosis, Paratuberculosis, Tricomonosis y Campilobacteriosis en los Montes Comunales de la CAPV.”.

Danon adostasunagaz, 8aldeko botogaz, onartu egiten da.

1. Aurreko bileraren aktaren onarpena.

Irailaren 8koa à EH Bilduk zuzenketak egiten deutsoz.

Irailaren 14koa à Onartu egiten da.

Irailaren 28koa à Onartu egiten da.

Urriaren 11koa à EH Bilduk zuzenketak egiten deutsoz.

Urriaren 26ko à Onartu egiten da.

Azaroaren 2koa à EH Bilduk zuzenketak egiten deutsoz.

Ez ohiko premiazko osoko bilera, 2017ko urriaren 26a

Bertaratuak: Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Arkaitz Estiballes Ormetxea eta Pedro Lejarza Ibarrondo.

Idazkaria: Ana Mari Bengoetxea Lejarza.

Alkatea hasten da esanez, lehenengo botau egin behar dala premiazkoa dan edo ez. Danon adostasunagaz, baiezko 8 botogaz, premiazkoa dala onartuten da.

Alkateak dino adierazpen instituzional bi aurkeztu dirala, EH Bildurena eta EAJrena.

EH Bilduk dino ez dauala aituten EAJk adierazpen alternatiboa aurkeztutea, bietan gauze bera eskatuten danean, nahiz eta berba desbardinak erabili. Desbardintasun bakarra dala EH Bilduk aurkeztu dauan adierazpenean esaten dala bat egingo dala eragile desbardinak deitutako mobilizazinoakaz eta herritarrai deialdi horreen barri emongo jakiela. Alkateak erantzuten dau eurek aurkeztu daben adierazpena Parlamentuen onartu dana dala eta jenteak bere kabuz parte hartuko dauala deituten diran konzentrazinoetan edo beste ekintzetan, udalak inor mobilizau barik.

1. Jordi Sanchez eta Jordi Cuixart-en berehalako askatasuna eskatzeko, EH Bilduren adierazpen instituzionala.

Botazinora joanda, mozinoa ez da onartuten EAJren kontrako 5 botoakaitik. EH Bilduk aldeko 3 boto emoten deutsoz aurkeztutako mozinoari.

2. EAJk aurkeztutako adierazpen instituzionala, Jordi Sanchez eta Jordi Cuixarten atxiloketa dala eta.

Botazinora joanda, adierazpen instituzionala onartu egiten da danon adostasunegaz. 

2017ko urriaren 11ko Ohiko Osoko Bilera

Bertaratuak: Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Eneritz Iza Uriarte, Gurutze Etxebarria Zuluaga, Zedarri Jauregi Manterola, Irati Urien Ortuzar eta Arkaitz Estiballes Ormetxea.

Idazkaria: Ana Mari Bengoetxea Lejarza.

1. Aurreko bileraren aktaren onarpena.

Maiatzaren 18koa à Onartu egiten da.

Uztailaren 24koa à Onartu egiten da.

Irailaren 8koa à Alkateak eta EH Bilduk zuzenketak egiten deutsoz.

2. 2017ko Aurrekontuaren 2. modifikazioari egindako alegazioen azterketa eta onarpena, halan badagokio.

Idazkariak azalduten dau zalantzan dagoan kuestino teknikoari (diru sarrera finalista dan edo ez) urteerea emoteko remanentetik hartuko dala, eta efizientzia energetikorako etorri zan diru laguntza hori diru sarrera barri legez geldituko dala. EH Bilduk argitu gura dau alegazinoan aitatu dauan legea ez dala okerrekoa, 38/2003 legea dirulaguntzari buruzkoa dala, abenduaren 2ko 10/2003 Foru Araua kontabilitateari dagokiona dala; izan be, idazkariak egindako alegazinoaren erantzun txostenean EH Bilduk aitatuten dauan lege hori okerrekoa ei dala adierazoten da.

Danon adostasunagaz, 8 botogaz, modifikazinoa onartu egiten da.