2018ko abenduaren 20ko ohiko plenoa

Bertaratuak: Eusebio Larrazabal Olabarri, Eider Ajuriagerra Arana, Felipe Agirrezabala Agirrezabala, Gurutzu Etxebarria Zuluaga, Zedarri Jauregi Manterola, Irati Urien Ortuzar, Arkaitz Estiballes Ormaetxea.

Idazkaria: Ana Mari Bengoetxea Lejarza.

1. Aurreko bilera agiriaren onarpena.

Onartuten ez direnak: urriaren16koa eta azaroaren 27koa.

Urriaren 25ekoa agindu barik dagoenez ezin izan jako errepasorik egin, horregaitik, hurrengorako geldituten da.

2. Jubilatu elkarteagaz hitzarmenaren errebisinoaren azterketa.

Alkareak hitzarmena azalduten dau. EH Bilduk galdera puntual batzuk egiten ditu: 

- BIGARRENA: Gorbeia Jubilatu Elkarteak euren estatutoakaz bat datozen jarduerak garatu ahal izango ditu lokal hauetan. Beste edozein erabilera udalak baimendu beharko dau. → Puntu honen azken esaldia dala eta, EH Bilduk ez dau ulertuten zer dala eta aipatuten dan, Jubilatuen Elkarteko lokalean Udalak baimenak emon beharra.

- ZAZPIGARRENA: ... Udalak erabakiko baleu, Gorbeia Jubilatu Elkartearen gaur egungo lokalen tokia aldatzea, lokal barrietan elkartearen eskubideak errespetatuko litikez. → EH Bilduk galdetuten dau hori ipinteko ia aldaketa hori aurreikusten daben.

- ZORTZIGARRENA: Udalak bermatuko dau lokalaren erabilera egokia. → EH Bilduk galdetuten dau ia zer dan “erabilera egokia” eta zelan bermatuko dan hori.

- BEDERATZIGARRENA: Udalak ordezkari bat izendatu ahal dau, Gorbeia Jubilatu Elkartearen zuzendaritzan, euren bileratan parte hartzeko, ahotsagaz baina boto barik. → EH Bilduk ordezkaritza honeri ez deutso zentzunik topetan. Alkatea ados dago eta puntu hau kendu egiten da hitzarmenetik.

Amaituteko, EH Bilduk dino errenteari buruz aipamenik ez dagoala hitzarmen honetan eta aurrekoan egon dala. Erantzuten jako errentearen kontua elkarteak berak tabernea daroanagaz sinatutako hitzarmena dala, eta ez Udalagaz. Horretara EH Bilduk dinotso zelan justifikau hitzarmen barri honetan agertzea udalak bere gain hartuko dauzela konponketak.

Alkateak dino Jubilatuen elkarteari erakutsiko deutsiela eta behin eurekaz berba eginda barriro be plenora ekarriko dala. Danak ados agertuten dira. Puntua amaitu orduko EH Bilduk eskatuten dau Jubilatuen Elkartekoari hitzarmena erakutsi orduko idazterakoan egiten diren akatsak zuzenduteko.

3. 2017ko Kontu Orokorraren onarpena.

Idazkariak EH Bilduk aurkeztu ebezan alegazinoari erantzunez txosten bat banatuten dau plenoan bertan eta azalpenak emoten ditu bertatik.

Botazinora joanda, 2017ko Kontu Orokorra onartu egiten da EAJren aldeko 4 botogaz. EH Bilduk kontra botetan dau, hiru botogaz.

4. Ganguren Mendi Taldeak erabiltzen dauan errefugioaren lurren trukaketaren azterketa.

Alkateak dino Gangureneakoak errefugioa erosi gure dabela, baina saltzeak tramite itzelak suposatuko leukezala; eta zesinoari jagokonean 20 urterako zesinoa bakarrik egin leikela gehienez, “bien patrimonial” dalako eta ez “bien de dominio público”. Hori dala eta, alkateak dino Gangurenekoari esango jakiena horixe dala, gura badabe 20 urte gehiagorako zediduko jakiela baina saldu ez.

EH Bilduk ondo ikusten dau proposamena eta barriro be esaten dau bere ustez herriko patrimonioa ez dala saldu behar.

5. Koikili Bengoetxea, Iratxe Bengoetxea eta Aintzane Bengoetxeagaz Altzusta auzuneko sarbideak hobetzeko konbenioaren azterketa.

Alkateak azalduten dau zelan Altzusteko Eskinakoetxeren aurrez aurre dagoan lur zati bat erabili behar dala, modu horretan Altzustatik Barazarrerantza urtetea legezkoa izan daiten; lur zati hori Bengoetxeatarrena danez eta honeek han deukien baserriari kalte egingo deutsonez, konbenio honen bidez aukera emongo jakiela beste aldean etxea egiteko.

EH Bilduk dino hitzarmenean argi gelditu behar dala behin parzela barrian etxea egin ahal izateagaz batera oraingoan eraikitzeko eskubidea galduko dala. Alkatea ados agertuten da, holan dala esanez eta horregaitik hitzarmenean argi gelditutea gura dau.

6. Erregu eta galderak.

EH Bilduk dino:

- Albakoako etxea dala eta urtea pasau dala lurra jausi zanetik eta egoereak bardin segiduten dauala. Alkateka dino egia dala, hormea herriak egin behar dauala eta horretarako bi aukera dagozala: “escollera” eitea, eta modu honetan parzelea afektauko litekela; eta, bestea, horma zuzena egitea. Jarraituten dau alkateak esanez kostua handia izango dala.

- Bi espilu ipintea porposatuten dau EH Bilduk: bata, Igertualdetik San Isidro aurreko urteeran; bestea, Errekaurritik Eleizondorako kurba horretan.

- Eskolan kotxeakaz sortuten dan nahaste borrastea dala eta urteera bat emon behar jakola dino EH Bilduk.

- Igertualdeko obrak direla eta segurtasun neurriak ez direla zehatzegi betetan, izan be, aurreko baten haizeagaz “ballak” beheko kaminora jausita egon zirela, besteak beste.

- Herrian egon diran pintadak (Zuleibar, Olabarri eta Udal bulegokoak) direla eta, EH Bilduk galdetuten dau ia holango beharrak egiteko ze enpresari geituten jakon, beti bardina izaten dan, eta zegaitik tardau dan horrenbeste denpora kenduten, egun batetik bestera egin beharrean, beste batzutan egin dan moduan. Alkateak dino batzutan Santurtziko bateri deituten jakola, baina oraingoan ezin izan dabela etorri eta Lasartekoari deitu jakiela baina behar askogaz ibili dirala eta horregaitik tardau dabela.

- Herrian katuen presentzia dala eta ia zer pasetan dan. Alkateak azalduten dau neurri batzuk hartuten dirala baina baten batek ez dauala lagunduten neurri horrik ondo urten daitezan (kaiolak desagertuten dire...), jarraituten dau alkateak esanez esterilizau egiten direla baina barriro ekarri behar direla eta auzuneetan be izten direla. EH Bilduk ez dau ekintza hori ulertuten eta dino beste gauza batzutarako ez direla auzoakaz akordetan baina katuak soltetako bai.

- Alkateak dino uren tuboak kanbietea hasita dauela, hain zuzen be Oruen hasita dagoela.

Plenoa amaitu aurretik herritar batek berbea eskatuten dau. Hasarre adierazten jako alkateari, emoneko berbea betetan ez dauan personea dala esanez, lotsarik ez deukona eta hasarrearen zergaitia azalduten dau. Kontetan dau orain dala hiru aste telefonoz deitu eutsola eta ez ebala erantzunik jaso, eta hurrengo astean, beste horrenbeste. Hori dala eta, herritarrak dino ulertu leikela momentuan okupauta egotea edo hartu ezin izana baina ez dauela ondo ikusten geroagoan beragaz kontaktuan ipini ez izana; eta bigarrenik, deitu izanaren arrazoia azalduten dau, 20 urte inguru daroazala etxerako bidea eiteari etxoten, beti esaten deutsola egingo dala baina bardin jarraituten dauala eta adibidez urte honetan eginda egongo zala esan eutsola baina abendua amaitutear dagoala eta suposatuten dauala honezkero ez deutsiela egingo.

Alkateari ez jakoz herritarraren hasierako berbak gustetan eta hasarratu egiten da bera be. Adierazoten dau alkateak egia dala obra hau abenduan egitekoa zala baina dino atzeratu egin behar izan dala urtarrilera arte. Halan da be, orain, entzun dauzan adierazpenakaz herritar honeri ez jakola urtarrilean be egingo, beste batzuk egingo direla berea baino lehenago.

Herritarra sinistu ezinda geldituten da alkatearen ebazpenagaz eta eztabaida luzatu egiten da. EH Bilduk hartzen dau berbea orduan eta dino ulertuten dauala herritarra hasarre egotea horrenbeste urte eta promesaren ostean, eta ulertu leikela be bai alkateari berbak ez gusteta zein obrak atzeratu behar izatea dana dalakoagaitik; baina ez dauala ondo ikusten batetik herritar bateri telefono deiak ez bueltetea, herritar danen deiari egin behar deutsolako kasu alkateak, eta ezin dala onartu benganza lez hartu dauan erabakia.

Alkateak dino esan dauana egingo dala, ez jakola urtarrilean egingo.